生記滷味

營業中

休息中

在區食滷味, 生記係, 鹵水鵝, 鴨, 腎, 鴨舌, 鵝腸, 鵝掌, 鵝肝, 鵝翼等滷水食品, 放晒出來, 目不暇給, 行過都為佢動心, 更況且係滷水迷的我...適逢午飯時間, 店內坐滿客人, 本人 睇下餐牌, 所有有鵝的雙併飯就$28, 仲可以選擇鵝片, 而且有足料例湯送, 都咪話唔抵!!我叫左個鵝片併豬腸飯($28), 太座則點了鵝片併鵝腎飯($28), 每碟飯有鵝片6片, 份量唔算少, 鵝片連著少許的皮, 因為佢地用有番咁上下大隻的潮汕獅頭鵝, 有d脂肪當然唔出奇, 食落去好入味, 有著濃烈的滷水香, 肉質算係嫩滑, 夾雜住微微的鵝肉香, 配上白飯食真好味而豬腸切得幾大舊, 而且滷得好入味, 咸左些少, 而腎亦滷得不俗, 口感爽脆, 份量頗多, 不過我因為掛住享受鵝片而冷落左佢地, 每碟都配有少量酸菜同2片滷水豆腐, 雖然佢地唔係最好食的滷水, 但我話在紅磡區食最好味滷味非生記莫屬

周末日的紅磡灣一帶,四處食店也是水洩不通,三河屋門外的人龍不絕,川王,時新一樣門外大把人圍住,就算連川粵,一樣如賓墟.想快手快腳吃一頓,就來到生記吃鹵味.一個人來總會有位,唯有坐得逼一點.碟頭飯有例湯跟,合掌瓜煲豬錚,清甜,沒有下味精.鵝片拼鵝肝飯,碟頭不小,今次的鵝片,很老.不知何解,之前吃也不是這種感覺,鵝肝就一貫地甘香,它們的鹵水滲進一點點藥材味,本身鹵水已經香甜,加上藥材就多卻一點甘味.前後不用十五分鐘,回到去三河屋附近,門外人龍好像未動過.

話說生記的太子爺是小弟的同學而今日2.14沒有情人又空閒得很,打算跟他吃個飯但他說他正在忙,小弟和幾位朋友就到生記找他,順道吃飯到了生記,一坐下,有一例湯,喝了2口,就叫人寫菜寫菜的是一個大嬸,她的態度差得要緊.....於是我就只叫了鹵水鵝片和鹵水豬耳食物方面小弟覺得可以今日的鵝片還真的不錯,鵝片挺入味的,有咬口,不太淋也不會十分【痴】牙不是太肥膩,相比過往吃過的,生記的鵝片算是比較好至於豬耳不時小弟都會到生記外賣豬耳雖賣相平平,但味道真的有保障豬耳十分爽脆,油但不膩整體來說際了服務態度可以改善之外食物分面真的挺好吃所以生記鹵味還值得一試

講了很多次要食今天有機會lu~食了鵝(很肥),'蛋(都入味),豆腐(no comment),SUN(很硬)....沒有驚喜.但一坐落去即刻有例湯~仲搞到好似有d唔好意思唔叫一人一個飯nei~碟飯很大But硬要用湯送~最後走時俾$$$呀生都好似唔優做~無反應~

買左鵝腸, 鵝腎, 豬腸同沙薑雞~~全部都好好味, especially沙薑雞!! 勁入味, 點埋d沙薑醬簡直冇得頂!!下次唻哩度除左食鵝, 又多一個choice喇~

今日路經此地早聽聞呢到o既鹵味唔錯決定買d黎試下一向對豬脷情有獨鍾買一條來試試$15一條唔係太大條都算幾貴豬脷偏林有d失望....不過豬脷好份味鹵水味十足而且好好味~似乎生記鹵水汁比起師傅手勢更為出色~

上次黎食過滷水鵝唔錯，今次我地黎試美味既鵝腸 ($15)！ 滷水汁唔鹹，食得出多種藥材既味道，有別於其他滷味店的，好有心機。 鵝腸算爽脆，入味，一口氣食完，下次要試下佢地既鵝肝了！

叫了個鵝拼豬頭肉飯... 鵝肉都可以，滷水味不夠濃，不算難吃，如果味濃會更好豬頭肉就普通啦，都爽口，又是不夠濃味啦...飯底都好多下，有咸酸菜同2片豆腐，大大碟仲送了碗例水都只係$27.00算係抵啦如果我係個頭住，都會再幫襯但係專門上門再去食就又排了

原本欲試試一間新開嘅潮菜館，去到才發覺下晝係唔做生意嘅。望見對面嘅生記，先記起已久未幫襯...平常坐低總係會叫個拼盤飯的。今次唔叫咁"立雜"，來個鵝拼豬脷...吃過上環陳勤記後，再吃這裏嘅鵝就覺得略輸一籌。肉偏韌，滷水味不夠醇厚，不過，當然不算是難吃，但吃過更好的，就會有點見異思遷la豬脷有一點韌，不是上等貨色...有時候來這裏嘅主要目的，反而係佢哋嘅白飯及例湯 (奇怪否 ?)。唔知點解，佢嘅飯煲得頗軟熟，係小弟最愛嘅口感；例湯味道好家常，但是次喝到嘅黃豆節瓜湯，味就真的淡如水，退步了....會唔會再幫襯 ? 睇怕都要等一排了...

都據聞過人地話好食,諗住未食過,就去一試。叫左個鵝加大腸飯。其實我都冇話expect會點,但...十分咁普通...-__-...平時邊到食呢o的咁既飯都會覺得好食架啦。不過...佢俾o的鵝...肥到爆...大部份都係o個種得層皮既位...腸,都係好肥的,但唔理,照食...

因為要戒口，所以今日買左隻沙薑雞，不過老闆娘比埋醋同滷水汁，隻雞唔肥，好滑，好味。

還記得第一次同青檸先生來這裡食滷水鵝是去睇馬術個一晚。之後，計埋今次，我地外賣過兩次。今次$150半隻，價錢合理。生記d滷水鵝真係好好味，好入味同好鬆。可能是獅頭鵝的關係，會較出面的好食，當然價錢都相對會貴少少，但一分錢一分貨，我誠意介紹給喜歡食滷水食物的朋友。

紅磡搵食,搵到o黎呢度。7點幾對滷味店可能已經係唔早,豬大腸同豬利都賣晒。所以唯有揀鵝拼紅腸同埋鵝拼雞腎。加上送o既例湯,是日蓮藕蠶豆湯是也!o的鵝都唔錯,但就唔係特別出色。紅腸一般都唔會好難食,呢度都冇例外;雞腎好味!湯唔覺有味精,我覺得味道略淡,太太就話剛剛好。值得一提,阿叔同街坊對答勁攪笑,聽一陣,心情靚晒!

係poly放學後冇野做, 同班fd黎黃埔行下街, 睇下有咩食行呀行, 俾我地見到間滷味店, 就即刻入左去~話, 成間鋪都係d呀伯咁濟...一坐低, 都未叫野食, 就即刻有例湯飲~叫左個鵝拼朱利反, d滷味真係好好好入味, 連d骨頭都好入味, 可以用出神入化黎形容可惜太少飯, 食哂d飯仲有好多餸同埋例湯千其唔好灘凍先飲, 因為會有"獲lone"味.......我成班fd都話冇野...係得我..出事

價錢加了,份量少了,碟頭鹵鵝飯要廿五元一碟,以前鋪滿飯面,現在己經鋪不滿,跟飯的例湯仍然不錯,有少許味精,味道仍然很好.現今所有東西都加價,也怪不了他.以物值來說,都是吃得過的.