王牌冰室 (友邦香港大樓) (已結業)

嘢唔係好食，常餐雞髀刺身級，自己落錯單仲鬧返啲客，係必須要大聲過佢先識講唔好意思（我都唔想做西客，不過有啲嘢係雙向）啲侍應不停催客落單，落單之後你就係透明人，喊破喉嚨都唔會有人應你。

首先，我哋叫左沙嗲牛肉公仔麵+雪菜肉絲+乾炒牛河。我哋揀完野食之後，首先嚟左個雪菜肉絲。我哋見到張單係放左係碗麵上面 有一半同個麵有緊密接觸，好唔衛生囉。之後，嚟左個沙嗲牛肉公仔麵。其實係ok 嘅。我哋差唔多食完之後，個乾炒牛河仲未到。我哋咪追一追佢，然後個店員拎住我哋張單 行嚟行去。我哋食完之後，個乾炒牛河終於到左，但係個乾炒牛河好淡，幾乎可以話係無味。食緊乾炒牛河嗰陣時，突然，有個人係我哋張枱拎左個牙籤走。但係我哋覺得價錢係合理嘅。檸檬茶就算嗌咗少甜都非常之甜，更何況係冇走甜 糖水咁款

平時早餐30起，通常上車後平台叫，落車自取，openrice多數要30mins見用code可以滿50減10元，一於食豪D，轉丁，轉醬多，凍drink, 剛好豬扒又大又香脆，比平時另一間$35正好多！

疫情期間要搭枱，已經唔係好想，但lunch time人多，作為一名為餐廳著想的好心顧客，欣然接受。坐低後，覺得與同枱的其他食客距離太近，只不過是禮貌地問餐廳伙計要一塊隔板，餐廳伙計唔俾之餘，仲大聲鬧客！！話冇隔板，唔食就去第度！！竟然大大聲趕客！！服務態度之惡劣，未有見過！！！如果真係冇隔板都唔會咁嬲，但明明見到隔離幾張枱都有啲無用到嘅隔板擺埋一邊，點解唔可以俾有需要嘅客人用？就算唔俾，都唔使咁大聲咁惡毒地叫客人走！只不過是要一塊隔板！竟然惡言趕客，這是什麼服務態度！！！

於早餐時間入坐，在這5分鐘內，侍應不停走來走去，但卻無人理我高舉的手，這還真是一間悠閒的餐廳，最適合打算坐一整個早上的人。可惜不久便有人落單，點了豬扒麵，可能廚師發現了我想去旅行的心，身在香港但心在台灣，默默地將我的豬扒改為豬肉紙，以解我思台之情。想不到在這一間位於鰂魚涌的冰室，還能遇上知音。吃完早餐後，我發現胃部雖未能滿足，但心卻無比充滿，是因為在這間餐廳遇上懂我的人嗎，還是那5分鐘的靜坐讓我能靜靜思考我的人生？都不是，原來是炸過火的豬肉紙在我的胃部直衝上心，造成火燒心的感覺，或許他/她懂得我的心，但我卻無力接受他/她的心意，也許我們緣份已盡，再見，王牌冰室！

之前一直有幫襯，但食物質素同服務態度越來越差。早上8:00食早餐，坐了5分鐘都無人執枱，見有幾枱人舉手示意落單和執枱，有個呀嬋好大聲話等陣啦，已聽到食客已經議論紛紛，話等咗好耐之類。終於有人來，我話執枱落單，狂躁嬋第一句就話要搭枱，我話無問題，問有無膠版分隔(呢個應該亦係政府要求吧)。狂躁嬋話有，隨即用手拎枱邊痴咗双面膠紙果塊，當然拎唔起，但再講要搭枱，我亦重覆無問題但要膠版分隔。狂躁嬋即時跳制大聲話都話有囉。呢個早餐，未食已經飽。當然即刻離開，附近咁多茶記，大把選擇。如果大家鍾意俾人鬧就歡迎幫襯

我真心奉勸大家唔好去呢間王牌冰室食野。第一次嬲到打食評。🙏🏼🙏🏼🙏🏼今日下晝做完野，諗住同媽咪喺附近是但搵間茶記食野，跟住見到呢間王牌冰室就走左入去。入到去見到好多人排隊叫外賣，啲侍應都唔得閒理我地。有一個男侍應遞住餸咁行過黎，媽咪就問佢有冇兩位。點知個侍應好快咁走左，仲細細聲講：「自己睇啦，見唔到冇位咩？」佢講嗰陣我喺佢隔離，但係佢可能以為我聽唔到。咁好啦，我地咪睇下有冇得㩒飛，見到門口部ipad以為有得㩒飛，點知都係冇。咁啱有個女侍應出完餐走番過去廚房，跟住佢撞到媽咪，對唔住都冇聲就走左。嗰陣我已經覺得有少少㷫。後來有一枱人走左，冇人收枱上面既野食。我地見冇人招呼我地咪坐低左。有另一個女侍應走埋黎，問我地係咪叫左乜乜乜餐同埋紅豆冰，我地話：「我地冇啊，我地係啱啱坐低。」個女侍應即刻好大反應就話：「未收枱做咩坐低啊？」我地心諗：未收得切枱係咪應該係你地既問題啊？個女侍應一路收碟一路不斷重複問嗰問題，跟住個女侍應就躁底叫我地排隊等多陣啦。呢個時候我已經想鬧個侍應，好彩媽咪叫住我話不如去另一間食，所以最後我地就嬲爆爆走，離開左間茶記去搵第二間食。其實我都明白午飯時段餐廳係比較忙啲，但係咪

收工經過就試下呢度既鐵板牛扒，約100蚊有找，前菜嚟咗個餐包幾好食，加咗好多牛油係中間，再煎到好香，睇得出有心機咁整。但個主菜鐵板牛扒就麻麻地，食第一淡已經食到有種臭味，唔知係擺得太耐定乜，好難食，下次唔會再叫牛扒。

1. 炒滑蛋叉燒蝦仁飯 3.5/5賣相吸引，炒蛋金黃而且份量都幾夠（足以鋪滿成個飯）。整體味道上都可以，但就冇網上講到咁誇張。叉燒勁失望，硬到似乾柴。下次叫個炒滑蛋蝦仁飯仲好…2. （食過最難食嘅）瑞士汁乾炒牛河 0/5味道淡，牛肉乾。最失敗就係完全食唔到瑞士汁味，應該改名叫返乾炒牛河算。冇下次。3. 蕃茄濃湯午餐肉通粉 4/5嚟個有驚喜，俾咗好多粒午餐肉（目測有半罐嘅份量）。番茄湯夠濃而且同通粉分開上，方便外賣人士。炒蛋略嫌有啲細但亦都炒得幾滑。

一心諗住唔幫襯MX，嚟到叫左兩份早餐 ：1.）特濃沙嗲牛肉公仔麵，一啲都唔濃，仲有啲淡2.）煎豬扒公仔麵，豬扒勁大油億味，囡囡食左啖即想嘔兩杯凍檸茶，一大半係冰又貴又唔好食，大失所望

王牌冰室究竟王唔王牌呢🧐 呢間冰室次次行過都見到好多人等位，一於試下係咪真係咁吸引先～🧡 黑椒牛柳炒意粉 $59因為覺得常餐嗰d無咩特別，見到是日精選有呢個炒意粉就叫黎試下🤣🤣同其他茶記一樣，份量係多既，味道就正正常常啦～但係意粉炒得比較碎，食到尾d意粉全部都斷曬，而且d牛肉唔知係解凍得唔好定炒得唔好，全部痴住曬一大舊，根本咬唔到🥹🥹味道：6/10性價比：6.5/10📍王牌冰室 (友邦香港大樓)鰂魚涌英皇道734號友邦香港大樓地舖📌人均消費: $51-100#hkfoodie #hkig #hkfoodieblogger #美食 #pasta #foodiegram #foodiehk #foodblogger #foodielife #foodie #香港美食 #香港好去處 #hkfood #hkfoodlover #hkfoodpic#hkfoodblog #打卡餐廳 #cafe #港式美食 #冰室 #茶餐廳

沙牛麵王牌不王牌了。牛油多士叫左「走油」，張單都寫左「走油」，上枱仍然是有牛油的多士...奶茶還是可以的，但主角早餐A的沙嗲牛肉麵走樣嚴重，牛肉只有4片，質感還可以，沙嗲汁湯底偏甜無其他味，公仔麵口感硬上枱要浸一陣先至食得，整體唔理想，比數月前幫襯同一份早餐退步太多喇，無heart, 唔想再吃。座位間隔跟一般茶餐廳相若，早餐時段人手唔夠所以要狂舉手先有人執枱落單，想要一個good morning的話唔推薦！

見到呢間冰室午餐都係五十零蚊一份，包埋嘢飲，午市時間都幾多人嚟食，咁就一於去試一試！🍴馬來炒貴刁 $59 (7/10)一上枱超級大碟，份量好多一定夠飽！配料有蝦仁，雞蛋，火腿絲，洋蔥，韭黃，蔥，配料唔多，河粉嘅份量多過配料好多！略嫌係炒定先，所以個粉係微暖，河粉食落唔油膩，咖喱味道好香濃，調味都啱啱好，唔會太辣太鹹，中午茶記都算食得過！🍋熱檸水 (7/10)檸檬有三塊，飲落唔會太苦澀，新鮮檸檬OK的！推薦指數: 7/10正常茶記質素，份量夠多一定會飽，味道都算中上，唔會太伏太難食，中午食個快餐係OK的~

每間分店個menu都有少少唔同，連味道都唔同。鰂魚涌依間真係。。。失望。叉燒無味又乾又靭，真係唔知食緊咩。。。除咗飯多，邊到值60 凍飲熱飲都要加錢 🧐 然後係app 叫外賣 叫兩個餐 送錯一個 蒜蓉多士要加錢 唯一讚嘅係中意濃湯嘅人 譬如沙嗲牛通 蕃茄通 我覺得佢哋啲湯底都幾濃 absolutely won’t recommend u guys to try this restaurant. BBQ pork isn’t bbq pork , it’s like u r eating an eraser lolll ofc u won’t eat it 🙈😂

喺Openrice落order叫外賣, 點左2個瑞士雞髀撈麵餐，配蒜蓉多士，炒蛋同埋熱飲。本身喺選項揀左撈米粉，但最後發現都係俾番撈麵 🤷🏼‍♀️由於已經番到屋企唔想再拎去換，唯有照食麵啦，點知個撈麵係完全無味無落過任何調味料，跟本就咁白烚完個公仔麵，擺隻瑞士雞髀上去就算。個麵無味，仲要無乜汁，成餅嘢咁乾爭爭，難食到一個點，真係無下次。個多士同炒蛋，同埋杯奶茶就正常味道既，但都唔突出，肯定會再幫趁。