生記滷味

營業中

休息中

屋企打麻雀無人煮飯，唯有斬料！一隻沙薑雞份量都好多！睇隻雞翼都知隻雞本身係好大隻！不過雞本身冇乜味，要靠佢嗰兩樽仔個沙薑汁先有味～啲雞都偏肥，所以都食唔晒，唯有留返聽日再煮米粉食！

琴日同朋友去何文田搵食 行行下發現左有間專食滷味既鋪頭就諗住試下。 一埋位就黎左碗例湯，係蘿蔔瘦肉湯。蘿蔔清甜冇渣又好淋，冇牙都食到! 入面滷味都多選擇，又有得淨揀雞飯，鴨飯38蚊同鵝飯50蚊雙拼加兩蚊。又有豬頭肉豬脷d平時少見既餸揀都幾抵食。我叫左個鴨拼豬脷飯，朋友叫左個鵝拼豬頸肉飯，豬脷比想像中硬，要咬耐d。但朋友食過覺得好食過平時d牛脷，佢話之前試過牛脷接受唔到，今次覺得豬脷幾好食。 鴨就普通水準，不過不失。 反而鵝就真係出色，雖然d皮厚左小小，帶點油膩，但肉質結實。整體黎講中意食滷味既人下次可以試鵝同豬脷。

去觀音廟還神後，係開呢頭男友話一定要過黎食，都好幾年無食喇..一坐底未叫野已有兩個例湯到，大大碗，味道就一般。諗左一陣食沙姜雞定五花腩好，都係決定食五花腩😀難得黎到食滷水嘛～其實睇返餐牌，價錢覺得都OK，依家一個普通燒味飯都要$30-40蚊，佢d碟頭又大，我又覺得算抵食。男友叫的鵝脾鵝腸飯，睇佢食得好滋味，我就試左鵝腸幾香而且量都多。這個是我的五花腩飯，滷水五花腩幾入味，口感都有層次，最表面一層煙un，之後肥肉油香有口感，中間肉嫩，再一層肥肉後就瘦肉。唯獨覺得有少部分位置瘦肉位會有d痴牙，其他都還好。另外又是不好意思，一個女仔食一碟飯，太多了，下次應該叫小飯至得。講埋佢個伴菜，鹹酸菜係幾正，味道適中，唔會太over,就咁食都得，難怪見到其他客人會叫多鹹酸菜👀豆腐就豆味香濃，嫩滑的，伴碟既都好大舊。

從前來"生記"吃鹵味都是得一支公沒有其他人。今次就非常例外地，身邊坐著一位美人肯陪小弟坐於此甚地痞的小舖中，品嚐價廉而物美的平民美食....甫坐下，點了一碟慣常叫的鵝片併豬頭肉飯。前者肉依舊軟嫩不難咬；後者依然是爽脆至咬進口是嗦嗦有聲；滷水則仍然色水沈鬱又夠味，連帶弄得本身無味的豆腐都變得好吃了....未夠喉，再添多一份淨鵝肝和坐在旁邊的那位美人共享....和從前吃的比較，今次的肝雖仍夠"粉"但嫩度卻是有今不如昔之感.....不過，兩碟飯加上一碟鵝肝，埋單加起來還不用百大洋，這就真是典型的價亷物美之例....

下晝介紹完點心俾老公食，到夜晚老公就帶我去食麻甩佬飯堂😆其實之前都有黎食過，嗰陣公司仲係紅磡，間中都會過嚟呢間度食晚飯，咁啱今日老公話好耐冇食呢間，所以就決定夜晚食滷味呢間滷味店應該係街坊知道出名嘅，其實眼見啲人黎買外賣居多，總之淨係見到個門口不停斬不停斬其實佢都有堂食位嘅，通常一入嚟佢就會比碗湯你先，咁啱今日係苦瓜湯，正喎苦瓜排毒我就嗌咗雞同雞腎飯，老公嗌咗鵝同埋大腸飯😋雞雖然肉嘅部份少咗啲，不過都係肉嫩嘅，雞腎就係好咬口😁老公嘅鵝片都OK，不過豬大腸就更加好味👍🏻👍🏻👍🏻雖然環境衛生就普普通通，不過對於快餐或者外賣來講都係一個唔錯嘅選擇👏🏻👏🏻

本約了久未見面的老友聚舊吃個午飯的，但她臨時要被老細徵召開會故要忍痛放我飛機....頓變成一支公的我，唯有孤獨地去吃我的麻甩午餐....這裡仍是十年如一日，一到午飯時段便馬上成為一眾麻甩佬的飯堂。放目瞧來，一整間店不是擠滿像我的中年獨身漢，便是在附近開工的地盤工人大哥....一大碟鹵水鵝拼豬頭肉飯，吃得人飽飽的，都還花不了五十大洋，而且嗒落鹵水味足濃郁，鵝肉厚身不韌紥實；豬頭肉皮爽肉嫩，一向是吾之至愛也....最近要介食豆腐，所以就與之無緣了；醃菜沒見死鹹還是甜甜哋的，可以放心食多幾口....禁食了一段時候，間唔中來放縱一下也是件樂事。索性來一大個鵝肝切件上，入口粉嫩，食得太過癮。甚麼膽固醇之顧慮，全皆拋諸腦後....食完後，喝畢一碗少味足料的例水。這樣一個便宜抵食的麻甩鹵水飯，吃得人稱心滿足....

平時好少會去滷味店度開餐... 燒臘鋪都少幫襯... 所以決定試下... 係門口周圍望... 搵到真係有飯食就入去搵個位... 個陣堂食既只有另一個客...好多野都想食... 兩個又勁肚餓... 價錢又平... 所以...雞併鴨飯超開心伯伯切左雞肶同鴨肶比我地 XD 仲係咁問我地仲咩唔食呢碟... 鵝併豬手飯婆仔入到鋪唔知仲咩好想食豬手... 豬手好淋... 鵝都好好食...最開心係估唔到會有豆腐同酸菜... 超正~~~ 鵝肝細蚊個陣好間唔中都會食... 反而家陣好少食到... 加少少豉油就已經好好食... 配埋白飯一流... 但小心難消化唔好學婆仔食太多浪住個胃...鵝紅未見到真身睇名都估到係豬紅個d... 中左~ 好味~ 一座底伯伯就拎兩碗例湯... 我之後仲問清楚洗唔洗錢... XD 未幫襯過問清楚丫嘛 XD 伯伯叫我飲啦好飲架~的確係食唔曬架... 所以唔好浪費~ 最窩心既係打包拎走會問我地洗唔洗再要包汁... 好 nice 既鋪頭~婆仔背住門口座... 開始食無耐望一望後面... 座滿曬客... 同不停有人買外賣囉... 原來咁受歡迎架... 仲有好多滷味想試下次再幫襯~

特然想食滷水鵝一支公又冇理由去打冷黎呢度食個滷水鵝飯就啱啱好餐牌呢到除咗滷水鵝之外仲有好多其他滷味腎肝大腸豬耳豬手紅腸鵝翼豆腐雞蛋乜都有鵝拼腎飯滷水鵝皮入曬味而且鵝肉仍然嫩滑不過今日運氣麻麻佢斬左好多骨比我碟頭飯就係咁食到乜都好講運氣豪氣啲可以食六十幾蚊嘅鵝脾飯咁就一定啖啖肉呢度啲腎都有分大細細腎平啲入味口感較棉大腎就食爽口個人喜好細腎配醋食冇咁油膩須主動問店員攞隨飯附送例湯一碗花生煲瓜同鵝頸物盡其用

話說兩個星期前，母親大人拿了兩個外賣盒回家做晚餐，打開一看，嘩，正，原來係潮州滷水鵝，仲有鵝腸，鵝肝和滷水豆腐。正所謂有食唔食，罪大悪極，偷食呢d指定動作就必然㗎啦。滷水鵝咸度適中，啱啱好，鵝肉唔“鞋”口，鵝腸夠爽口，值得一讚。唔覺唔兩個人KO哂所有野只剩餘少量鵝肝。今日途經紅磡，頓時想起生記滷味。買番半隻滷水鵝，鵝腸孝敬母親大人。

呢度好出名，每次行過都有人龍，而好食嘅item更加早嚟先食到，所以幾乎次次都同鵝掌無緣，10次有8次係買唔到，老闆大人可否炮製多dd，讓食客們大飽口福😝本來打算主打買鵝翼，點知賣哂...唯有單點鹵水鵝，半隻打開盒，發覺生記比出面食開嘅，同樣都係半隻，但多d，同埋大隻d喎👍🏻👍🏻夠足秤！味道好對胃😬鹵水味道好得，唔係得個咸味，而且好香！鵝肉亦好得，鬆軟得嚟，卻不失肉質，加上鹵水味入哂鵝肉，比好多馳名店還好，物超所值😋😋😋

This restaurant is very much famous for its marinated meat, in particular the Goose, and so, we stopped by here and tried the Goose Liver and the Mixed Rice (as I don't know what to order, and I am greedy, want to try more at one time).  Not disappointed, and the Man's Rice is not too salty (I thought it might be), and mixed with the rice with quite a balanced flavour; while the Goose Liver, Chinese style foie gra is a bit tough, but the taste is strong and nice, and you can see that both the ri

生記滷味位於大街上 我個人認為係一間都幾傳統既潮州野店內燈火通明😂位置都幾多 就算堂食都唔怕要等好耐 是日同友人一齊去外賣自取2條友叫咗2隻鴨腎(細) 1隻豬耳 1磚豆腐 滷味叔叔好好人 就算我地心大心細都冇追我地叫快啲鴨腎質感好爽 唔會有怪味 豬耳就稍腍 可以煮耐咗 但配落醋度 鹵水汁唔會太咸 正正正埋單$48 但分量多到食唔哂🙊

星期六晚上我一人去買外賣，一隻滷水蛋、一件豆腐同一個腎，滷水蛋切開2件，豆腐同腎切片上，滷水蛋同豆腐外表微啡色，內裏白白的，腎帶深黑色，腎食落去也入味，口感不軟不硬，但食落去滷水味道又咸又苦。此外，他的營商手法真不敢恭維，佢話豆腐要至少2件，問我要唔要3件，佢表明豆腐每件10元，真係唔明點解都有MOQ。又問要唔要多隻蛋，我忍唔往同佢講食唔洒。真係有啲黑店feel。最後買單1蛋、2豆腐同1腎都要45元。真係激氣，永遠唔有下次。

滷味可能平時茶樓晚飯或我們家中晚飯斬料都會吃到，普不是甚麼稀奇菜式，但生記滷味不單是一間潮州滷味店，而且還是潮州商會指定的滷水供應商，難得來到紅磡尋食，雖然紅磡的生記只是分店，但也值得我們拜會。星期六的下午五點來到，可能滷水店始終做外賣生意多，店內雖可容納約二十人，但食客不多，我們甫進店內就自己找個位子坐。在點菜前，伙計送來每人一碗老火湯，忘記了是甚麼湯了，但大大一碗，如果喝光，已經滿肚水，飽了一半，所以最後我們都沒能喝光。由於我們之後還會吃晚飯，所以我們就只點了滷水拼盤和滷水鴨大家分吃，滷水拼盤($80)內有紅腸、滷水蛋、豬耳、鵝腸......，單看顏色已見到全部是均勻的滷水啡黃色，滷味吸滿滷水汁，即使不用再蘸白醋味道已不錯。滷水鴨($80)滷水鴨同樣吸滿滷水汁，鴨肉肥廋適中，肉質不會過韌過鞋，確是不錯。

我叫的滷水鵝飯，碟頭飯啲飯只是暖暖地，滷鵝好似餸的頭尾幸好有4件鵝片蓋住，但仍然有點失望，及覺得出品未能達到一般標準; 我們中國人對白米飯要求很簡單，就是喜歡熱熱辣辣有新鮮嘅感覺。希望盡快可以改善下。