璟瓏軒

營業中

休息中

點了乾隆花雕醉雞，$168例牌，肉質粗糙，無酒味，唔掂又點了個素腸粉，粉皮滑，但份量很少，餡好少蟹黃百花卷，平平無奇，蟹黃醬很多油，但又唔香，拎醬用小匙有污漬唯一好食係個招牌炒飯，份量ok，但個飯都濕個頭，唔夠乾身叫經理幫手影張合照，點知張相黑到睇唔到樣…..最後4人食左以上4樣野only, 承惠$8xx。 好快肚餓，隔無來再要搵野食。 旅遊景點的餐廳都唔預好得去邊，都係呃遊客去，本地人都係出面餐廳食好啦…..

行行下博物館見肚餓俾呢間野嘅裝修吸引咗，咁就入去試吓咩料。入邊嘅裝修真係好靚，又有一個無敵大海景。諗住啲嘢食都唔會差得去邊，價錢係一般酒店嘅收費，我哋叫咗五款嘢食連埋茶芥都成6舊水 。唔係俾唔起錢！但食物質素真係衰過茶仔 。普通到唔普通 。侍應個個譚仔話冇服務可言 。上菜又慢 。一碟腸粉我形容為一條腸粉切開五件都成10-15上菜 。成個場又唔係多人！大佬呀成件事錯晒 。你間野裝修咁靚 。但一d內涵都冇 。真無不可一不可再 。希望大家睇到我篇嘢唔好中伏 。如果管理果個見到我篇嘢不如請我幫你管理啦 。一定幫你扭轉乾坤！·

👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿以為故宮有正嘢食，誰不知比錢買快餐店質素，屋邨嘅服務（屋邨起碼有好嘢食）仲有啲碗具污糟要求換，啲員工厲害到話係乾淨，唔肯換。嘢食量少，食唔飽。多謝晒😤!本來著名菜式有雞先有蛋，蛋殼入面係普通芒果布甸，兩隻鹹水角塊皮又厚又粉。

茶葉可以，但水唔滾已經失色，讓他再沖新的一壺水也不是滾水。這樣的門面，最起碼應該有燭台保溫以確保茶水的溫度。點心送到來已經沒有煙，上湯蝦餃還可以，可惜跟燒賣一樣都是暖的，煎蘿蔔糕，叉燒包也是暖的。跟職員反映沒有反應，唯有找經理說，他知道了取消了一個點心。糯米雞來的鴛鴦米也是乾硬，入面有一小粒鮑魚，少許瑤柱及一小粒冬菇，其他什麼都沒有。叉燒包入面的肥瘦比例是8:2，麵包皮凍硬沒有香味食不下去。招牌炒飯炒得不錯，唯獨蝦全部保留黑色腸也是一大特色，要不是就是唔新鮮的質感。招呼非常一般。這個格局這個環境，不知道有多少貴客滿意😂實在令人失望。

去完故宮博物館，費事行去第二度，就上嚟呢度食。當晚約有六枱客，環境清靜，最吸引當然係個夜景！菜牌用iPad ，以為好先進😂，都係人手落單！菜式普通，結果我哋揀咗一人套餐。前菜三小碟，中間的華梅車里茄最好食，酸酸甜甜，真開胃；叉燒夠淋，只得兩片；醉雞冇乜酒香味。茶樹菇螺頭燉湯，夠濃但唔鮮甜，只有鹹味。最差的是兩個朋友嗰碗都係熱辣辣，我嗰碗係和暖的。堂堂高級酒樓，可以咁求奇？皇后大虎蝦，買相好靚，蝦殼煎香，蝦肉本身冇乜味，靠個甜甜哋嘅汁，同灑啲蝦子。侍應冇收走我哋食完蝦嗰套刀叉，原來留返食海參😂蝦同海參唔同味，換套刀叉有幾難！花菇入味，其實個汁唔錯，但海參未夠火候，要炆耐啲。全個套餐以芙蓉燴海斑球最似樣。芙蓉係上湯、炸瑤柱、蛋白、番茄等，清清哋。唔係新鮮班球，肉質實而無味。食埋上面的炸薑絲，可以僻腥味。魚湯浸溫室菜苗，湯濃夠熱有魚味，浸幾條白菜仔，有住家餸風味😂食埋甜品蛋白杏仁茶，朋友話啱啱夠飽當晚得三個侍應，唔知係唔係唔夠人，我哋啲碗碟，一係等好耐都冇人收，一係就未食完（朋友仲挾住嚿餸）冇問過我哋就收走又大力放低食物，連普通酒樓啲姐姐都好過佢哋！我嘅評分係中下，未至於劣評。希望日後可以改

原本唔諗住寫食評不過睇到其他食評寫到哩間野咁差忍唔住幫佢平反一下我懷疑果啲食評係打手我同老婆去行故宮睇到肚餓見到哩間酒樓開左懶得出去搵野食入去試下首先，一入去個景真係一流服務都ok, 禮貌有笑容反應快野食有三款套餐，另外可以散叫我地散叫試下特色野兩個叫左6樣野強烈推介御膳鴨舌凍，超好味明太子鍋巴蝦，fusion 菜，唔係我杯茶不過啲配料分開講，味係唔錯，不過放埋一齊就唔係好夾仲有樣一定要通就係金湯黑鳳絲手造麵望落以為好滯，食落超正食到最後涼左都仲好好味所以飽都忍唔住清碟講真貴係貴，我哩餐差唔多$500一個人(其實我叫既份量夠3個人食) 但咁既景色，又有有特別又味道唔錯既野我覺得值咁既價錢唯一缺點，無QR code點餐

坐擁無敵海景，酒店價錢，食物及服務水準，比一般酒樓還差一點，真令人無語，應該沒下次。人手完全不足，上點心沒連醬料一齊上。茶淡然無味，要求加茶葉，侍應說要另加$28。切餅費收$100。蛋糕拿出來時有點融，懷疑沒放入雪櫃。食物味道正常，但沒特色。收酒店價錢，但未能提供令人滿意服務。侍應姐姐雖有禮，但似欠相關經驗，提出要求往往不是一次，要重覆最少一次她才記得跟進。餐廳在故宮裡面，入故宮需安檢，搞到蛋糕也傾側了，所以有些破損😅。

性价比太差！几乎没有服务可言！除了风景好，可是香港的海边同样价格可选择的太多，真心不推荐来这家！第一，服务员态度很差，给孩子点云吞，上来辣的，让做不辣的，居然说不能做？？不就是不加辣椒！叫了经理来就可以做了！第二，来的云吞58块，就是图中这样的！连汤都没有！一份炒饭198，看着招牌，结果居然普通的不能再普通的炒饭了！这样的餐厅不是因为在故宫博物院没啥选择，后面发现其实可以去一楼的也有餐厅的。总之就是非常非常不推荐，美食家慎入

7月9號上午看完卡地亞珠寶展好餓，知道4樓開了間新餐廳就去試試。進門看見接待小姐姐穿馬面裙挺好看的。人不多，好快就有位。點了一份鮑魚燒賣、一份腸粉、一個荔枝甘露（甜品叫即上）。燒賣15分鐘就到，太餓，好快食曬。之後就係漫長嘅等待……人唔係多，1/3都無坐滿，等咗足足30分鐘，我已經餓到兩眼空空望住窗外。呢個時候馬面裙小姐姐行過黎問我啲野上曬未，我話仲有一份腸粉一個甜品。跟著甜品好快到，超細份超難食，睇落係yogurt, 其實係打發嘅奶油。但係太餓，就照食曬。食完甜品，腸粉都好快到，一份切成5、6小件，我啱啱先食完一小件，有個waiter就攞單過黎叫我埋單！當時真係火都黎，不過我無發作，睇下張單。我問佢上面嘅“小菜”係咩，佢反問“無上咩？”我話無。跟住佢攞走咗張單去改。係啦，因為我大肚無飲茶，但係23蚊茶位費照收。同埋無提我故宮之友可以有優惠。P.S. 我隔離有張大檯一班後生仔食完飯之後開咗兩個半島蛋糕慶祝，睇到我更加餓。我仲以為開咗新餐廳以後就唔使出館去金玡居，但係食完呢餐覺得金玡居好好多！以後唔會再黎！呢個餐廳唯一嘅好處就係我上個禮拜日去金玡居幾乎唔使再等位啦！

一間高級酒樓，仍然用手記錄訂位，仲要出錯，無端端被刪咗，重新排過。很多等位的客人都抱怨內𥚃這麼多空枱，卻因為沒人手執枱而要繼續排。高級食府，但紙餐巾也沒有，而且發現碗也沒清洗乾淨！上菜也慢。點心方面，賣相精緻，一份只有兩件。叫了安格斯牛肉腸粉，牛肉有根，但皮薄牛肉味濃鮑魚和牛酥，伴碟好看，嫌沒有一點暖，像出爐已久。水晶餚肉，可。义燒包，一般水準。帶子餃，賣相很美，但只是暖暖地。人不多，為什麼點心都不是即叫即蒸？在故宮博物院試吓無妨。下次可能試商務午餐。

叫人，侍應見到都扮睇唔到，部長更加對眼生在額頭上，大大聲自稱為五星酒店級數場面，但招呼差勁，態度惡劣。食物都尚可，但卻，價性比低 ！最大賣點 ，二面向海 ，景觀一流。四個大人兩個兩歲的小朋友，開枱時畀兩碟前菜，都算了，埋單時，睇到居然收五份。 同佢講要求改返 ， 改就改了，但居然要加收2位小朋友(2歲)的茶錢， 問部長 ，佢話坐低就要畀茶錢，唔理你幾多歲，( 之前張單是沒有收的 ) 感覺直頭搶錢。 原本張單收＄1,046， 改單後收＄1,067， 無言， 照畀，冇下次

今天太座話不如去故宮博物院行吓 那第一時間去飲茶先 . 今次去試故宮博物院館的 璟瓏軒 預早致電訂咗位 12:30 到達 嘩掂解咁少人飲 後來座落接待員話平時好多人滿的. 今天因為故宮博物館星期二休館所以人少了. 那先叫點心試吓先 先來個鮑魚和牛酥 再加個亞拉斯加蟹餃 主食要個 海膽鰻魚汁海鮮抄香苗. 兩個人食也差不多了 試了個鮑魚和牛酥 我覺得和牛酥中 最經典的是瑞吉酒店中菜廳 潤 那個和牛酥真係冇得頂 再來試埋個亞拉斯加蟹餃 都 ok 喇 最後食埋個主食抄飯 這個可以考到廚房的工架 抄飯夠香口粒粒分明爽口 放在中間的海膽就少咗D 但師傅手工搭夠 鑊氣又夠 壹個不錯的抄飯 . 座在窗邊位靜靜的飲吓茶 看著維多利亞港𡨴靜的港口搖望太平山的老襯亭 一樂也 又一個獅子山吓的老襯。

佛誕約咗屋企人飲茶諗住之後順便行吓故宮博物館同M+😎揀咗呢間餐廳 入到去真係俾360度維港海景wow到 想影相靚啲 就要揀返窗口位啦p.s 出賣下媽咪先😂 天氣超好 點心嘅質素都唔錯有幾樣特別嘅去到必叫～✨璟瓏軒三寶：蘿蔔酥、鮑魚和牛撻（好食！）、燕窩蛋撻✨蘆筍帶子腸粉大大粒帶子喺入邊🤤✨有雞先有蛋✨鮑魚燒賣雖然買單唔平 可接受範圍啦不過整體無論食物質素定係環境都舒服最緊要屋企人食得開心就得了😎👌🏻

星期天花一整天時間遊覽，當然要在故宮享用午膳。可以先預約座位進入餐廳前，故宮博物館職員會主動詢問客人會否再次返回故宮展覽廳；因為會提供手帶作識別。餐廳內有機械人協助樓面工作人員樓面工作人員都會主動詢問餐飲送齊或否整體而言感覺良好，是次享用午餐套餐。午餐期間，也留意餐廳可會提供婚宴服務；因為眼見餐廳職員有引領一對情侶視察餐廳場地、舞台走位等

食物水準係ok的但其他真係好唔掂，食一餐飯由午餐食到下午茶，長時間都係等佢上菜，食5分鐘，等50分鐘，真係非常之浪費時間。我係入場參觀博物館，我真心無預計等佢上菜要等咁耐。仲要經常上錯菜。