生龍清湯腩 (褔榮街)

營業中

休息中

有三份二係肥油, 蘿蔔又有根, 啲肥油瀜化喺啲湯入面超肥!!! 有心臟病或胆固醇過高者勿吃！其實之前已經試過好多次，也打電話去投訴過，但由於本人愛吃牛腩, 加上本住"俾多次機會啦"的心態，所以就…......

食過兩次生龍, 都係非繁忙時段 (平日下午茶), 服務同食物質素都幾好~~~叫左崩沙腩米線($28)同 坑腩米線($26)清湯頭真係唔錯, 崩沙腩果碗個面一d油都無, 坑腩就會油d飲落肉味重而唔口渴, 同埋用左少少胡椒, 同牛腩味幾夾 伴上兩舊好甜既白蘿蔔, 入口無渣水份足, 正呢間野令我從此愛上崩沙腩。牛味極濃又唔肥膩, d肉炆到好腍, 但肉邊塊橫隔膜又彈牙煙韌, 食過番尋味因為個人腸胃唔係太受到肥肉, 坑腩爽腩都唔及崩沙正。反而我見生龍有好多招牌野: 又咖哩, 又蕃茄, 又桂花糕...多到我懷疑係咪樣樣掂, 等我下次試下再講ps: 另外加~$8叫左個好似叫"鹹柑桔七喜"既野, 估唔到係375ml罐裝汽水, 中伏..."

當日1:40PM, 與3位同事因為趕時間(只有20分鐘食LUNCH), 被上述店舖門外的員工話好快有得食而氹到入內食, 入內後發現已經人山人海而且地方淺窄, 坐底後只見到有3-4人在等食物來, 其他人已經在進食中, 因為時間無多關係, 我和一位同事立即叫了一個以為好快的"清湯腩河粉", 其他同事叫了咖哩牛腩飯及蟹子牛腩撈麵, 估唔到其他同事不足5分鐘就有得食, 而"清湯腩河粉"是等到15分鐘才到(5分鐘食一個河粉=.='), 係等到10分鐘時已經急唔住問一束馬尾的女伙記, 佢居然拎轉答我:「個個都係咁等啦!」呢D咁"吋"嘅服務態度, 唉!! , 最後發覺D清湯腩好差囉, 我有食過呢間麵舖附近有幾間食牛腩的麵舖及茶餐廳, 一定好食過呢間好多囉, 我曾經食過荃灣之原舖(同名店舖), 係非常好食, 可以講是推介-荃灣舖, 如果下次要食牛腩, 我會附近的但一定唔會到呢一間囉。

看見她標榜牛腩，有時都不敢相信這類字眼，但又想試試。因店內客不少，枱與枱之間的空間也有限，這是美中不足的地方。我們選了一個似乎是鎮店的：金牌咖喱薯仔牛腩飯和黑白胡椒牛尾飯，後者還跟一個湯。湯似乎與所說沒有味精相乎，味道很鮮甜。牛尾來時上面有黑白胡椒，有很多塊，小小辣很好味。咖喱牛腩我們選了「中辣」，對我來說辣得剛剛好，薯仔的軟硬適中，侍應問我是否要半肥瘦，我知道半肥瘦會好味點，但為著健康都是算了瘦的，雖然如此，也不是要使勁吃的，都是容易入口，份量也頗多。總括而言，這裏都是不錯的選擇，下次可以再來。

就在維記的對面, 有個招牌寫著清湯腩咖哩專門店, 相信店家對其自家出品的清湯腩充滿信心, 那家店就是生龍清湯腩. 今天就來見識一下清湯腩專門店, 是否名副其實.既是清湯腩專門店, 看了會菜單後叫了清湯牛腩河粉, 牛腩可以選擇肥瘦的程度, 我就選了瘦的. 阿姐跟著就問飲什麼, 其實我想剩食的, 不過在不好意思下唯有加杯凍檸茶.好快牛腩河就來了, 瘦的牛腩真的很瘦, 食味一般. 牛腩入口不黏牙, 而幼身的河粉都幾爽滑. 食到後來覺得碗底有件硬物, 一看原來是塊蘿蔔; 即時有種店家用蘿蔔撐起河粉, 令到看起來份量更多的想法, 還好蘿蔔入口無渣, 尚算不錯. 可能因為有蘿蔔, 湯底都幾鮮甜.後來有位男士搭枱, 他也是食清湯牛腩河, 我看見他那碗的牛腩排得一件件整整齊齊, 而我那碗就好像頭頭尾尾隨便放上去, 難道隔離飯真的香一點?這次的清湯牛腩河粉只是不過不失, 實未能稱之為佳品.

倆口子去深水保採購, 未購之前先要補充下能量先...在福榮街上...又不想食豬潤, 又不想食日本野..行經生龍見到有番茄湯底的物體就走進去試一試了鋪面細細食客大都是食完就走, 通常都是要搭台的.登凳.....招牌菜 清湯牛腩河牛腩有得揀瘦, 半肥瘦同肥...要了半肥瘦一上台就發現牛腩有點膻, 食起上來牛味好濃, 肉質都幾稔幾入味半肥瘦的牛腩肥瘦好分明, 肥的地方分怖在頭尾...只有肥膏; 瘦的地方分怖在中間...只有瘦肉倆口子都不太想將白色的肥肉放入口..清湯幾清甜, 肉味濃郁...不過都是帶有膻味的.湯底有2舊白蘿蔔, 煮得稔但是又不入味..真奇異..河粉幾滑口, 是平時茶餐廳常食到的幼河粉, 吸收了清湯的味道,不錯但都帶有膻味聞味識變..倆口子都不太想食 蕃茄濃湯牛腩米線蕃茄濃湯其實是蕃茄清湯, 蕃茄不是爛巴巴而是一KAI KAI 的...好鮮味中和了牛腩的膻味牛腩跟上面清湯的一樣就不再說了..米線煮的時間剛好..不會太稔...爽口的...不錯不錯..倆口子都比較鐘情這一個 跟餐的飲品, 俑口子要了咸檸七跟凍檸茶店員都幾NICE見我們將肥肉都吐在台面上就詢問倆口子是否不好吃倆口子就

同朋友飲完茶經過 "生龍清湯腩", 當佢見到啲糕點, 佢話好想試. 所以我地叫咗一件 "新鮮芒果糕" & 一件 "桂花雪耳糕" 新鮮芒果糕 - 呢個幾特別. 口感都唔錯...桂花雪耳糕 - 呢個就麻麻地...不過唔太甜下次有機會一定要試下佢地啲牛腩先

同老豆過黎買電腦之後唔知食咩,老豆揀左依個門口,就入左老豆叫左個清湯腩,我睇落OK,佢就話不過不失我自己就叫左個蕃茄牛肉魚餃米,我自己就鐘意食D濃味既蕃茄麵,所以次次去到有蕃茄麵既地方都會試,依度既都有蕃茄味,但係都差左少少,味可以再濃好多,魚斂也不錯.整體比我入門口前加分

食過上環的清湯腩後, 極之回味, 見咁多人都來深水埗搵食, 自己都諗住試下係本區消費, 試下深水埗的清湯腩我地一家三口, 分別叫左1. 清湯腩河2. 清湯腩麵老實講, 好失望, 想像不到的水準, 個牛腩又冇味, 個湯底仲死, 係雲吞麵那種鹼水味湯底, D河粉又碎, D麵又太生, 真係好後悔入左黎, 早知去遠D, 返上環或灣仔食, 人地用牛骨滶湯, 佢竟然用淥麵水做湯底3. 咖哩牛腩飯 + 咸檸七呢個算好D, 比起以上兩個而已, 有薯仔牛腩都算淋同入味, 但飯就少左D, 個咸檸七是我唯一滿意的了結論冇下次

之前都聽過呢間野牛腩..但無奈一路都冇機會試...點知昨日去買電腦用品時經過見到..於是馬上走入去試下......門前招牌真係幾型幾吸引人(黑底金字)入去都爆晒人...咁岩門口有台就坐....叫左坑腩河 同咖哩牛腩伊麵...加多個汶蘿蔔個腩河湯味幾入味...而且份量岩岩好唔會唔平衡 (腩過少,河多) 蘿蔔就我嫌佢咬口 略為爽.唔係唔熟..只係我更鍾意食淋D.... 咖哩都OK...但係個伊麵就太淋...食到尾一路浸住湯個D冇咁好食...但點都好整體感覺OK..始終最重要係牛腩價錢就都算OK...不過深水埗真係太多好野食...希望我花心完仲有機會再食

同老公去深水埗買mon呢未買前去左生龍度食野啦生龍!?咪係荃灣清湯腩 !?失望呀唔好吃的連老公中2食既蕃茄牛肉豬潤米都唔好食牛肉"um"!!我的就係咖喱薯仔牛腩飯啦d汁好稀d肉又碎又唔好味 似餿水飯我煮都仲好味過佢牛腩要半肥瘦 俾既係全肉黎的 仲要同柴咁都係荃灣間好d 可能細e間大又忙. ..拿渣冇下次啦 失望

2010年02月17日，16:00到黃金尋寶前，先吃了不什了了的臭豆腐，便再到這店碰運氣。人不少，要拼檯，心想執到寶。要了腩河，極速上檯。賣相：齊整的切腩，配上厚切蘿蔔湯底：鹹…鹹…鹹，扣…扣…分食味：半肥瘦腩入味，口感尚可；蘿蔔淡而有榨；河粉全無誠意，粉一團放在碗內，淋上清湯，粉、湯各不相干。最終是無期望下的失望

這褔榮街佔八至九成都是食店﹐如每家試少少都能令你飽著肚子。是日經過此處見到維記預期般排著人龍﹐那便過對面來到這處嘗試未光顧過的生龍。 店內環境普普通通﹐但比起對面人龍熱點這處都算有少許裝修。 從電視聽說崩沙腩這位置一頭牛不是有很多﹐所以從普通牛腩﹐爽腩及崩沙腩選了清湯崩沙腩河及咖哩魚蛋魷魚。清湯崩沙腩河 - $27 - 崩沙腩肉質不錯﹐很淋﹐有幾舊還連煙韌的膜位。湯底清淡﹐所以能吃到牛肉本身香濃的味道。客人亦可選擇肥﹐瘦不同的牛腩﹐能照顧不同食客的需要﹐質素不錯。咖哩魚蛋魷魚。 - $20 咖哩辣度真的唔係開玩笑﹐很辣很辣﹐與飯一起吃還免強能接受﹐但空口吃真的太辣。 魷魚質素不過不失﹐但魚蛋肉質霉霉。總括來說牛腩做得不錯﹐如再經過也會一試。

深水埗的「生龍」近來備受食友談論，連網台節目今朝有酒也有其相關食評，所謂擇日不如撞日，趁今天經過這裡，那就入去一試其清湯牛腩的水準。心中打算好像「九記」那樣，叫一碗半肥瘦的清湯腩河，然後再叫一小碗咖喱汁，想來個清湯與喱腩的一箭雙鵰，可惜這裡沒有這方面的食制，權衡之下唯有改可咖喱腩，但要求與河粉分開上，可能生意實在太好吧，這一個安排，花了我近十餘分鐘的時間。其咖喱汁底，也不是港式的那麼重油份，以黃薑粉為主體，是近似「阿龍」那類的巴基斯坦式的香濃風味，內有大量洋蔥粒或蔬果煮成茸狀，雖有有點辣，倒是越吃越惹味，論汁底過到關口，至於半肥瘦的牛腩，也炆得甚有嚼頭，有彈性不而不黏牙，加上肉味甚足，普通部位也有此水準，是值得嘉許的。倒是另一半的清湯河粉令人失望，河粉雖然爽滑，其所謂的「清湯」成色甚淺，面上的肥油反而有點厚，喝入口是有點味，但我不會歸類為來自鮮牛之味，甚麼用牛骨加老雞來熬製，實在也吃不出來，自從吃過大埔群記的濃牛之味湯底，其標準要求也來得提高。也有點懷疑，他們是否有兩款湯底 ? 一樣不錯，另一樣失準，算是打個平手。看餐牌的選擇也是太多，連對家的潤牛湯麵也賣起來(加了蕃茄湯底)，個人認為

數月前的某天，獨個兒來吃份咖喱午餐。一場來得這裡，選吃的自不然是她引以自傲的咖喱牛腩了....簡簡單單的一份咖喱薯仔牛腩伴飯，醬汁又香又濃，香味大部份是來自大量切了碎粒的洋葱，吃落極之惹味。雖是叫了小辣，但最後還是吃至大汗淋漓難道不吃辣東西已久，功力便退步了如此的多 ? 說到此等pakistan style curry，水準當以從前佐敦的阿龍為馬首，但自從"分家"以後就未有機會再吃。想不到現在在此吃到比從前阿龍有過之而無不及的咖喱水準，看來是時候回歸佐敦老巢吃一趟，比較比較才行....當日特別叫了半肥腩伴咖喱吃，事實上除了半肥之部份外，是還夾雜些偏瘦及帶筋的。前者質感極嚡極韌，絕對不消一提；後者則與前者剛剛相反，炆得極淰，將之嗦滿喱汁而食，一流之味也；半肥的當然很好吃，脂香十足之餘又能吃着些帶筋之部位，肥得來又有咬頭，令人回味....吃完味濃的咖喱，決定來一碗相對清一些腩汁蘿蔔去中和一下。價錢雖只是八大洋卻舖滿了整整一大碗，極抵吃。咬落很淰亦沒渣，但卻少了蘿蔔應有的清甜。腩汁是屬於清湯風格的，清是夠清了，但略嫌少了一份濃香，感覺是有點淡如水的味道。論水平，跟天后華姐的就差了不只兩班..