甜心良品

營業中

休息中

店舖雖小，但入面放滿老闆珍藏嘅龜龜🐢公仔，即叫即整，店舖無論心太軟同雪糕🍦都有好多口味，選擇困難症患者應該幾頭痛😌，食完都係自助比錢，睇得出真係好有街坊人情味🍵抹茶心太軟 / 朱古力心太軟 / 曲奇雪糕 / 豆腐雪糕 流心爆多😍，甜度配埋雪糕啱啱好，陪女仔嚟食嘅男士可以食豆腐雪糕😈試過外賣，大約10分鐘路程，老闆話無問題可以拎返去食，結果係OK嘅仲係流心到，追求冰火感覺就堂食最好啦 （或者叮番熱）🫡芒果流心布甸配芒果雪糕芭菲 個人會回訪 & 推薦心太軟多啲，可能對芒果口味要求比較高😂

今次嚟到屯門呢間出名食心太軟同埋疏乎厘嘅良心小店，鋪仔細細，由兩個人經營，幾有家的感覺。店入面仲有好多龜龜嘅公仔，幾有童心。一於是佢兩個招牌菜。原味心太軟配自家製開心果雪糕完美心太軟有好多唔同嘅味揀，今次就揀咗朱古力味，一切開朱古力留心湧出嚟，面頭嘅蛋糕口感結實，仲有淡淡嘅蛋香味，朱古力濃郁，開心果雪糕有驚喜，唔會太甜。招牌蛋白疏乎厘配自家製芒果芭菲一嚟到廚師提醒我哋由上面嗰層開始食起，疏乎厘面頭咬落有白糖嘅脆脆，蛋白味道亦都好驚喜，最後將芭菲加入底部嘅蛋白，芒果味同埋蛋白味嘅融合一絕。

今日口痕同朋友去左屋企附近嘅一間甜品店度食吓甜品，佢呢間甜品店好出名心太軟，亦有好多自家製嘅雪糕食！真係好出色😋原味心太軟配鳳梨雪糕 $58佢比出面嘅心太軟size大啲，而且個size係有兩款揀。想食多啲或者多啲人一齊share食就可以揀個大啲嘅版本！而且佢亦都有唔同口味嘅心太軟。我今次呢個係中size嘅原味😙 心太軟朱古力味好濃，好香，唔會甜到漏嗰種，味道岩岩好☺️海鹽焦糖布甸配芒果巴菲雪糕 $45呢個布甸都好特色，因為佢係有海鹽鹹鹹地嘅味，再配埋焦糖甜甜地，加埋一齊好特別，令到佢唔會覺得好甜！而且個布甸亦都好滑，焦糖亦都好脆，加埋雪糕一齊食，有好多唔同嘅層次！呢個真係好出色！

今日同朋友喺屯門食完飯之後就決定喺附近食吓甜品，揀咗呢一間主要食心太軟嘅甜品餐廳，餐廳非常多人，所以我哋今日就決定買外賣返屋企食，餐廳老闆非常熱情，不斷為我哋介紹佢哋餐廳嘅食物，最後我哋就揀咗兩個甜品返屋企share! 餐廳甜品嘅種類多非常多，非常適合鍾意食甜品嘅朋友，而且餐廳嘅位置都尚算方便，方便喺市中心食完飯嘅朋友過去食甜品！😎朱古力心太軟配豆腐雪糕，朱古力心太軟非常靚仔係呢一間餐廳嘅招牌名物，返到去屋企嘅時候仲喺熱辣辣非常靚仔，而且味道非常好食，我哋用匙羹切落去嘅時候仲要係留心，啲朱古力醬慢慢喺入邊湧出來，成個口感嘅味道都好好，啱晒鍾意食朱古力嘅朋友，而且再加埋豆腐雪糕一熱一凍嘅口感更加好食，我同朋友都非常鍾意呢個口感！豆腐雪糕都幾好食，好少喺出邊呢一啲地方，可以食到豆腐雪糕，所以我都覺得唔錯！而且價錢嚟講都唔算太貴，甜品心太軟真心算係幾抵食！😎麵包布丁岩鹽焦糖雪糕味道，成個麵包布甸都好好食，再加埋岩鹽焦糖雪糕嘅配搭，成個發揮都做得唔錯，有少少出邊高級餐廳甜品嘅口感，口感都非常鬆軟，一間小店來講，做得非常好，下次都會再嚟幫襯佢其他唔同嘅甜品，呢一間小店非常有禮貌，鍾意食甜品嘅朋友

Me and my friend just banged into this lovely neighbourhood. We felt like having some dessert after a long walk!!We ordered: 1. Pistachio lava cake with vanilla ice cream2. Soufflé with homemade mango sorbet1. Pistachio lava cake with vanilla ice creamThis lava cake is definitely my favourite! Couldn’t imagine it would have this much of pistachio lava inside the cake. Once you cut it open, all the lava just running out!! It tastes so amazing and rich. LOVE IT2. Soufflé with homemade mango sorbet

有一晚心血來潮長征入屯門食甜品，嚟到紅橋心太軟專門店。Sugar Mama小店經營，印象最深刻就係呢度嘅心太軟味道眾多，可以嚟多幾次都唔怕重複。如果想食西式烤焗甜品嚟呢度就啱晒啦。見到兩位老闆都keep住默默做，招呼客人態度親切。🍫朱古力草莓心太軟香濃朱古力，加埋甜甜酸酸嘅士多啤梨粒，係永恆嘅絕配組合。🍎蘋果金寶即叫即焗，上枱熱辣辣，配埋經典雲呢拿雪糕，大滿足味道雖然稱不上驚為天人，但絕對係出色嘅街坊小店，得閒同朋友或者伴侶嚟食個甜品都幾sweet🍬

我哋三點去到唔使排隊，入面有三張枱，空間唔算好大我哋分別叫咗兩款嘢食，包括招牌原味朱古力心太軟配雪糕$55，聞落已經好香朱古力味，一切開啲朱古力即刻流晒出嚟👍🏼心太軟個皮好薄👍🏼外脆內嫩😋蛋黃原味疏乎厘配開心果雪糕$61，疏乎厘充滿空氣感，外面嗰層又脆又甜好好食😋入面蛋味好重，空氣感十足👍🏼但係個開心果雪糕就冇乜味😂下次要再試吓其他味道嘅心太軟同埋甜品👍🏼👍🏼👍🏼👍🏼

好誇張 有心太軟外賣真係第一次見 之前睇片見過係用特定溫度🌡️焗 確保心太軟到客人手上仍然流心👍🏻開心果心太軟🥜：外面脆脆哋 裡面超級流心 好多汁 醬裡面仲有粒粒開心果 開心果味超級濃 同埋好香牛油味🧈 好似真係口裡面同時間食緊幾粒開心果 配埋雪糕冷熱交替 自家製開心果雪糕🍦 (+$3)：雪糕好滑 對比心太軟 呢個冇一粒粒開心果但有淡淡既開心果味招牌蛋白souffle🥚: 睇落去超級leng jai 漲卜卜 外層脆脆哋 好似仲有一粒粒啡糖灑係上面 食到中間仲係好蓬鬆好滑既蛋白 仲有泡 軟綿綿🫧 焗得完全啱啱好冇熟到似變擦膠又冇生到太水 味有少少似燉奶/蛋🍳 就算唔配雪糕齋欣賞佢個蛋香味 都超級好食重點係蛋白味超級出！😍自家製芒果芭菲🍧(+$5) ： 幾有創意同埋心思💭 總共有三層 面層係冰凍芒果汁 而下面個兩層係雲呢拿同芒果雪糕🥭！味道：🌟🌟🌟🌟.5/5 📍Sugar Mama 地址：屯門青柏徑6號鹿苑地下3號舖

原味心太軟係又好食又抵食 急凍買翻屋企叮翻熱嚟食都好正食過一次又一次 其他味嘅心太軟都可以 但原味贏九條街雪糕啲味我個人覺得好有創意 可能我見識少未見過呢啲味 所以覺得好新奇 但唔知係咪我食唔慣 覺得唔係幾好食 唔推薦食佢啲雪糕 但其他嘢可以一戰 原味心太軟就係必試的

有人同我講屯門有間世一心太軟然後幾條友戇居居揸車入去食舖頭名叫Sugar Mama 細細間坐兩台客已經full咗老闆應該幾鍾意海龜牆身、天花板全部都係海龜口味係幾多下 你未見過嘅味都有叫咗嗰D24榴槤 算係比較好食嗰個非是不可嘅原味朱古力🍫出面大把好食過佢中伏指數 🚁🚁最後食完個個都問條友邊度好食佢話以前真係好好食㗎近期有個網紅Foodie有介紹返就諗起佢啦多謝打手 令我哋山長水遠入嚟食個甜品繼續追擊打手～IG🔍goldenfinger444

愛心小店自家製心形心太軟💚💛🧡❤️🖤🤎知道佢地得屯門/元朗有分店但呢2個地方對我地黎講真係好好好好遠今次山長水遠入到屯門2母子一人食完一個心太軟之後🤎💚大家都忍唔住要再食多個先肯走😂😂有17種味真係好難揀呀🤤爭扎左好耐我地開頭揀左綠茶味心太軟🍵榛子朱古力味心太軟🌰🍫一切開個心太軟D朱古力同抹茶流晒出嚟🤤好滿足好幸福好正呀😍2隻味都好香濃幼滑🤤蛋糕軟綿綿👍🏻即叫即焗熱辣辣完全唔會覺得又甜又漏 所以一人食完一個之後忍唔住再叫多個share😂又爭扎好耐之後決定揀焦糖味心太軟食落有D似熱香餅既感覺🥞呢個一切開D流心爆曬出黎😳超級澎湃😍好療癒呀😍店舖細細老闆好親民🥰裏面好特別🐢🐢🐢🐢🐢🐢🐢每個角落全部都係各式各樣嘅龜🐢最特別係埋單嘅時候係自己放落個膠桶到💰自己找續💰各方面都做得非常好🥰期待下次再見😊

今日入左屯門探店據說Sugarmama係一間心太軟甜品專家心太軟的口味有十數款之多 真係諗得出都有榴槤、開心果、玫瑰、伯爵茶 甚至乎黑糖姜都有.《朱古力香蕉心太軟》朱古力心太軟就食得多有新鮮香蕉餡的心太軟真係第一次食絲滑的朱古力醬同香甜的香蕉柔合埋一齊加上外脆內軟的朱古力蛋糕 味道令人難以抗拒.《開心果心太軟》好驚喜有開心果味既心太軟畢竟香港地唔係太多到地方食到開心果口味的甜品綠色的心心好特別內層係開心果醬加開心果仁濃郁的果仁香氣 絕對能滿足一班開心果迷.每款心太軟都可以配一球自選雪糕除左有經典的雲呢拿口味更有自家製的芒果雪同桂花呢d限定口味而且店家更會有650ml裝的自家雪糕出售連急凍版心太軟都可以外賣買返去即製新鮮出爐既心太軟俾屋企人食 真係相當貼心.同場加映🐢店鋪入面有大量龜龜裝飾好似走咗入龜龜博物館咁 好有趣

第二次去食呢間甜品店,質素仲keep到😚小店唔大所以可能有機會要等位但甜品都上得好快❣️新年期間小店都會開,可以睇佢ig 有更詳細時間表😚🔸焦糖疏乎厘燉蛋 $53係會員先有嘅menu🤭上面係疏乎厘,下面係燉蛋😍疏乎厘空氣感十足唔會好甜,燉蛋好滑,蛋味好香🥚而雪糕揀咗芒果芭菲,雪糕分咗3層,上層係芒果冰🥭中間係雲呢拿雪糕,下層係芒果雪糕🍦層次好多,絕對係心機之作!!食完之後仲買咗盒返屋企😆如果當日有的話大家一定要試吓💖🔸原味窩夫 $55窩夫係脆身個款,每一口都係脆卜卜😙但當日整得有點燶所以就蓋過咗蛋香🥹而雪糕就揀咗雲呢拿雪糕,正正常常~🔸黑糖薑心太軟 $56甜品店最出名就係有多款心太軟味道🤲🏻媽媽就揀咗呢款特式心太軟,黑糖薑真係好濃🫚個人有啲搞唔掂但👩🏻喜歡,而心太軟中間都好流心!!雪糕就揀咗朱古力🍫🔸開心果雪糕呢個係之後有一次去食的但就冇影到相😗開心果味真的幾濃,鐘意食開心果可以一試💚🤤好味度 : 8/10🔙回頭率 : 9/10

屯門隱世甜品店「Sugar mama」餐廳主打以心太軟😍有唔同的特色甜品亦有小食、飲品選擇多元化🤟🏻⭐️開心果心太軟非常特別的味道開心果味濃郁🥳切落去做到流心嘅效果配上雲呢拿雪糕兩者好夾非常好食🤤⭐️芒果味心太軟味道鮮甜多汁加上生果及朱古力醬層次更加豐富🤩配上朱古力雪葩一熱一凍同樣非常夾❤️高分⭐️朱古力心太軟我哋仲外賣咗一個急凍心太軟用焗爐加熱10分鐘就可以食方法好簡單👍🏻亦都做到流心嘅效果外面仲好脆😊自己加生果&點朱古力醬食正呀又多個飯後甜品選擇😙

早排去開紅橋搵朋友，喺2個街坊力推之下食到好飽喺外賣叫左2份甜品😂。袋鼠價就每樣mark up $1x左右，計返2個甜品都$160，但下面就list返堂食價出黎俾大家參考～🔅招牌原味朱古力即食心太軟(中) ($55)心太軟係呢間既招牌，喺朋友大推之下梗係要試一次。雖然叫外賣都驚中伏，但好彩無出事，感謝外賣哥哥同店家💕一切開就流晒朱古力漿🍫出黎😍，食落好滑又唔會好甜👍🏻，唔係啲cheap cheap朱古力味，朱古力控收貨！配埋自家製豆腐雪糕無咁膩，perfect💯🔅芒果流心布甸配芒果雪糕芭菲(細) ($52)食完朱古力食芒果布甸🥭估唔到更有驚喜，布甸好有層次，中間真係流心，外賣keep到咁真係幾surprise 💮。食得出真係用心自家製作既甜品，布甸配埋雪糕都係無得輸🥰💬除左心太軟，仲有waffle、梳乎厘、凍糖水、鹹食、炸物等等，價錢適中，小店style個人幾鍾意，feel到好用心製作🫶🏻。好彩我唔係住附近，唔係日日食實肥死😎