皇后冰室

營業中

休息中

今日啱啱做完Facial諗住睇吓觀塘附近有冇啲樓上嘅餐廳食個靚lunch 就諗起舊同事介紹呢一間位於觀塘嘅迅達工業大廈嘅一間叫做皇后冰室。除咗有一般嘅午市套餐之外，仲可以加配一啲唔同嘅小食。價錢亦都非常之合理實惠。餐廳佢嘅裝修係以田園清新風格為主而座位之間相隔都有一段距離，所以坐得好舒服今日我就叫咗西冷牛扒配野菌燒汁飯，除咗飯之外仲可以揀菜同埋意粉而呢個套餐亦都包括咗忌廉湯或者羅宋湯仲有一杯嘢飲，所以性價比都高西班扒超級大塊熱上枱嘅時候非常之香！牛肉味好重，而且亦都唔會過熟，仲有少少生做得非常好而羅宋湯亦都非常之足料飲落去好香濃嘅蕃茄味。而我亦都加配咗個焗田螺同埋芒果布甸兩款小食都做得唔錯，特別係芒果布甸裏便真係好多芒果果肉超正！