王牌冰室 (友邦香港大樓) (已結業)

鰂魚涌地鐵站一出，就見到呢一間王牌冰室，座位寬躺，坐得舒服。今日真係特別肚餓，不如就試吓佢哋王牌推介脆炸肉絲炒麵配凍檸茶($60+$7凍飲), 原來加$28仲可以要盅燉湯(沙參燉雞)一嚟見到脆麵真係嘩，炸到脆卜卜，肉絲又多好味，燉湯都幾足料👍🏻仲要買個外賣返去俾阿仔食，特濃牛乳炒滑蛋叉燒蝦仁雙拼飯($64)好大碗，外賣包裝都好特別精緻，好懷舊，阿仔大讚蛋味香濃叉燒軟身，大蝦🍤好鮮甜，有驚喜呀。