璟瓏軒

營業中

休息中

自從11月歐遊回來持續發病了20多天最後竟然還要進廠休養修理😥，幸好冬至前身體勉強恢復可以與家人一同過冬，真是不幸中之大幸👍。今天家中長嫂吹雞一同到故宮博物館4樓的「璟瓏軒」共進午餐，只因她和長兄剛剛於昨天來過吃午餐，感覺環境非常開揚，有落地大玻璃設計，還有270度的全海景，非常漂亮，所以希望與家人一同分享，家中有如此長兄長嫂感覺真的很幸福🥰。「璟瓏軒」 位於故宮博物館4樓， 從地下可以乘搭升降機直達，酒樓門面闊大，樓底甚高，頗有氣勢👍；而且酒樓室內間隔四正，呈倒轉L型，全部向海，視野寬廣；部份更新面向西九藝術公園連維港景色；內裡還有一個大禮堂可以作為讌會場地，環境確實一流，從這個角度欣賞海景比在101所看到的漂亮得多😍。由於我早到，所以先點了兩壺茶，普洱🫖和鐵觀音🫖，但服務員把兩壺茶放上枱面後我發現兩壺茶完全沒有識別的名字，於是我詢問這位服務員那一壺是普洱？那一壺是鐵觀音呢？如何分別呢？ 難道每次斟茶都要打開茶蓋看？(因為一般較高級的酒樓都有把茶葉名稱印在一個紙圈上並套在每壺茶的茶蓋部位，令客人容易識別)。令我驚訝的是情發生了，這位服務員的回應竟然是：「對不起，我不知道那一壺茶是普洱

臺灣朋友來港，想食港式點心決定來這裏，方便他們之後在西九遊玩海景真的很誇張，加上今日天氣好，非常漂亮朋友們瘋狂拍照這裡樓底很高，環境很舒服星期六來說沒有很多人因為一共有9個人，所以點了很多點心這個前菜合桃很好吃手工天鵝酥，其實就是蘿蔔絲酥餅烈焰燒腩叉，喜歡肥肉的朋友會鍾意這個叉燒脆皮燒金方，半肥瘦，都算脆皮米網鮮蝦紅米腸粉，臺灣朋友激讚XO醤帶子腸粉，不知道XO醬在哪裏黑毛豬叉燒包，算幾好食？？燒賣，有隻迷你鮑魚燕窩流沙包，食唔出有冇燕窩，流心都流嘅花旗參湯蝦餃，我真係唔識欣賞，俾翻傳統蝦餃我黃金豆腐粒拼黑金豆腐，豆腐拼豆腐雪茄蟹肉春卷，呢個我最鍾意，其實係蝦長春卷，好食造型又得意金瑤萵芛絲，冷盤，瑤柱好似炸過咁，脆脆哋醋香紅海蜇頭，呢個我都好中意，海蜇頭唔係咁多地方有得食話梅車里茄，呢個都好食嘅，不過我覺得有啲貴蛋白杏仁茶，呢個做得好，好香，蛋白又滑又軟，我平時唔飲杏仁茶都覺得佢好味棗皇糕，有椰漿夾層，偏甜，我一般臺灣朋友覺得非常滿意，我很慶幸帶了他們來服務就一般高級中菜廳服務，不過不失都係一個飲茶的好去處，可以encore

服務有待改善，今天中午用餐時即場在隔離61號台客人都向經理投訴服務員態度十分惡劣，61號台的客人投訴還都用餐完，問都冇問就收左食物，服務員重即場豪無悔意同客人嘈起上來，我都有同樣經歷，家人未享用完小籠包，連醋同喼汁都分唔到又唔問就收左個醋了，而要求清理台面時，卻豪不願意 ，重要加上“gip" 的一聲。 作為一間代表香港文化既博物館，一年365日都有不同國籍人士到訪，咁樣冇禮貌又冇誠意同不認真更懶得做既服務態度，我作為一個土生土長既香港人都覺得相當失望甚至蒙羞。就算環境有幾優美，都只不過係 金玉其外 敗絮其中，有失香港的國際旅遊形象。同時間，我想補多一句，一分錢一分貨，這不是物超所值的餐廳，茶錢和點心比一般酒樓都貴一倍，重要收加一，咁樣既服務態度對市面的酒樓相當不公平，好此為之了。

前幾日去故宮博物館參觀，中午貪方便去咗四樓飲茶，餐廳環境服務點心造型一流，但味道九流。午餐兩個人嗌咗六樣嘢：花旗蔘湯蝦餃，個湯勁多味精。雪茄蟹肉春卷，啲蟹肉唔新鮮，好腥。有雞先有蛋，其實就係鹹水角加芒果布甸，冇乜特別。澳洲和牛生煎包就係生煎包，唐包點水準。茅台時果杏仁燕窩，就係杏仁豆腐拼罐頭雜果+2滴白酒，有啲失望。黑松露餃冇黑松露味。我食完成餐飯，發覺最好味嘅竟然係我叫嗰杯人蔘烏龍。順帶一提，啲碗碟唔係十分乾淨。如果只係打卡影相，佢絕對可以滿足到你。如果你諗住肚餓食嘢，我建議你去故宮博物館或週邊其他餐廳。

因為想可以喺西九龍睇煙花🎆，所以搵返西九龍附近既餐廳，但可以online book 既唔多，唯獨璟瓏軒可以，約左之後睇佢評價先發覺負評8個好得2個🥶，都真係驚驚地🙈，但除夕好多都冇位或者有最低消費，所以就唯有膽粗粗照去啦～本身book左8點，因為驚封路，所以我同老公都一早到左，7點已經上到去，職員都俾我地坐低先，仲安排左張窗口檯俾我地，餐廳裝修都算堂皇👑，窗外環都好靚，我地等到8點先上菜職員都冇唔耐煩，服務態度都好友善🥰。我地7個人叫左8個小菜，先黎水煮牛肉，牛肉咪都算濃，牛肉嫩滑，辣度適中，再黎香煎龍躉我覺得好有驚喜，魚皮厚滑，魚油豐富，魚肉嫩實好好食，食完呢2個餸已經將之前既疑慮一一掃空，其他每樣小菜都好有水準，就連簡簡單單的手撕包菜味道都很獨特，最後我地再叫埋甜品綠豆糕，綠豆味好濃郁，大家都食得很開心～最難得係其實佢價錢真係一啲都唔貴，我地仲叫左2支酒（好飲）埋單都只係3千幾，除夕時間咁既質素咁既價錢真係好抵，仲要食完飯落樓下就睇到煙花，成晚真係好完滿。💖

今日同朋友行到故宮博物院，中午肚餓諗住喺呢幢大樓醫肚，聽餐廳名璟瓏軒覺得非常高大上，上到去餐廳，餐廳嘅裝潢實在10分豪華，景觀望住尖沙咀海景，然後坐低開茶，一壺香片茶味道十分讚，跟住攞餐牌嚟點點心，點咗幾個廚師推介，同時間打開OpenRice Apps見到啲人嘅評價，覺得中伏。唔緊要，試一試啦！至少環境係非常鍾意嘅，點咗蘿蔔糕、脆皮燒腩仔、花旗參蝦餃、蘿蔔絲酥餅。落陸陸續續上到嚟，覺得味道真係一般。跟住我哋就唔想再嗌更多嘅嘢！埋單差唔多$600 ，人均都要二百幾蚊，我個人意見是改良餐單，點心嘅份量加大，因為我哋三個女仔都覺得食唔飽，或者呢間餐廳真係識環境，唔係講求出品，總之覺得有需要改進，出品唔好真係浪費咗呢間餐廳嘅位置。

點了乾隆花雕醉雞，$168例牌，肉質粗糙，無酒味，唔掂又點了個素腸粉，粉皮滑，但份量很少，餡好少蟹黃百花卷，平平無奇，蟹黃醬很多油，但又唔香，拎醬用小匙有污漬唯一好食係個招牌炒飯，份量ok，但個飯都濕個頭，唔夠乾身叫經理幫手影張合照，點知張相黑到睇唔到樣…..最後4人食左以上4樣野only, 承惠$8xx。 好快肚餓，隔無來再要搵野食。 旅遊景點的餐廳都唔預好得去邊，都係呃遊客去，本地人都係出面餐廳食好啦…..

行行下博物館見肚餓俾呢間野嘅裝修吸引咗，咁就入去試吓咩料。入邊嘅裝修真係好靚，又有一個無敵大海景。諗住啲嘢食都唔會差得去邊，價錢係一般酒店嘅收費，我哋叫咗五款嘢食連埋茶芥都成6舊水 。唔係俾唔起錢！但食物質素真係衰過茶仔 。普通到唔普通 。侍應個個譚仔話冇服務可言 。上菜又慢 。一碟腸粉我形容為一條腸粉切開五件都成10-15上菜 。成個場又唔係多人！大佬呀成件事錯晒 。你間野裝修咁靚 。但一d內涵都冇 。真無不可一不可再 。希望大家睇到我篇嘢唔好中伏 。如果管理果個見到我篇嘢不如請我幫你管理啦 。一定幫你扭轉乾坤！·

👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿以為故宮有正嘢食，誰不知比錢買快餐店質素，屋邨嘅服務（屋邨起碼有好嘢食）仲有啲碗具污糟要求換，啲員工厲害到話係乾淨，唔肯換。嘢食量少，食唔飽。多謝晒😤!本來著名菜式有雞先有蛋，蛋殼入面係普通芒果布甸，兩隻鹹水角塊皮又厚又粉。

茶葉可以，但水唔滾已經失色，讓他再沖新的一壺水也不是滾水。這樣的門面，最起碼應該有燭台保溫以確保茶水的溫度。點心送到來已經沒有煙，上湯蝦餃還可以，可惜跟燒賣一樣都是暖的，煎蘿蔔糕，叉燒包也是暖的。跟職員反映沒有反應，唯有找經理說，他知道了取消了一個點心。糯米雞來的鴛鴦米也是乾硬，入面有一小粒鮑魚，少許瑤柱及一小粒冬菇，其他什麼都沒有。叉燒包入面的肥瘦比例是8:2，麵包皮凍硬沒有香味食不下去。招牌炒飯炒得不錯，唯獨蝦全部保留黑色腸也是一大特色，要不是就是唔新鮮的質感。招呼非常一般。這個格局這個環境，不知道有多少貴客滿意😂實在令人失望。

去完故宮博物館，費事行去第二度，就上嚟呢度食。當晚約有六枱客，環境清靜，最吸引當然係個夜景！菜牌用iPad ，以為好先進😂，都係人手落單！菜式普通，結果我哋揀咗一人套餐。前菜三小碟，中間的華梅車里茄最好食，酸酸甜甜，真開胃；叉燒夠淋，只得兩片；醉雞冇乜酒香味。茶樹菇螺頭燉湯，夠濃但唔鮮甜，只有鹹味。最差的是兩個朋友嗰碗都係熱辣辣，我嗰碗係和暖的。堂堂高級酒樓，可以咁求奇？皇后大虎蝦，買相好靚，蝦殼煎香，蝦肉本身冇乜味，靠個甜甜哋嘅汁，同灑啲蝦子。侍應冇收走我哋食完蝦嗰套刀叉，原來留返食海參😂蝦同海參唔同味，換套刀叉有幾難！花菇入味，其實個汁唔錯，但海參未夠火候，要炆耐啲。全個套餐以芙蓉燴海斑球最似樣。芙蓉係上湯、炸瑤柱、蛋白、番茄等，清清哋。唔係新鮮班球，肉質實而無味。食埋上面的炸薑絲，可以僻腥味。魚湯浸溫室菜苗，湯濃夠熱有魚味，浸幾條白菜仔，有住家餸風味😂食埋甜品蛋白杏仁茶，朋友話啱啱夠飽當晚得三個侍應，唔知係唔係唔夠人，我哋啲碗碟，一係等好耐都冇人收，一係就未食完（朋友仲挾住嚿餸）冇問過我哋就收走又大力放低食物，連普通酒樓啲姐姐都好過佢哋！我嘅評分係中下，未至於劣評。希望日後可以改

原本唔諗住寫食評不過睇到其他食評寫到哩間野咁差忍唔住幫佢平反一下我懷疑果啲食評係打手我同老婆去行故宮睇到肚餓見到哩間酒樓開左懶得出去搵野食入去試下首先，一入去個景真係一流服務都ok, 禮貌有笑容反應快野食有三款套餐，另外可以散叫我地散叫試下特色野兩個叫左6樣野強烈推介御膳鴨舌凍，超好味明太子鍋巴蝦，fusion 菜，唔係我杯茶不過啲配料分開講，味係唔錯，不過放埋一齊就唔係好夾仲有樣一定要通就係金湯黑鳳絲手造麵望落以為好滯，食落超正食到最後涼左都仲好好味所以飽都忍唔住清碟講真貴係貴，我哩餐差唔多$500一個人(其實我叫既份量夠3個人食) 但咁既景色，又有有特別又味道唔錯既野我覺得值咁既價錢唯一缺點，無QR code點餐

坐擁無敵海景，酒店價錢，食物及服務水準，比一般酒樓還差一點，真令人無語，應該沒下次。人手完全不足，上點心沒連醬料一齊上。茶淡然無味，要求加茶葉，侍應說要另加$28。切餅費收$100。蛋糕拿出來時有點融，懷疑沒放入雪櫃。食物味道正常，但沒特色。收酒店價錢，但未能提供令人滿意服務。侍應姐姐雖有禮，但似欠相關經驗，提出要求往往不是一次，要重覆最少一次她才記得跟進。餐廳在故宮裡面，入故宮需安檢，搞到蛋糕也傾側了，所以有些破損😅。

性价比太差！几乎没有服务可言！除了风景好，可是香港的海边同样价格可选择的太多，真心不推荐来这家！第一，服务员态度很差，给孩子点云吞，上来辣的，让做不辣的，居然说不能做？？不就是不加辣椒！叫了经理来就可以做了！第二，来的云吞58块，就是图中这样的！连汤都没有！一份炒饭198，看着招牌，结果居然普通的不能再普通的炒饭了！这样的餐厅不是因为在故宫博物院没啥选择，后面发现其实可以去一楼的也有餐厅的。总之就是非常非常不推荐，美食家慎入

7月9號上午看完卡地亞珠寶展好餓，知道4樓開了間新餐廳就去試試。進門看見接待小姐姐穿馬面裙挺好看的。人不多，好快就有位。點了一份鮑魚燒賣、一份腸粉、一個荔枝甘露（甜品叫即上）。燒賣15分鐘就到，太餓，好快食曬。之後就係漫長嘅等待……人唔係多，1/3都無坐滿，等咗足足30分鐘，我已經餓到兩眼空空望住窗外。呢個時候馬面裙小姐姐行過黎問我啲野上曬未，我話仲有一份腸粉一個甜品。跟著甜品好快到，超細份超難食，睇落係yogurt, 其實係打發嘅奶油。但係太餓，就照食曬。食完甜品，腸粉都好快到，一份切成5、6小件，我啱啱先食完一小件，有個waiter就攞單過黎叫我埋單！當時真係火都黎，不過我無發作，睇下張單。我問佢上面嘅“小菜”係咩，佢反問“無上咩？”我話無。跟住佢攞走咗張單去改。係啦，因為我大肚無飲茶，但係23蚊茶位費照收。同埋無提我故宮之友可以有優惠。P.S. 我隔離有張大檯一班後生仔食完飯之後開咗兩個半島蛋糕慶祝，睇到我更加餓。我仲以為開咗新餐廳以後就唔使出館去金玡居，但係食完呢餐覺得金玡居好好多！以後唔會再黎！呢個餐廳唯一嘅好處就係我上個禮拜日去金玡居幾乎唔使再等位啦！