王牌冰室 (友邦香港大樓) (已結業)

今日要去北角政府合署某政府部門處理啲文件，一早就要過海，搭地鐵去到鰂魚涌站C出口一出就係友邦大廈，有間連鎖式快餐店，不過今日想食第二樣，轉灣睇睇有間茶餐廳，正！友邦大廈嘅王牌冰室，港島商業區真多人，搵到個位坐抵，店員即問食乜，大佬，我唔係熟客睇下先都得掛，到我諗好叫佢又唔多想落單咁，王牌沙嗲牛肉公仔麵，沙嗲味濃牛肉有咬口唔硬，麵都煮得爽，算係幾好食嘅沙牛麵，牛乳炒蛋都滑有蛋味，多士都唔錯，飲埋杯熱咖啡早餐完成開工去。

開工諗住就腳，近近哋第一次幫襯 ，食過午餐 ,豬扒漢堡要意粉，凍檸茶小甜小冰 ，杯凍檸茶係有小冰嘅，不過就甜到那喉， 啲檸檬畀我篤到爛曬都仍然係勁甜 ，個意粉嚟到係凍嘅 ，意粉得小小, 快豬扒又好鬼鞋 ， 漢堡扒 還算ok ，我明白五十零蚊 唔會有好質素 但係都唔會咁差囉， 同等價錢嘅嘢但係真係冇咁差， 中過一次伏下次行完啲食 第二間

剛好有事要在鰂魚涌做，但又未夠鐘就打算在要去的地方附近找餐廳吃午餐。這間 王牌冰室 都幾近鰂魚涌C出口。我去的時間是下午2點半，都有數枱客人在用餐。在想吃什麼的時候，店員說午餐這個時間還是可以點的。午餐C．肥牛金菇伊麵 (HKD 59)不算特別大碟就是一般的份量吧。肥牛都是大大塊，也有幾塊。金菇反而因為切碎了好像吃落不太覺，但倒是避免了經常吃金菇會黏牙的問題(笑)調味來說是夠惹味，不會太鹹太油，也不會太乾身。凍飲需要+HKD3。我這杯是凍奶茶少冰。沒叫少甜，但甜度適中。

星期四嘅晚上，喺收工時間六點幾七點鐘嘅鰂魚涌，遇上霓虹燈管裝修懷舊風，紅紅碌碌霓虹光，吸引到喺對面街行過嘅我，一陣間仲有嘢做，有個零鐘空檔，一於食個快餐先。入到去裝潢依然係老派風格，貫徹主題，拎起餐牌叫咗一個常餐一個飯餐；常餐蕃茄牛肉麵配牛油多士牛乳炒蛋：賣相OK，蕃茄濃湯一貫茶餐廳做法，茄膏湯底味道 一如以往 冇乜特別，牛肉夠淋，麵身較硬；牛乳炒蛋夠嫰，正正常常。😆另外王牌推介：王牌叉燒特濃牛乳炒滑蛋飯，賣相吸引， 叉燒滑蛋淋香蔥豉油，配搭一流～但可惜此炒滑蛋不同彼炒滑蛋 ，叉燒飯炒滑蛋煎得比較老，邊緣位已經硬了不算炒滑蛋，叉燒亦只算僅僅合格，係一般派貨叉燒。🫣如最後只可以講如果想醫肚還可以嘅，但係想食出生意呢度就冇啦，今次又係咁先啦～😌

入咗呢一間冚家鏟嘅小店，真係一個慶幸。首先，叫咗碟叮噹嘅椒鹽鮮魷，外皮炸得金黃又唔係好油，咬落去又爽又脆，啲椒鹽香到飄遠街！😋 個魷魚入面嘅肉質鮮嫩，我差啲尖叫出嚟！再嚟個蔥油雞，滑得嚟啲蔥香撲鼻，令到隔離桌嘅阿叔都望過嚟。食完之後啲嘴巴留住啲甜，完全唔使等收皮嘅過程。話說，我哋仲點咗冬陰功湯麵，個湯底夠晒kick，個辣度剛剛好，飲落去暖笠笠，好過爆炸嘅冷氣！麵條滑溜，同啲湯簡直絕配。而家成日都想得起嗰碗湯嘅味道。如果你鍾意味道夠晒正宗，又想滿足下飯嗰肚皮，呢度絕對係你嘅must-go-list！快啲mark曬佢，等自己有得享受呢份簡單又滿足嘅幸福！🤤🍜

12:30帶個仔去入去坐，全場有半數嘅枱係冇人坐，侍應都要我哋搭枱，坐張四人枱，最後逼到隻蟹咁要求換枱，唔好彩嘅係侍應肯換俾我，如果唔係我已經走咗🤮第一次見牛脷塊脷苔都唔去，我真係孤陋寡聞。怪唔知我見其他枱， 10枱有9枱都係叫沙牛公仔麵。最重要嘅係，我杯熱檸茶飲到杯底，係有茶葉渣呢間茶記簡直係劣食中嘅渣滓

每次搭車時都見到這間餐廳，今日终於有機會朝聖一下，並選擇下午茶時段，剛剛完畢午膳時間，人流開始疏落，點了以下食物：1. 瑞士汁雞脾撈麵配炒蛋多士：炒蛋即炒夠熱，多士明顯放涼，唔脆凍冰冰，食完肚子有啲唔舒服! 雞脾煮得入味，只是肉質略為老左少少，是能接受範圍，撈麵硬度適中，汁亦足夠。2. 附送熱飲 - 奶茶轉煉奶：茶味濃、甜味恰到好處。有機會的話想試茶餐西多士，流心芝士餡....又愛又恨，期待!!!店員服務態度親切有禮，上菜速度很快，會再次光臨。

今天上完课，跟同学们一起去吃点东西，然后就来到这家冰室，刚好有6个位置我们就坐下。 各取所需，点了自己要吃的东西，全程没人招呼，也没人送上飲用水，餐牌里的东西也蛮多选择的。 我们好像每个人都選了不同的食物，我选了咖喱猪扒焗饭，旁边的同学选了常餐，有黄油面包炒蛋和通粉，等了很久，食物才送上来。看着餐厅的环境，还算宽敞，但是卫生情况比较……，桌子椅子，都没擦干净。 地上有點黏乎乎的，等食物上桌，份量正常，我的咖喱猪扒焗饭， 颜色怪怪的，咖喱味道还好，猪扒有一半是肥肉和骨头，还有筋，不大好吃，我的咖啡， 完全没有咖啡的香味，只有苦涩味。旁边朋友的奶茶，还算正常，这里的价钱，也是普通，不算贵。

去完大酒店，響附近搵食，見到呢間餐廳裝修幾靚，就入去試下。叫咗個兩餸套餐，一個啫啫雞煲，一個薑汁炒芥蘭牛肉。啲嘢食未嚟，響櫃桶攞餐具，但個櫃桶好污糟。啫啫雞煲嚟到，成個煲有八成係燒肉，得兩成係雞（最衰冇影相），同伙記講，伙記攞返入廚房加返啲雞件，正常返。到薑汁炒芥蘭牛肉，嚟到個樣無問題，但成碟餸係無調味，牛肉食得出係有用嘢處理過，所以好鬆軟，但成碟餸無味！叫個伙記嚟試食，佢食咗一塊牛肉，我問佢：碟餸有乜問題？佢話：無... 我再問佢：無乜？佢支吾以對咁答我：無... 味... 不過我哋同佢講：唔洗再攞入廚房換。我哋只想快啲食完快啲走。經理幫我哋改單，畀咗個八折我哋，折實 $135。隔咗十分鐘，餐廳經理過嚟了解事件，佢想知發生乜事。又問啲伙記係唔係無禮貌。我哋對伙記無投訴，只係投訴啲嘢食勁難食。隔咗五分鐘，有一碟滑蛋叉燒飯送咗嚟，我哋好意外。原來經理請我哋食，當賠罪。個叉燒蛋飯係正常嘅，所以我哋要求經理收返錢，最後埋單 $155。佢啲食物同個餐廳入面裝飾字句最襯：是是旦旦！

一行4人 lunch time 入座，一坐底覺得有陣味，懷疑枱面未清潔乾淨，所以叫野食時叫男侍應抹抹枱面先，佢答「晏d先、你見唔見到好忙」好啦，咁開始點餐先啦，我就問其中一個 lunch set 可唔可以轉炒面，佢話「唔得，你慢慢諗，我幫其餘三位落單先」，終於三個落完單到我啦，我等佢寫完野飲準備出聲叫野食之際，佢竟然同我講「如果你唔叫野食就麻煩離開餐廳」，我果下真係呆左，心諗咩態度，同枱朋友都覺得好過份，佢成功令我唔會再幫襯哩間茶餐廳

都幾難食咖哩牛肉焗飯用左牛筋腩牛筋淋，但配上啲汁感覺核突牛腩硬，乾柴無味，似老火湯渣感覺係之前牛腩飯賣唔晒放落去焗飯咁筋膜硬到咬唔開可取的是焗得幾靚同埋炒飯底但啲汁太多太咸浸住啲飯食左一半就食唔落走人，返到去仲胃痛，早知唔格硬呑塊筋膜凍咖啡不過不失，只係勁甜

$40買左個垃圾早餐，買左2個蕃茄濃湯午餐肉通粉，各加$3轉奶醬多同花生醬多，原來得半塊多士，咁就加左$3，又話係濃湯，一打開係蕃茄水，稀到不得了，垃圾得不得了

王牌冰室個名果然改得冇錯, 成功將西式烹調手法融入至中式菜系, 將肉餅當牛排咁煮仲要十分成功, 煮至我平時最鍾意食嘅熟度! 完美!今天我到了一家茶餐廳，點了他們的招牌菜-肉餅飯，但是讓我有些失望的是，他們將肉餅整到了半生熟的狀態。首先，讓我來談談這個肉餅的口感。由於他們將肉餅整到了半生熟的狀態，因此口感有些不夠熟透，但是也不至於太生。肉餅的肉質還算軟嫩，但是缺乏一些彈性和肉汁，讓整個口感有些乾燥。接下來是這道菜的味道。肉餅的味道普普通通，沒有太多亮點或是驚喜。白飯搭配肉餅的口感整體還算搭配得宜，但是缺乏一些鮮味和豐富的口感層次。另外，醬汁的味道也比較平淡，沒有太多的香氣和口感。最後是這道菜的價格。相較於其他茶餐廳的肉餅飯，這家茶餐廳的價格算是中等水準，但是考慮到肉餅的整熟度不夠，整體來說價格有些偏高。總體來說，這家茶餐廳的肉餅飯整到半生熟的口感讓我有些失望。肉餅的口感不夠熟透，缺乏肉汁和口感層次，而醬汁的味道也比較平淡。雖然價格算是中等水準，但是整體來說，我不會再次光顧這家茶餐廳。

今天來到了香港繁華的鰂魚涌王牌冰室，品嚐了他們的招牌菜蝦仁叉燒蛋飯。這道菜份量十分足夠，一碗白飯配上鮮美的蝦仁、軟嫩的叉燒肉和香滑的蛋，看起來就十分誘人！蝦仁非常新鮮，口感豐富，而叉燒肉的肉汁豐富，入口即化。蛋則是煎得剛剛好，口感香滑。整個用餐體驗非常愉快，讓我感受到了香港美食文化的獨特魅力。店員的服務也非常好，熱情地為客人提供服務，讓人感到非常舒適。這道蝦仁叉燒蛋飯不僅美味，而且價格實惠，非常適合用作午餐或晚餐。

服務唔好，侍應呼呼喝喝，而且價錢同食物質素不成正比；下次寧願行遠多少少去北角食都唔會再嚟呢間餐具都唔太乾淨，想問佢攞杯熱水叫幾次都無，仲大聲咁話「等下先啦！」真心唔掂！