王牌冰室 (友邦香港大樓) (已結業)

訓醒落街食返個茶記先，去咗屋企附近嘅王牌冰室開餐。.🍝星洲炒米上枱時睇唔出原來有咁多配料，配料比米粉更多🤣，米粉炒得乾身唔油膩，咖喱味香濃。.🍛王牌叉燒特濃牛乳炒滑蛋飯叉燒半肥瘦剛剛好，滑蛋炒得嫩滑，叉燒滑蛋完全覆蓋飯，加埋豉油撈飯，超正👍。.🍳特濃牛乳炒蛋+午餐肉通粉炒蛋滑得嚟好Juicy，午餐肉煎得剛好微微香燶。.餐廳裝修仿舊香港茶餐廳，行懷舊路線，牆上掛滿霓虹燈牌，充滿特式。.好味指數：😋😋😋😋4/5推介指數：😋😋😋😋4/5抵食指數：😋😋😋3/5.🍽 王牌冰室 (友邦香港大樓) (鰂魚涌)📍鰂魚涌英皇道734號友邦香港大樓地舖

香港🇭🇰最有特色之一，茶餐廳～ 我一直都好鍾意😍 今次去咗呢間主打港式茶餐廳獨有美食，另外餐廳仲有好多懷舊霓虹燈牌，將當年冰室嘅情懷重現🥰🥰🥰推介～特濃牛乳炒滑蛋叉燒蝦仁雙拼飯（$64）呢個係餐廳招牌菜之一炒蛋伴著蛋汁，味道軟滑， 再配上厚切大大件又軟腍嘅叉燒，仲有好大粒又彈牙嘅蝦仁，真係啖啖肉。 上面加咗色～ 甜豉油， 更加惹味🤩沙嗲牛肉潛艇（$36）麵包烤得非常香脆， 上面佈滿微微烤焦嘅芝麻粒，入面仲夾住嫩滑入味嘅牛肉，沾了滿滿沙爹汁。 麵包吸哂沙爹汁仲勁好味😋王牌西多：花生醬（$36）港式熱奶茶茶餐廳美食當然唔少得西多士同奶茶😝😝睇住牛油🧈係上面慢慢溶化🤤，然後再加上甜絲絲嘅糖漿🤤🤤 一啖咬落去就外脆內軟，口中混著多士及牛油香，糖漿甜，仲有濃郁嘅花生醬🤤🤤🤤一啖西多士再加一啖香滑奶茶😌

鰂魚涌地鐵站一出，就見到呢一間王牌冰室，座位寬躺，坐得舒服。今日真係特別肚餓，不如就試吓佢哋王牌推介脆炸肉絲炒麵配凍檸茶($60+$7凍飲), 原來加$28仲可以要盅燉湯(沙參燉雞)一嚟見到脆麵真係嘩，炸到脆卜卜，肉絲又多好味，燉湯都幾足料👍🏻仲要買個外賣返去俾阿仔食，特濃牛乳炒滑蛋叉燒蝦仁雙拼飯($64)好大碗，外賣包裝都好特別精緻，好懷舊，阿仔大讚蛋味香濃叉燒軟身，大蝦🍤好鮮甜，有驚喜呀。

［王牌冰室］冰室-都算係香港歷史悠久的茶餐廳了各種各樣嘅冰室食就食得多了，不過今次最值得推介嘅係王牌冰室，嗰度啲食物都好似佢個名一樣，一樣咁王牌、咁值得推介👍下午茶王牌推介自選椒鹽炸雞髀配西多士 +奶茶☕️超大隻嘅雞髀🍗椒鹽味脆卜卜嘅雞皮非常惹味入面則是超級嫩超Juicy嘅雞味，簡直好味到冇得頂😋😋😋花生醬餡嘅西多士 + 大大塊牛油🧈簡直就係絕配～星洲炒米 + 紅豆冰呢一個茶餐都係值得推介㗎呢一味餸真係色香味俱全，米粉炒到夠晒彈牙，叉燒、蝦仁🍤又夠咬口，最重要嘅係啲咖喱粉均勻撒布喺每一條粉上，呢下唔係間間餐廳都可以做得到㗎咖喱牛肉焗飯咖喱牛腩飯就食得多啦，咖喱牛肉焗飯就第一次食喜原汁原味嘅咖喱牛肉飯上 + 芝士 一起烤焗，呢個配搭食起來都非常唔錯，咖喱中又帶有濃郁嘅烤焗芝士味，都十分惹味㗎啲牛肉仲好大塊，好嫩滑添😌實在太好味了😋兩個人嗌左3個茶餐超級豐富超級滿足😌呢間係鰂魚涌分店📍鰂魚涌英皇道734號友邦大廈地下1C號舖️☎️電話：92987072

身為新界人好難得去下港島既我專登買個外賣返屋企🤭🤭有時屋企無飯開抖下咪幾好煮又諗唔到🥲🥲🥲🥲🥲要左王牌推介同簡單既常餐都好豐富既料下同埋奶茶香滑下次要飲杯熱既～同埋坐定定係到好好享受冰室時間非常滿足飽到喊🥰間鋪設計好懷舊好得意坐住等外賣時覺得位置好舒服☺️☺️☺️ 冰室我都好耐無去..無諗過出到 #鰂魚涌 食埋 #冰室 #懷舊 #王牌#你一定要試既#你既懷舊味道

要開OT所以買晚餐返公司食，叫咗藥膳牛腩諗住暖下身都好。俾錢時收銀無問我飲咩我亦無為意，後尾睇餐牌發現原來跟熱飲的😓唔明點解可以自動唔俾我都算了，返到公司開餐，夾左最面個舊頗細舊既牛食，又乾又硬。諗住可能佢細舊所以硬啲，想搵多舊食下，點知成兜都係多一舊仔牛肉😓😓😓第二舊我忍唔住影低，真係太離譜，其餘既就係果啲藥材同埋4-5舊蘿蔔🙄真係好嬲，收$64俾兩粒牛，不如個菜叫藥膳蘿蔔啦! 食埋佢啲蘿蔔都未送得完碗飯😭以後都不幫襯!

今日公司係鰂魚涌友邦大廈入面搞Event，作為Small potato。當然要去早啲幫手啦。去到見仲有時間，我就決定快快手去食返個早餐先開工。就隨手入左依間王牌到食早餐。冰室入面早餐款式都多，主要有奄列類、普通早餐同埋健康人士需要嘅高纖早餐。我自己就嗌左個早餐C – 蕃茄濃湯午餐肉粒通粉，加杯熱啡。廚房做嘢好快手，兩個字就遞到碗嘢出嚟。整體嚟講碗嘢其實幾好味，蕃茄湯底味道濃郁，味道偏甜我個人嚟講幾鐘意浸甜味，有埋蕃茄粒都幾足料，不過我本人唔鐘意食蕃茄粒就冇試咩味啦。通粉有彈性，應該係即叫即煮，不過不失。成碗嘢我最鐘意都係個午餐肉粒。一般茶餐廳午餐肉都係切片咁上，冇他，成本低啲呀嘛。不過咁食法其實好冇癮。對我依啲鐘意咬肉o個種感覺嘅人嚟講係差少少，依到唔同嘅地方係佢地嘅午餐肉係切到一粒粒咁上，啲肉粒浸哂落個湯底到吸哂浸蕃茄味，同個午餐肉好夾，而且逢埋o個種顆粒感。每粒午餐肉都粒粒分明，完全感受到肉嘅味道。不過其他炒蛋、嘢飲之類我唔夠時間認真試味就唔評論啦。交俾其他人再試味啦XD

鰂魚涌一帶少有裝修不錯嘅茶餐廳，上星期新開嘅王牌一經過已經被店外嘅大餐牌吸引。今日嚟買外賣，就預先喺OpenRice search下原來有幾間分店，於是就睇其他分店嘅推介，揀咗特濃牛乳炒滑蛋叉燒蝦仁雙拼飯 ($64) ，同埋瑞士汁乾炒牛河 ($58)一開外賣嘅時候甚有驚喜，滑蛋飯嘅飯盒設計精美😍而牛河就係一般嘅外賣膠盒味道方面，唔知係咪外賣關係，返到去蛋已經有點過熟，但每樣食材嘅味道都不錯，如果多豉油更好😀 瑞士汁牛河則十分普通，瑞士汁味道亦不突出。整體而言，如果經過附近的話可以一試題外話，見到水吧一名員工嘅口罩係拉低喺下巴，而且有時會同樓面溝通，希望可以改善

一直都想試既王牌冰室終於係港島開啦更有動力去試下啦，真係期望越大，失望越大。沙嗲牛肉麵可以係話呢間餐廳招牌菜個湯底花生味好濃，偏甜，呢個好見人見智，我就唔鐘意而牛肉很柴 /"鞋" ，錯意牛肉有口感者，真係一流，而我都唔鐘意。而蕃茄牛肉通方面，係罐頭茄膏開出泥既味，有少量蕃茄肉作點綴。而泥個牛肉就正常返啦，唔會柴/"鞋"。但都唔係我鐘意既蕃茄通。而炒蛋真係經典啦，凍，唔滑，老炒蛋。多士就不過不失啦。飲品方面都可以（凍奶茶同凍 鴛鴦）。可能新開既關係，運作程度序唔順暢。有客人叫外賣等了大半個鐘，最後係無晒食材，要轉野。再等左10分鐘都拎唔都，就退錢走左人。係堂食方面，我就要好好彩，叫左野食都唔算等太耐，但我見到其他人比我更早下單的，比我更早坐下的，我差唔多食晒，佢地食物先到有待改善，但員工絕對係helpful 既。

試過太子分店，沙嗲牛肉麵的確出色，滿心期待鰂魚涌的這間分店開張，今天一試，十分失望，水準比太子店差太多了！丹寧多士比太子店細塊而且又不鬆化，又不夠熱，牛油塗在上邊也不溶，沙嗲牛肉麵湯底不夠濃郁，和太子分店的味道很大分別，看見隔離枱吃剩已心知不妙。。。。。。可取的是麵的份量夠多，牛肉數量也頗多，熱奶茶不過不失。侍應也有少許問題，把我的熱奶茶放在隔離枱，我的枱放不下又不出聲。。。。。。希望只是因為試業期間混亂，之後會有改善