影片
更多
2025-04-05
250 瀏覽
呢間生記海鮮酒家連住荃灣熊貓酒店以為係做遊客生意為主 點知全場都係街坊平日晚嚟到差唔多全場full晒 好受歡迎價錢相當貼地 我哋叫左6個餸 又鮑魚又大元貝埋單都係800左右好抵食蜜汁叉燒皇呢個簡直係神級叉燒 厚切之餘又肥瘦適中外層燒到少少燶邊 肉質軟腍 脂肪位爽口不油膩鮑汁玉掌皇扣原隻八頭鮑魚68蚊就可以食到 鮑魚都幾厚肉 請客都唔失禮金蒜粉絲蒸大元貝20蚊隻都唔洗 媽咪話自己去街市買都唔止蒜蓉好香 元貝新鮮鮮甜 粉絲索晒啲汁好好味頭抽皇生煎大花蝦煎到蝦殼都好惹味 蝦肉結實爽口 呢間海鮮唔錯菠蘿脆皮咕嚕肉酸甜度啱啱好 而且係用新鮮菠蘿唔係罐頭野 咕嚕肉裹滿醬汁都係咁脆口👍🏻鹵水豬仔腳估唔到小食嘅份量都咁多 上下兩層有十幾件鹵得好入味但仲好爽口 點埋蒜茸醋仲好味食飽仲有甜品送 除左酒樓例牌糖水紅豆沙之外竟然有豆腐花 好嫩滑豆味都幾濃 有啲驚喜喎
呢間生記海鮮酒家連住荃灣熊貓酒店以為係做遊客生意為主 點知全場都係街坊
平日晚嚟到差唔多全場full晒 好受歡迎
價錢相當貼地 我哋叫左6個餸
又鮑魚又大元貝埋單都係800左右好抵食
蜜汁叉燒皇
呢個簡直係神級叉燒 厚切之餘又肥瘦適中
外層燒到少少燶邊 肉質軟腍 脂肪位爽口不油膩
鮑汁玉掌皇扣原隻八頭鮑魚
68蚊就可以食到 鮑魚都幾厚肉 請客都唔失禮
金蒜粉絲蒸大元貝
20蚊隻都唔洗 媽咪話自己去街市買都唔止
蒜蓉好香 元貝新鮮鮮甜 粉絲索晒啲汁好好味
頭抽皇生煎大花蝦
煎到蝦殼都好惹味 蝦肉結實爽口 呢間海鮮唔錯
菠蘿脆皮咕嚕肉
酸甜度啱啱好 而且係用新鮮菠蘿唔係罐頭野
咕嚕肉裹滿醬汁都係咁脆口👍🏻
鹵水豬仔腳
估唔到小食嘅份量都咁多 上下兩層有十幾件
鹵得好入味但仲好爽口 點埋蒜茸醋仲好味
食飽仲有甜品送 除左酒樓例牌糖水紅豆沙之外
竟然有豆腐花 好嫩滑豆味都幾濃 有啲驚喜喎
張貼
