王牌·圍一叉燒

營業中

休息中

咁啱去完大圍行街，見到咁多人排隊，又寫住皇牌係叉燒，諗住差都有個譜，所以諗住就試衫下佢，斬料返屋企加送，一試由自可，試咗把鬼火，叫咗半斤淋叉，勁垃圾，好似啱啱煲完湯嗰啲瘦肉咁，又唔香，又走肥，咬到牙較都軟埋，叉燒汁又差，你唔叫自己做王牌我都冇咁嬲，仲要買成$78半斤，舖頭環境又差，周圍都好似好污糟呀，見到都唔開胃，為一盒格就係份量都好似叫夠秤，真心唔明點解咁多人排隊下次送俾我都唔食，真係10分失望

經常聽人講圍一叉燒的燒味很高質，今天到新開的圍方看戲，之後不太肚餓，經過這店，看到門外長長的人龍，於是兩口子就去這間出名的食店試試它的叉燒。餐廳面積不大，門口的燒味十分吸引，那飽滿的油雞和白切雞，還有那些看到都覺鬆脆的乳豬，令人垂涎欲滴。因為不太肚餓，所以我們點了兩個簡單的招牌菜式。我們點了「幸運銷魂飯」和咖喱吉列魚柳意粉。「幸運銷魂飯」實際就是叉燒蛋飯。上邊的蛋呈橙色，蛋煎得很脆，蛋黃緩緩流出，撈在飯上，非常好吃。半肥瘦叉燒有淡淡的蜂蜜甜香，肥瘦適中。入口鬆化可口，還有點焦香，真的非常好吃。咖喱吉列魚柳意粉的魚柳煎得香脆，配上特別調配的咖喱汁，十分惹味。還有那兩碗足料例湯，為這餐畫上完美句號。

王牌 🎖 經常見到好多人排隊，同埋買外賣，見佢下午茶幾抵， 所以決定哋試一試佢🍴 你會見到有好幾個師傅 不停斬斬斬d 燒味，的確，d 燒味係好吸引。一至五下午茶餐連飲品 ~ 堅抵食!!!圍一 •叉燒奶油🐽$38奶油🐽 又香脆，叉燒大大件今日星期六下午茶 冇一至五咁抵， 但係質素依然好好燒鵝瀬連飲品 $58 鵝皮脆肉質嫩滑 份量足 奶油豬脆脆要$28, 就真係冇下午茶餐咁抵食， 但係佢個奶油豬真係好脆好脆😍其實，我見到其他客人嗌滑蛋叉燒飯， 大大碟之餘，又靚仔， 都真係有衝動想叫多份😋😋😋 另一方面我覺得呢度啲 阿姐態度都好好，絕對有求必應， 好少茶餐廳咁好禮貌😇總括嚟講， 呢度可以當食堂 (住附近真好😎 )，而星期一至五喺度食下午茶餐一定冇得輸😎

王牌·圍一叉燒今日去咗行大圍-圍方，行完經開港鐵附近見到有一間燒味茶餐廳大排長龍，我一見長龍就最鍾意「鼠」入去望下，見到下午茶勁抵食，未食lunch嘅我就唔洗諗去拎位入去食，排得隊應該好好食，仲要$29起就有一個下午茶餐，好鬼平！呢間茶餐廳門外係有斜路，好方便輪椅人士入去食野，門口雖然多人排隊，但大部分都係等拎外賣，我都係等咗大約5分鐘就入得，輪椅入到茶餐廳入面只能坐近門口位，入面唔算好大，店員都招呼得好好，茶餐廳上面仲有一層，不過就要行樓梯，短短食咗半粒鐘，睇到間餐廳好似喺戰場咁，流轉得好快，電話不停響，收銀機不停有拉出拉入聲，證明真係好多幫襯，真係好王牌！🤘🤘🤘😂1.迷你油雞飯 配熱檸檬茶$39（9.5/10）呢個迷你油雞飯絕對唔迷你，飯量都多，油雞都有成5舊，雞肉嫩滑，唔會鹹，點埋薑蓉味道就啱啱好！👍👍👍熱檸檬茶正常水準，有3片檸檬！2.輕量燒腩仔飯 配熱檸檬茶$40（9.5/10）呢個燒腩仔飯絕對唔係輕量，飯量都多，燒腩仔都有成6舊，每舊個皮都燒得好脆，脂肪同肉比例啱啱好，又唔會鹹，其他地方食嘅燒腩仔多數又乾又硬又鹹，個皮多數似橡皮糖，呢間王牌真係無改錯名，真係王牌唯一，下次要

鄰近大圍地鐵站A出口直行，經過大家樂，就見到一間好光猛大招牌的食店。見到好多人係度等外賣，餐廳主打叉燒，餐單都有好多其他選擇。作為燒味控，每星期總會食番1-2餐燒味飯。本身想叫乳豬飯🥲但賣晒😩，最後決定揀個四寶飯黎試下。🥢四寶飯送例湯四寶飯入面有叉燒、咸蛋半隻、白切雞和紅腸。蜜汁叉燒口感軟身，半肥瘦厚切，份量都幾多，果然係主打！冇得輸🤩。最愛的紅腸每塊都厚切，大大塊好滿足！白切雞賣相普通，但入口有驚喜，口感煙韌，入口鮮甜吾會太咸👍🥄例湯超有驚喜，用料十足，味道鮮甜冇乜鹽味。證明吾係味精湯，而且仲有幾條蟲草花。📍 王牌·圍一叉燒 (大圍)大圍大圍道100號天寶樓地下8號舖

圍方開左，行完街肚餓，見岀面排哂長龍，我又走去排下🤣不過都好快入得，個係要答枱，唔緊要啦，岀面咁熱，入面冷氣夠勁呀，見佢岀名係叉燒，我哋就叫左個下午茶餐燒鵝飯試下🤣🤣🤣老實講，繁忙時間本身都冇咩期望，只要唔係太難食就得喇，但係都幾意外🤓燒鵝個皮食落脆脆地，肉質唔鞋，配加左汁既白飯一齊食，食落仲有少少荔枝味😳？(可能又唔係，總之就係香味)🤣餐飲我叫左杯蘋果肉粒茶，好少餐廳餐飲有呢款，都幾濃蘋果味，底底仲有五分一杯既果肉粒，$43呢個價錢黎講真係算唔錯👍🏻

雖然大大份，但叉燒唔得，雞唔得，味道欠佳，燒肉一般，得個鵝係比較好。成本30左右，但賣78一份，薑蓉無薑得個咸，唔好食，同普通燒味檔質素差唔多。個位又唔好座，不推薦

第二次嚟 都係好多人排隊😂 果然好受歡迎👍🏻 餐廳裝潢新淨，環境乾淨企理，價位合理 菜式選擇豐富，份量好多，質素很不錯，性價比高☺️ 等候外賣時間快，難怪咁多人光顧👍🏻晚市外賣二人消費：$130（不設加一費用）💟食評💟💟特濃粟米茸忌廉西冷牛扒拼腸仔 配意粉 ($60)超大塊牛扒😍😍 粟米汁香甜濃郁，配意粉好夾😆 牛肉軟腍有咬口👍🏻 份量多，絕對飽肚😋💟蜂蜜叉燒飯 ($52)拼切雞 (+$4)推薦！叉燒同雞肉份量都好多，厚切叉燒好軟腍 不會柴，雞肉大件又嫩滑 仲有雞髀😍 啖啖肉 好滋味😋 白飯份量好多，絕對好飽💟例湯💟凍檸檬茶

叫咗個五寶飯，份量非常多叉燒甜而不膩，少少焦香油雞好滑燒肉皮好脆加埋燒鵝份量好足夠西多非常大份，炸得啱啱好，3塊面包夾埋真係夠厚，但略嫌花生醬唔夠多，糖漿亦都冇乜味最後唔滿意就係呢間嘢只係收現金，好唔方便

聽咗朋友講多次🫢今次終於的起心肝入大圍試吓呢一間茶餐廳😛其實之前有一次星期六晏晝經過見識過...有幾多人喺門口排隊🤡今次等靚仔地膽帶路 睇吓點樣食法最抵,同埋邊樣嘢整得最有質素首先鍾情炒滑蛋嘅我睇完網上啲圖第一次食...點都要叫一叫嚟試吓以外賣嚟講,焗住喺外賣盒咁耐啲蛋都仲係嫩滑已經好勁而我最大讚嘅係...炒蛋唔算太油攞起嘅時候唔會見到好多油浸住啲飯至於件雞扒真係....我呢次真係做到僅僅熟啱啱好至於農場走地雞..我朋友強烈推介佢個豉油汁佢個醬汁係好味... 但我個人就覺得鹹少少雖然咁啱呢次雞嘅部位唔算太靚 (我朋友食開..開心好多)但老實講佢雞胸係做得非常嫩滑...一啲都唔un最後一定要提嘅係咖喱牛肉飯!!!!!呢個真心不得之了完全冇諗過佢成日兜咖喱入面都係牛肉而且啲牛肉唔係筋位... 啖啖肉都食到真心唔知幾耐冇食過啲令人咁開心嘅咖喱牛肉飯!!!!!而且佢啲咖喱係偏香少少微辣嗰啲試完呢一餐我決定搵日再入去試埋其他款式嘅嘢希望佢嘅質素可以keep住... 唔好越做越縮水

今早買左半隻燒鵝外賣，過程完全睇唔到佢斬。拎走盒燒鵝時感覺點解俾燒鴨還輕。返到家發現，燒鵝髀的切口很奇怪，燒鵝的胸只剩下半部分，最大片的一件都冇。燒鵝背佔大半盒。偷料情況十分嚴重。

第一次食叉燒似柴皮，第二次叫下午茶外賣熱狗餐要等廿幾分鐘，服務態度極差，服務員提議我下次再叫熱狗先打電話預訂😓我心諗訂乳豬咩，以後都唔會再幫襯，又唔好食、仲要受氣

大圍呢間叉燒真係好正😍又唔貴又大大碗！但而家真心超多人！平日晚飯時間簡單食都要等位😥😥坐低位位送足料例湯。.🥢蜂蜜叉燒飯 $52叉燒以半肥瘦肉製作，用左自家秘製醃料醃製，帶輕輕嘅蜂蜜甜香。店員話叉燒每日即燒，鬆化可口，肥瘦適中帶點焦香，就算放耐咗肉質都唔會變硬呀！真心好得！.🥢秘製蔥油雞排煎蛋飯 $56微焦既太陽蛋，配大大塊煎得香嫩的蔥油雞扒，配上豉油撈飯，又足料又惹味！.跟飯餐凍飲+$5🫶🏻，真心推介個燒味！尤其叉燒！好好食呀！

燒味飯普遍男女老幼都鍾意食今次嚟到大圍就梗係食王牌圍一叉燒啦🤭✨雙拼燒味飯（燒鵝、半肥瘦叉燒）$62燒味之中最愛就係叉燒🫶🏻識揀一定係半肥瘦最正既係半肥又唔怕口感勁油膩 有少少油脂之餘又有肉又唔會乾爭爭果然係王牌👑不過燒鵝都唔輸蝕架喎完全冇嗰種乾柴烈火嘅感覺啲肉仲係滑嘟嘟㗎🥹✨板煎冬菇馬蹄肉餅煎蛋飯$58肉餅口感好得意 第一次係食脆身既因為煎過 所以都好香口 仲要勁大塊仲要有隻流心煎蛋 蛋黃汁配白飯再加上鼓油簡直係一流*兩個飯仲要包是日例湯架😃店舖6:30左右已經勁勁勁多人流同外賣果然係王牌🤭

沙田大圍開了不同的茶餐廳，晚上六時多，這間王牌。圍一叉燒門前已企滿等位的人客，我和友人排了大約十五分鐘才有位。今次叫了黑椒汁脆炸雞脾煎蛋飯，雞髀皮脆肉嫩，配黑椒汁非常惹味，煎蛋是流心蛋，撈飯一流👍🏻還配上少許胡麻醬蕃茄沙律菜，好有新鮮感！還有叫了四寶飯，四寶分別有紅腸、叉燒、白切雞及鹹蛋，叉燒應該是這間餐廳的主打，半肥瘦叉燒，確實高質，可算是有驚喜！想不到中式餐湯的用料十足，蟲草花燉瘦肉，真正住家味道！