甘牌燒鵝

營業中

休息中

行過見到一間唔使排隊，但係裝修比較高級嘅燒味舖頭。見佢有套餐，就入去食。基本上所有燒味，佢哋都有。我就揀咗一個雙拼嘅燒鵝，加燒腩肉嘅飯。佢哋套餐配埋老火湯和一個小食。餸菜好快嚟到。首先啲燒味同飯都唔係太熱。係得個老火湯先可以。咁食落去，個味道呢燒鵝嘅肉都比較滑，但係就少咗一浸深井先食到嘅炭味。而佢嘅燒腩肉半肥瘦，肥瘦均勻，食落去都好夠味，佢亦都會提供兩款醬汁俾你，啲白飯唔算太多醬汁，你唔夠嘅，都可以加豉油，不過個人認為都已經夠味。