王牌·圍一叉燒

營業中

休息中

位於大圍站附近的#王牌围一叉烧# 餐廳，給我帶來了一次美味的用餐體驗首先，他們的叉燒燒腩飯讓人驚喜。叉燒皮脆肉嫩，帶有獨特的燒烤香氣，每一口都帶來滿滿的滿足感。腩肉則軟嫩多汁，入口即化，令人回味無窮。配以鮮嫩的白飯和香濃的醬汁，這道菜色香味俱佳，讓人食指大動。另外，他們的沙薑雞飯同樣令人驚艷。雞肉鮮嫩多汁，搭配特製的沙薑醬，帶來一抹微辣的風味。醬汁中的薑與雞肉完美融合，增添了菜品的層次感。搭配飯粒的口感，每一口都充滿了鮮美的口味。地理位置方便 ，一出大圍火車站就見十分便利#叉烧# #广式叉烧# #蜜汁叉烧# #香港特色食物# #烧味# #燒味飯# #大围美食# #大围# #探店# #外卖# #美食打卡# #港式茶餐厅# #粤菜#

國內朋友來港旅遊，同咗佢去沙田大圍行吓，經過一間叫王牌‧圍一叉燒 ，餐廳門外有多人等位，朋友話咁多人等位食物一定唔會差，一於入去試吓，朋友請侍應介紹有乜好食，佢推介咗我哋食撈公仔麵。入座後，即送上老火湯，湯味濃郁和鮮甜。香茅雞翼撈公仔麵，雞翼即叫即炸，熱辣辣皮脆肉嫩，公仔麵已經用醬汁撈好，並加上XO醬特別惹味。豬扒撈公仔麵，豬扒厚薄適中，煎得香口，肉嫩入味。撈咗醬汁嘅公仔麵加少許蔥油，味道比較濃。凍檸茶，用新鮮檸檬片搭配芬芳茶膽，甜、酸、茶三種口感相融合，冰涼解喝。凍奶茶喝起來茶味濃郁、口感滑順。

餐廳係大圍火車站附近，平日晚上都好多人排隊既茶餐廳，堂食外賣都多，太晏去燒味會賣哂。有兩層座位。。燶邊肥美腩叉飯 $54/58呢度最出名係叉燒，當然要試吓，仲揀左貴少少嘅肥腩叉。肉同肥膏接近一層一層隔住，肥瘦適中。外層燒到有濃邊，食落甜甜地，唔錯。揀左雙併配燒腩仔，腩仔有少少鹹同乾。自家X0醬豬扒/雞扒滑蛋飯 $58以為滑蛋可以鋪哂成個飯，不過都夠食。XO醬有驚喜，好味。豬扒好大塊，煎到脆卜卜，調味甜甜地、唔錯。

奶奶上次買過尼間既叉燒， 真無無介紹錯😍好出眾， 真係唔錯👍🏻。 今次又試下其他野先❤️（5⭐️最高）意式香草茄茸雞拼火腿（5⭐️）份量十足😍蕃茄酸酸甜甜好開胃。 利用意式醬料，慢火煮雞扒， 一食是脆口外皮， 之後就肥瘦均勻的雞扒蜂蜜叉燒飯跟湯（5⭐️）好喜歡這個， 肥瘦適中， 而且密汁甜度適中💕。 大大件， 又燒得剛好🥰。 而且飯量十足❤️。 好味🤤粉葛湯（5⭐️）好足料，又無味精。 食到有黃豆、瘦肉等材料。 而且多飲對血壓及抗衰老好有幫助😉

📍王牌•圍一叉燒近排落雨懶得煮飯，落街見到呢間燒肉舖幾多人排隊，咁啱仲見到有新鮮出爐既叉燒✨即刻跟著排隊！😝🐽蜂蜜叉燒併油雞飯 $58叉燒係間店既王牌，冇理由唔試！😎叉燒係嚴選半肥瘦部位，唔會過肥或過瘦～肉唔係乾爭爭，咬落比較腍身但有咬口，帶有淡淡既蜜汁既香甜味🥰另外，見掛係到既油雞幾吸引咁，雙併都淨係加+$4，油雞既色澤都幾鮮亮，肉質唔錯；叉燒同油雞既份量十足，鋪滿成個飯面，好滿足🈵️🦐自家XO醬滑蛋蝦仁飯 $58員工推薦我試下滑蛋飯，都係店𥚃面出名既飯，份量亦都好足！滑蛋呈半流心既狀態，而蛋食落比較滑身，好香！另外，蝦仁幾大隻，而且足足有成5-6隻😍蝦味濃郁，亦都幾彈牙✨最正既係配上餐廳自家製既秘製XO醬！撈埋落個滑蛋到食好好食😋味道有少少辣，有蝦乾係裡面，幾惹味！✨兩個餐都會送例湯，飲完之後好解渴啊！幾潤喉😙⭐️好味指數：7.5/10📍王牌·圍一叉燒 (大圍)大圍大圍道100號天寶樓地下8號舖#大圍 #圍一叉燒 #王牌 #燒味

📍王牌•圍一叉燒（大圍）經過大圍，同朋友食個快飯，下午茶時段，有優惠👍有迷你版選擇，好岩我呢啲女仔😚但原來講就係迷你，但份量原來都不少☺️🔸 迷你燒鵝配瀨粉燒鵝醃味濃鬱，肥瘦適中，外皮色澤赤紅充滿酥香，皮脆肉嫩，食落有濃郁鵝味，啖啖肉好嫩滑唔會韌，正！配瀨粉食，真不愧為下午茶之選👍🔸粟米雞粒飯軟綿綿，無需牙力，就可以品嚐的食物，這個醬汁偏黃，豐富既牛油味，細細粒雞粒（份量都好多）加黃色芡汁很濃的蛋味，食起嚟特別健康滿足！

【沙田區】【王牌•圍一叉燒】大圍係我成長嘅其中一個地方，而且都幾近我屋企，都有啲朋友住呢頭。有間嘢我一直都唔會幫襯嘅，就係大圍道好顯眼嘅位置嘅嗰間燉奶佬，因為好唔抵食，味道又唔係特別好。呢排佢終於執笠，開咗間新嘅燒味茶餐廳。聽講佢哋啲叉燒幾好食，所以用咗 $78 外賣咗半斤「肥叉」返屋企慢慢嘆。食落覺得都 okay，佢啲肉都幾順滑而燒得幾香。如果話要特登為咗叉燒而過嚟嘅，我又覺得未好食到呢個程度，不過位置夠方便我，呢個味道就可以。之後用 $53 叫咗個經典常餐「金牌沙嗲牛肉米粉」配「香腸」、「火腿」、「牛乳炒滑蛋」同「厚多士」，香腸同火腿都係得一件，都係差唔多料。而個炒滑蛋係我最重視嘅一瓣，佢炒得還可以，起碼唔係全熟嘅就可以。嘢飲我揀「熱奶茶」，呢款嘢飲能夠展示一間新嘅茶餐廳有冇心做落去，而呢度杯茶係可以嘅。個常餐咁樣 $53 都冇咩好挑剔，位置咁方便有間 okay 嘅茶記已經算係咁。睇其他客人叫嘅其他燒味都好似幾靚，得閒去食埋先。。。（地址：沙田大圍道102號天寶樓地下8號舖）#1amfoodie #foodie #hkfoodie #hkfood #food #foodporn #

又再度來到大圍火車站附近搵野食今次去左王牌冰廳，見佢個餐牌d名寫得好靚，一於試下佢個大板櫻花蝦雪菜肉碎米唔洗3分鐘，送到你面前，個樣幾好，香味都好快咁傳入鼻中，好大浸櫻花蝦味，份量又足，無諗過佢落咁多櫻花蝦👍🏻抵讚麵包都唔係普通包，應該系丹麥多士，好滿足，唔會硬，唔會乾奶茶又ok，唔可以講話好好，但已經比正常既好，都無咩好投訴。最令我意外既係，今時今日通常茶記既侍應都係九唔搭八，又怕又未訓醒咁，呢度成班人都好醒目又友善💪🏻👍🏻👍🏻👍🏻

自從大圍圍方開左之後，成個大圍都多左好多人連火車站外面啲餐廳都排晒隊。唔想等位決定買外賣返屋企食原來依間除咗燒味出名，原來都仲有其他款揀。點左一份西冷牛扒撈XO醬公仔麵，返到屋企打開黎睇，估唔到塊牛扒都幾大塊，XO醬公仔麵辣度都幾夠，好惹味，下午茶都幾飽肚。大大隻熱狗，好彩外賣無焗到淋晒，入面不外乎生菜，蕃茄，千島醬和大大條嘅脆皮腸，如果可以有埋薯條就好了。例湯有屋企感覺，好足料。凍檸茶，大杯又解渴。

大圍新人氣茶記呢間餐廳門口日日都多人排隊，我都被佢吸引咗，決定食個Lunch 嚟試試。✨新哥燒鵝飯（$58）燒鵝味道鹹香，燒鵝肉份量都多，呢個價錢算抵食，不錯的燒味飯。附送老火例湯，不含味精。

2023年8月5日 星期六今日等到BB訓完晏覺都已經五點幾，所以決定一出街就係附近食飯先，之後再去玩最後冇諗太多就揀咗呢間餐廳，因為咁啱去到有枱，而且之前買過外賣燒味，味道都唔錯，好彩早入座，遲少少已經要排長龍堂食餐牌都幾多選擇，除咗燒味飯之外，仲有秘製澳門咖喱同特餐可以揀，睇圖片賣相都唔錯，而且價錢算正常，於是我哋點左兩個餐同BB一齊食一點完餐店員就送上例湯，幾多料而且個湯夠味，無飲完之後覺得好口渴既感覺之後食物陸續嚟到，有板煎冬菇馬蹄肉餅煎蛋飯，肉飯好大塊，差唔多有成隻碟既一半，咬落去有肉汁流出嚟，冬菇同馬蹄令到肉餅嘅口感更加豐富，煎得好香而另一個就係沙薑雞飯，冇諗過沙薑雞嘅份量都幾多，雞上面鋪滿左沙薑同蒜蓉，有好多雞油不停流出嚟，用嚟撈飯食就一流，雞肉肉質幾嫩滑，脂肪唔算太多，沙薑味好突出，不過唔覺得太鹹埋單每個人$60左右，性價比非常高，每人一個餐食完係覺得飽嘅

天氣熱就緊係想食下外賣，今晚係大圍行完街，近近地見到呢間想食好耐既餐廳，唔諗咁多一於揀佢啦💁🏻‍♀️自家XO醬滑蛋蝦仁飯（$56）🍳🍳🍚外賣返到屋企溫度都算唔錯，都仲暖暖地，平日喺街外面食滑蛋蝦仁，好少會加XO醬，今次呢個嘗試都唔錯。配搭幾好食，蝦仁幾大隻，而且夠爽口，蛋都好滑，加埋XO醬更加惹味咖哩香滑牛肉飯（$58）🥘🥘🥘去茶餐廳一向都好喜歡食咖喱，呢間餐廳嘅咖喱口感都幾厚，唔算辣，但真係幾惹味，牛肉好滑，口感唔錯，配埋白飯真係好正！由於係套餐嘅關係，仲有例湯送🍵🍵呢個價錢來講性價比真係唔錯呀！👍🏻👍🏻見到餐廳啲燒味好似都唔錯，今次貪為食，試咗惹味嘅菜式，下次要再嚟試吓啲叉燒同燒味先😍😍😍😍

咁啱去完大圍行街，見到咁多人排隊，又寫住皇牌係叉燒，諗住差都有個譜，所以諗住就試衫下佢，斬料返屋企加送，一試由自可，試咗把鬼火，叫咗半斤淋叉，勁垃圾，好似啱啱煲完湯嗰啲瘦肉咁，又唔香，又走肥，咬到牙較都軟埋，叉燒汁又差，你唔叫自己做王牌我都冇咁嬲，仲要買成$78半斤，舖頭環境又差，周圍都好似好污糟呀，見到都唔開胃，為一盒格就係份量都好似叫夠秤，真心唔明點解咁多人排隊下次送俾我都唔食，真係10分失望

經常聽人講圍一叉燒的燒味很高質，今天到新開的圍方看戲，之後不太肚餓，經過這店，看到門外長長的人龍，於是兩口子就去這間出名的食店試試它的叉燒。餐廳面積不大，門口的燒味十分吸引，那飽滿的油雞和白切雞，還有那些看到都覺鬆脆的乳豬，令人垂涎欲滴。因為不太肚餓，所以我們點了兩個簡單的招牌菜式。我們點了「幸運銷魂飯」和咖喱吉列魚柳意粉。「幸運銷魂飯」實際就是叉燒蛋飯。上邊的蛋呈橙色，蛋煎得很脆，蛋黃緩緩流出，撈在飯上，非常好吃。半肥瘦叉燒有淡淡的蜂蜜甜香，肥瘦適中。入口鬆化可口，還有點焦香，真的非常好吃。咖喱吉列魚柳意粉的魚柳煎得香脆，配上特別調配的咖喱汁，十分惹味。還有那兩碗足料例湯，為這餐畫上完美句號。

王牌 🎖 經常見到好多人排隊，同埋買外賣，見佢下午茶幾抵， 所以決定哋試一試佢🍴 你會見到有好幾個師傅 不停斬斬斬d 燒味，的確，d 燒味係好吸引。一至五下午茶餐連飲品 ~ 堅抵食!!!圍一 •叉燒奶油🐽$38奶油🐽 又香脆，叉燒大大件今日星期六下午茶 冇一至五咁抵， 但係質素依然好好燒鵝瀬連飲品 $58 鵝皮脆肉質嫩滑 份量足 奶油豬脆脆要$28, 就真係冇下午茶餐咁抵食， 但係佢個奶油豬真係好脆好脆😍其實，我見到其他客人嗌滑蛋叉燒飯， 大大碟之餘，又靚仔， 都真係有衝動想叫多份😋😋😋 另一方面我覺得呢度啲 阿姐態度都好好，絕對有求必應， 好少茶餐廳咁好禮貌😇總括嚟講， 呢度可以當食堂 (住附近真好😎 )，而星期一至五喺度食下午茶餐一定冇得輸😎