發記海鮮酒家

營業中

休息中

偶然一個星期六晚去到清水灣海灘，一時興起走去貝袋澳，之前試過海鮮島唔錯，心諗呢間阿蘇介紹應該 ok。因為人數唔夠無 order 套餐，去揀海鮮先被呼喝排隊... 落單時侍應又炸型話某 D 菜會好耐，其實係西芹鮮魷... 點會耐... 實情係價錢平... 叫佢開冷氣又晦氣... 最慘係 D 野真係唔好食，碟碟無文無味... 我地第二晚去左至街坊既聯邦，碟碟都實實在在，好味大碟。早知楂返車出九龍食無咁激氣!!!你唔係阿蘇，千祈咪幫趁發記。

9月26日中午去此酒家食午飯,目的是慶祝生日,一行10人大約點半到.其實,我家每年都去此酒家大約5至6次.叫了$1690套餐,吃到第三碟是龍蝦,此時,我妹妹及另外三人都覺得不新鮮,便通知伙記,他拿走碟龍蝦 (以為幫我哋換另一碟),点知他找來(可能係)老板來,說龍蝦冇問題,或者加多D蔥再炒多次。各人都說再炒會太熟.叫他炒過另一碟. 他說: 炒過一碟要多$300,不知我們會否又覺不新鮮,再叫我們接受加多D蔥再炒多次啦. (態度極之不滿). 我們決定不好,他說扣$300,但叫我們以後不要去食。 我們怕他會於餘下的菜"加料", 決定結賬,此老板說不成,因菜己切好,要我們比一半錢,還說要報警,我們跟他理論,最後,另一位(長髮)老板過來, 知到我們經常來吃,說誤會一場,亦不明白他為何叫客人不要去食.最後收了$250。此不開心的經歷,我們以後都不會再去發記啦.如去布袋澳,會去隔鄰的"海鮮島"(最後,我哋發現(叫客人以後不要去食)唧老板,原來吃過我哋碟龍蝦,如果我哋答應用蔥再炒,咁咪食佢口水.........)

沒想到吃海可以咁有風味～～始終係老字號～！服務一流～！嘢食又上得快～！對我ｏ地呢班餓鬼簡直係一流既滿足～！

最初訂位時叫佢 Fax 過來的餐單沒有寫明$1180的餐單係不設晚宴的...＆只可以食到六點...（唔通要我地食海鮮下午茶咩！！！），所以我地唯有食$1680的晚宴，重訂了三圍...，所以我地一共用多左$1500...........！！！，這個都算了...。但我地明明果日早上改了入座時間，由六點改到六點半，但到六點五分時，佢地就不停地每五分鐘打一個電話來叫我地快d去，如果唔係就會將我地「訂」了的三圍枱俾人地...，真係趕死我地囉！！！另外，我地一早就講明會加餸的，但到我地入左席之後同老闆講加餸時，佢就話只可以加蝦...，唔可以加小菜...。最灰的是佢地第一味餸已經來了蝦...（擺明一早就已經想「蝦」我地啦...）。而且到我地同老闆話加多一個伊麵時，佢就話好，但等左好耐都未黎！所以我地就走去問老闆，但果時老闆娘就走過來話無囉...！之後個老闆就走過來話因為人多，真係要伊麵的話就要等一個鐘...！冷氣房又唔夠冷氣，又唔夠人幫我地攞碗筷，要我地自己招呼自己...。到食物方面，重話「阿蘇」去食過，好好味，但係我地都覺得唔得囉...，魚又蒸得老，芝士龍蝦伊麵又無芝士味，龍蝦又少，伊麵又少..。

呢個布袋澳食海鮮之旅，朋友講左成個月，開始由六個話去既，最後得3個去，仲要係上次去西貢糧船灣食海膽果3個癡喪。由於怕天氣唔穩定，所以選擇MTR寶林落車轉小巴入去。布袋澳同上次漁村feel 既糧船灣唔同，呢度多左d圍村既感覺，仲有得shopping，有d蝦乾咸魚買下。據Openrice所記錄，呢度有兩間酒家選擇，但我地無plan定要食邊間，只係見步行步。行左陣比發記既員工招左我地入去。入到去，店員安排我地坐係海風送爽，有廣闊開揚海景送飯既枱坐低。枱側邊就係海，上面兩張相係我個位望到既景色！無耐，店員比左張menu我地，menu上寫既係d普通既酒樓小菜，炒粉麵飯，唔見海鮮。朋友見到"海膽炒飯"又開始想發癲！落order時，店員話而家唔arm季無得食海膽炒飯，甘我地就唯有退而求其次，想點"發記炒飯"，睇下幾"發記"都好，但你估都估唔到以下呢句說話會係店員把口講出黎！店員話："無發記炒飯。"…嘩！呢句對我黎講好震撼，就好似元朗B仔話無涼粉、池記話無雲吞、謝記話無魚蛋一樣！有d O 咀 再問店員有咩呀甘？佢答："楊州炒飯。"我地繼續你眼望我眼後，大家決定轉戰海鮮！希望合得返我地個。店員示意海鮮要

今日到了西貢出海晚上船家帶了我到發記海鮮酒家.今次第二次去, 上次食Lunch , 今次食Dinner.2次去都坐滿人. 環境- 大排當格局. D菜出得好快今次叫了上湯龍蝦加 E麵 - 不錯蒜容粉絲蒸帶子 - just OK椒鹽尿虾 - just OK 蒸魚 - 好鮮 正!!! 豉椒抄蟶子 不錯好味椒監鮮魷 OK 好味炒西蘭花 OK楊洲炒飯 不錯 - 不太油整體食物不錯.

第一次去是10年前，以前真係覺得平、靚、正，所以每年都會去幾次。但近幾年水準越來越差，一次比一次差！尤其自某某牙擦名人介绍過之後，質素更快速下滑。 依家貴、難食、吋！上個月再去一次諗住比多次機會佢，非常失望！叫咗好多嘢，但有一半都做得唔好食。海鲜嚟只要新鲜，都好難整到難食.... 但係.....上湯焗虾 - ok la, 正常同出面d酒樓差不多水準白灼虾 - ok la, 我諗好難會整到好難食椒鹽尿虾 - 唔算突出，一般油鹽水煮蜆 - 有沙，蜆肉好"靱"蒜容粉絲蒸帶子 - 粉絲，帶子都又乾又"鞋"薑葱蒸象拔蚌 - 同樣又乾又"鞋" (因為已有蒜容粉絲蒸帶子及豉汁炒聖子，所以問吓仲有咩煮法... 結果: "lai嘢" 啦)豉汁炒聖子 - ok, 唯一一樣好味海胆炒飯 - 好油仲有兩碟炒菜唔寫喇。

之前聽過友人同事讚過呢間，又話阿 So 都介紹過，諗住黎試試。爬完前文後，覺得有少少不安，又話偷龍轉鳳，又話貨不對辦，又話 d 海鮮真係海鮮價賣單先好貴。其實食海鮮真係要隻眼開隻眼閉，如果酒家不太過份都係俾佢掠一次 jeh....係寶琳二期等 16 號小巴，真係勁疏一班車，等了超過 20 mins 才有。不過佢直到布袋澳，總站去總站都好方便的。無 book 位，不過一點幾呢度仲有好多位。自己選海鮮的都好似好容易俾佢掠，所以本來想佢選給我。最後都要自己去選，好似唔洗錢咁對住個魚缸指指點點，再有個叔叔幫你拔入桶 ready for cooking。見大家都係叫這些，我也跟大家試了以下的：薑蔥抄肉蟹 ($250 一隻) - 由於只係鍾情食蟹肉，要了肉蟹，五個人分有少少 mun 水，不過我都好好彩食到啖啖肉。豉椒抄蟶子($10/兩 = $190 五條) - 蟶子本身很大條，見佢都係切半咁上，d 肉爽到不得了。唯一係好似食到有少少沙，洗得唔夠乾淨。辣酒煮東風螺 ($98) - 份量不多，只見叔叔輕輕一拔都唔知拔多少就入左桶 lu，有白灼，不過好似 dry 少少，要了辣酒煮(小辣)的。酒味很重，不

一路都好想去發記食一餐海鮮餐, 一個月前決定約埋一大班朋友入去豪食一番, 當日一行7人, 大約6:50到達, 已經要排隊喔... 等左大約25mins, 終於有位, 一坐低就立刻出去揀海鮮, 見到d海鮮又大隻, 又生猛, 真係已經流哂口水... 點知惡夢開始發生, 山長水遠去到布袋澳, 仲要俾人當 "87" 咁劏, 出名既墨魚剌身; 海膽炒飯, 一律無, 唔係賣哂, 而係人多關係, 廚房唔做, 揀完海鮮, 出到黎又貨不對辨, 肯定俾人偷龍轉鳳, 咁咪即係食佢地set 好左既套餐, 咁我駛咩入黎呀...1) 白灼東風螺 --- ok 啦!!! 因為朋友當中有d唔食辣, 所以無用辣酒煮, 白灼無咩特別... 2) 芝士焗龍蝦 --- 失敗!!! 出去揀既時候, 隻龍蝦好大隻架, 已經係未食之前影, d肉都唔知去哂邊, 味道仲要好普通... (大家唔好忘記我地7個人食, 一人一舊淨肉都無呀), 咁就收我地五舊幾... 3) 清蒸鮑魚仔 --- 可能係最唔需要技巧之作, 反而成功突圍...4) 蛋白蒸蟹 --- 失敗!!! 懷疑佢用錯咸蛋白, 因為都幾咸...5) 豉椒炒聖子 --- 失敗!

3 男3 女, 一共食了:豉椒炒聖子, 芝士焗龍蝦加伊麵底, 椒鹽鮮魷, 薑蔥炒蟹, 蒜蓉炒油麥菜, 發記炒飯, 京都肉排聖子無得頂, 鮮甜又乾淨龍蝦都ok 大隻, 肉質都幾爽鮮魷唔洗講, 勁新鮮, 好好食其他菜, 肉排, 炒飯都幾好唯一係碟蟹一般......唔夠肉, 衰過平時自己去街巿買個d 加非肉蟹, 不過薑蔥炒得幾香今次係我第二次去, 比起第一次好似差咗小小, 或者因為第一次去有廿幾人兩圍, 可以試到好多好新鮮的海鮮, 但總括而言布袋澳食海鮮都算抵食同新鮮, 唯一缺點係偏僻, 一定要揸車去先得!!!

布袋澳係個幾偏僻地方,如果唔係食海鮮, 都唔會入黎無車人仕都幾麻煩, 因為只有一架小巴可以入倒黎, 我地有一半人,需要搭小巴, 寶林:15分鐘一班, 有13個人叫左一個$1980套餐+左個炒飯$50白灼蝦好新鮮上湯龍蝦- 都算大蝶多肉椒鹽鮮魷, 椒鹽瀨尿蝦 -good薑蔥炒蟹 -ok雞- 有咬口蒸魚- 火喉岩岩好海鮮湯-差, 咸左d炒飯- 真係好大牒, 夠乾身

阿蘇在電視介紹的海鮮店, 我們不惜路途遙遠都去試食, 我們一行八人分兩架私家車前往, 那天很大風, 那裏又很空曠, 覺得份在涼快, 一下車便覺得很荒蕪, 行入去開始似番間食肆, 還很熱鬧, 我們沒有訂位, 但不用等位, 算好彩, 因為我們見到食緊時有很多人在等位, 還不知要等幾耐添…….那裏與其他海鮮店一樣都是自己去選擇海鮮, 然後煮給你吃, 來到的第一味是白灼蝦及白灼花螺, 很鮮, 非常好味, 然後是薑蔥炒蟹, 幾惹味, 椒鹽瀨尿蝦就不過不失, 有一味是很大的蜆還有些湯伴著, 有些粉絲, 都算ok, 蒸東星斑, 貴不過好味, 京都骨, 送飯一流, 炒介蘭ok, 清蒸鮑魚, 好好味, 椒鹽尤魚, 好味o環境一般, 不過鑊氣很夠, 個feel很不錯, 大家都食得很開心, 雖然係遠一點, 但值回票價o

2月7日約左朋友入布袋澳食飯...此酒家都有名人"阿蘇"點名介紹過.諗住信得過...點知....約下午5時朋友兵分兩路入去.此地方真係好正,風光明媚...和朋友在附近拍照留念...景色非常迷人...真係可以成為香港的一個旅遊景點.....好啦以下就係親身經歷的見證,有相為証.7點幾到左此酒家,由於客人眾多,幾乎冇位,最後安排坐3號枱.( 此枱是唯一可以見到罪證的).,由於有朋友生日,本來相食豪d,諗住出去點下海鮮.點知換包事件就發生....竟然光天化日此酒家劏海鮮的人兄將人家活生生的海鮮,換左條死魚比人....嘩,心諗唔係嘛,咁好生意都要用此招,真係令人覺得"阿蘇"點解會幫呢間野做介紹架...莫非咁樣做就可以賺多d錢???他的手法就係..人家揀左一條魚或大蝦(虎蝦),佢就換左人地的,將新鮮魚放回身後的魚缸...我好相信出面d人係睇唔到的...因為佢地有一帳篷圍住的.所以最後只點了套餐...費事比人地換野....至於套餐食物的質素都好一般.白灼蝦---好細隻.上湯龍蝦 --- 一般,打蜆太多鹽焗雞 -- 好味,夠熱.西芹炒鮮魷 --- 好韌...味道一般薑蔥炒蟹 -- 不新鮮,d肉"梅"

一行10人新年來食大餐，點了12人套餐，因有人等別大食(包括我)關係唔夠食，再加清蒸鮑魚仔及象but蚌，再加香檳白酒紅酒便夠了。套餐有白灼蝦 - 比出面鮮 +爽椒鹽瀨尿蝦 - 冇乜等別龍蝦Ｅ麵 - 肉爽白灼花螺 - 好鮮，自然好食豉椒炒蟶子 - 爽脆鮮甜 + 好wok氣薑蔥炒蟹 - 差咗Ｄ，肉mui mui 地蒸班 - 出其地唔錯wor，廚房功夫記一功雞 - ok la炒反 - 好食，好到有人可自隊5大碗海鮮湯 - 把大堆海鮮頭頭尾尾煲湯，實好後加清蒸鮑魚仔 - 新鮮便好食象but蚌 - 同上真係旺到不得了，伙記同食客角色是掉轉的，緊記自已身份

當日係平日既dinner time... 但都真係full house -- 令人好有期望呀！由於老闆請食團年飯，而佢不嬲都好好客同大方，所以呢，我地幾圍都食左真係有12-13道菜！其中有.... 豉椒炒蟶子 -- 蟶子鮮甜, 個汁都好惹味，好！ 蒜蓉粉絲蒸扇貝 -- d garlic太太太多了!!!!!!!! 跟本就唔知d 扇貝不身係咩味！呢個做法唔係咁好，即使人客叫用蒜蓉粉絲蒸，但都應該輕手少少呀~~ 蟹-- 都幾好食. d 肉唔會覺得'霉'lor！個汁就都幾好呀，係個'hin' thick 左少少！ 椒鹽瀨尿蝦-- 幾heavy 同重味ge.... 但由於d 瀨尿蝦斬左件上，即係d鹽多左dd, 但個味overall 都ok........ 清蒸鮑魚仔 -- 唔係太'好'鮑魚仔 , 但個感覺都ok, 味道幾清，又好新鮮。 白灼蝦 -- 好爽甜，連個豉油都好食過人出面果d ga。 蠔油生菜 -- 好油........唔係好慣,因為我通常都食全走既菜既~~ 而d同事都覺得可以清返少少，因為之前d餸都咁重味了。 fish -- 蒸得剛剛好，一上枱就已經香氣四溢！well done之作！