牧羊少年咖啡館 (葵青劇院)

營業中

休息中

餐廳環境有氣氛，有室內及露天座位選擇。我地兩個人叫左4樣野，都幾飽。店員會keep住refill 水，同埋都幾有禮貌👍🏻燒汁焗八爪魚丸起初我地以為係日式章魚燒個隻章魚丸先叫，不過明顯係我地get錯，stereotype 太厲害🤣 呢款八爪魚丸幾實淨，似墨魚丸，不過佢有個甜甜地既汁，同八爪魚丸一齊食幾特別。蒜香清酒珍珠帶子牛油藍青口意大利粉意大利粉整體份量多，味道唔太濃，意粉彈牙，有淡淡蒜香牛油味。珍珠帶子同青口份量多，但冇乜味道，好健康既感覺 🙈牛肝菌大啡菇黑松露醬薄餅薄餅配料份量正常，薄餅大份，係脆餅底，食完唔會太飽，味道都不錯，好濃芝士黑松露味，火箭菜令口感更豐富。法式蘋果撻配雲呢拿雪糕帶少少酸味的熱蘋果撻同甜甜的雲呢拿雪糕襯得好好，一片片的蘋果亦增加整個甜品的層次感，有驚艷到🤌結論🫰甜品出色，整體亦不錯CP值：7.5/10餐廳資料餐廳名稱：牧羊少年咖啡館 (葵青劇院)餐廳地址：葵芳興寧路12號葵青劇院地下2號舖

下午茶有很多甜品可以選擇，不過我自己覺得咖啡是比較特別的，除咗可以飲到高濃度的咖啡，上面還有小忌廉花，除了外形特別之外，口味也相當符合少女風。而且餐廳的裝修有很有情調。

平日的下午茶時段，餐廳冇乜人，我哋叫了牛油果多士、炸小食拼盤、鮮茄牛肋飯。那多士佈滿牛油果和炒蛋，一點都不吝嗇，不過多士口感和整體味道冇乜特別。小食拼盤有炸薯條、雞件、一粒章魚丸和德國腸。這拼盤份量算多，一個人真的食不下，分嚐就好。嫌薯條鹹了點，雞件肉質嫩。但飲品，咖啡苦了點，不香；水果茶只是一片橙及西柚，沒有茶香味。唔明點解咁多人光顧？！ 或者下次試吓甜品和主食

近排多咗機會同朋友晏晝相聚都會諗起呢間葵青劇院出面嘅cafe印象中好似裝修過以前係偏木系嘅依家裝修以純白色為主都幾舒服閒日晏晝去冇人等位可以坐耐少少午餐個餐湯係甘荀湯但薯仔味濃啲喇沙鳳尾蝦意大利粉味道偏辣幾惹味四隻蝦都爽口嘅食得出係喇沙唔係冬蔭功香草青醬雞肉蘆筍意大利粉食感好健康青醬感覺有啲堅果味同牛油果味但覺得掛汁太多食晒成碟係會有啲漏白咖哩豬扒飯個炸蒜幾香質地都可以但啲豬扒就有少少鞋口同黐牙黑松露醬海鹽薯條個沙律醬偏酸幾乎蓋過咗個黑松露味覺得茄汁仲好食英式早午餐128蚊得七個選擇都係冇投訴嘅就係僅僅及格嘅感覺最後咖啡認真唔推介可能我咁啱唔好彩覺得飲返檸檬茶白桃烏龍茶會好啲隨住分店多咗嘢食選擇都愈嚟愈多但每樣嘢冇特別驚喜或者想再食多次特別係咖啡系列希望會有改進🙏🏻

西餐的美食多樣化，其中包括Pizza、通粉和窩夫。Pizza是一種以薄餅皮為基礎，配以番茄醬和各種配料的美味餐點。通粉則是一種意大利麵食，可以搭配不同的醬汁和配料，讓你享受豐富的口感。窩夫則是一種甜點，以鬆軟的麵糊烘烤而成，帶來甜蜜的享受。這些美食都有著獨特的味道和風味，讓你品味西餐的多樣魅力。

葵芳劇院一個露天環境嘅 Cafe如果天氣唔系太熱，佢氣氛系相當好見到佢現場有啲燈飾 相信應該晚餐時段會開燈應該好 chill我午餐時候都算多客人 要輪侯一陣才有位置價錢不算太貴 所以意粉嘅質素我還是能夠接受 普通西餐嘅意粉 ＄100 元以內沒有投訴漢堡包做得幾好，麵包都好食 肉OK薯條份量足夠 我覺得都好抵食 起初以為會唔夠食 加多左個八爪魚丸但系呢一個八爪魚丸比我想像中有啲唔同 佢系好實淨果種 唔系日式果種 稍為有少少失望 而且其實已經好飽 食唔落配菜整體而言相當不錯

帶住個細嘅就一定要搵間餐廳有BB櫈之餘，啲嘢又要啱佢食。上OpenRice睇相見到呢間位於葵青劇院地下嘅「牧羊少年咖啡館」好似環境唔錯，就同朋友過咗嚟食!!呢間餐廳可以坐outdoor, 我哋見天氣涼涼地, 又有啲風, 就坐出面chill吓!!一坐低，侍應姐姐見有兩個BB，就幫我地安排BB櫈，然後拎咗填色紙同顏色筆，等BB有啲野玩無咁悶!!👍🏻兩個大人加兩個1歲BB一齊分啱啱好，肉丸好大粒又夠味，意粉軟硬適中，不會煮得太腍，幾好味!!!小食拼盤件件都大大份，好似珍寶版咁!! 炸雞翼好好味！另外個沙律醬幾出色~!!玫瑰味再濃啲就啱我口味喇～不過呢杯都還可以！😜餐飯連埋加一$394，兩大兩細飽曬，抵到爛!!!整體感覺唔錯👍🏻有機會會去埋其實分店～

同事生日，壽星仔點名要來「牧羊少年咖啡館」吃午餐，我們八個人大約等了15分鐘才有位。餐廳分室內及戶外座位，戶外座位有白色的大帳篷可遮擋太陽，秋冬天氣坐戶外很舒服，我很怕熱，夏天就免了😂😂「英式all day」&「素菜all day」，大致內容都相同：黑松露炒蛋、核桃包、西蘭花、雜菌、蕃茄、granola希臘乳酪，分別是「素菜all day」有牛油果和南瓜；而「英式all day」則是煙三文魚和德國香草腸。南瓜還有點生，建議可以再焗熟點，但granola希臘乳酪真的非常好吃，nuts 加了點蜜糖，口感和味道都配合得剛剛好「厚切芝士雞扒漢堡包拼薯條」，雞扒的size 很大塊，是男生的份量，如果女生一個人應該未必吃得完；「紅酒燴牛肋條配藜麥飯」，牛肋條炆得惹味可口，也很不錯；「意式肉丸意大利粉」則是正常水準。餐飲可免費選配「水果茶」，茶底香濃，還有新鮮水果在裡面，另外也可加錢點選其他咖啡或特飲。慶生吃蛋糕是常識吧點了一客「香蕉朱古力鬆餅」，蛋糕分別是「Tiramisu」和「cookies cheese」，鬆餅份量不少，如果吃了午餐，建議3-4人share 比較合適「cookies chees

今日喺附近行街，路過牧羊少年，發現呢間分店有戶外坐，就決定幫襯。下午茶時段四個人叫咗一個青口帶子蒜香意粉，一個豬扒漢堡配炸番薯條，仲有一個窩夫配朱古力雪糕。每樣都份量十足，四個人食完全夠飽，下午茶時段，坐喺呢個位置雖然係戶外，但唔算熱，可能係因為下午茶，店內亦都唔多人，坐戶外好似包場咁，好舒適，可以好好享受呢個悠閒嘅下午。叫咗杯咖啡，同埋跟餐嘅茶，食飽仲可以慢慢坐下，唔會好迫趕住走，整體嚟講，我下次都會再嚟。

曾經結業嘅牧羊少年咖啡店葵芳分店，終於又再重開了，選址原用之前位置，經過當然要去幫襯下午餐～～俄式牛仔柳意大利粉 $118配熱黃金蕎麥茶英式早午餐 $128配熱白桃烏龍茶 +$38食物水準依舊保持，果然係值得再三光顧

白酒煮青口：爆香了青椒，磨菇，煙肉，令青口多一種味道，入口綿滑，creamy，加上鮮檸檬汁，更能突出鮮味，亦減了油膩感，可以一口一口吃不停。普盧旺斯燉菜：十分好味，當然可以再多一點香料，但本身多種特色蔬菜，顏色鮮豔，已能引起食慾。牛油果香芒烤鷄沙律配日式胡麻醬：牛油果較生，少了軟滑口感，扣了很多分，蔬菜新鮮，火箭菜夠濃味，我鍾意；烤雞香口吸引，最吸睛竟然是芒果，超級香甜。睇show前食餐好，是常識。仲要係有深度的作品。#支持本地劇團#風車草劇團#三聖邨#美人魚#人美心善#家明愛飲紫菜湯#49年咋，未到50年#我地不容易改變世界，但至少不要讓世界改變自己

葵芳間牧羊少年裝修完再開返都一段時間，終於有時間去食，但撞正個日天氣麻麻，天陰陰又落大雨，加上又熱，所以坐室外都有啲暗同唔通風🤣🤣❣️慢煮BBQ醬美國豬仔骨配 蜜糖芥末蕃薯條 $188雖然睇上去好似好大份，但豬仔骨肉較少，而且唔係好食到慢煮嘅感覺， BBQ醬較濃味，基本上只係食到個醬嘅味道😅❣️俄式牛仔柳意大利粉 $98牛仔柳軟腍入味，意粉彈牙，加上有大量配料，所以口感上好豐富😎❣️千島海鮮薄餅 $138批底有點厚，海鮮有大蝦、蟹柳同魷魚仔，份量唔算多，味道就中規中矩🥸❣️京都春日 $108名字改得好有日式風味，味道亦都相當出色，窩夫鬆軟有蛋味，再加上雪糕嘅香甜同忌廉嘅滑，嫌唔夠仲有甜甜酸酸嘅士多啤梨同糖漿，大人同小朋友都鍾意食😍❣️蜜糖芥末蕃薯條 $68蕃薯條唔係間間餐廳都有，佢做得都好出色，香脆可口，配埋蜜糖芥末醬，食唔停口🤪❣️凍牛奶可可朱古力 $52略嫌可可味唔太濃，被冰沖淡左，只算得上叫普通朱古力奶🤓❣️凍藍莓奶酪 $52打得好軟滑，藍莓味香濃🤓❣️凍蘋果蜜桃鮮打紅茶 $52普通味道，不過不失❣️凍自家調製鳳梨Lemonade $42普通味道，不過不失👅好味度：8（10分滿分）味道屬中上，適合

平日想一個人輕鬆自在一下， 專誠到訪牧羊人少年， 多年前也有去太子分店， 這間也去過幾次，食物水準能保持，自己一個坐了戶外地方chill一下，叫了菠蘿茄子雞扒飯， 好好味， 燒菠蘿有驚喜！ 滿足😌

那天週末，鬧市中的葵青劇院無表演，比較清靜，不過行到去劇院旁邊的呢間本地文青café就比想像中多人，有比較多人坐室外，我想嘆冷氣就坐喺比較少人嘅室內😄 週末原來有holiday menu，套餐有多款主食和飲品可揀。🍔 蒲燒鰻魚炒蛋漢堡包 (HK$118)．漢堡包本身都巨形，微甜，外脆內軟，不過放埋原條蒲燒鰻魚上去，包包就變得細小🫢．蒲燒鰻魚，多汁，滿口魚肉，好美味呀😋．炒蛋，奶滑口感，滿蛋香．炒蛋下面仲有新鮮生菜．配有蕃薯條和蜜糖芥末醬🍹 冰果茶 (跟餐 +HK$0)．我揀咗走冰、少甜．水果茶濃郁足料，味道比較重橙和熱情果的酸酸果汁味道．店員有講話杯底有芒果肉，攪勻後真係多了芒果的酸甜味！📌 提提你：此店有加一服務費喔！

身為葵青劇院嘅開荒餐廳，早前宣布要結業，好多媒體都有報導。當一眾熟客不捨之際，點知又有轉機，牧羊少年可以繼續經營落去。星期五晚都幾full，冇訂位只可坐室外位，限時90分鐘。當晚當好冇咩風，佢又冇風扇，坐室外其實有啲熱。芒果牛油果雞肉沙律，份量其實好足，不過食咗一半先記得影相。食材新鮮，配有杏仁片，令口感更豐富。墨魚汁海鮮意粉，好香牛油香，魚子令整個意粉錦上添花。魚真係我喺香港食過最好味嘅西式魚，超級嫰滑。我平時都鍾意食佢嘅素食all day breakfast，個食物配搭好出色，但原來五點半前先有供應。如果以同類餐廳比，我會比較鍾意牧羊多過beans。