百味閣餐廳

營業中

休息中

在九龍塘晚上找朋友食飯，在朋友的介紹下去了這間有多年歷史的西餐廳。環境十分優美，好懷舊，氣氛好好，可惜今天一起進餐的不是我另一半🫠今日的是日餐湯是蓮藕煲猪骨湯，沒有味精味，真材實料煲的，十分美味。除了紅湯還有這種選擇，是香港西餐廳的一個特色吧。 另外有蒜蓉包，蒜蓉味好香，麵包也十分脆口。法國鵝肝配肉眼扒鵝肝香濃又唔醒，油脂剛剛好，口感豐，搭配上肉眼扒(5成熟),外表香口，內裡面鮮嫩的口感,十分美味。紅酒燴牛臉肉及牛脷紅酒燴牛臉面肉口感絕佳，雖然好厚但十分嫩滑，牛肉香濃，肉同膠質比例好好;牛脷則是非常嫩滑,質感不輸給牛臉肉。咖啡燉蛋蛋香與咖啡香完美的配搭在一起，配上餅和水果，十分滿足。價錢不貴，食品物和環境十分好，性價比超高，香港難見的懷舊西餐廳

今日放工與同事一起趕去九龍塘辦點私人事，之後諗住食個簡單晚餐，突然醒起好耐冇去百味閣，湊巧同事又未去過...... 這間是九龍塘街坊店，值得一試.  一坐低，立刻order 香草薄荷醬焗羊仔扒，完全無失禮，羊扒鮮嫩肉質夠鬆軟，配上扭紋薯角和雜菜非常豐富。跟着的是 芒果拆厘醬焗嫩雞，半分雞,雞肉非常嫩滑，配上芒果折厘醬，味道清新相當特別，同事未吃過，說想不到雞肉這麼嫩。今次order了兩杯生榨石榴賓治，好味。跟餐來的甜品幾得意，味道不算太甜，但那些果子十分新鮮，另外點的是芒果班戟，簡簡單單, 相當滿足😀我同事嘅comment就係 - 冇介紹錯😄😄

見到價錢幾抵走去試下懷舊餐廳 叫咗個栗子芝士豬 食落去個豬扒同 大加樂一樣肉鬆粉 冇味冇口感， 亦都冇豬肉味。 佢側邊有個伴碟洋蔥飯 啲飯好嚡口 80蚊包埋一個湯同餐包飲品 個餐包烘得over咗有啲硬 平時出面懷舊餐廳嗰啲明明係比較軟熟， 凍檸茶正常 羅宋湯都好飲 但係個主菜 可能我寧願去返大加樂 🤣 唔會特登走過嚟除非住附近 我見都係啲街坊客另一半走去試鵝肝牛柳 鵝肝係好軟熟 但係個樣 賣相真係唔ok 個餐210蚊 牛柳五成熟 不過不失但唔係叫好食。 叫咗個田螺 一百蚊左右都係好一般 。 另外佢入面會有啲茶餐廳嘅餐牌 有炒粉麵飯 60蚊左右 係抵 但美味程度就唔好有期望啦。 最後兩個大人食咗四百幾蚊 我唔應該有其他更好選擇呢這個價， 但間嘢啲職員 比較nice，服務好而又幾有禮貌喎！食到尾先至記得影相 淨係影到個田螺

接仔仔放興趣班，諗住去食個下午茶抖下，門口寫住下午茶去到6:30，5:20喺門口就話下午茶已經完，唔緊要，問佢攞晚市餐牌，阿姐態度極惡劣，話只有情人節套餐，嗰個嘴臉，一世都幾得！擺明係趕客！老闆請著佢，真係多得佢唔少！立即轉去金記， 收銀姐姐熱情，夥計個個醒目！就算要等位都盡力幫你搵位！感動！其實廣播道夜晚人流都唔多，點解百味閣餐廳淨係做情人節套餐，完全唔做散叫生意，咁有信心？

今晚來到熟悉的地方，前一次到坊已經知道會有下一次，老公提意今晚就去浪漫一下這晚沒點羊架，而就點了三刀，是日精選，每次也有不同的魚類，這次用紙包魚的焗法來烹調，另一道主菜就是西冷牛扒先來鮮蠔蘑菇湯，好creamy, 而湯內有大大隻蠔，點上蒜蓉包來吃先暖暖胃。遠處就看到大大包用鍚紙包著，來到時漲卜卜很有趣。 侍應界開了鍚紙，一股香氣入鼻，用了白酒來煮，而魚的鮮味更得以保留，入口肉汁滑溜，是很好的菜式另一主菜是西冷牛扒，五成熟，配了薯菜，火喉得而，而肉味濃厚，十分滿意最後又怎少得了甜品，是朱古力咖啡brulee, 入口香濃滑溜，不太甜十分合我味兒相信我地好快又會再來

週六下午，與朋友有事到浸會醫院，午飯時間到附近既百味閣一試。平時搭車成日經過，但食就第一次。叫左午餐set, 豬仔脾carbonara意粉，有湯同飲品（要左青豆湯同熱咖啡），同麵包。$80需要加一。麵包正常嘢，青豆湯一般般，豬仔脾ok，份量都算多。個意粉就…吃不懂。味道食唔出有味，同唔知點解碎濕濕咁，同行朋友講笑話可能方便隔離醫院病人外賣時食。熱咖啡ok,算係全餐最好食。試左同行朋友既京都骨飯，味道同份量都唔錯的。最後，有送上蜜瓜。總括，份量同味道（非意粉）加上服務是ok 的。

幻想到懷舊西餐廳會多有聖誕氣氛！幻想戴著聖誕帽 餐廳滿是聖誕佈置！幻想23號有聖誕大餐食火雞是必須！幻想有幾熱鬧有幾多人！幻想肚皮會有幾滿足！Ok fine🤷🏻‍♀️事實證明 真的只有幻想⍥ 餐包蒜蓉？存在感頗低，dry dry 的即使點餐湯亦無補於事😕 絕對係又凍又乾又硬！—⍥ 是日餐湯 - 周打海鮮湯份量慷慨！有忌廉香但唔算好濃郁🫶🏻感覺無咁肥仔😂⍥ 跟餐 - 羅宋湯亦係好多菜，微微胡椒香，我本人好鍾意👍🏻—⍥ 紅酒燴牛臉肉及牛脷 配 菠菜飯份量不少，牛臉肉挺軟稔，有點驚喜喔😚牛脷相當厚身！生前應該是隻大蠻牛🤣可惜調味過鹹，怕腎仔頂唔順！至於個菠菜飯好有上海菜飯影子😂偏淡味不過不失。⍥ 鐵鍋爆帶子牛柳粒 配 菠菜麵及青胡椒汁帆立貝可口！未見過咁大片既牛柳粒🤣似牛柳肉多啲，鮮嫩又微微滲透牛香，惹味非常👍🏻配上綠色既麵🤣菠菜味？沒有，其實兩者好似⋯勉強在一起😅—⍥ 跟餐 - 咖啡燉蛋杯、生果好新穎既凍燉蛋😯蛋味欠奉，食落有淡淡咖啡香，不太甜挺滑溜。⍥ 哈密瓜唔甜🤣清清喉嚨ok la —⍥ 朱古力軟蕊布甸 伴 雲呢拿雪糕😳食到到喉唔到肺必須單點心太軟來止癮，外型好不羈🤣成個比薩斜塔咁，不過

今時今日做餐廳真係唔容易，能夠做到十年以上都唔簡單，喺九龍塘呢個小商場就有幾間做咗幾十年嘅老店，呢間就係其中一間，記得年青時候喺度讀書，間唔中有乜嘢慶祝都會嚟下。今日重臨舊地，間餐廳仲喺度，裝修設計方面就好似其他幾十年嘅西餐廳樓咁，冇乜變過，時光倒流三十年嘅感覺，餐廳服務員都係一啲比較資深服務員，同埋一啲老顧客，有講有笑好有人情味。今日下午茶時間嚟到簡簡單單叫咗一個 tea set ，係一個煎龍脷柳套餐，龍利柳係煎幾嫩滑嘅，但係賣相就爭少少啦，例如少咗一啲點算嘅汁醬啦，少咗一啲精緻嘅配菜，整體嚟講睇落係真係有啲過時，不過能夠屹立幾十年，證明賣相唔係最緊要，人情味搭夠。

Chok返d聖誕大餐出黎先😆🎷聖誕前夕儀式感小組成員出動早在五個月之前約定彼此選了間舊式西餐廳(想像有傳統火雞餐食)交換下禮物迎接我地首個一齊起渡過的聖誕🎄但…根據當日經驗 餐廳24-25號先會有聖誕套餐提供。我地要較早時間過去，於是就未有機會試到佢既火雞餐了┈┈┈┈┈┈┈┈┈┈┈┈┈┈┈┈主菜✺⋆* 紅酒燴牛臉肉及牛脷 (配菠菜飯) $145紅酒汁既味道幾濃同出﹐牛脷都相當厚肉而有𡁻頭～不過要說的是...佢醃到牛脷本尊相當之咸。牛臉肉表現都相當出眾, 嫩滑非常。旁邊亦有不少配菜，而配上的菠菜飯大概就是上海菜飯般。✺⋆* 鐵鍋爆帶子牛扒粒配菠菜麵 $158鐵鍋上會較做到保暖效果冬季食佢都幾起到保溫作用帶子有三隻，牛扒肉粒狀上都幾厚肉，而且食落牛味都幾出旁邊仲配有蔬菜,整體都幾有誠意。但個菠菜麵我地就無了解到係咪冷盤食咁因為佢係100% 全凍um,, 呢個位我地就會扣佢分(՞ . .՞)੭"✺⋆* 咖啡燉蛋杯 (跟餐)佢唔甜，蛋香味不算是太突出但卻有陣陣咖啡香就沒錯了餐湯✺⋆* 是日餐湯或羅宋湯 配蒜蓉包是日周打蜆肉湯相當足料, 比想像中要好蒜蓉包就中規中矩唔好有太大寄望單點項目✺⋆*

阿仔淋巴腫腫地，去浸會醫院比醫生睇吓！醫生話無事，咁就搵個地方食吓嘢！行過呢間，見到個感覺係超懷舊，而且個餐牌選擇又多，一於就試吓啦！因為阿仔淋巴腫，所以叫啲清少少，叫咗個楊洲炒飯，又怕阿仔覺得悶，所以叫多個西炒飯，同阿仔share食！唔知有冇人同我一樣，一叫西炒飯，就諗起伍詠薇同家有喜事😂😂😂老公在就叫咗咖哩牛腩😋😋😋個價錢都好合理，不過如果要叫飲品就另外加$8！阿仔飲水，老公就話加$8佢寧願去7仔揀自己鍾意嘅嘢飲好過，所以得我叫咗杯熱奶茶😂😂😂味道都唔錯嘅，可以接受！

ᴅɪɴɴᴇʀ😆。❏鐵鍋爆帶子牛扒粒配菠菜麵好多蔬菜🥬伴碟，食落冇咁罪惡感🤪。牛扒粒好鬆軟又易入口，又有帶子大大粒，再配以惹味醬汁更好味，好難得我可以全部食晒😆。❏脆皮🍗併帶子串燒🍢配天使麵雞皮連皮切一齊食，皮真係特別脆口值得一讚，再加上🍢惹味十足，食物份量超足夠，真心推介。❏餐飲兩杯（凍檸茶）❏兩個咖啡燉蛋杯（特濃espresso調製），確實食落好香濃，又夠滑身。好可惜唔記得📸😆呢餐晚飯連加一 都係$311好抵最緊要好味，員工好好人，會再來😍。

同朋友聚舊，之後係附近搵左間餐廳，天氣凍凍地又落雨，一入去餐廳好有懷舊遊輪餐廳既感覺，店員好有人情味，話天氣凍然後倒左杯暖水比我地🥰同朋友點左兩個set 黎share，成個餐好豐富，一人有兩塊蒜蓉包、湯、主食、飲品、甜品🤩🔼 是日餐湯：豆腐粟米蛋湯羹好似粟米羹咁，但有豆腐又有瓜多左口感又更清甜🔼 羅宋湯我都飲咗一啖，好多蔬菜，而且感覺新鮮🔼 估唔到蒜蓉包都一人兩塊🔼 扒大蝦及煙三文魚伴意大利式魚湯天使幼麵🦐 蝦都成隻叉咁大隻、肉質彈牙，天使麵充滿好似蝦籽既味同口感，仲有煙三文魚幾塊🔼 芝士焗松露餡豬柳扒伴巴麻腿意大利飯呢碟有驚喜😍 豬柳好嫩滑多汁但不失口感，配上意大利飯有巴馬火腿咸香🔼 朋友都話覺得個意大利飯好惹味🔼 咖啡布甸布甸都滑、咖啡味好出唔死甜環境舒服，周邊充滿着顧客相聚傾偈開心嘅氣氛。同朋友不知不覺都坐咗幾個鐘，飲完餐飲仲有水果送埋比你🥹💭總結：親切既店員（經理？）真係令成個復古餐廳更令人回味💗餐廳感覺好舒服好適合同朋友傾計，食物性價比高，非常推介約朋友黎聚會👍🏻

每隔一排就想番黎依間餐廳食西餐，佢地菜式選擇好豐富，平價貴價都有，今次揀左佢晚間精選同店員推薦既食物。田螺蘑菇 $85將田螺粒釀入外脆內軟嘅蘑菇，食落每一啖都係不一樣嘅口感同味道，另外仲有啲葡汁香味嘅薯蓉，令到整碟菜式呈吸引既鮮黃色。牛油果湯配蒜蓉包 $40煮熟左既牛油果粒有種獨特的香氣，濃郁到好似落左牛油咁，估唔到配搭磨菇湯係咁夾。用黎點香脆既蒜蓉多士片就岩岩好。帶子牛柳粒 $135帶子同牛柳粒一樣咁大粒，亦都冇鹼水味，海鮮既鮮味同牛肉味都幾夾，牛肉口感就比較食落比較韌但都幾香濃，配搭埋爆香左既薯仔同蔬菜，就岩岩好。蜆肉蘑菇意粉 $85意粉外觀睇落似忌廉意粉，上面有一條條芝士碎，賣相冇想像中咁吸引，但蜆肉既鮮味令醬汁，配上同蘑菇粒，百味閣餐廳

跟男朋友去了一家懷舊的西餐廳享用西式晚餐。餐廳佈置了一些聖誕裝飾，牆上掛了一些舊照片，店員有禮貌。蒜蓉麵包外脆內軟，蒜蓉味恰到好處，牛油份量不會太多。西式晚餐有8款，價格介乎於125元至210元之間。粟米魚肚羮，材料是主要包括粟米、魚肚、豬肉碎和豆腐，質感濃稠，味道香甜。羅宋湯材料份量多，主要有牛肉和雜菜，味道微酸帶甜，值得推介。芝士焗松露饀豬柳扒伴巴麻腿意大利飯、燒汁，松露香氣撲鼻，芝士香濃帶咸味，豬柳扒肉質軟易咬，意大利飯沾有大量醬汁，混入了巴麻腿和雜菌，好味道。龍蝦汁燴蝦球青衣魚伴薯蓉及蔬菜，蝦肉彈牙，魚肉厚身味鮮甜，蔬菜款式多，薯蓉含有薯仔粒，提升了口感層次，加入了大量龍蝦汁，很惹味。甜品是咖啡燉蛋杯，賣相美觀，口感滑，朱古力味香濃，甜度適中。自選飲品熱奶茶兩杯，牛奶味較重，口感較滑。總結：懷舊餐廳，西餐美味。

與婆婆午飯，她拒絕留守新界，還主動提出一定要吃西餐。然後老伴說：「大家樂、大快活算不算西餐？不若花園餐廳罷！」最後咱們開著車子把婆婆帶到九龍塘，品嚐隱世的「百味閣」。「百味閣」位於九龍塘偏遠的區域，距離地鐵站有十五分鐘以上的路程，毗鄰浸會醫院。來「百味閣」便不其然地想起自己抱病滯留醫院的慘況。然而這家「百味閣」對老伴來說卻另有一番意義。老伴認識「百味閣」源於大學時期，當校園的餐廳吃得沉悶煩厭，外闖一下便會發現「百味閣」。不過這家老牌的西餐廳又豈是窮書生的飯堂？「百味閣」通常都是校授們光顧的。學生嗎？還是到下層的「六合小館」吃粥罷！也是含著一口鳥氣出生的小的非常明白那份自覺卑微的心態，以前認為「百味閣」好貴吃不起，今天有能力便好想彌補一下年少的遺撼，回憶永遠是無價之寶。世界在變，然而屹立九龍塘一隅的「百味閣」數十年始終不變。老伴特意預先訂檯，但其實拜日下午餐廳並不多人。一行三人被安排坐進牆角的位置，擁更多的私人空間。然而其敗筆卻是在於席後原來是一道暗門，未知是儲物還是職員休息的區域，而房間門口正正就在小的椅背的位置，在進食期間職員們不斷地進進出出，小的把椅子拉了一次又一次，最後還把椅子拉