影片
港鐵觀塘站 B2 出口, 步行約5分鐘
繼續閱讀
電話號碼
31889697
營業時間
今日營業
11:00 - 21:30
星期一至六
11:00 - 21:30
星期日
全日休息
公眾假期
全日休息
以上資料只供參考, 請與餐廳確認詳情
有關獎賞計劃
酒店星級廚師坐鎮 港式冰室1.櫻花蝦原條蒲田燒鰻魚蛋包飯 $98大量櫻花蝦放咗喺面，鰻魚睇落非常之肥美，鰻魚勁多汁，肉質彈牙，冇乜幼骨，蛋好漫，整體都好抵食。🌟評分：8/102.香煎鵝肝配澳洲穀飼西冷 $158估唔到呢個價錢牛排都會有咁大塊，鵝肝非常之香，油脂四溢，西冷肉質好腍，但係唔係用鬆肉粉處理過既腍，而且仲有少少肥膏，啖啖肉，仲要冇乜筋，側邊仲有啲薯蓉做配菜。🌟評分：8/103.雞翼放題 $58晚市只要加$58就可以任食香港滷水雞翼、新奧爾良燒雞翼、黑椒蜜糖雞翼，三款口味，每次最多點9隻，雞翼肉質鮮嫩，有肉汁，唔會好嚡，每一隻都煮得好入味，個人最鍾意係黑椒蜜糖雞翼。🌟評分：8/104.紐約芝士蛋糕 $38非常香芝士味，口感非常之軟滑，甜度啱啱好，好有homemade feel。🌟評分：8/105. 招牌自家製芒果布甸雪山 $58晚市必點嘅生日甜品！可以自行加花奶落個布甸到，芒果布甸入面夠多芒果肉，芒果果肉都好大粒，味道天然唔假，質感厚實又唔黏糊，甜度適中，可以加埋啲蛋白一齊食，會令到口感更加變滑，而且蛋白份量亦都好多，直接食都好好食。🌟評分：8.5/10呢加冰室都可以包場，仲有房可以唱K🎤 包場收費：唱K房🎤$3000起，包全場$6000起，$300@1位，包湯、主菜、飲品！🎖️整體評分🎖️❤️味道：8/10🧡環境：8/10💛服務：8/10💙性價比：8.5/10📍 皇后冰室 (觀塘)觀塘巧明街114號迅達工業大廈2樓B室
繼續閱讀
放假懶洋洋，瞓到自然醒，同屋企人嚟觀塘行街街。「爆買」完畢，又係時間食晏，去咗工廈區呢間人氣冰室。裝修幾有特色，環境骨子企理，摩登之餘又不失懷舊感。點咗 2 個午市套餐，包主食、餐湯及熱飲，主菜可以選配珍珠飯或意粉，另外仲可以用優惠價加配小食或甜品。鮮茄焗豬扒珍珠飯：碟焗飯賣相好吸引，面頭鋪滿拉絲芝士；豬扒肉質好鬆化，又腍又滑，珍珠米飯夠乾爽，配埋酸酸甜甜嘅蕃茄醬汁，滋味滿足。脆烤香草雞扒意粉伴野菌燒汁：雞扒大大塊，煎至金黃色，外脆內嫩，入口濕潤又有肉汁；意粉軟硬適中，伴野菌燒汁吃，更加惹味。小食點咗客瑞士雞翼，雞翼浸到剛熟，皮滑肉嫩，瑞士汁融入晒雞翼裡面，入口甜甜哋，好味。朱古力蛋白西多士：西多即點即製，外層炸至金黃酥脆，厚身又唔油膩，入口軟綿富蛋香，淋上朱古力醬及糖漿伴吃，邪惡度爆登。自家製芒果布甸：布甸滑嘟嘟，入面有好多大大粒嘅芒果肉，加埋花奶，甜蜜味美。
繼續閱讀
觀塘工業大廈內其實隱藏有不少的食肆，今天友人特意帶我到了其中一間性價比高的冰室午聚。這店面積不是很大，但裝修擺設和燈光都有不錯的水準，打造了一個舒適的進食環境。除了三款當天精選，餐牌上的午市套餐均包括了餐湯、主菜和飲品。喜歡的話，還可自選升級美食。～餐湯我們選的是羅宋湯，湯料非常豐富；除了多款蔬菜外，還有大大嚿的牛腩肉塊，讓煮出的湯味道更濃郁和豐富。～鮮茄焗豬扒意粉 （配杏仁奶露）熱騰騰的鮮茄焗意粉🍝賣相不俗。新鮮番茄的味道特別鮮甜，加上溶了惹味的拉絲芝士🧀更教人滿足。這店的意粉質感正是我喜歡的，畧帶煙韌，絕對不會過淋或過硬。已先切好的帶骨豬扒，肉質淋滑醃得入味又淋滑，好吃。餐後來一杯香味十足的熱飲，更覺滿足。～皇后冰室雜錦肉扒配黑椒汁 （配紅豆冰）友人選的雜錦肉扒非常豐富，計有煎得剛好的雞扒、豬扒和司華洛肉腸，都是大大份的，吃起來啖啖肉，完全能滿足大胃王的需要。這店的黑椒汁較濃，味道適中不會太辣。伴碟的連皮薯角炸得外脆內軟，入口感覺原汁原味，十分可口。冰室不缺的紅豆冰保持水準，粒粒紅豆入口不覺太淋，有咬口，加上香濃的奶味，正合友人的口味。～老香港瑞士雞翼港式雞翼雖然細細隻，但煮得味道剛好又不肥膩，肉質嫩滑可口。～招牌自家製芒果布甸🍮加了花奶的布甸入口討人，布甸加入了份量十足的鮮芒果肉，讓整體的口感更豐富和香滑，不愧為招牌甜品。這冰室的出品賣相和味道都有水準，取價十分大眾化，贏得不少食客的稱讚；加上這冰室正推出多款限時堂食和外賣優惠，性價比當然更爲吸引！
繼續閱讀
最近同老公去咗觀塘巧明街嘅皇后冰室撐枱腳！🍴 佢哋唔止係冰室咁簡單，一入到去，感覺更似一間好有水準嘅港式扒房，氣氛幾好！🌟我哋今次主要試咗佢哋嘅主菜同甜品。首先嚟咗個酥皮羅宋湯，個酥皮焗到金黃鬆脆，羅宋湯味道酸甜開胃，飲落暖笠笠，係經典嘅味道。跟住就係主菜，我哋揀咗醬燒豬仔骨配黑醋燒汁，豬仔骨燒到入味，肉質軟腍，配埋黑醋汁，酸甜中帶點惹味，食落好滋味。🥩另一份主菜係威靈頓牛柳配野菌汁，呢個真係好考功夫㗎！牛柳包住酥皮焗到金黃，牛柳肉質嫩滑，配搭香濃嘅野菌汁，味道好有層次感，係一個幾有驚喜嘅菜式。餐飲方面，我哋要咗杯咖啡同埋杏仁奶露，咖啡香醇，杏仁奶露清甜滑溜，做餐飲都好出色。☕最正嘅係，佢哋主食仲可以加購$38就有雞翼放題！🐓 有齊老香港滷水雞翼、新奧爾良燒雞翼、黑椒蜜糖雞翼，三種口味任你食！雞翼控嚟到真係會失控㗎！呢個優惠真係抵到震，好啱一班朋友嚟食住傾計慢慢嘆。甜品當然要試佢哋嘅招牌！招牌自家製芒果布甸火焰雪山🥭，呢個賣相真係好吸睛！芒果布甸滑溜，配埋雪糕同朱古力醬，最特別係有火焰效果，睇得又食得，好有儀式感！😋 另外仲點咗份咖啡蛋糕，蛋糕口感鬆軟，咖啡味香濃，係個唔錯嘅餐後甜點。聽講皇后冰室嘅菜式都係由酒店星級廚師坐鎮㗎，難怪啲嘢食咁有水準，味道同賣相都做到好好。佢哋位置喺觀塘，交通都幾方便，港鐵站行過去都唔遠。值得一提嘅係，呢間冰室仲可以包場，有房可以唱K添🎤！如果想搞私人派對，唱K房3000起，包全場6000起，而每位收費$300就已經包晒湯、主菜同飲品，呢個價錢真係好吸引㗎！想搞搞新意思嘅聚會，都可以考慮下呢度呀！
繼續閱讀
喺觀塘收工，一向很喜歡幫襯冰室或茶餐廳，最近同朋友試咗「皇后冰室」，真是一個驚喜發現！😍 每人叫一個煮食加$38 就可品嚐雞翼放題，除了放題食物亦不乏懷舊和手工菜。冰室環境懷舊又寬敞，仲有包房可以唱K，啱晒一班人聚會！🔥 雞翼放題狂熱
$38任食三款雞翼：滷水、新奧爾良燒、黑椒蜜糖，每次最多9隻，無限追加！
🍗 滷水雞翼：滷汁入味，皮滑肉嫩
🍗 新奧爾良燒雞翼：微辣煙燻香，口感香脆
🍗 黑椒蜜糖雞翼：黑椒撞蜜糖，外皮微脆內裏充滿肉汁🍴 招牌推介
🍖 威靈頓牛扒：充滿牛油香的酥皮，切開是厚厚的牛扒生熟程度剛剛好，肉質豐腴顏色粉嫩。鐵板雜扒：當淋上醬汁即響起吱吱聲，童年回憶返來。酥皮湯：已經不是間間餐廳都找到，當酥皮沾上湯汁，帶點牛油香很懷念。
🍨 懷舊紅豆冰：紅豆起沙又粒粒分明，奶香濃郁，甜度啱啱好！🍮 甜品雙重奏
🥭 芒果布甸：滑溜布甸滿滿新鮮芒果，超香濃！記得要落多點花奶哦！
🔥 火焰雪山：炙燒蛋白霜焦脆，富空氣感！
繼續閱讀
您可能會有興趣的...