生記海鮮酒家

營業中

休息中

而家好多地方飲茶都唔掂， 呢度收十蚊一位茶 ，十二點前埋單 收十蚊 ，中午時間查戒13蚊， 啲茶湯冲起都算中規中矩 都算唔錯 。早上好多點心組合孖寶， 圍起十幾蚊一碟，超抵。藥膳雞腳有四隻， 藥膳湯好好飲，雞肉 亦都 好淋。早上有個灌湯餃 十幾蚊 係超平， 當然味道就普普通通，好似小籠包加湯咁。鹹水角啲料唔算太多，但係整得好好食下次我都會再叫，孖寶之中，我叫咗一碟上湯芥菜，好大碟。乾蒸蟹子燒賣我就覺得幾好食， 起碼好過附近幾間點心專門店。

呢間生記海鮮酒家連住荃灣熊貓酒店以為係做遊客生意為主 點知全場都係街坊平日晚嚟到差唔多全場full晒 好受歡迎價錢相當貼地 我哋叫左6個餸 又鮑魚又大元貝埋單都係800左右好抵食蜜汁叉燒皇呢個簡直係神級叉燒 厚切之餘又肥瘦適中外層燒到少少燶邊 肉質軟腍 脂肪位爽口不油膩鮑汁玉掌皇扣原隻八頭鮑魚68蚊就可以食到 鮑魚都幾厚肉 請客都唔失禮金蒜粉絲蒸大元貝20蚊隻都唔洗 媽咪話自己去街市買都唔止蒜蓉好香 元貝新鮮鮮甜 粉絲索晒啲汁好好味頭抽皇生煎大花蝦煎到蝦殼都好惹味 蝦肉結實爽口 呢間海鮮唔錯菠蘿脆皮咕嚕肉酸甜度啱啱好 而且係用新鮮菠蘿唔係罐頭野 咕嚕肉裹滿醬汁都係咁脆口👍🏻鹵水豬仔腳估唔到小食嘅份量都咁多 上下兩層有十幾件鹵得好入味但仲好爽口 點埋蒜茸醋仲好味食飽仲有甜品送 除左酒樓例牌糖水紅豆沙之外竟然有豆腐花 好嫩滑豆味都幾濃 有啲驚喜喎

今晚和家人地荃灣熊貓酒店近附晚飯，幸造訪位於荃灣悅來坊的生記海鮮酒家。這間餐廳以其精緻的點心和豐富的海鮮選擇招來。經過最近的裝修，餐廳變得更加寬敞明亮，營造出舒適的用餐氛圍。餐廳的裝修簡約大方，環境寬敞明亮，坐得舒服，非常適合親朋聚餐或商務宴請。高湯焗澳洲龍蝦伊麵底 $288龍蝦肉質鮮嫩爽口，伊麵彈牙，鹹香味道與鮮甜的龍蝦肉質交融，足夠2-3人食用，性價比高栗子走地雞煲 $128雞肉軟淋，栗子粉糯香，醬香濃郁，非常適合配飯。飯後每位贈送甜品，有紅豆及沙豆腐花😄🎈生記海鮮酒家🎈荃華街3號悅來坊2樓203號舖

以往生日餐都喜歡到此酒樓，所以一早打電話預訂今晚6；30四位生日晚餐，接待回覆「不用訂枱」。怎知到場後竟然說滿座， 但現場可見九成是空枱。一張枱都不能給予， 如此服務令人失望，以後都不再光顧！不要說生意難做，服務令人如此失望， 生意差都是意料之中吧！其實不想接細枱都可以理解，但應預早說不能接待，卻刻意誤導客人， 白行一趟！

2/2/2025 第一次來食晚飯，一早訂左枱，自己散叫無叫餐，估佢唔到樣樣幾好食，真心不錯，可以再來，但杯碗碟有點污糟，要小心，要洗乾淨。 地方不太大，枱比較迫，枱貼枱。無咩服務員，叫下單都無人黎，人手少吧～金瑤扒豆苗$178炒得好嫩滑，味道夠，好食菠蘿咕嚕黑豚肉$158咕嚕肉脆口，半肥瘦，酸味夠，唔錯鮑汁花膠扒豆腐$158豆腐好正，小花膠有2件，好味炸子雞$328炸得脆，好食👍福建炒飯 😅唔記得影炒得都好食😋

本人於1月26日訂位於1月28日吃團年飯，當天我訂了6:00pm 7位並確認，今早才收到通知話沒有留位，我跟他們說大時大節，如何可臨時訂到位，於是服務員話幫我再安排一下，稍後再致電給我，但我等到下午四點還未收到電話，於是再打電話去確認，服務員話我已經取消Booking，我跟他說我沒有收到任何通，他更理直氣壯地話收到一名女子致電取消，但又講唔出係邊位客人，只係講聲唔好意思就掛線。為左保障自家食肆100 ％入座率，overbooking 都照接，唔好成日怨生意難做，啲人去晒北上消費，究竟邊個做成這現象，好好檢討一下!

好友遠嫁，離港前就帶她和她的外藉未婚夫到荃灣，好好吃一頓地道港式早茶。生記是其中一間我欣賞的餐廳，環境又大又寬敞，待應服務貼心，當然，晚市海鮮也是物超所值，所以食客非常多。點心選擇極多，賣相不但精緻，製作也非常用心。XO醬炒腸粉 - 腸粉色香味俱全，不但上色平均，口感外脆內Q彈，辣辣的，巨惹味。竹炭流沙包 - 包包口感柔靭，內層全都是爆漿流沙餡，味道香甜帶鹹香。蜜汁叉燒皇 - 叉燒全都是厚切，肥瘦適中，肉質巨軟腍，外層帶點焦香，加上甜甜的蜜味，佐飯一流，推介！姖松茸海皇餃 - 海皇餃巨大隻，餃皮煙韌不厚，內層餡料十足，姖松茸味非常香濃，配上清甜粟米及蝦肉餡，很好吃。滷水豬腳仔 - 賣相滿分，豬腳仔皮爽肉嫩，入口有濃郁滷水香，味鮮而不鹹。原隻鮑魚燒賣 - 燒賣不但大大粒，而且每隻都放了原隻鮑魚，鮑魚淋滑，肉餡爽彈，充滿肉香。魚湯魚骨浸生菜 - 生菜掛上魚湯後，非常爽甜，配上啖啖嫩滑魚肉，讚。金箔芝麻卷 - 味道清甜，有濃郁芝麻香味，口感QQ彈彈，既軟糯又爽滑。紫米椰汁露 - 紫米露軟糯香甜，有滿滿椰漿香味，口感煙韌又不失軟糯，非常滋潤。

今日係荃灣行街行完之後搵地方食晚餐就揀左悅來坊既生記海鮮酒家佢都幾多野食揀我地最後揀左以下幾樣野食⭐️前菜麻油雲耳佢個麻油味好香調味得好好作為一個前菜完全適合食完好想再食⭐️瑤柱水晶雞隻雞都幾肥美不是瘦蚊蚊既雞皮脆有肉香嫩滑不錯⭐️粟米石斑塊魚炸得好香，唔滿過淋配埋個粟米汁完全可以送飯真係飯都可以食多碗⭐️紅燒海皇燴花膠羹材料都幾鮮甜啖啖都有海鮮也不錯最後酒樓送咗兩碗紅豆沙作為一餐飯嘅終結都幾舒服！

🪿朋友話呢間片皮鴨好食又抵，所以走去book咗枱兩個人去食，又真係好平喎，仲有龍蝦伊麵係酒樓先有得食，所以忍唔住嗌咗一份，非常滿足！上菜速度都好快！地方坐得舒服，夠大夠空曠，唔錯飲茶嘅地方！🫖酒樓簡介: 生記海鮮酒家位於荃灣悅來坊，憑藉精緻的點心和豐富的海鮮，一直深受附近居民和遊客的青睞。經過最近的裝修，餐廳變得更加寬敞明亮，營造出舒適的用餐氛圍，既適合親朋聚餐，又可滿足商務宴請的需求。餐廳的主廚功底深厚，精通各種粵菜和海鮮的製作技藝。餐廳設有大型魚缸，裡面供應鮑魚、龍蝦、海魚等各式生猛海鮮，即點即做，確保每一道菜品的鮮嫩可口。餐廳的招牌菜有星洲胡椒大肉蟹、蜜汁叉燒教主、當紅脆皮燒雞、八寶海皇燉冬瓜盅等，每一道都色香味俱全，令人回味。大廚注重選用新鮮時令食材，為賓客呈現一場海陸空粵菜盛宴。除了主菜，餐廳的點心也別具特色。所有點心均由點心師傅精心製作，以新鮮食材和細膩工藝打造，不僅口感出眾，外型也很精緻。這裡有致敬傳統風味的懷舊點心，也有大廚獨創的創新點心，可以滿足一家老小的不同口味。這裡沒有旺角的喧囂，也沒有中環的華麗，卻能滿足您挑剔的味蕾。歡迎您前來品嘗，敬請提前訂位。🦞芝士龍蝦高湯

早排入荃灣買野，屋企人想食中菜，見到生記海鮮酒家門面好吸引，原隻西澳洲龍蝦伊麵底 $200 都唔洗，仲有好多超值Set 揀🤩酒樓環境舒適又寬敞，門口位已經見到有養殖活龍蝦、鮑魚等，好新鮮生猛！𓏸𑁍𓏸𓈒𓂃𓂃𓂃𓂃𓂃𓂃𓂃𓂃𓏸𓈒𑁍ᵂᴴᴬᵀ ᵂᴱ ᴼᴿᴰᴱᴿᴱᴰ𓐎 高湯焗西澳洲龍蝦🦞伊麵底 $188 + 芝士🧀 $30龍蝦肉鮮甜，搭配濃郁高湯，伊麵吸收咗湯汁後更添風味，再加上芝士，香濃得嚟又唔會過膩，好有水準！𓐎孖寶C 餐 $328♥︎薑蔥焗生蠔一桶生蠔好新鮮，加入薑蔥味道提升咗海鮮嘅鮮味，真係食唔停口😋♥︎生炸脆皮燒雞🍗半隻雞皮炸得金黃香脆，配上特製醬汁，實在好味！整體來講好滿意，無論係海鮮定肉類，都係非常推薦！酒樓最後仲每位贈送紅豆沙或豆腐花 ,估唔到咁貼心，下次再同屋企人嚟叫多D 野食😍

茗茶 $15 / 位小食 $15可選花生 / 涼拌黑木耳高湯焗澳洲龍蝦 $188 大碟，龍蝦肉和伊麵份量不少，足夠2-3人分享，單價不需一百九十元就能吃到西澳龍蝦加伊麵底，性價比高！蟹籽沙律脆皮大蝦球 $168外層炸皮輕脆，內裏大隻蝦球，配西蘭花、蟹籽和適量沙律醬！金瑤扒豆苗 $168豆苗新鮮爽脆，有鑊氣，金菇瑤柱芡汁濃郁惹味！甜品 $0豆腐花_______________生記海鮮酒家 (荃灣)荃灣荃華街3號悅來坊2樓203號舖_______________

餐廳裝修雅致，簡約大方坐得舒服，適合一家大細聚餐屋企人最鍾意當然係精選優惠孖寶款式種類豐富，尤其係海鮮類豐儉由人，可以慢慢揀😆✨焗澳洲龍蝦 $180✨轉芝士伊麵底(+$30)龍蝦啖啖肉，新鮮彈牙伊麵蘸滿大量濃厚芝士醬汁香口滿足，必須趁熱食🤤味道唔錯，冇我想像中咁膩！精選優惠套餐 $438✨古法湘東羊腩煲配金蒜✨粉絲蒸大元貝(4pcs) 每逢秋冬就好期待又係食熱辣辣羊腩煲嘅好時節一人一碟腐乳沾醬是必須的！湯汁唔太甜，帶有藥材香氣蔬菜同腐竹配料吸收晒湯汁羊腩肉質較結實，軟腍啲就更好-大元貝賣相吸引粉絲蒜蓉蒸係不敗組合粉絲係靈魂，蒜香滿滿，勁滿足🤤✨鮑汁玉掌王 $68鮑魚愛好者再次出動😍扣原隻八頭鮑魚，醬汁調味恰好

前幾日去咗荃灣揾朋友，晚飯時間朋友提議食中菜，佢話生記海鮮酒家唔錯，所以就帶咗我嚟呢間酒樓度食晚飯。坐低冇耐見好多人都食龍蝦，睇睇餐牌原來有晚市優惠，優惠價三選一龍蝦、珍珠班、片皮鴨。生記小炒皇 ($138) : 每次食大排檔或者酒樓我都會叫嘅菜式，小炒皇上枱時鑊氣十足，而且非常足料，味道咸香超好餸飯。高湯焗西澳洲龍蝦 ($188) : 起初見佢 $188 就有龍蝦食以為都會幾細隻，點知上枱時非常有驚喜，啲龍蝦仲多過啲麵 🤤 而且龍蝦肉爽口彈牙啖啖肉，難怪每枱食客都點呢款。啫啫三蝦芥蘭煲 ($128) : 蝦乾肉碎咸鮮味十足，芥蘭入口爽脆，關鍵用埋砂鍋保持熱度，食落熱辣辣非常惹味。椰汁馬豆糕 ($29) : 馬豆糕椰香味一足，但味道唔太甜，老人家食都適合。

🌟 荃灣生記海鮮酒家 - 悅來坊🌟大家好，今日要同大家介紹一間超值嘅海鮮酒家——荃灣生記海鮮酒家！呢間店係中外著名食府生記飯店嘅分店，位於荃灣悅來坊。🍴 優惠介紹：酒家而家有大閘蟹小菜優惠，兩隻大閘蟹加兩個時令海鮮小菜只需四百幾蚊，真係超抵食！而佢哋嘅原隻澳洲龍蝦伊麵只係賣緊188蚊！💯另外仲有多款海鮮及小菜優惠💯🦞 今日食評- 上湯原隻澳洲龍蝦伊麵：只係188蚊就可以食到原隻澳洲龍蝦伊麵，味道濃郁，龍蝦肉質鮮嫩爽口，伊麵彈牙索曬啲汁，絕對係美味之選。- 半隻瑤柱水蒸雞+蒜蓉粉絲蒸扇貝：孖寶優惠價只需二百幾，真係無得頂！雞皮爽口，肉質嫩滑，蒸扇貝蒜香味十足。- 綠豆沙糖水：綠豆沙糖水夠曬火喉，送嘅😂完美。- 香芒布丁： 小時候去飲茶，最想食嘅可能唔係蝦餃燒賣，但係一定係啫哩糖同埋香芒布丁🤣🤣一定要叫佢加多啲花奶咁豐富嘅晚餐，包括原隻澳洲龍蝦伊麵，埋單都只係500蚊左右，真係超值！📢 小提示：記得訂座，因為六點幾就已經爆曬場！📍 地址：荃灣荃華街3號悅來坊2樓203號舖#荃灣生記海鮮酒家 #大閘蟹優惠 #澳洲龍蝦伊麵 #瑤柱水蒸雞 #蒜蓉粉絲蒸扇貝 #綠豆沙 #香芒布丁 #荃灣美食 #餐

位於荃灣悅來坊嘅生記海鮮酒家 ，憑藉精緻嘅點心和豐富嘅海鮮🥰，一直吸引到附近居民和遊客喜愛😍。難得今日經過荃灣，順便去試下先😆。餐廳最近裝修完，變得更加寬敞明亮🥰，營造出舒適嘅用餐氛圍，既適合親朋聚餐，又滿足商務宴請嘅需求🤗。前菜 $15蒜香木耳 - 木耳口感爽脆微硬，加上蒜蓉、香醋及豉油等醬汁，味道酸甜又醒胃😋。蜜餞香薯牛仔粒 $138牛柳粒🐂軟腍無筋，薯仔粒香軟粉甜，每食一口都有淡淡的蜜糖及黑椒香味，好會又惹味😋。粟米石斑塊 $128班塊真材實料，厚切斑塊大大件😍，炸至表面酥香，魚肉緊緻，肉味濃郁，啖啖肉又好味。芡汁混入勁多粟米粒及蛋花，味道香甜又香濃😍。半肥瘦叉燒皇 $168選用半肥瘦豬腩肉🐖，油脂豐腴。燒到表面焦香🔥，油脂邊位尤其香口，肉質非常軟腍嫩滑又juicy，蜜汁叉燒醬味道香濃又香甜，喜歡油脂感的朋友，絕對會愛上🥰。香芒凍布甸 $29布甸十分滑溜，芒粒🥭味道香味，增加口感，冰涼透心😋。蟠桃壽包 $15/個現點現蒸非常熱辣辣🔥，飽皮軟熟，蓮蓉幼滑香甜，加上鹹蛋黃，味道更加香🥰。豆腐花最後每位奉送一碗豆腐花，口感絲滑，入口如水般順喉一直落下😍，出色🤤。