發記海鮮酒家

營業中

休息中

兩個人去吃下午茶，點了一個十七兩重的芝士焗龍蝦、兩隻帶子、一瓶啤酒和兩碗糖水。結帳要六百四十四圓，大家評評理吧！

帶住R少入布袋澳，幾驚有大狗咬佢，好左今晚見來見去都係貓。R少追極都唔會跌落水的…6個人約得齊入到去都成8點幾，都好，之前比阿少爺walk過下，拉上補下啦。入番正題，今晚叫左唔係太多野，只係簡簡單單叫了白焯蝦、炒碟蜆、油泡墨魚、瀨尿蝦、鮑魚仔、蒸條班再炒碟菜。後來發現7個送就拿臨加碟炒飯。好食又唔係大好食，比起對上果次，下次都係食番海鮮島。發記價錢係平小小，但wok氣就差D。而且又無墨魚刺身食。搞到蝦頭妹有些小失望。

今晚難得有朋友揸車,結果入左布袋澳食飯.真係估唔到星期日晚8點都仲有咁多人,條私家車龍有成幾百米咁長. 果度共有2間海鮮酒家(另一間叫”海鮮島”),分別搭係2個碼頭之上,認真神乎其技~我地試左:椒鹽賴尿蝦($13蚊兩,叫左18兩) –味道ok,多膏,不過唔算啖啖肉鹽焗雞($78半隻) –d肉剛剛熟,好嫩滑辣酒煮花螺($88 例牌) –大隻多肉, 個辣汁好味, 唔會見到好多辣椒油蒜蓉粉絲蒸扇貝($18隻) -- 特多蒜蓉粉絲, 略嫌有少少乾身清蒸鮑魚仔($9隻) –真係勁正,隻隻都好鮮味楊州炒飯(唔記得) –材料新鮮, 粒粒分明, 水準之作最後仲有食甜品,叫左喳咋同埋蕃薯糖水.埋單$754/4人, 幾抵食兼俾想像中平~

今日清水灣游完水去左布袋澳發記食海鮮,我地8個人叫左個$1380既12人餐,原本唸住散叫但係因為要落去choose海鮮,因為費事唸,所以都係冇.我地初初仲唸住8個人邊食得晒12人餐咁多野,問左個d人可唔可以唔要1-2個餸再平d,咁個結果就當然係唔得la.講到d餸,我覺得都ok,d 蝦都幾鮮甜,d聖子好大隻,幾有咬口,d伊麵底龍蝦個汁都唔知係乜汁,如果係芝士又唔夠濃,又唔係上湯,不過佢d龍蝦好大隻,好多肉,同埋d伊麵好好味,跟住黎左條石班,佢整得唔錯,唔會過老,d魚肉好滑同彈牙,跟住就係個crab,我覺得ok la,因為我都唔知點先叫好味(因為我平時唔食既),跟住仲有個生菜同鹽焗雞,呢兩個都係普普通通la,不過其實隻雞d肉好滑,亦都冇乜肥膏,反而我覺得係佢\點雞d汁唔係幾夠味,唔係咸,最後仲有個湯,就真係都唔錯.雖然我地係8個人食12人餐,但係佢都冇俾少份量我地,我地d餸既份量係同隔離有15-16個人既12餐一樣size,不過唔知係咪我地年青力壯,大家又游完水,所以我地8個人都清晒所有野,一樣都冇剩,連d湯都一碗都冇,最後大家都奉住個肚走,盛惠每人$190

星期日同屋企人行山，專程行到布袋澳食海鮮。可能d人趕住搭小巴走，六點半到都夠已經好多台客食緊。佢d套餐唔算貴，千幾蚊一圍，不過我們四個人唯有散叫。山長水遠來到當然要食海鮮啦，先揀了條花子班及一斤跳螺，條魚肉質好嫩好滑，蒸的時間恰到好處。而跳螺只是白灼，尚算鮮甜。京都骨雖然是普通小菜，味道都有水準，椒絲腐乳通菜同蒜蓉西蘭花，好大碟。我最期待的海膽炒飯，等了好耐，左催右催差不多1個鐘頭後先o黎，果然無等錯，雖然材料只有海膽同飯，不過食落好香好鮮味，仲有唔少海膽，唔怪得係招牌菜。埋單都係540又唔收加一，都算抵食。

你幾時去食呀?我上個月頭去過都無問題.死啦,仲諗住今個星期六去同屋企人食添!

$1680. 我幫襯o左幾次, 開頭都足夠. 但最近這次就是這麼少. 同伙計投訴過依然俾六人份量.

我去過發記幾次都係食餐,但係次次都食到抱住個肚走,你幾時去食架?食幾錢既餐?

叫十二人餐,俾六人分量. 離譜到極. 呼籲各位千萬不要上檔. 本人及多位朋友已發誓永不幫襯. ~~

我都去過好幾次布袋澳食海鮮，兩間都去過，其實佢地唔係同一間呀! 有一次發記，同我地講佢地同另外一間係同一間。我地之後另一次去另外一間食海鮮，問佢地點解要開兩間咁近，點知原來個老細話之佢地得一間，無分店呀!!~~~~<br>我地覺得好唔應該! 唔應該呃人話係同一間呀!!

我唔係要求好高, 因為我都覺得布袋澳另外一間酒家(海鮮島) 好味好多.<br>雖然佢地話係同一個老板, 但我就覺得唔係, 因為質素實在差太遠!

真係浪得虛名, 差勁.<br>1. 魚蒸得太熟<br>2. 龍蝦又貴又呃秤, 唔夠芝士味, 伊麵又少<br>3. 蝦又細隻<br>4. 扇貝蒸得太老, 冇鮮味<br>5. 炒蜆好多空殼<br>6. 鮑魚仔就一般

今年生日同boyfriend 去布袋澳食海鮮, 環境寧靜適舒, 面對魚排、大海、游船、小艇, 並吹住大自然氣息, 簡直令我好似去o左旅行咁…我點o左一斤龍蝦(芝士伊麵底), 11 兩黃油蟹, 一碟鯪魚炒油麥菜(A菜)。芝士龍蝦, 又香芝士, 好, 仲食到龍蝦o既鮮味, 芝士伊麵都幾正, 不過有麵係未散開。黃油蟹蒸到時間剛好, 但係隻蟹唔係好靚…碟鯪魚炒油麥菜就ok, 我覺得屋企煮得好食過佢, 但係好食過圓山。最後待應見到我地食完, 隔o左一陣佢仲有甜品食tim, 有喳咋、紅豆沙、綠豆沙、芝麻糊同腐竹糖水tim…我點o左腐竹糖水, 唔係咁好食, 一般唉…佢地o既服務真係細心體貼, 好屋企feel, 冇法la, 人地係家庭式o架~埋單$794/ 2人龍蝦@$14 兩, 黃油蟹@$35 兩

果碟o野原來叫蒜蓉蒸扇貝!!!有ｄ鹹不過我覺得好好味！<br>

平日去都好多人！所以最好早ｄ去！椒鹽瀨尿蝦、鹽水雞同一個好似貝殼咁有ｄ粉絲係上面o既o野都好好味！<br>其他海鮮就普通啦！蒸魚就唔多掂喇。次次o黎都蒸得太老。。。<br>