甘牌燒鵝

營業中

休息中

甘牌燒鵝地址: 灣仔軒尼詩道226號寶華商業中心地舖電話: 54087740🔹🔹🔹🔹🔹🔹🔹🔹🔹🔹🔹🔹呢個餐廳疫情之前充斥住各國旅客，門口永遠有條龍排到去小學門口，起誇張， 見到都卻步，所以從來無諗過去食。依家我終於有機會食喇！我地12點到餐廳門口，唔洗排直入。（注：走果陣一點左右，門口都排咗十個人左右）午市套餐六十幾至七十幾蚊。我揀咗💫甘牌燒鵝飯（$74）鵝皮好脆好香，肥瘦適中！唔會好乾好柴皮。鵝肉唔鞋口，不過未至於嫩。啲鵝油流落飯度好好味，搞到我成碟飯清底。白飯好夠熱，只是分量略少。💫鹵水豆腐（套餐跟埋一碟小食）一碟三件，豆腐好滑，新鮮唔老，唔會得個咸字，有鹵水味。💫熱奶茶合格有餘👍🏻👍🏻$74 你話貴定平呢？睇你點睇啦。我覺得出面一個例牌都百五啦。 七十幾蚊食鵝喎，分量都唔少，價錢都算好合理。整體好食指數：🌕🌕🌕🌕🌕🌕🌕🌕🌑🌑（8/10） 🔹🔹🔹🔹🔹🔹🔹🔹🔹🔹🔹🔹

疫情之前, 這間米芝蓮店鋪經常人山人海, 搞到唔太想食(懶排隊) , 現在不用排隊當然吸引我再度光顧當日下午時間(已經過了午市), 但竟然仲有午餐, 咁就抵食好多午餐的小吃, 鹵水豆腐可以, 皮蛋沒有怪味, 不錯燶邊肥叉, 叉燒ok, 夠香夠肥, 但可以燶d太子撈麵, ok夠爽但鵝油味不太夠油雞燒腩, 不差見到有呢d新鮮出爐邪惡嘢, 當然忍受唔到, 但味道太正燒鵝一定要啦(因想食下裝)(所以午餐沒有叫, 但午餐是有燒鵝揀的), 皮脆肉香, 不柴, 品質keep 到, 雖然沒有遊客但本地客人都不少, 食物質素keep到, 難怪可以維持星級

香港人生活咁煩忙，一日三餐好多時都係，匆匆忙忙食個lunch就算數，食得最多應該除咗茶餐廳，就係食燒味😅。燒味之中最吸引我既就係燒鵝，因為好食既燒鵝，係有一種獨有既香味。呢間米芝蓮既平民餐廳，當然值錢一D都唔平民，好彩都有套餐🥰，咁就試下燒鵝瀨粉先。燒鵝雙拼瀨粉 $76 除咗鍾意食燒鵝，叉燒都係我另一個至愛😋😋。果然D燒鵝係佢哋既招牌之作，皮燒得香脆，夾雜住鵝油既肉汁，流晒落D湯度，再配上半肥瘦濃邊既叉燒，真係好好食😍。雖然價錢比一般既貴，但都值得一試😊。

行過見到一間唔使排隊，但係裝修比較高級嘅燒味舖頭。見佢有套餐，就入去食。基本上所有燒味，佢哋都有。我就揀咗一個雙拼嘅燒鵝，加燒腩肉嘅飯。佢哋套餐配埋老火湯和一個小食。餸菜好快嚟到。首先啲燒味同飯都唔係太熱。係得個老火湯先可以。咁食落去，個味道呢燒鵝嘅肉都比較滑，但係就少咗一浸深井先食到嘅炭味。而佢嘅燒腩肉半肥瘦，肥瘦均勻，食落去都好夠味，佢亦都會提供兩款醬汁俾你，啲白飯唔算太多醬汁，你唔夠嘅，都可以加豉油，不過個人認為都已經夠味。

燒味好食😋但黑衫長髪女人服務態度太差，唔睬人 手指指 講野態度呼呼喝喝，一 d 唔尊重人，前一個食評已經講緊佢，雖然佢冇做前台，出來行行企企，但一樣甘差，其他員工的服務態度值得一讚 ，非常好，唯獨佢一粒老鼠屎 .

喺灣仔返工幾年，好清楚記得疫情之前，「甘牌燒鵝」門口總是永遠都係車水馬龍：餐廳門口全日都迫滿來自世界各國的遊客慕名而來，據聞當時排隊等位閒閒地都要一個鐘！當時我同唔少朋友都有一種錯覺，覺得呢間餐廳應該只係全靠啲食評雜誌或者旅遊網站吹捧，或者係戴住「甘家出品」嘅光環，所以即使佢連續好幾年攞到米芝蓮一星級，都未喺我嘅餐廳check list入面隨住疫情開始穩定，自己同家人又都已經打曬針，開始多返出來食飯今次碰巧途徑餐廳門口，見而家無曬遊客完全唔需要排隊，梗係把握機會入去一探究竟啦我當日係食晚市，餐廳無serve套餐，亦都無serve燒味飯；換句話講，只有散叫燒味+飯麵、同埋啲小食。以燒味餐廳來講，晚市價格絕對算偏高，唔怪得當晚大概只有一半滿座講食物之前，先講下環境同服務態度：既然收費比一般燒味店貴，內裡裝修當然好好多，同對面街嘅「再X燒臘」完全無得比，職員嘅服務態度更加係另一個level！食物方面，我當晚叫左三樣嘢：燒鵝上莊（$155）、太子撈麵（$38）同埋薰蹄（$70）。三樣食物都好有質素，俾大家睇下相先：如上圖所見，三樣食物端上黎嘅時候都好試正其中嘅燒鵝果然係令人一食落去有一種「WO

今日去左灣仔的甘牌燒鵝，疫情前已經見到餐廳門口成日排隊。現在疫情期間先少啲人，終於有機會試下啦！ 第一次嚟叫左個甘牌燒鵝飯，食物賣相增加食慾，燒鵝整齊排列，伴上青菜。另外，有甜酸醬分開小碟上。 先試燒鵝，燒鵝外皮鬆脆，而裡面肉汁豐富，甘香美味。而白飯本身特別細軟可口，再吸收埋肉汁，讓細軟香甜中的白飯提升到另一層次。 甘牌燒鵝，可以攞金牌既燒鵝。

👇🏻丁丁探店｜甘牌烧鹅｜湾仔👇🏻地址：灣仔軒尼詩道226號寶華商業中心地舖点评：🌟🌟🌟抱着非常大期待来的说好的米其林一星感觉有点过誉了我们这没点啥人均就85了建议城大AC1人均20不到吃烧鹅单拼🤔「甘牌烧鹅」我们点了下庄（相对更肥美一些）只能说味道还可以但是没有觉得特别惊艳不建议特地过来吃🤔「太子捞面」怕被腻住点了个捞面说是用烧鸭油做的捞面也没感觉到就感觉是普通的捞面服务：大叔看我们吃捞面挺折腾拿剪刀来帮我们剪断还是挺贴心的

食燒鵝唔想咁遠去到深井可以試下灣仔嘅甘牌牌鵝，未有Covid時呢度日日大排長龍。趁宜家冇咩遊客特登lunch hour搭車過黎食。呢度唔可以預先book，一定要排隊，我地算早排左大約15分鐘就到。間店都幾細，座位唔多，大家食完就會走，唔會坐得耐。呢類咁local又平民化嘅食店連續7年米芝連一星都幾難得。不乏外國人幫襯。唔洗諗叫返隻燒鵝先，全隻$560，半隻$290。呢度係半隻嘅份量，建議3個人share。皮燒得好脆，啖啖都好juicy，火喉應該控制得好好！👍🏽另外仲叫左份叉燒，冇影到相，$160一份唔算多，個人覺得唔係話特別出色，但同事又覺得好正，見仁見智。食燒鵝要配返個瀨粉，$30一碗嘅瀨粉好細碗😭同埋都幾油，可能叫白飯會好啲。員工服務係ok嘅，燒鵝絕對值得食。其他野就偏貴左少少

前臺果個日日著黑衫個阿嬸，服務態度勁差，次次好似追債，幫襯你生意俾錢你，好似欠佢錢咁。再也不會去食了，除非將佢踢走。我地幾個朋友次次都好鍾意佢個燒鵝飯，因為服務員態度不好，最後都打算放棄再也不去了。

上星期二那天， 我見自己一個人食lunch，又有點時間，於是就到這間連續多次獲得米芝蓮一星的甘牌燒鵝試下，其實小妹我想試這間店很耐，只可惜每次都見到很長龍和與工作地點有一段距離，所以很多次都打消了念頭，難得那天有點時間，又一個人食，所以就去試下。說明甘牌燒鵝，當然最出名的是燒鵝，難得來到，當然要點甘牌燒鵝飯套餐，套餐包括有燒鵝飯，滷水豆腐和花生雞腳湯，花生雞腳湯都算足料，很夠熱，而且不覺有味精， 飲完沒有口渴感覺，小食滷水豆腐，我覺得很新鮮，滷水汁幾好味，咸度適中，，我覺得是成個套餐最好味的，反而主角聞名遐爾的燒鵝味道卻一般，令人有點失望，燒鵝的外皮雖然夠脆，但肉質不夠嫩，食落有點油膩，幸好點了酸梅醬之後，解了不少油膩感覺，燒鵝飯的份量很多，但套餐的價錢偏貴，感覺外賣比較好，因為不用等太耐，而且較為抵食。

是日工作日晏昼來甘牌燒鵝，大約12點半，本來想得太好以為無需等位，結果名店還是名店，該等還是得等，前方已有十多人排隊。站在正午的太陽下，望著廚房已經烤好的一隻隻燒味，越看越餓。所幸午市翻臺極快，十五分鐘內已經可以落座。來之前已經想好要點撈麵+肥叉，並不是不愛燒鵝，只不過在午市如此繁忙的時段，指望得到熱氣騰騰新鮮出爐的任何燒味都是不現實的。既然如此，選擇味道受溫度影響最小的燒味，方為最優解。須知肥燶叉燒的油香，即便常溫下也是不失色的。落單後五分鐘內小食、老火湯、撈麵和肥叉全部上臺。興奮地咬一口肥叉，那燶而焦香的皮加上蜜汁滑入口中，正！再咬一口，肉汁丰盈，肥瘦合宜，這就是叉燒界的楊貴妃啊！撈麵也不遑多让，鵝油的香，加上咸淡适宜的調味，入口十分舒服。配上單上的撈麵湯，不知不覺就清盤了。例湯份量給得慷慨，有一大块排骨加一隻雞腳，真材實料，非常滿足。買單不到一舊水，享受到米芝連水準的美食，CP值爆表。

這間甘牌燒鵝店，已經來過三趟，每次都是因為門外排隊等候的人實在太多，而無奈放棄了。由於疫情的原因，今日經過，見不到排隊的人龍，馬上一個箭步入內。菜單也不用多看馬上點了碗燒鵝瀨粉。燒鵝瀨粉～第一次食燒鵝居然完全唔覺肥膩，燒鵝皮下脂肪不多，相信是一隻有運動的鵝，估計是隻走地鵝吧。由於食材夠新鮮，沒有用太多的香料醃製，燒鵝燒得夠香脆卻又不會過份燒焦，這一方面做得恰到好處，廚子的功夫真真了得。鵝肉有咬口而且鵝味非常濃郁，配個清湯底更能突顯鵝肉的鮮味，實在令人回味無窮！難怪獲得這麼多年米之蓮的獎項。

大食妹見近排甘牌燒鵝嘅人龍終於少左啲, 所以同同事晏就一齊去試下呢間米芝連推介嘅燒味店甘牌燒鵝嘅午市套餐可以自選主食、小食同飲品各一款<甘牌燒鵝拼叉燒飯>大食妹嗌左份甘牌燒鵝拼叉燒飯燒鵝同叉燒真係好瘦, 啲肉柴到呢你叫箍牙嘅大食妹點樣食呀其實甘牌燒鵝嘅調味係唔錯嘅, 食落味道唔差, 飯裏面仲有少少燒鵝汁<甘牌燒鵝拼油雞瀨粉>同事就嗌左份甘牌燒鵝拼油雞瀨粉瀨粉湯底隻酸味好奇怪燒鵝一樣柴, 證明唔係針對大食妹油雞就幾滑, 幾入味雖然切得幾樣衰<鹵水豆腐>我哋其中一樣小食嗌左鹵水豆腐, 味道又唔錯啵, 幾有水份<香醋黑木耳>另一份就嗌左香醋黑木耳味道酸酸地, 都爽口<咖啡>咖啡比較standard, 都幾滑

今日過開灣仔附近特登揸車過嚟想斬料返奶奶屋企加餸本來想買上庄例牌但係四點幾五點已經賣晒了所以唯有買下庄包裝都幾靚仔嘅不過返到屋企食落就真係非常失望😢我哋買咗例牌燒鵝同燒腩仔圖中可見份量都真係唔算多燒鵝個皮完全唔脆亦冇乜肉香唯一可取之處就係唔肥囉我真係諗唔明點解咁樣都可以拎米芝蓮🤡至於個燒腩仔就更加係非常差啲皮已經係冧晒亦冇話燒得好香真係好食過街市間燒味舖少少㗎咋如果咁樣嘅價錢咁樣嘅份量咁樣嘅味道真係唔會再俾第二次機會佢👎🏾