王牌·圍一叉燒

打風去買外賣，肥叉飯要加4蚊，加錢唔緊要，問題啲叉燒全部瘦嘅，咁我加錢黎做乜，我就係唔中意食瘦先叫肥叉？另外兩個朋友油雞切雞都係雞胸黎，外賣就比豬頭骨，好野留返比堂食？細杯凍飲仲要加6蚊…查看更多

大圍火車站A出口👉🏻一出就見到呢一間食叉燒飯嘅王牌！☝🏼咁佢裝修有兩層啦，但係我一個人所以就要同人搭枱啦⋯👌🏾普通平日嘅夜晚都唔使等位嘅，我就嗌咗一碗叉燒飯睇吓佢啲叉燒有幾正先🤣都還好啦，份量都算OK ，但叉燒可以再肥啲🥲冷熱飲品要另外加錢，所以價錢都唔算平🧐有一碗老火湯送，老火湯都幾足料嘅😌同埋飲完都冇口渴嘅情況，我諗應該冇味精啩🥹🥹因為大圍已經搵唔到邊一間嘅叉燒好食啦，呢間性價比就唔係特別高，但係都還可以嘅…查看更多

屋企老人家點了半隻燒鵝外賣，結果大失所望。打開包裝後，發現份量遠低於預期，只有幾塊散落的鵝肉，整體重量明顯不夠。作為外賣，還期望基礎的份量標準能夠得到保障，但這次完全沒有達到。味道方面，鵝肉本身香氣足夠，燒得外皮微脆，調味也算有水準，但份量太少令用餐體驗大打折扣。性價比極低，感覺像是付了全價卻只吃到半份量，令人感到失望和不值。建議店家在份量控制上更加嚴謹，畢竟顧客付錢點餐，本該享受到相應的份量和品質，這樣才能建立顧客的信任和口碑。否則即使味道不錯，也難以吸引回頭客。總結：味道尚可，份量嚴重不足，外賣體驗令人失望。…查看更多

漏單不特止 一路追單都唔會幫你處理佢有佢繼續切新單最後執頭執尾執一盒俾你要半肥瘦叉燒仲要專登執一盒全瘦質素同以前比差咗好多絕對唔係以前嘅質素員工仲要愛理不理一定唔會再幫襯…查看更多

今朝落大雨，費事週圍行！是但入左一間野食早餐，點知奶哂！ 入到去，地下油淋淋！又濕又滑！條樓梯都係一樣。 衛生程度已一般。落單程序順利正常，叫咗個沙嗲牛肉麵，上枱見到牛肉份量少得驚人，得嗰幾粒！叫侍應姐姐過嚟問吓係咪咁樣，佢仲玩返我轉頭，扮晒傻仔乜都話唔知，玩人嘅功夫十足十！後尾話叫經理上嚟叫咗7-8分鐘都唔肯上嚟，上到嚟又話我哋正常係咁，即係同空氣講嘢，完全唔需要理會你！ 冇得投訴！冇得講，佢主場佢話事，今時今日仲係咁嘅服務態度，難怪啲人個個北上！總括嚟講食物味道只係中下級！奶茶冇味唔合格，煎蛋又煎到熟晒！小學生都煎得好過佢服務就唔使再多講啦！…查看更多

食過2次古法濃湯叉燒米$45，凍飲+$3每次黎食個叉燒部位都唔同，要碰運氣！之前食到半肥燶邊叉冇映到諗住茶記冇咩特別😂點知個古法濃湯咁正exactly係曼谷唐人街胡椒燒肉湯！個湯我係要添嘅，因為呢隻透明米粉比較吸湯，個人最唔鐘意嘅米粉，湯夠味完全唔洗落薑蔥油！今次試推介嘅水蜂蜜叉燒脆脆豬🍯$38，凍飲🥤+$3上枱嗰下真係笑死😂搞咩成支噴泉咁呢隻係我最鍾意食嘅正宗脆豬包鬆軟脆口，連個包底果面都唔會硬㗎！冇諗過個叉燒係一嚿上 🤣有少少怪同寡個脆豬烘得真係好正 可惜個蜂蜜好似係就咁淋喺叉燒上面，唔係均勻搽喺個包度而呢個蜂蜜味係我最喜歡的蜂蜜味！euro gogo 蜜糖雞翼嘅🍯 味如果可以再多啲蜂蜜就好，上面塊包完全冇味，牛油都冇，係下面塊包因為叉燒先食到蜂蜜味！個脆豬令我諗起中環嘅勝香園🥹可惜係天氣熱同早收都唔係咁易食到最後追加西多士$32炸得幾靚不過蜜糖好似溝稀左健康版黎😂唔食花生醬所以我唔食另一半表示係粗粒花生醬🥜勁正😂呢度啲姐姐應該被落左order 座位mon得好緊張未坐滿都會叫你坐一邊嘅但態度唔差唔難食嘅冰室已經可以再戰🥲…查看更多

點了下午茶餐燒鵝瀨連飲品$48 ，點知所謂的燒鵝又細件得皮和骨。向店員反映竟然說是隨機安排。 連其他食物埋單近$100，收銀阿姐也如大部份茶餐廳的態度一樣，一句多謝都冇。這樣的食物質素連30蚊大x樂燒鵝瀨也不如。以後不會再去。…查看更多

因有一次嚟食早餐，對此店留下了‘’口味不錯‘’的印象，今日經過附近，就想試試此店用作招牌的“叉燒”。假日茶市都坐滿全場，被安排到上層坐，枱未抹好、餐牌痴立立，先為首次惠顧印象扣去過半分數。服務方面員工禮貌欠奉，對手套無限執枱/出餐用都唔緊要，但污糟到張枱單上都有奶茶印，就有啲過份。叉燒鵝汁撈麵 - 今次感受最差嘅就係叉燒，喺無任何指示之下，我收到一份搽咗甜醬嘅豬肉乾，比起一般街市的燒臘店水準力所不及；幸而茶餐試，中伏成本低點。鵝汁撈麵得個油字，感受唔到鵝汁為油麵底帶來昇華的感覺。熱奶茶 - 奶色夠，茶味好薄，較對上一次茶走大為失色，可推論入嚟此店食嘢真係“撞手神”。總括而言：食早餐‘’可以‘’，其他時段就‘’不了‘’。…查看更多

📍環境 & 地理位置：呢間燒味店喺大圍站A出口行3分鐘就到，就咁google map都識路，門口掛滿燒鵝同脆皮乳豬！舖頭有兩層，但座位比較逼，繁忙時段例牌要搭檯。二樓冷氣夠勁，怕凍要帶返件嬲～ 🍖叉燒油雞飯配荷包蛋：- 叉燒：梅頭叉燒切嘅厚薄都適中，蜜汁偏甜，邊位有做到微微燶香，但係唔知係咪撞手神遇到全瘦叉，好乾身唔太啱我。 - 油雞：雞都算好滑溜，肉質算係嫩，連胸位都唔嚡口，配埋薑蔥蓉好好送飯！ - 荷包蛋：隻蛋煎得出色嘅做到流心效果，蛋黃撈飯係基本，但最主要係彌補返件瘦叉嘅濕潤度😂- 白飯：份量都好多，軟硬適中，合格嘅。…查看更多

在大圍的《王牌圍一叉燒》，每次用餐都令人期待。這裡的燒味絕對是重點，特別是他們的燒鵝和蜜汁叉燒。燒鵝外皮香脆，肉質鮮嫩，不會過鹹，滿足了我和老婆對於食物的要求。蜜汁叉燒則是必點，瘦肉部分仍然保持腍滑的口感，入味十足，讓人回味無窮。每次我們都喜歡配上瀨粉，湯底的重胡椒味增添了開胃效果，使整體風味更加豐富。即使是新嘗試的乳豬，口感也不錯，雖然不是即時燒的，但保持了鮮美的風味。這家餐廳集中於燒味，讓每道菜都展現出專業的工藝，讓人一試成主顧。如果你也喜愛燒味，這裡絕對值得一試，定能讓你滿足味蕾的期待！！…查看更多

今日幫襯咗佢食一個所謂嘅王牌叉燒蛋麵，嚟到見到得個四塊薄得可憐嘅叉燒加清湯麵兩隻雞蛋，食佢嘅叉燒，又柴又難食，仲話自己係王牌，真係垃圾過垃圾，唔講仲以為琴日賣唔曬嘅叉燒攞嚟當早餐賣！杯凍檸茶色水又差，飲落完全冇茶餐廳檸檬茶嘅味道，而且仲飲到淡淡清潔嘅漂白水味，環境又逼，早餐46蚊咁樣嘅質素真係好唔ok，真係十分唔建議大家嘗試！…查看更多

入大圍玩，朋友介紹呢間餐廳食早餐😋餐廳提供醒神早餐系列，而小熊貓就叫咗王牌叉燒忌廉雞湯意粉轉通粉～地道嘅港式早餐，有牛油多士及炒蛋或煎蛋提供～叉燒並沒有想像中嘅驚艷，但係雞湯通粉確實唔錯～可以一試…查看更多

今晚食個黯然叉燒飯，叉燒又乾又瘦，隻煎蛋都幾好，但係叉燒外表冇焦香！對我嚟講啲飯比較少，我比較鍾意食肥叉燒因為比較腍，但係𠈄呢度實在太過瘦！另外叫咗一個燒鵝飯，燒鵝飯啲皮OK，燒鵝部位亦都OK，但係啲肉好似有啲奇怪唔新鮮的味！個人覺得好似臭臭地，但係因為趕時間冇理到照隊晒佢！一去到7點幾，即刻有位啲店員都有禮貌，又送埋例湯，叉燒雞蛋飯要$70，燒鵝飯$68。但總括都係冇下次，亦都唔想其他人中伏。…查看更多

燒味好難食 。仲要叫自己做王牌 圍一义燒。叫左蜜汁叉燒 一d味道都冇。叫左燒鵝 淨係俾晒d骨都算 仲要有陣騷味。諗住問佢拎個燒味汁送飯就算啦 點知 個燒味汁 係得個鹹 一d香味都冇。…查看更多

今日經過門口見到下午茶餐牌幾吸引，想食叉燒，就一於試吓呢間先。餐廳有2層，我坐樓上，環境有點迫，我坐圓檯，身後係走廊位好易俾人撞到。.嚟度呢度當然要試試叉燒，似乎係呢度嘅招牌菜。我叫了〈必食古法濃湯瀨配叉燒〉跟飲品 .叉燒瀨的湯底好濃，有胡椒味但不會太辣，我食唔到辣都飲到，湯算好飲瀨粉爽口彈牙，唔會煮到好淋叉燒有6件，蜜味足夠，甜度好味，但略嫌偏瘦，雖然都咬到、唔算好柴，但如果多啲半肥瘦比例會更好配碟有3條菜心，有少少薑味，算爽口.飲品係熱蘋果肉紅茶，有好多細細粒的蘋果肉，係稍微甜咗少少。…查看更多