珍香園 (已結業)

一講到西灣河，第一個諗到的地方就係太安樓，但係鍾意搵好野食的我點會咁單調，次次都去同一個地方，之後就俾我搵到西灣河原來有間食豆製品的食店，開喺街市入面，講緊既就係珍香園。一開始就每人點左一碗豆腐花，果然係非常滑口，枱面上仲有紅糖＆糖漿，無論係熱定係凍的豆腐花都可以隨自己的口味加糖。之後，再點左鍋貼、炸雲吞、椒鹽豆腐＆蔥油餅。由於每樣食物都流轉量都好快，keep住都有客人點，所以每樣食物都好似即叫即做咁，好新鮮。就算係炸雲吞都非得脆口。所以西灣河除左有太安樓之外，俾啲時間和心機都可以搵到唔錯的食肆。