珍香園 (已結業)

看完早場，特別搭車去食老字號，明顯是家庭作業，老板好有禮貌。煎釀三寶必食（原來會有一粒由魚肉做的魚丸）$14，荳腐自家制當然是滑嘟嘟＄11，一定要吃豬皮蘿蔔豬紅$18，蘿蔔就好入味，整體淡味點。紅腸加釀荳腐$14，荳腐出色。蘿蔔糕＄7，正常味道。綠荳沙，不甜。老板說現在冇人做的煎釀三寶，因功夫多，人工及舖租都貴，普通樓面$50，師父就$80。有良心的老板，不知是否做芽，燒鴨及白切鷄，作為午餐的餸菜。大家要多多支持小店，如果吾糸又少一間。

西灣河天橋底成安街街巿，有間老字號嘅荳品店舖細個時跟住亞媽，買完餸佢會帶我入去，食個豆腐花或飲杯豆漿，係我童年嘅美好回憶而家呢啲店舖已經所剩無幾啦今日行過西灣河街市附近，忽然想揾番細時嘅古早味😋好開心發覺佢重健在，走入去見間店新淨咗好多☺往日剩賣荳製品，而家加入好多小食，如生煎鍋貼、生煎包、韮菜餅、蔥油餅等 ，連糖水都有得賣我叫咗客煎釀豆腐，試埋個生煎菜肉鍋貼同生煎韮菜餅$3.5/件，最少要叫4件豆腐上面舖上薄薄一片鯪魚肉，煎得幾脆，豆腐口感👌鍋貼上桌係暖嘅，兼且皮稍腍唔脆，餡料肉多菜少，味道不俗，如果俾啲心機，煎透些相信會好食好多味道其實唔差，可惜個皮煎燶晒，裏面竟然係濕，影響賣相同口感整體來講，食物味道尚可，但唔係熱上，始終差啲，雖然環境係改善咗，但食物質素就差咗，古早味恐怕祇能成為我腦海中嘅回憶

路過西灣河，見一間舊式豆腐鋪頭，門口賣着熟食如炸豆腐，坐入去吃了一客熱豆腐花、熱豆漿及煎蘿蔔糕，不是十分高質素或完美無瑕，但勝在有懷舊及地道香港味道，會再來的。

放假經過西灣河，我和朋友再次去珍香園食下其他小食，首先緊係叫咗個熱豆腐花$10、朋友就叫芝麻糊豆腐花$13、然後再叫一碟鹵水豆腐$12、一件生煎葱油餅$8、一個蒸菜肉飽$7。今次大家都覺得呢間店舖最好食嘅係鹵水豆腐，啲汁好香，豆腐好入味，好好食！生蔥蔥油餅大大件，唔會覺得油，亦唔會煎得好硬，我哋覺得係第二好食，至於蒸菜肉飽就一般，芝麻糊豆腐花唔夠芝麻香味，下次唔會再叫。總括：以上食物全部都好大衆化價錢，抵食！

星期二下晝大約6點，突然好想食豆腐花，於是我和朋友兩人就去咗西灣河間珍香園。一入到去諗都唔使諗就叫咗凍及熱豆腐花各一碗($10×2=$20)，可以自己落糖水或黃糖，如果想加薑糖水可以出聲，職員會攞過嚟倒入碗內，不過我哋都無叫到加薑糖水，怕搶咗黃豆嘅香味，然後朋友再叫咗炸釀豆腐、炸鯪魚球、炸釀紅腸及炸雲吞各二($12×2=$24)。當食緊嘅時候，老闆就向食客推介佢哋個特色豆腐花，其實就係豆漿加豆腐花，唔需要加糖，可以食出清淡嘅豆香味，於是我都叫咗一碗試下($10)。總結：豆腐花唔夠豆味，而特色豆腐花因加咗豆漿，所以比普通豆腐花多少少豆味，感覺豆漿本身已有少少甜味，所以真係唔需要再加任何糖水，特色豆腐花最啱食清淡嘅我。至於炸嘅小食，都有一定嘅水準，亦沒有特別嘅驚喜，價錢都算抵食。

我們經常忘記了簡約的美好， 往往只沉醉於紙醉金迷的生活。如果你今早覺得心情煩躁，倍感壓力，不妨騰空片刻靜靜坐下，享受一碗簡單的豆腐花。綿滑的豆腐，簡單，沒有渣，清甜的糖水，說不定能夠贖回你的微笑。

最近接咗份新補習班，多咗機會去西灣河。媽媽知道我沿路有間豆品老店，特意叫我試試。老店的確有一番情懷，店員關係親密，予人一同經營之感，香港人大抵抗拒不了呢份人情味。但經很起歲月磨練，又係咪真係食物質素嘅保證？天氣太熱，點咗凍豆花。如果有人點凍嘅仲批評人哋豆花唔滑，要不係不近人情，要不係豆花新丁。食豆花習慣先唔落糖，試試豆味。只能講一句：連非豆品店嘅豆花豆味都比佢濃郁...鍋貼唔係即煎，但客人多所以都係新鮮嘅。皮煎得太燶，肉餡幾多，但肉汁略少。味道算唔錯，但以呢仲老店嚟講，可謂老貓燒鬚。

老字號豆腐花舖，我最鍾意呢一類小店，都經常去食小食嘅。呢度嘅煎釀三寶睇落D魚肉較少，但其實好原味㗎，佢冇咩溝粉，全部係真材實料，所以好好味，好值得食。蘿蔔絲酥餅都愈嚟愈少喺街邊見，所以黎到這裏都會食佢。其實呢個蘿蔔係改進版，舊式的個皮比較厚，裏面餡料多，而這裏做的個皮比較薄，裏面大部份喺蘿蔔絲，其他材料較少。 這樣都好甜美。蘿蔔糕屬大路味道，同大部份舖頭差唔多。豆腐花滑滑，糖水清甜，亦有黃糖自己調味。

去完柴灣拜山，順道去了這間位於西灣河的小店。提起豆品食物店，都是人和、公和、義香等店的知名度較高，但家人試過這間店後，讚口不絕，今日終於有機會去試試。店內裝修簡潔，與一般的豆品店相似，但售賣的食物種類卻不少。除了豆腐花、豆漿等之外，還有八款煎炸食品（煎釀四寶、炸釀雲吞、紅腸、茄子和芋頭）、七款生煎包餅（蘿蔔糕、鍋貼、韮菜餅、豆沙餅、葱油餅、牛肉包和菜肉包）、七款地道小食（豬皮豬紅蘿蔔、炸蕃薯、蘿蔔絲餅、香脆雞脾和三款豆腐）和六款蒸包，十分豐富。除了地道小食類外，大部分價錢都在$10以下。豆腐花和甜品，也各有四款，售價是$10和$13。我們點了紅豆沙豆花($13)、腐竹薏米糖水($13)、鹵水豆腐($12)、葱油餅($8)、鍋貼($5.5)和蘿蔔絲餅($10)。本來也想試試煎釀四寶，但這些食物在很多食店都可以吃到，加上我們點食物的份量不少，吃完已頗飽，故最終沒有試。味道方面，我較喜歡豆花糖水和包點，現分述如下。紅豆沙豆花和腐竹薏米糖水，以賣$13來說，算是十分足料。豆花嫩滑是必然的，紅豆沙是很家常的做法，不單紅豆的份量多，還有蓮子和少許果皮。紅豆煲至綿軟起沙，不似坊間的糖水店，紅豆少而且

之前一路都想去試吓呢間，因為啲人話佢嘅豆腐好高水準，今日係未食lunch嘅情況下面就黎呢間試食下啦間店嘅裝修係比較簡陋少少，始終係好多年嘅老店，好有細個既懷舊feel，見到呢度嘅人入親嚟都會叫豆腐花，不過由於我好肚餓就決定叫第二啲嘢食先叫咗一個牛肉包，一隻煎推，同12蚊4件嘅煎釀三寶。。牛肉包覺得一般，煎堆好食，外表鬆脆但入邊仲係好juicy，食完我仲追加左一個椒鹽豆腐同埋一杯熱豆漿豆漿係唔甜嘅情況下，好濃有豆味，係出面地方已經算比較難遇到，抵讚但係我最欣賞嘅都係呢個椒鹽豆腐，好好味，出面好香好鬆脆，一咬落去個魚肉好實，但係個豆腐勁軟身，小妹熱烈推介唯一有啲美中不足，就係個環境嘅乾淨程度，因為係我食食下野期間，樓上跑咗一隻老鼠落嚟我相信平時外賣會好d既

香港人既集體回憶，係呢幾年地價越黎越貴之後，一間又一間既老舖賣得就賣要搵間又平又好味既已經越黎越難。今日再次黎到珍香園，每次行開附近都走唔甩買下小食，豆腐花/豆漿/鹵水豆腐/煎釀三寶/生煎飽/窩貼，雖然選擇黎黎去去都係個d，但係有水準既小吃尤其是平靚正豆製品，係依然百物騰貴既香港真無買少見少。今日去做運動前食左邪惡野打底（炸豆腐/炸靑椒/生煎牛肉飽/豆漿/鍋貼）。 豆腐製品類美味依然，唯獨是牛肉包有d 失望，包皮其實幾厚，想食煎物就比較推介“鍋貼”。下次去開太安樓掃街之餘既另一選擇。

之前經朋友推介, 呢間係呢區好吃的豆腐小店, 今日有機會黎試下。除了煎釀豆腐好食外, 其他煎釀三寶類別都好出色。 另外煎㬵都好味。 牛肉飽就很有驚喜, 肉汁一咬即瀉, 非常美味, 雖然 size 都算大, 但食完一個想再叫多一個。價錢方面, 非常親民, 可能係西灣河區, 消費吾算高, 所以好抵食。有水準的小店已越來越少, 希望這店仍然繼續保持水準, 令我地呢D 食民受惠。

一講到西灣河，第一個諗到的地方就係太安樓，但係鍾意搵好野食的我點會咁單調，次次都去同一個地方，之後就俾我搵到西灣河原來有間食豆製品的食店，開喺街市入面，講緊既就係珍香園。一開始就每人點左一碗豆腐花，果然係非常滑口，枱面上仲有紅糖＆糖漿，無論係熱定係凍的豆腐花都可以隨自己的口味加糖。之後，再點左鍋貼、炸雲吞、椒鹽豆腐＆蔥油餅。由於每樣食物都流轉量都好快，keep住都有客人點，所以每樣食物都好似即叫即做咁，好新鮮。就算係炸雲吞都非得脆口。所以西灣河除左有太安樓之外，俾啲時間和心機都可以搵到唔錯的食肆。

難得星期日無街去，同友人係屋企附近散下步之後，就想食番個下午茶，因為琴日放題果陣，食左盒豆腐花，就諗返起細個食的這間鋪頭～所以決定今日再去食豆腐花～同以前一樣，無餐牌，所以食物同價錢都係貼左係牆到，一睇就知道個價錢曾經有改動喇~ 我地叫左3隻鍋貼同埋一碟豆腐~係豆腐上面的魚肉幾好食，雖然唔係厚身果種，但都食到係比較彈彈的~鍋貼熱辣辣，而且個皮好薄仲有少少燶燶地，所以咬落少少脆脆地~~豆花有熱同凍選，不過咁熱的天氣，緊係要食凍豆花喇~佢一黎到係完全唔甜的~檯到有糖漿同黃糖俾我地自由發揮!豆花夠哂凍，仲好滑，仲食到有豆味tim~

豆腐花賣相完美，像是一個球形一樣，有點像原球的水牛芝士，滑一滑，唔會有石膏味又唔會太水，有彈性。呢度仲有特別嘅豆花款，參考星加坡做法嘅星洲豆花，豆花加甜豆漿，唔使再加糖，老闆強烈推介，但今次食得太飽唯有下次再試。滷水豆腐大大件，吸哂汁，滷水偏向白滷水，看上去透明淺啡黃像油的顏色，比較少見，一口咬落去爆哂汁，記得要食得小心啲，唔係一身都係。另外叫咗啲煎釀三寶，蘿蔔絲餅，蔥油餅，三寶中還是招牌貨豆腐最突出，外脆內滑有豆香，魚肉份量唔多但新鮮彈牙。蘿蔔絲餅有大量蘿蔔粗絲，無咩溝粉，用料實在。