甜心良品

營業中

休息中

呢間Sugar Mama已經開左好多年啦，之前我地試過元朗個間，但今日去屯門先知原來佢地係紅橋附近係都匿埋左係個隧道入口😝好彩俾我見到佢地個閃閃招牌，即刻捉左我男朋友去陪我食🤣大家過嚟都要認得佢地個心太軟專門店燈牌啦！。🐒招牌原味朱古力心太軟(中)配自選味道雪糕💰$55🐒藍莓金寶配雲呢拿雪糕💰$55除咗有各款味道既心太軟之外，呢到都有唔少西式甜品，而吸引到我既仲有佢地既金寶😋因為我完全估唔到有其他味道既crumble，一直以黎我都係以為得蘋果，所以見到有藍莓金寶我真係好surprised🫐呢到雖然係小店，但佢地既味道完全可以媲美出面既大店，而且佢地份量都真係好足同可以確保係自家製，唔似出面得一杯仔好細件，仲要有時會遇到overcooked變心太硬，所以小店都有佢地既魅力同食得出佢地既用心❤️並唔需要好多花巧既裝飾，而係真係用味道去俘虜我地🍫。如果有朋友/屋企人生日唔想食蛋糕，我覺得都可以pre-order個大版心太軟，大家一齊配住雪糕食都幾特別嫁🍦

心太軟外賣!!!拎到返屋企仲真係爆漿係第一次見😍小店面積唔大，但心太軟有十幾種口味，勁屈機!!由於可以外賣，朋友黎屋企聚餐就可以買黎一齊食。榴槤心太軟勁爆漿，外面脆脆乾身，裡面勁flow好多汁🤌🏻🤌🏻🤌🏻榴槤味好香好濃，榴槤愛好者一定要食，配埋雪糕冷熱交替yummm蘋果金寶老板建議配雲呢拿雪糕，一於試下，蘋果金寶上面有滿滿脆脆曲奇，外脆內軟記得每一啖都要配上雲呢拿雪糕，先係最好食!!!

🇭🇰 香港｜屯門人推薦必去Sugar MaMa 甜心良品心太軟專門店屯門虹橋有間主打心太軟同疏乎厘的良心小店超過17種口味嘅心太軟，我就試咗其中兩個口味🍫特濃巧克力心太軟配曲奇雪糕💰57切開之後香濃朱古力漿湧出嚟👀，特濃朱古力味似黑朱古力，濃得嚟似有少少燶味咁，但又唔會好甜，再配埋雪糕一熱一凍擺入口，真係口感一流‼️開心果心太軟配芒果雪糕💰74（p.3）外皮薄食落去好鬆軟~開心果迷一定要試, 口感不會過甜，裡面還有小堅果，讓人每一口都充滿驚喜！再搭配上自家製的芒果雪糕，層次感豐富，完美的享受😍最欣賞嘅位係呢間舖頭係自助俾錢，裏面有箱可以擺錢落去，同埋另外有啲銀仔可以找錢，或者自己掃scan QR Payne code , 東主完全唔怕客人食完嘢走數🥰另外東主仲有推出會員計劃，加入咗會員可以儲積分同埋會有隱藏Menu 㗎🫢我呢度就唔透露啦，你哋自己加入會員啦❤️ 📍 Suga Mama甜心良品 (屯門)屯門青柏徑6號鹿苑地下3號舖

今晚去咗屯門虹橋一間心太軟專門店吃甜品。環境獨特，店裏有很多烏龜公仔。招牌蛋白疏乎厘招牌蛋白疏乎厘是一道令人驚豔的甜品，外觀輕盈蓬鬆，色澤潔白如雲。每一口都能感受到它的柔軟和空氣感，蛋白的細膩與香甜完美結合，讓人心情愉悅。搭配一點鮮果醬或香草冰淇淋，既能增添風味，又能平衡甜度，讓這道甜品更具層次感，實在是令人陶醉的享受。榴槤心太軟這道甜品以榴槤為主角，香氣濃郁，口感滑順，讓人一口接一口。榴槤的天然甜味與微微的苦澀相輔相成，讓人感受到榴槤的獨特魅力。搭配的餅皮或糯米外層，則為這道甜品增添了嚼勁，讓整體口感更加豐富。總的來說，這兩道甜品在風味和口感上都展現了各自的特色，無論是輕盈的蛋白疏乎厘還是濃郁的榴槤心太軟，都能讓人享受到甜點的幸福感，是完美的餐後選擇。甜心良品 (屯門) sugar mama屯門青柏徑6號鹿苑地下3號舖

今次嚟到位於屯門好出名嘅紅橋附近Sugar Ma Ma食甜品，小店以即食心太軟為主打，口味足足多達17款，好吸引，深受附近街坊喜愛。招牌原味朱古力心太軟心太軟即叫即焗，口感外脆内軟，切開之後中間流心好澎湃咁流出嚟，朱古力味道香醇，配合自家製伯爵茶雪糕，口感冷熱交融，好特別，而心太軟可以配搭多達12款唔同口味嘅雪糕。招牌純蛋白梳乎厘梳乎厘外脆，內裏口感鬆軟，帶有香濃嘅蛋白味，味道唔會太甜，空氣感十足，濕潤度啱啱好。

情人節💘一個人過，去咗Sugar Mama毒自搵食，喺新墟，walk-in有位，叫咗心型🩷心太軟，幾十種味，配十幾種雪糕🍦，花多眼亂。叫咗伯爵🫅茶配自家製桂花雪糕🍦（+$3），總數$61，老闆叫我做會員，我話已經係。等咗10分鐘就有，唔算皓熱，一桔入去就流心，皓震撼，伯爵🫅茶餡唔甜，個心太軟皮ok。桂花雪糕🍦皓皓味，睇到有桂花。俾錢🤌俾現金💰，有個兜自行找續。

屯門虹橋附近匯集咗好多特色小店，今次選擇咗其中一間甜品舖，專攻心太軟。小店只有三張枱，慶幸當日無需等位。店主熱情友善，店內裝飾以海為主，增添咗趣味同溫馨嘅感覺，需注意一點，店舖只接受現金同八達通支付，而且現金找續係自助嘅，令小店充斥着信任與人情味心太軟每一款心太軟可配搭一球雪糕，口味選擇豐富，包括曲奇、朱古力、雲呢拿、豆腐等，熱的心太軟配上冰凍雪糕，一冷一熱的感覺，帶嚟豐富嘅口感特濃朱古力心太軟心太軟外層鬆軟，內裏濃郁嘅朱古力漿瞬間流出，每一啖充滿濃厚嘅朱古力味開心果心太軟心太軟內含有開心果漿及開心果碎粒，每一啖都充滿開心果味，食完心情亦都好開心

抱歉！真係太耐無過黎🙇🏻‍♀️一間好有愛的小店鋪仔細細，只能容納8-10個人。 在舊區搵食就好似尋寶，呢間絕對佢一個令你眼前一亮的寶藏久違了的心太軟今日要左特濃朱古力心太軟配薄荷朱古力雪糕完全唔甜，水準依然見隔離枱個梳乎厘都好正攪到我心郁郁，15、16，又想食又怕肥🫣最終打包左4個急凍心太軟+老闆自家制玫瑰雪糕可以用PayMe 比錢👍🏻好方便！玫瑰雪糕： 好淡好淡的粉紅色，好香玫瑰味，我個人覺得甜左DD

細細個喺元朗食Sugar Mama今日去左屯門食，當飯後甜品😋係地下隧道一出去就搵到依間小店～店主好鍾意烏龜🐢有好多烏龜公仔😂唔同味道嘅心太軟🤎同埋可人以揀配搭雪糕嘅味道🍨餐牌款式都幾多嫁❣️⭐️招牌純蛋白梳乎厘，配曲奇味雪糕 $48⭐️有同我講可以食咗表面有色嗰啲先，下面嘅可以撈埋雪糕食😁要快啲開動啊，唔係嘅話會冧啊～表面嘅係脆脆地，甜甜地👍🏻梳乎厘比較有空氣感，同入口即溶最下面嗰啲，少量係蛋白水😂應該係整得唔夠耐（？）小店嚟講唔錯啦，加埋個曲奇雪糕都幾好食😙⭐️綠茶心太軟（普通size），配雲呢拿味雪糕 $57⭐️好重綠茶味，入邊十分流心🍵有會員計劃~ 食完好快手係whatsapp Hi左佢，send埋張單俾佢就搞掂🙆🏻‍♀️

#pb食在屯門 #pb甜品系列 屯門流心開心果心太軟💚呢間屯門甜品店之前都介紹過幾次 佢嘅心太軟真係次次都咁出色😍 佢位於屯門景峰、新墟個邊 店內環境唔大 只有3-4張枱🤪 佢每日開到凌晨12點 大家可以食完晚飯再慢慢去食甜品😋 除左屯門店 佢係元朗都有外賣店👍🏻 最特別係佢除左堂食心太軟 仲推出急凍心太軟、麵包布甸、蘋果金寶🥰.佢嘅心太軟口味多達15款 特別d嘅會有酒心朱古力、香蕉朱古力、D24榴槤、黑糖薑、開心果等😋 價錢$55-$78不等 配一球雪糕👍🏻 除左心太軟 佢仲有梳乎厘、窩夫、金寶、檸檬愛玉等😍 不過佢係一人主理 所以製作時間都比較長 大家要耐心等候🤪🔹開心果心太軟💚推介❤️ 次次都好期待切心太軟個下 流心效果一流😍 開心果味香濃 有微微鹹香 中間仲食到一粒粒開心果碎😋 如果心太軟個皮薄留少少 口感就更加好🤪🔹蛋黃原汁梳乎厘🥚推介❤️ 好大個梳乎厘😍 整體口感輕盈、鬆軟 一陣風咁就食完🤪 蛋味突出 味道偏甜😋.整體✨ 呢間屯門甜品店我已經幫襯左幾次 店內環境唔大 所有甜品即叫即整 所以要耐心等候🤪 佢主打心太軟 口味多達15款🥰 試過幾款心太軟都好流心 而且味道唔會好甜👍🏻

💫招牌原味朱古力心太軟一切開啲朱古力漿就流晒出嚟🤩外皮薄👍🏻 食落去好鬆軟～朱古力唔會太甜太膩😽 好smooth好好食🤤同埋一食就知唔係嗰啲好假好多香精嘅朱古力🥹配埋雪糕冰火二重奏多咗種口感🤣真係一定要試💯💯-💫綠茶心太軟呢款我就唔係話特別推介🤔因為食咗原味先所以相對上呢款打唔過🤣同埋呢款比較甜😣 不過都係好食嘅👍🏻 綠茶味都特出🫶🏻 都係外皮薄～-💫招牌純蛋白疏乎厘呢款我就覺得麻麻地😢賣相望落去好吸引！所以可能我期望高咗🥹再加上前面兩款心太軟都好食🤣空氣感十足～ 外脆內軟😽 入口即融🫶🏻 但係味道上就差啲😢外皮淨係食到啲糖粉嘅甜😣 入面蛋白反而冇咩味加埋一齊好似都唔係好夾咁🤔最後我係要mix埋雪糕先覺得ok😭這款我不太喜歡呢😔-環境比較細 得2-3張枱 同埋都比較逼😢衛生係ok乾淨嘅不過個空間感同格局可能會令你覺得麻麻地咁🤔老闆好好人會提埋你點樣食係最好嘅～而且又平cp值都ok㗎🤣-整體評價：3.6🌟 （但啲心太軟可以值4.3🌟！）

芒果🥭布甸就食得多流心嘅芒果布甸🍮就係第一次食🥳一切開裏面個布甸即刻爆曬汁😍，又香又甜又濃郁嘅芒果味真係好正， 仲要配搭埋芒果雪糕芭菲🍦☺️🫶🏻，芭菲好特別有一層好似雪條咁另外一層就好似雪糕咁， 兩樣一齊放入口好有層次感😋另外我哋再叫多個💛D24 榴槤疏乎厘, 佢哋仲要即叫即整, 超香榴槤味, 而且佢哋焗到啱啱好冇過龍, 鍾意食榴槤同疏乎厘嘅朋友一定要試😛⭐️🫶🏻佢哋仲有好多甜品🥞🧇🍧🍨🧁🍦🍮等我哋留返下一次再試吓其他先, 佢哋仲有會員制免費做會員㗎, 憑積分可以換取禮物, 所以大家有機會都可以過嚟試吓順便做埋會員🥳

招牌純蛋白梳乎厘 配雲呢拿雪糕份量大，再配一個雲呢拿雪糕球，CP 值用匙羹 插入去已感到外皮脆卜卜入口果然外脆，內裏鬆軟、空氣感十足濕潤度啱啱好，唔會太乾，又唔會濕到一pat pat 咁，而且唔會太甜仲有就係睇個外皮嘅顏色同埋入口，已經感覺到師傅嘅用心師傅仲好細心 同我講：唔好等太耐食，否則梳乎厘會向下倒塌先 but 第一啖食同埋面頭嗰啲然後放雪糕在內，mix 一起食果然，有好多唔同層次嘅口感同埋味道之前我去其他地方都食過多次梳乎厘，就冇試過噉樣食🙃下次要再嚟試下心太軟 同埋其他甜品。鋪頭雖然唔大，但係感受到員工同師傅嘅用心店鋪光線明亮，整齊乾淨企理係值得大家支持嘅小店

屯門紅橋出咗名多嘢食，喺附近食完飯再嚟食個甜品👍🏻焦糖心太軟配自家製香橙Gin酒雪糕($62)呢度招牌係心太軟，心太軟呈心型十分靚仔，最經典一定係朱古力味，今次試咗焦糖味，一切開焦糖流心漿已經流晒出嚟，食落絲滑，焦糖香甜但唔會過甜，再加埋呢度嘅自家製香橙Gin酒雪糕一流，清新好味🤤蘋果金寶配自家製岩鹽焦糖雪糕($59)賣相靚，香脆餅乾碎底下係熱辣辣嘅肉桂蘋果，一啖包含餅乾碎、肉桂蘋果、自家製岩鹽焦糖雪糕，有少少冰火交融嘅感覺😬店舖用料實在，有小店嘅溫暖～🫶🏻

店舖雖小，但入面放滿老闆珍藏嘅龜龜🐢公仔，即叫即整，店舖無論心太軟同雪糕🍦都有好多口味，選擇困難症患者應該幾頭痛😌，食完都係自助比錢，睇得出真係好有街坊人情味🍵抹茶心太軟 / 朱古力心太軟 / 曲奇雪糕 / 豆腐雪糕 流心爆多😍，甜度配埋雪糕啱啱好，陪女仔嚟食嘅男士可以食豆腐雪糕😈試過外賣，大約10分鐘路程，老闆話無問題可以拎返去食，結果係OK嘅仲係流心到，追求冰火感覺就堂食最好啦 （或者叮番熱）🫡芒果流心布甸配芒果雪糕芭菲 個人會回訪 & 推薦心太軟多啲，可能對芒果口味要求比較高😂