皇后冰室

營業中

休息中

觀塘工廈一向都多隱世餐廳，不過好多都係午市，一到夜晚就唔開，近排知道皇后冰室竟然開埋晚市！由酒店星級廚師坐鎮，質素高價錢又親民，而家仲有埋$58雞翼放題，即刻約朋友一齊去食😎⭐️酥皮羅宋湯 $28即叫即焗，酥皮未食都聞到香噴噴！食落好鬆脆，羅宋湯牛味好濃而且唔會過酸，仲要相當足料！⭐️法式香燒羊架薯菜野菌汁配紅豆冰 $177呢個價錢嚟講有咁嘅份量真係超值！羊肉肉質好嫩仲要勁juicy！加埋野菌汁食味道層次更豐富，薯角熱辣辣之餘仲係外脆內軟～⭐️威靈頓牛柳意粉野菌汁配凍咖啡 $171冇諗到冰室會有威靈頓牛柳食，火喉掌握得宜，牛柳肉味好濃郁，同樣加埋野菌汁一齊食會更加分！⭐️雞翼放題分別有老香港滷水、新奧爾良同黑椒蜜糖味道選擇，只需要點任何一個晚餐加$58就可以食到！雞皮彈牙肉質嫩滑，幾款都好好食！私心最鍾意黑椒蜜糖，甜甜地好惹味😋值得一提呢到嘅甜品都係好高水準，招牌自家製芒果布甸配火焰雪山$58同埋芝士咖啡蛋糕$38，兩款都好滿足！芒果布甸果肉滿滿勁足料，火焰雪山鬆軟甜度剛剛好！芝士咖啡蛋糕夠creamy帶酒香👍🏻同員工傾開計仲知道可以包場，另外仲有房可以唱K🎤添～收費方面唱K房$3000起，包

喺觀塘搞完活動，朋友極力推薦去工廈隱世冰室「皇后冰室」醫肚，話呢度晚市有$58雞翼放題同高質港式料理，果然冇介紹錯！環境寬敞帶有懷舊感，仲有獨立包房可以唱K，啱晒一班人食完飯繼續玩～ 🌟雞翼放題狂熱*🍗🔥 加$58即可任食「香港滷水雞翼、新奧爾良燒雞翼、黑椒蜜糖雞翼」三款口味，每次最多點9隻，可以無限追加！ - 滷水雞翼：滷汁甘香入味，雞翼皮滑肉- 新奧爾良燒雞翼：微辣帶煙燻香，肉汁鎖得實一實，食落似美式BBQ風味。 - 黑椒蜜糖雞翼：黑椒辛香撞蜜糖甜，惹味得嚟唔嗆喉！ 🌟招牌焗豬扒飯×懷舊紅豆冰🍛🧊 - 意大利芝士焗鮮茄豬扒：面頭鋪滿拉絲馬蘇里拉芝士，豬扒醃到入味帶蒜香，珍珠飯配上鮮茄醬汁，酸甜開胃。- 紅豆冰：懷舊指數爆燈！紅豆煮到起沙但保留粒粒口感，奶香濃郁，甜度啱啱好。 🌟甜品雙重奏🍮🔥 - 招牌自家製芒果布甸：布甸滑溜到入口，塞滿大粒新鮮芒果肉，加埋花奶更香濃，食完想encore！ - 火焰雪山：蛋白霜即場炙燒，外層焦脆帶焦糖香，冰火交融超有驚喜！

原條蒲田燒鰻魚蛋包飯真係一絕，鰻魚鮮嫩多汁，配埋香滑嘅蛋包飯，口感豐富得嚟又有層次😍😍羅宋湯味道濃郁，湯底充滿蔬菜嘅鮮甜，好似飲緊一碗暖心湯咁😇😇芒果布甸甜而不膩，食落好多芒果肉😚😚😚熱西洋菜蜜係一款清爽嘅飲品，西洋菜嘅清香同蜂蜜嘅甜味完美結合，飲完令人精神一振👍🏻👍🏻煙肉蘑菇炒意粉配芝士忌廉汁係一道西式主菜，意粉煮得啱啱好，煙肉同蘑菇嘅搭配真係好味，芝士忌廉汁更加係畫龍點睛🤭🤭🤭老香港瑞士雞翼係懷舊風味嘅代表，雞翼醬汁濃郁，肉質嫩滑，食完真係回味無窮😋😋😋最後，紅豆冰一定必叫，紅豆香甜，冰涼爽口

之前係觀塘返工，做咗全職媽媽後，好耐冇踏足過觀塘啦，原來依家變化好大，多咗好多餐廳🍴。約埋舊同事黎咗觀塘一齊食嘢，第一次黎呢間冰室，叫咗兩個lunch set、一個tea set，都幾抵食呀👍🏻 餐廳由酒店星級廚師坐鎮 ，特別係甜品好有驚喜😍💕Lunch set包咗主食➕餐湯➕飲品🥤，原條蒲田燒鰻魚蛋包飯🍚灑上少量木魚碎係鰻魚上，原條鰻魚煎香，淋上鰻魚汁，配埋蛋包飯一齊食，送飯唔錯。餐湯：羅宋湯🍲黎冰室點少得羅宋湯呢，酸酸地好開胃，味道偏濃嘅。即磨薯蓉焗法國田螺超抵食，跟set加$12蚊，就可以食到田螺，焗完熱辣辣上碟，趁熱食，薯蓉creamy夾埋田螺爽口口感，上碟時仲附送埋番茄醬，沾少少番茄醬又唔同味。紅豆冰🥤紅豆冰飲出黎係一種情懷，落單時mark咗多奶，攪勻後再飲，奶味同紅豆融合一齊，香滑嘅味道，總係令人諗起細個同屋企人去冰室飲嘅紅豆冰🥤美國費城烤西冷配野菌配薯菜🐮西冷塊扒都幾大塊，軟腍易切，沾少少黑椒汁黎食，入口啖啖肉，冇咩筋位，呢個價錢食到咁大塊扒超值。
招牌自家製芒果布甸🍮芒果味突出，布甸滑捋捋嘅口感，奶味好香好滑，跟餐加$12蚊食到咁好味嘅甜品，真係好平呀！咸檸檬七喜🥤夏天

聽到皇后冰室個名，本身以為係普通茶餐廳，點知原來佢有星級大廚坐陣，播住輕鬆音樂，地方簡單但好舒服，無論一個人食定同班friend聚會都好掂！❃ 雞翼放題係必叫！任食老香港滷水雞翼、新奧爾良燒雞翼同黑椒蜜糖雞翼，款款都係星級手藝！食到停唔落口！❃ 醬燒朱仔骨配黑醋燒汁一上枱香氣撲鼻！朱仔骨慢煮到肉質軟嫩，醬汁濃郁帶甜，黑醋燒汁酸香開胃，食落啖啖肉好正！❃ 香煎鵝肝澳洲穀飼西冷係星級之作！鵝肝煎到外脆內滑，入口爆香，西冷肉質好嫩，肉味濃郁，食完真有酒店感！❃ 酥皮羅宋湯已經唔多地方有得食酥皮羅宋湯！酥皮金黃脆口，湯底濃郁酸甜，蔬菜同牛肉燉到軟腍，暖胃又滿足，慢啜一啖好有幸福感！❃ 晚市必點嘅火焰雪山芒果布甸係生日甜品嘅焦點！芒果布甸軟滑香甜，勁多芒果！火焰雪山fluffy甜度啱好，好滿足！生日聚會點呢個真係無得輸！❃皇后冰室仲有唱K房同包場服務（唱K房$3000起，包場$6000起，$300@1位包湯、主菜、飲品），下次生日同朋友聚會好有氣氛！

老公生日同佢去了觀塘工廈的「皇后冰室」。聽朋友介紹呢度有星級酒店廚師坐鎮，但價錢好親民～餐廳裝修乾淨整潔。有獨立房間可以包場唱K，適合一班朋友聚會。 ⭐香煎鵝肝澳洲穀飼西冷⭐鵝肝煎得香脆。五成熟的西冷肉質嫩滑，搭配野菌汁很惹味。薯角炸得香脆可口。⭐黑松露香菇大蝦忌廉意粉⭐黑松露味道很突出，忌廉汁不會太膩，大蝦爽口彈牙，整體很滿意。 ⭐雞翼放題⭐加$58可以任食雞翼，每次最多點9隻，有滷水、新奧爾良和黑椒蜜糖三種口味。我們試了全部，最喜歡滷水雞翼，入味又不死鹹，忍不住encore了兩輪。 ⭐生日甜品⭐餐廳推薦了一款甜品來慶祝生日🎂就係火焰雪山和自家製芒果布甸。雪山蛋白霜外脆內軟，好好味。芒果布甸很足料，能吃出新鮮芒果的香甜，不會太甜膩。 ⭐飲品⭐咸檸七喜酸甜適中，很開胃。紅豆冰的紅豆煮得軟爛，甜度剛好，懷舊風味十足。📍皇后冰室觀塘巧明街114號迅達工業大廈2樓B室

👍超方便呀~觀塘地鐵站B2出口行6-8分鐘就到環境都好舒適，座位間隔大，就算坐滿人都唔會覺得太迫，坐得好舒服👍另外仲可以包場唱K牆上仲有🇭🇰香港書法紋身達人嘅繪畫作品，Chiikawa好可愛😍😍📱仲可以手機落單，啱晒ℹ️人🌟餐廳由酒店星級廚師坐鎮🌟食物高質有保証😍😍我就點咗個午市套餐$6️⃣9️⃣👉包主食➕餐湯➕熱飲主食可以選配飯/意粉🍚🍝另外仲可以用優惠價$1️⃣2️⃣起加配小食/甜品 (有薯角/法國田螺/瑞士雞翼/是日甜品)🔻食評時間🔻🍴煙肉蘑菇炒意粉配芝士忌廉汁意粉🍝🧀食落啖啖都有芝士味👍👉醬汁係卡邦尼，味道夠濃同好Creamy~同彈牙既意粉好夾而且煙肉蘑菇嘅份量都算多，有咬口得嚟又唔會太鹹😋😋🍴即磨薯蓉焗法國田螺🍴♨️即叫即焗~上枱熱辣辣♨️賣相無得輸😆完全唔似冰室會出現既質素即磨薯蓉食落好綿滑~好濃味~仲有淡淡蒜蓉味😋而主角田螺都焗得啱啱好~而且食得出好新鮮好Juicy👍🌃18:00-20:00 仲有雞翼放題😍👍任食3種口味(滷水雞翼+新奧爾良燒雞翼+黑椒蜜糖雞翼)

勁難食嘅午餐，今日一個人食，行過有人派傳單就上咗去。點咗美國費城烤西冷配野菌燒汁，白湯，熱檸茶 $89手機落單，有得揀要幾熟，咁就求其揀七成熟，同埋轉黑椒汁點知塊扒上到嚟係全熟，個汁仲要酸酸地，又冇黑椒味。咁就問吓個侍應，話俾佢聽個汁怪怪地唔似黑椒汁，跟住佢拎返入廚房，好快就再拎返出嚟，然後同我講，個汁冇問題係咁嘅，你要黑椒汁，所以將燒汁加啲黑椒落去，就係黑椒汁啦。其實你一係就唔好俾我轉，咁求其，係咁易加幾粒黑椒粒，就當黑椒汁，其實仲衰囉。呢間嘢以後都唔會再去食！

今日去住觀塘朋友屋企攻打四方城，佢推介呢間開喺工廈內既皇后冰室，我哋買左4客下午茶餐外賣，平均$50有齊主菜及飲品，而且仲有好多選擇，真心平靚正。磨菇汁焗魚柳配珍珠飯：魚柳厚肉無雪藏味，沾滿磨菇汁，啱啱焗起，充滿芝士香氣，珍珠飯底焦香好味，粒粒分明。脆烤香草雞扒伴野菌燒汁意粉：塊雞扒成個外賣盒咁大，醃得好入味，煎到金黃色，再與意粉一齊炒，配上惹味燒汁，味道一流。香煎自家漢堡扒配黑椒汁珍珠飯：自家製漢堡扒，純手工製作，肉質嫩滑，入口相當juicy，黑椒汁調配得宜，倍添美味。意式肉醬焗意粉：意粉煮得軟硬適中，每條都掛滿蕃茄醬汁，肉醬同芝士份量都好多，加上香草，口感非常豐富。總結，茶記質素，食材卻絕不馬虎，製作用心，物超所值。

呢間餐廳出名性價比高，估唔到有下午茶嘅鐵板餐！餐廳環境好寬敞，而且星期六5:00嚟可以慢慢坐### 鐵板紐西蘭西冷配洋蔥圈這道菜色香味俱全，嫩滑的西冷牛排在鐵板上滋滋作響，肉質鮮嫩多汁，搭配香甜的洋蔥圈，口感層次分明!醬汁都幾濃味但係好彩返到屋企都唔口渴證明身材實料!而且三成熟，即係三成熟！完全做到客人的要求### 皇后冰室雜錦鐵板（豬扒、雞扒、火腿腸仔）這道雜錦鐵板滿足晒三心兩意嘅我哋，豬扒和雞扒外焦內嫩，份量超級大！火腿腸仔則多了些煙燻香氣，配上濃味嘅蒜蓉港式醬汁，讓每一口都充滿驚喜。### 咸檸檬七喜這款飲品清新爽口，咸檸檬的酸甜與七喜的氣泡相互交融💖💖💖### 凍奶茶凍奶茶口感醇厚，茶香四溢，配以濃郁的奶香，冰涼的口感讓人倍感舒適！

今日去到觀塘嘅工幢大廈裏面是一間好有特色嘅冰室，真係好好食呀，質素好高，睇得出無論食材同埋處理嘅方法都好用心，睇得出廚師好有心機呀，而且環境好舒服，好有空間感，同朋友食飯同屋企人食飯都好舒服啊，而且有獨立廁所，真係唔錯啊，而且價錢經濟實惠，好親民㗎，而且每碟嘅份量都好大大碟，真係好抵食呀，真係好啱一家大細，情侶或者係附近做嘢嘅人士嚟食呀，我真係好推介佢哋嘅焗豬扒飯，因為佢哋嘅焗豬扒飯即叫即整，好多材料，好食，而且我仲有叫咗個美國費城烤西冷配燒汁配薯菜，個牛扒真係好入味，而且佢哋仲有餐湯，羅宋湯忌廉湯，味道適中，唔會泰龍，而且有好多配菜，有肉粒，有菜，好開胃，食得好舒服啊，而且一個西冷扒，肉質鮮嫩，而且份量大啲，真係好正呀，而且佢哋仲有一個招牌自家製芒果布甸，都係$12咋，真係好好食

今日同朋友傾開，觀塘呢間皇后冰室cp值勁高，好食又平民化，所以二話不說就去食下先。一行到入去就見到有幅好大好靚既粉筆畫，果然係好用心既設計。但最諗唔到既係佢地既下午茶竟然有咁多選擇。 佢並唔係一般茶記既普通常餐下午茶，而真係高質有扒有蛋包飯，真幾正。我地叫左三文魚蜆肉忌廉汁天使麵，好香忌廉味，凍左都唔會膩，而且三文魚同蜆肉好夾。 西西里雞扒蛋包飯，做得賣相好靚，珍珠米都好滑，每一啖都好豐富。 雞扒大件又夠稔，同個醬汁又夾，搞到忍唔住真係要食晒。 然後最正係鐵板紐西蘭西冷配洋蔥圈，西冷扒質好稔又厚，亦有扒香，唔似出面既咁薄，仲要配埋好好味既炸洋蔥圈，超高質。而佢既餐湯都好飲，咖啡都好出色，同咸檸7都好正，冇諗過會有咁大粒咸檸。 所以真係好有誠意，好值得一去再去既冰室。

喺觀塘想搵位晏晝食飯太困難下午茶時間人比較少,就可以好好地坐低 享受一餐門口先睇餐牌見到ok就入加12蚊可以要芒果布甸、雞翼、 田螺、 薯角朋友話好抵所以就加咗一份雞翼睇個色都知道雞翼夠入味朋友揀咗馬來咖哩香酥豬扒略嫌唔係好夠汁朋友話個豬扒勁好食,因為唔係炸過嗰種,冇一層粉漿, 覺得冇咁肥膩好啱好味， 豬扒唔會死實實, 咖哩有少少椰香味,覺得非常好下飯我就一見到牛扒就叫咗份美國費城西冷配意粉覺得係超驚喜,因為牛扒勁大塊,成個盒咁大塊另外牛扒唔係醃得好勁嗰種,食落有牛肉嘅香味, 同埋牛扒好厚身，有肉汁 野菌燒汁唔會太過鹹， 配埋意粉又唔會太腍， 又可以掛到汁最後覺得下午茶點都一定有佢返塊西多就叫一份嚟試下， 西多配咗朱古力醬冇平時糖漿咁甜另外西多細細件咁樣， 每面都炸得好香口餐廳入面仲有一啲好懷舊嘅裝飾， 覺得好特別今次冇食到芒果布甸整體覺得可以午餐再嚟食過

以前仲喺沙田區做嘢嘅時候，放飯好鍾意佢一間叫做大壹冰室嘅茶記， 但成日放飯時候都人山人海， 唔係咁易一個鐘頭內排到入去同埋食完💦 所以次次入到去食都好開心😂😂😂估唔到今日搵新餐廳試，會見返依份令人懷念嘅餐牌！！👉🏻蘇格蘭煙三文魚蜆肉刁草忌廉汁炒天使麵好creamy 仲好似有芝士味 👍🏻加埋煙三文魚同香草味嘅天使麵 🎠就係啲個味道啦🎠👉🏻 熱奶荼👉🏻老香港 瑞士雞翼另外見到佢下午茶時段仲有鐵板餐 下次如果好肚餓都要試下先🎠🎠🎠入面都裝修得好靚呀啱哂打卡或者 同朋友吹水聚舊🎠🎠🎠

臨近年尾放假同同事一齊買食物返公司歡送下。我就揀咗呢間皇後冰室之前食過覺得食物有質素。呢到嘅午餐都好實惠，包咗餐湯同甜品。我就點左以下幾款食物：香煎自家漢堡扒呢個漢堡扒真係好味道，肉質食落夠嫩juicy，唔會鞋口，自家製比出面買嘅食到嘅更有口感，好味道！而且佢午餐份量都好多，有成三大塊又夠厚，啖啖肉好滋味。煙肉蘑菇炒意粉配芝士忌廉汁經典又好味，意粉（唔會太淋，岩岩好）掛滿creamy香濃芝士忌廉汁，加埋炒香左嘅煙肉蘑菇，香口好味道。係西餐廳嘅水平。香煎魚柳伴蘑菇忌廉汁魚柳份量好多亦好食，煎香後配搭蘑菇忌廉汁，惹味又夠香！呢度嘅午餐仲有得揀配飯，意粉，薯菜，可以選擇岩自己口味嘅組合！佢嘅餐湯都唔馬虎，羅宋湯味道非常濃郁，又多材料；南瓜湯夠creamy細滑，味道亦濃。牆身滿滿都係店主嘅介紹，食後都發現食物係用心之作，之後要多d試下！