王牌·圍一叉燒

營業中

休息中

🥺似乎好耐都冇同大家介紹茶餐廳啦喎！今日就同大家利是下大圍嘅一間「王牌圍一叉燒」！ 。咖喱吉列魚柳意粉$62唔知道大家近排有冇去過澳門呢？我認為澳門其中一個最大嘅特色就係佢嘅咖喱，估唔到呢度都有賣澳門嘅特色咖喱，配埋整得香香脆脆嘅魚柳，同埋意粉，簡直食過返尋味！俾個like你！。燒鵝飯拼燒腩$62因為呢度嘅叉燒，實在太出名，我決定反其道而行之，試吓呢度嘅燒鵝先！果然係王牌呢度嘅燒味全部質素都好高，燒鵝嘅油香非常充足，外皮嘅口感亦都非常酥脆，再配埋滑脫脫嘅燒鵝肉，鮮嫩多汁，難以用筆墨形容！呢度嘅燒腩仔都非常唔錯，肥瘦相間，非常之邪惡呀！。凍飲我哋另外仲帶咗凍好立克同埋凍奶茶，我非常推薦呢度嘅凍奶茶，茶味突出之餘，奶香十足，簡直係我心目中嘅港式奶茶！王牌·圍一叉燒 (大圍)大圍大圍道100號天寶樓地下8號舖

👩🏻‍🍳 王牌‧圍一叉燒 🧑🏻‍🍳🥡外賣系列第N彈🥡今日繼續外賣系列，踩完單車準備返屋企見呢間「王牌」餐廳，一於試試。👣值得科勞指數：🏃🏻‍🏃🏻🏃🏻‍🏃🏻🍽迷你油雞配米粉︰油雞好滑🍽迷你燒鵝配飯︰燒鵝唔肥🥤蘋果肉紅茶🥤夠薑奶茶野飲比較特別，蘋果肉紅茶幾夾，夠薑奶茶的確好薑，唔係到到有得飲。📍地點：大圍大圍道100號天寶樓地下8號舖

和先生二人去了這間吃下午茶, 見到下午茶餐牌上第一個是"必食古法濃湯瀨",  名字貌似頗吸引, 於是我點了切雞湯瀨, 賣相不俗, 切雞有6大件, 全都是雞胸, 我一點也不介意 因為我都喜歡啖啖肉的. 有一半的雞胸肉肉質還可以, 其餘一半就頗嚡了, 要有牙力去撕開. 湯底的確是很濃的, 對我來說鹹了一點點. 不過以$39來說性價比還是OK的.而先生就點了全日精選特餐的王牌叉燒炒滑蛋飯 (另要求走醬油),  賣相同樣是吸引的, 但除了最頂那塊叉燒比較正常size之外, 其餘叉燒都只是細細塊而且份量有點少.. 嗯.. 滑蛋是不錯的, 都炒得算嫰滑. $54 包一碗例湯, 飲品另加錢.另外, 這間茶餐廳長期都是繁忙時間, 雖然環境尚算乾淨, 但每次兩個人去吃都必定需要搭枱或者卡位坐一邊, 卡位坐一邊其實有點迫, 有時枱面都不夠空間放碟, 如果想坐得舒服鬆動一點就未必適合了.

夜晚放工經過呢一間餐廳. 總係見到門口堆滿唔少人買外賣或者排隊見到佢嘅價錢都幾友善. 就想去湊下熱鬧同朋友一人叫咗一個晚餐食店員會先俾兩碗例湯我哋🥣竟然係蟲草花湯啲湯渣都煮得好入味. 個湯好鮮甜飲落唔覺有味精🐖蜂蜜叉燒飯加油雞既然餐廳個名有叉燒. 證明係主打🙈無理由唔食叉燒件件都係厚切. 肥瘦適中內質軟腍. 仍然食到肉汁. 加埋蜂蜜好香甜好幸運咁有雞髀食😍肉質好嫩滑配埋蔥油食簡直一流🐖板煎冬菇馬蹄肉餅煎蛋飯肉餅係即叫即煎. 新鮮熱辣睇落大過隻手掌✋🏻煎到外表好香脆但中間重保留到肉汁. 亦唔會好多肥豬肉送飯一流🫖凍奶茶&凍檸茶呢兩杯飲品嘅茶味都好香濃我個人更鍾意杯奶茶. 奶味唔會太重. 茶奶比例好平衡

成九點先收工，攰到唔想自己煮，就落樓下睇吓有啲咩可以食行過見到咁夜都仲有好多人喺度等緊外賣，醒起平時都多人排隊，就試吓呢一間燒味餐廳佢啲叉燒好似好出名，就叫咗叉油雞飯，仲有例湯送，連外賣盒$57叉燒係好食嘅，少少燶邊燒得好香，肥瘦適中，肉唔會太鞋，亦唔會成口油。不過油雞就要扣啲分，味道係好嘅，但可能部位問題，肉質比較乾，下次都係淨係叫叉燒就夠啦另外要讚一讚佢個湯，碗湯好甜，蟲草花足料，大大嚿肉，冇住家湯飲嘅情況底下，有碗湯頂一頂，真係暖在心頭☺️

今日喺大圍做嘢，又到左下午茶既，時間又鬼咁熱，就諗住搵間茶記食嘆番吓😌😌😌，經過大圍道見到有間燒臘鋪大大個招牌寫住王牌圍一叉燒，一於試吓有幾正啦!!!蜂蜜，叉燒脆豬（$38）試左個圍一蜂蜜叉燒脆豬，都幾新穎既，平時食開奶油脆豬，呢度變左蜂蜜，豬仔包烤到勁脆，夾坐厚叉燒，加埋少少生菜一齊食，唔錯喎，咁熱既天氣嘆埋杯凍檸茶（+5），爽呀!!!!王牌 . 圍一叉燒地址：大圍大圍道100號天寶樓地下8號舖

🎈王牌•圍一叉燒餐廳以燒味為主打🥢招牌嘅燒鵝、叉燒相當受歡迎下午茶餐牌價位大概3、40蚊一個set，飯餐都係$50左右，相當抵食🤍 🎈王牌叉燒炒蛋飯呢個係令人食完會想再encore嘅滑蛋份量十足，完全蓋過成個飯炒蛋半流心狀態，相當滑嫩厚切叉燒半肥瘦，口感軟腍帶有蜜汁香甜配上自家製甜鼓油同蔥花助攻，好味爆燈🎈咖哩香滑牛肉飯燒味飯以外，咖哩飯都值得推介鍾意佢嘅咖哩汁份量夠晒多辣味溫和但醬汁香濃好有咖哩味加上牛肉片，不知不覺會食晒成個飯🤣而且配沙律菜，好有誠意呢🎈熱奶茶🎈例湯跟餐會附送例湯及可以特價加餐飲價錢親民又好味

呢間都幫襯過幾次，但都係早餐時候，感覺未去到太差！尋日晏就同老公經過，諗住食啲嘢，一坐落去餐牌已寫住星期六日及公眾假期冇下午茶餐，淨係呢樣嘢已經超級趕客，我未見過下午茶餐星期一至五先有，算，咁我哋都照食！我老公點咗個叉雞飯，我點咗個燒肉飯，啲燒味又油又咸好難食，我哋都食淨兩三舊就唔食！我哋人都未離座，個侍應已經9秒9喺咁收走啲嘢同抹檯，可唔可以人哋走咗先做，好唔衛生呀嘛！我同老公一致認為，以後唔會再幫襯，等執！

做左成日野，好攰咁搵間餐廳食飯休息下。同朋友入到e間餐廳，由坐低之後落單去到食野 ，全程20分鐘都唔夠就趕人走！天氣咁熱想飲番杯凍野抖抖姐，唯有去第二間再飲。 食物方面，如果冇乜要求，想食個快餐既話……我都唔建議試。d叉燒係就係好多舊，但係得2，3舊食得落。其他都勁乾勁柴。 叫左杯凍檸樂，侍應拎左罐熱可樂同檸底黎，倒落檸底到d冰都已經溶哂，變左室溫咁。 食左咁多年飯，第一次咁有衝動為一間餐廳寫一個食評。總結，冇下次。

燒鵝五寶飯…你睇個名以為點都有啲燒鵝食下啦，$78 蚊 都唔預佢係啲乜嘢靚部位，但都唔洗成盒飯得一舊，其他全部都係皮連骨。 既然覺得燒鵝成本貴不如轉其他燒味，或者買貴D Lo，你當啲食客唔識睇架？新開張已經咁樣？？？ 之前都食過一次燒味雙拼飯，發現叫燒鵝就一定係皮連骨多…..好啦，諗住今次比$78食個燒鵝五寶飯啦，點知仲衰….其實食物唔差嘅，中規中矩，但就孤寒左小小囉個人建議如果想食燒鵝飯直接叫$100燒鵝髀飯嗰個餐食算乜嘢雙拼呀，單併呀，唔使諗啦

👧🏻Wodafoodie in Tai Wai叉燒愛好者表示想試曬全港既叉燒☺️大圍呢間擺埋叉燒係自己個招牌到就知一定唔惹少！✨❤️‍🔥五寶飯 $78食叉燒一定要有燶邊先好食！佢既叉燒厚切 揀左瘦叉 但肉質唔鞋🤤佢有燶邊！一啖咬落 香口無比 好正🥰五寶飯仲有燒腩仔 雞 燒鵝 咸蛋燒腩仔皮脆重油香 切雞夠滑 燒鵝皮勁香口Overall 呢間既燒味真係幾好食！必食叉燒😋✨ 🍳XO醬滑蛋蝦仁併叉燒飯 $60嘩個飯超！大！份！飯量應該有兩碗飯上面既滑蛋一樣咁大份 遮蓋住成個飯蝦仁同叉燒唔係好多 滑蛋好滑 配埋XO醬撈飯好好食😆不過如果真係想食叉燒 建議淨叫叉燒飯🤓📍 王牌·圍一叉燒 (大圍)大圍大圍道100號天寶樓地下8號舖

以前成日幫襯，一開始啲豉油雞同沙薑雞好出色，啲雞肉質好好，唔梅唔鞋，實淨有咬口，又有雞味。真係感覺係新鮮同高質嘅雞，係大圍少有做得好嘅餐廳，對得住價錢。點知近幾次買發覺越嚟越差，唔知係咪換左個平啲嘅供應商，定保鮮做得唔好 ，啲肉又梅又鞋，食落去一pat野咁，完全唔想食。無論係沙薑雞定豉油雞都差左，應該係啲雞本身嘅問題，好失望應該會停返一排唔再買住，暫時對佢冇乜信心，希望之後再買果陣可以做返以前嘅水準。

星期日出去大圍， 近大圍站A出口， 見新開又試試。 以為9點已有燒味賣， 咁早上應該有燒味飯食掛， 想試試叉燒飯。可惜早上得早餐， 沒有燒味飯。＜食物普通， 早餐叉燒又薄又瘦。 ＞1）咁見有叉燒湯意粉， 雙蛋早餐， 便試下吧。點知中伏。 。。5分成間餐廳賣點是叉燒， 點知叉燒湯意粉之叉燒， 普通過普通， 瘦叉燒， 又薄片， 完全唔掂。2）炸魚柳炒蛋腸仔早餐， 配咖啡炸魚柳都即炸，ok, 夠大塊。 😗有7分炒蛋唔軟滑， 好實。腸仔居然好韌， 奇。食物好油， 碟滿佈油。咖啡好普通， 唔好飲。<缺點＞1＞坐樓上， 見侍應不停上上落落搬食物， 原來廚房在樓下， d姐姐每次要行十幾級樓梯把食物由樓下托上來， 一日仲要行咁多轉， 都幾辛苦及牙煙， 滑倒就大件事。2＞落單唔用code, 要叫侍應下單， d姐姐已經咁忙， 用code下單已經好平常， 失敗。3＞叉燒是賣點主食， 居然唔好食。4＞早上已經有燒味賣， 理應有燒味飯， 有d食客早上要食飯。

之前聽同事講過大圍有間餐廳嘅燒鵝瀨粉好鬼正，佢知我今日有野做會經過大圍，再三叮囑我一定要嚟試下。講到甘正，我當然要試下啦，唔洗諗，直接叫咗個迷你燒鵝瀨粉配凍奶茶。燒鵝瀨粉上枱非常吸引，燒鵝大大件，份量十足，鵝皮很有光澤，皮脆肉嫩得嚟人帶點炭香味，咬開鵝皮，鵝油滲出令整個湯底嘅鮮味提升，好正。凍奶茶夠凍，茶同奶嘅一比例剛好，好醒神。見到好多人買叉燒外賣返屋企加餸，叉燒應該都系呢到嘅王牌。🔍王牌·圍一叉燒 (大圍)📍大圍大圍道100號天寶樓地下8號鋪

大圍好多餐廳，今日比呢間餐廳嘅招牌吸引，入咗去食左個燒鵝瀨粉，燒鵝皮脆肉嫩，算唔錯，瀨粉就冧左d，夾起瀨粉斷既，有d難夾。環境一般，坐位有點迫，要同人搭枱。食物質量ok，但唔坐得耐。🔎王牌·圍一叉燒 (大圍)📌大圍大圍道100號天寶樓地下8號舖