皇后冰室

同朋友行觀塘，知道有間午市人氣冰室！無論扒定係意粉都好有水準，性價比極高！諗都唔使諗就決定去！😋餐廳環境寬敞，裝修好有懷舊feel，牆上面掛住啲老相同海報，無論影相打卡定係靜靜地傾嚇偈都非常適合！🥂• 🐮美國費城烤西冷野菌燒汁配意粉 ($92)西冷牛扒分量好足，外面帶焦香內裏肉質嫩滑，切開嗰陣仲有肉汁流出嚟。野菌燒汁好香濃，撈埋意粉一齊食，簡直係絕配！• 🌊香煎魚柳伴磨菇忌廉汁配薯菜 ($74)魚柳煎得金黃香脆，入面啲肉仲好滑，完全冇腥味。磨菇忌廉汁好creamy，配埋旁邊嘅薯角同配菜，好正！• 🌟酥皮羅宋湯 (加配 $28)酥皮烤到卜卜脆，敲開嗰下，個湯嘅香味即刻出曬嚟！味道酸酸甜甜好開胃，料又多，將酥皮浸落湯度，最高享受！• 🍗單骨雞翼 (8隻 $58)雞翼炸得好脆，肉又多汁，調味啱啱好，配埋飲品一流！• 🔥炸魚手指 (6條 $48)魚肉好厚實，外皮好脆，點埋茄汁，簡單又好食。• 🍰芝士咖啡蛋糕 & 紐約芝士蛋糕 ($38/件)兩款蛋糕都好出色！芝士咖啡蛋糕有淡淡咖啡香，口感順滑；經典嘅紐約芝士蛋糕就芝士味好濃，酸甜岩岩好，食完一啲都唔滯。皇后冰室嘅嘢食質素好高，性價比又夠高。鍾意懷舊風，又想食啲好味嘅西式簡餐同甜品，絕對係觀塘一個唔錯嘅選擇！👍🏼…查看更多

放大假出觀塘搵舊同事，同事想食高檔茶餐廳，但係又要坐得舒服，呢個要求實在有啲難搞。咁啱搵到呢一間上樓舖，可以避開地舖食飯嘅人。不過上到嚟嘅時候其實都爆爆地。好彩原來佢裏面仲有房，不過坐咗落去一陣都已經full house。雖然唔係茶餐廳，但係舊同事都覺得都幾舒服。忌廉湯幾杰身有質感。紅豆冰就比較甜，但係個豆就煮得好冧身。天氣凍就係想食焗飯，咁就叫咗個咖喱雞扒焗飯，芝士拉絲效果唔錯，雞扒亦都夠厚身，食落去亦冇雞嘅腥味。不過個咖喱汁就偏鹹咗少少，如果可以減鹽再辣番少少就完美。食完個焗飯再返侍應跟一跟應該係個餐前小食，個薯蓉田螺都唔錯，但係食完個焗飯已經飽在大半。舊同事都係俾咗塊漢堡我試，還叫咗個芝士餅，都試咗少少。漢堡扒有少少似植物肉，而個芝士餅落咗檸檬相當清新。完全回想起以前讀書嘅時候整第一個芝士餅嘅感覺。…查看更多

好耐冇去過懷舊港式冰室~原來觀塘開咗間！馬來咖哩焗雞球意粉南洋風情的咖哩，香料味重，配上意粉焗製更惹味烤西冷黑椒汁薯菜口感緊實有嚼勁，點了7成熟，品嚐到豐富的牛肉香氣之餘，黑椒的微辛亦加分不少黑椒雜錦肉眼扒 有雞扒、豬扒，香草肉腸，肉質唔會韌，調味亦唔會太重手，點了跟薯菜，炸薯角份量仲好多呀！小食類點了烤魚手指同炸雞柳條跟餐可加購其他飲品，今次試左紅豆冰同凍黑咖啡菜式及口味都非常地道，滿滿懷舊港餐情懷！而且位於工廠區，性價比非常高呀~…查看更多

最近同老公去咗觀塘巧明街嘅皇后冰室撐枱腳！🍴 佢哋唔止係冰室咁簡單，一入到去，感覺更似一間好有水準嘅港式扒房，氣氛幾好！🌟我哋今次主要試咗佢哋嘅主菜同甜品。首先嚟咗個酥皮羅宋湯，個酥皮焗到金黃鬆脆，羅宋湯味道酸甜開胃，飲落暖笠笠，係經典嘅味道。跟住就係主菜，我哋揀咗醬燒豬仔骨配黑醋燒汁，豬仔骨燒到入味，肉質軟腍，配埋黑醋汁，酸甜中帶點惹味，食落好滋味。🥩另一份主菜係威靈頓牛柳配野菌汁，呢個真係好考功夫㗎！牛柳包住酥皮焗到金黃，牛柳肉質嫩滑，配搭香濃嘅野菌汁，味道好有層次感，係一個幾有驚喜嘅菜式。餐飲方面，我哋要咗杯咖啡同埋杏仁奶露，咖啡香醇，杏仁奶露清甜滑溜，做餐飲都好出色。☕最正嘅係，佢哋主食仲可以加購$38就有雞翼放題！🐓 有齊老香港滷水雞翼、新奧爾良燒雞翼、黑椒蜜糖雞翼，三種口味任你食！雞翼控嚟到真係會失控㗎！呢個優惠真係抵到震，好啱一班朋友嚟食住傾計慢慢嘆。甜品當然要試佢哋嘅招牌！招牌自家製芒果布甸火焰雪山🥭，呢個賣相真係好吸睛！芒果布甸滑溜，配埋雪糕同朱古力醬，最特別係有火焰效果，睇得又食得，好有儀式感！😋 另外仲點咗份咖啡蛋糕，蛋糕口感鬆軟，咖啡味香濃，係個唔錯嘅餐後甜點。聽講皇后冰室嘅菜式都係由酒店星級廚師坐鎮㗎，難怪啲嘢食咁有水準，味道同賣相都做到好好。佢哋位置喺觀塘，交通都幾方便，港鐵站行過去都唔遠。值得一提嘅係，呢間冰室仲可以包場，有房可以唱K添🎤！如果想搞私人派對，唱K房3000起，包全場6000起，而每位收費$300就已經包晒湯、主菜同飲品，呢個價錢真係好吸引㗎！想搞搞新意思嘅聚會，都可以考慮下呢度呀！…查看更多


喺觀塘收工，一向很喜歡幫襯冰室或茶餐廳，最近同朋友試咗「皇后冰室」，真是一個驚喜發現！😍 每人叫一個煮食加$38 就可品嚐雞翼放題，除了放題食物亦不乏懷舊和手工菜。冰室環境懷舊又寬敞，仲有包房可以唱K，啱晒一班人聚會！🔥 雞翼放題狂熱
$38任食三款雞翼：滷水、新奧爾良燒、黑椒蜜糖，每次最多9隻，無限追加！
🍗 滷水雞翼：滷汁入味，皮滑肉嫩
🍗 新奧爾良燒雞翼：微辣煙燻香，口感香脆
🍗 黑椒蜜糖雞翼：黑椒撞蜜糖，外皮微脆內裏充滿肉汁🍴 招牌推介
🍖 威靈頓牛扒：充滿牛油香的酥皮，切開是厚厚的牛扒生熟程度剛剛好，肉質豐腴顏色粉嫩。鐵板雜扒：當淋上醬汁即響起吱吱聲，童年回憶返來。酥皮湯：已經不是間間餐廳都找到，當酥皮沾上湯汁，帶點牛油香很懷念。
🍨 懷舊紅豆冰：紅豆起沙又粒粒分明，奶香濃郁，甜度啱啱好！🍮 甜品雙重奏
🥭 芒果布甸：滑溜布甸滿滿新鮮芒果，超香濃！記得要落多點花奶哦！
🔥 火焰雪山：炙燒蛋白霜焦脆，富空氣感！…查看更多

餐廳位於觀塘，距離地鐵站約3分鐘左右，十分方便和快捷。這家餐廳位於大廈內，但地點容易找尋。這家主打多國菜，一個地方就能品嘗不同地方的食物。忌廉湯，香滑奶白的湯品，入口細滑，還有滿滿的忌廉味道。鐵板紐西蘭西冷配薯菜，五成熟剛剛好，價錢合理大眾化，紐西蘭的牛肉口質也不錯，肉的纖維細緻，滿滿的肉汁在口中爆發，外層卻帶燒烤的風味。原條鰻魚蕃茄濃湯烏冬，原條鰻魚已經震撼了我的眼球，但最重要還是質素，入口魚肉厚實，明顯餐廳選用的食材，質量不錯。烏冬入口彈牙，吸收了濃郁的蕃茄湯汁，完美實現蕃茄大滿足的心。凍朱古力奶，朱古力和奶的比例剛好。招牌自家製芒果布甸，挑選新鮮芒果作為食材已經大讚，甜度適中。…查看更多

眾所周知星期六日觀塘夜晚真係冇野好食😌。今次整完眼睫毛竟然俾我見到呢間「皇后冰室」，仲係由酒店星級大廚主理🌟。平民價錢歎高質西餐😝，仲有超抵雞翼放題同K房包場添🎶。▪️ 法式香燒羊架配野菌汁 $161🐑雖然呢度叫冰室，但係絕對係西餐嘅質素🙂‍↕️。羊架燒得啱啱好👍🏻，肉質夠嫩～鍾意食羊嘅呢個價錢絕對推薦🤑！跟一杯飲品，凍飲仲唔使另外加錢添☕️。▪️ 香煎鵝肝澳洲穀飼西冷 $158🥩賣相麻麻，味道又唔差😛。鵝肝入口即溶✨ ，西冷唔會韌有牛味又夠juicy。呢度嘅熱朱古力🍫味道夠濃又唔會太甜，好啱我口味😋。▪️ 黑松露香菇大蝦忌廉意粉 $101🍝松露香爆燈💡！大蝦爽彈，忌廉汁掛滿每條意粉～果然都係要食啲澱粉先夠滿足😚。▪️ 雞翼放題 +$38任食3款口味🐓💥：老香港滷水雞翼、新奧爾良燒雞翼、黑椒蜜糖雞翼🐓！每次最多叫9隻，回本無難度😛～ ▪️ 招牌自家製芒果布甸雪山 $58🥭果然係招牌，整出嚟幾靚仔😝。唔使$60可以同時試到兩款甜品夠晒抵🤑，一齊share食啱啱好。✨ 包場party• 全場包場$6000起／K房$3000起🎤 • $300/位包湯＋主菜＋飲品，唱住K食西餐超爽～ …查看更多

觀塘呢間工廠區既平價冰室又幾抵喎，只要叫一個主食就可以+$38要個雞翼放題，可以任食香港滷水雞翼、新奧爾良燒雞翼、黑椒蜜糖雞翼3款雞翼🐥啲雞翼又大隻又入味，我最中意黑椒蜜糖味🍯櫻花蝦原條蒲燒鰻魚蛋包飯，櫻花蝦曬係原條鰻魚上面，再放係鋪滿蛋既飯上面再淋上鰻魚汁，全部野一齊食好夾～好juicy唔會好乾鵝肝澳洲穀飼西冷意粉，鵝肝都好大舊幾肥美，西冷整得岩岩好，唔會over cook，色澤好靚，好嫩好易咬😍脆炸辣雞條既炸粉好薄～辣辣地好惹味😋甜品叫左個火焰雪山及芒果布甸🗻 火焰雪山人既蛋白霜好綿滑又唔會好甜，芒果布甸好多芒果肉，入口都好滑，好好食🤤…查看更多

酒店星級廚師坐鎮 港式冰室1.櫻花蝦原條蒲田燒鰻魚蛋包飯 $98大量櫻花蝦放咗喺面，鰻魚睇落非常之肥美，鰻魚勁多汁，肉質彈牙，冇乜幼骨，蛋好漫，整體都好抵食。🌟評分：8/102.香煎鵝肝配澳洲穀飼西冷 $158估唔到呢個價錢牛排都會有咁大塊，鵝肝非常之香，油脂四溢，西冷肉質好腍，但係唔係用鬆肉粉處理過既腍，而且仲有少少肥膏，啖啖肉，仲要冇乜筋，側邊仲有啲薯蓉做配菜。🌟評分：8/103.雞翼放題 $58晚市只要加$58就可以任食香港滷水雞翼、新奧爾良燒雞翼、黑椒蜜糖雞翼，三款口味，每次最多點9隻，雞翼肉質鮮嫩，有肉汁，唔會好嚡，每一隻都煮得好入味，個人最鍾意係黑椒蜜糖雞翼。🌟評分：8/104.紐約芝士蛋糕 $38非常香芝士味，口感非常之軟滑，甜度啱啱好，好有homemade feel。🌟評分：8/105. 招牌自家製芒果布甸雪山 $58晚市必點嘅生日甜品！可以自行加花奶落個布甸到，芒果布甸入面夠多芒果肉，芒果果肉都好大粒，味道天然唔假，質感厚實又唔黏糊，甜度適中，可以加埋啲蛋白一齊食，會令到口感更加變滑，而且蛋白份量亦都好多，直接食都好好食。🌟評分：8.5/10呢加冰室都可以包場，仲有房可以唱K🎤 包場收費：唱K房🎤$3000起，包全場$6000起，$300@1位，包湯、主菜、飲品！🎖️整體評分🎖️❤️味道：8/10🧡環境：8/10💛服務：8/10💙性價比：8.5/10📍 皇后冰室 (觀塘)觀塘巧明街114號迅達工業大廈2樓B室…查看更多

聽講觀塘有一間冰室可以食雞翼放題，仲係星級廚師主理，今日同朋友一齊食晚餐芝士焗鮮茄豬扒飯即叫即焗，上枱熱辣辣，豬扒嘅肉質非常軟淋，老闆話係人手打出黎，茄汁味濃郁香煎鵝肝澳洲穀飼西冷配野菌汁西冷好大塊，肉質鮮嫩，口感多汁同鵝肝超夾🤤只要點左晚餐，就可以用限時 $38 食到雞翼放題 ！（每次最多可點9隻）有三種唔同晚味道可以任食： 老香港滷水雞翼新奧爾良燒雞翼 黑椒蜜糖雞翼甜品就叫左招牌自家製芒果布甸雪山，芒果布甸果肉夠多，火焰雪山質感輕盈呢到亦可以包場唱K

唱K房： $3000起
包全場：$6000起
（$300@1位，包湯、主菜、飲品）…查看更多

今日去了觀塘同朋友尋找工廠大廈美食食飯。🥣酥皮羅宋湯~湯底濃郁，酥皮香脆，材料豐富，口感層次分明。🐏法式香燒羊架配野菌汁~羊架鮮嫩，野菌汁增添風味，搭配完美。🐂香煎鵝肝澳洲穀飼西冷配野菌汁~鵝肝滑順，西冷肉質鮮嫩配醬汁極具風味。☕️熱杏仁奶露~香濃柔滑，杏仁香氣撲鼻，暖心又滋養。☕️熱好立克~濃郁可口，作為飲品十分受歡迎，帶來溫暖感。🍨招牌自家製芒果布&火焰雪山~頗多芒果肉又香又甜，口感清爽，甜品非常出色，甜左小小，不過都香甜可口，搭配火焰效果增添視覺震撼，十分吸引。🐥雞翼放題+$58老香港滷水雞翼~滷水入味，味道濃郁，口感滑嫩。新奧爾良燒雞翼~香料風味獨特，外脆內嫩，適合愛好重口味的人。黑椒蜜糖雞翼~黑椒香濃，蜜糖增添甜味，口感豐富，令人垂涎。…查看更多

【觀塘人必衝！皇后冰室$38雞翼放題回歸！酒店級主廚操刀＋三種爆款口味任食】🐔「原來$38真系可以食到酒店級雞翼放題？！觀塘打工仔私藏飯堂大公開！」最近被Threads同FB關注組瘋狂洗版嘅 #皇后冰室雞翼放題 終於加碼回歸！晚市惠顧任何主食，即刻用$38（原價$58）任食三大招牌雞翼，仲要系由前五星級酒店大廚主理，街坊價食到星級水準，連食客都大贊：「滷水雞翼入味到骨，黑椒蜜糖脆皮爆汁！」👏✨ 任食雞翼必試亮點✅ 無限任食3款口味：▪️ 老香港滷水雞翼（醬香超濃郁！）▪️ 新奧爾良燒雞翼（微辣惹味🔥）▪️ 黑椒蜜糖雞翼（甜脆黨必點！）✅主食1️⃣ 916威靈頓牛柳配野菌汁👉 酥皮脆包粉嫩牛柳 肉汁爆出 酒店級水準竟然平民價就食到～原條蒲燒鰻魚蛋包飯原條蒲燒鰻魚很長很厚肉，蛋滑到似梳乎釐！一啖飯一啖魚油香，層次感爆炸～🍮 甜品控尖叫位▪️ 芒果布甸藏滿大粒果肉🥭▪️ 火焰雪山超IGable📸 生日可打卡✅ 隱藏玩法：餐廳可包房唱K🎤人均$300包主菜+飲品，聚會直落無難度～…查看更多

呢間係我喺觀塘食嘢又食嘅高質冰室。901板燒黑椒極品牛柳粒配飯再配杯嘢飲都係$138鐵板上面有一大球白飯，牛肉配黑椒汁，仲有一堆蔬菜（紅蘿蔔、粟米、青花菜），全部放在熱騰騰的鐵板上，感覺超有港式茶餐廳風味。點餐+$38有雞翼放題（每次最多可點9隻）我點咗老香港滷水雞翼 X3，新奧爾良燒雞翼X3，黑椒蜜糖雞翼X3）招牌自家製芒果布甸雪山 $58一杯芒果布丁加一杯加了火烤蛋白霜的甜品，蛋白霜烤得金黃微焦，賣相超級夢幻。…查看更多

無限時好抵食呀‼️雞翼放題限時優惠$38/位只需要點任何一個晚餐即可加$38享用雞翼放題雞翼放題任食希三種口味🔺老香港滷水雞翼🔺新奧爾良燒雞翼🔺黑椒蜜糖雞翼我就最鍾意食黑椒蜜糖雞翼唔記得咗Encore左幾多隻🤭記住雞翼放題只限晚市供應除左雞翼抵食佢既主菜一樣甘出色😍🐮板燒黑椒極品牛柳粒用鐵板上熱辣辣上枱加上黑椒汁即時香氣撲鼻牛柳粒口感嫩滑仲有配菜薯角香口又惹味🤤🐟櫻花蝦原條莆田燒鰻魚蛋包飯嘩！鰻魚超吸睛🤩鰻魚非常肥美燒到外脆內軟滑蛋好嫩滑配上櫻花蝦大滿足招牌自家製芒果布甸雪山必食‼️$58兩樣甜品超抵食芒果布甸超多芒果肉加埋花奶係童年回憶呀😂聽講係老闆親手整架🤩火焰雪山即叫即焗軟綿綿入口即化口感好正😎…查看更多

叫咗個蕃茄焗豬扒飯-話係餐廳招牌，一打開就見到啲飯濕立立，完全冇焗飯應有嘅乾身同香口，塊豬扒更加離譜，咬落去完全冇味，仲有啲雪藏味，最誇張係個汁，話係蕃茄汁但似燒汁多啲， 份量吾算大份價錢又唔平, 雖然份量唔大，但我哋食咗一半就放棄因為真係好差🙂‍↔️ 個凍檸茶個茶底又澀 ， 我哋最後半杯都飲唔曬， 真係吾好浪費quota ! 質素連普通茶記都不如 😓 連招牌焗飯都可以做到意大利Risotto 咁嘅質素😒 個檸茶澀到你可以即時醒一醒呀💥 …查看更多