牡蠣不如帰

營業中

休息中

以海鮮做湯頭嘅拉麵店好少見，東京店仲要連續五年獲得米芝蓮一星，鐘意食拉麵嘅朋友一定要去試吓🌟極致螃蟹套餐 $1981️⃣螃蟹湯拉麵蟹湯好出色，配以蟹油、蟹肉醬，濃郁得嚟唔會有油膩嘅感覺，兩塊檸檬片令到湯底帶少少清新嘅酸味，恰到好處2️⃣黃金蟹肉餃子餃子餡料係滿滿嘅豬肉同蟹肉，鮮味十足煙熏黑椒豚骨拉麵 $115豚骨湯底好濃郁，煙熏黑椒好惹味，拉麵、配菜同叉燒都吸收晒湯底嘅精華唐楊博多華味鳥 $78炸雞好鬆脆，雞肉嫩滑多汁，食起上嚟又唔會好油膩木村梳打汽水 (蕃茄) $32蕃茄味嘅梳打汽水真係好少見，但係其實都幾好飲，有蕃茄嘅酸甜味白桃焙茶 $35白桃焙茶果香幾濃郁，焙茶嘅味道會係口腔入面慢慢滲透番出嚟，層次豐富

🍜牡蠣鹽味拉麵 $118豬骨湯 蝦湯 雞湯 蟹膏湯底都試過蠔湯底真係第一次!!簡直係令人驚豔嘅鮮!!!如果淨係用蠔 可能比較單調所以呢個湯底仲用咗豬骨🐷同魚🐟熬製!真係好好飲… 重點係飲曬成碗湯都唔覺口乾口渴係真材實料嘅鮮香味美!拉麵食落有小小似陽春麵嘅口感黏黏地嘅感覺 更容易帶湯一齊送入口成碗嘢係欠咗粒溏心蛋就完美!🥟豚肉煎餃 $65我覺得煎得唔夠脆+乾但肉餡好味! 👅白松露油厚燒牛舌丼(小碗) $68 This one must order!!!!!!!!!!!!超超超超超超超香白松露油味一入口就重擊我味蕾加上炙燒嘅香氣 真係omg🍑白桃焙茶(凍) $35唔係假嘅白桃味 甜度剛好仲有淡淡茶香 nice!👍🏻

所有蠔嘅嘢我都鍾意食🦪😛今次就嚟到銅鑼灣fashion walk嘅牡蠣不如帰，主打蠔湯拉麵🍜bookmark咗好耐終於有機會試吓。環境唔似拉麵店，螢光顏色嘅裝修反而有點cyber風格。今次叫咗招牌蠔湯拉麵，喜歡蠔味濃郁如我就覺得同想像中有少少落差😂牡蠣鹽味拉麵蠔味唔突出😅比較似一個純粹嘅鹽味拉麵，即使撈勻面頭嘅蠔醬落湯底，都唔係好食得出有蠔嘅元素。不過勝在調味得宜，啲湯飲完都唔會口渴。而且拉麵有少少腍身，有些微糊嘅感覺🙈叉燒都係正正常常偏薄身🤔自家製牡蠣餃子呢個反而幾好食😋😋加入蠔肉令到餃子🥟一入口就食到香濃蠔味，餃子皮屬於煙韌質感，唔係脆卜卜，沾上酸酸咪咪醬汁都ok😆人均消費：$210推介指數（10分為滿分）：6.5分

位於銅鑼灣的”牡蠣不如帰”，聽個名覺得好熟悉，上網一查就發現原來係黎自東京米芝蓮一星拉麵店”金色不如帰”所開的姐妹分店。因為訂咗枱，所以唔使等位，仲安排咗張靚靚四人枱我哋真開心店內佈置配合燈光效果，令人坐落覺得好舒服部分吧枱座位望向街景。店內有介紹什麼是”牡蠣不如帰”。是日晚餐全家福。1. 極旨螃蟹套餐($198)，有螃蟹湯拉麵同埋黃金蟹肉餃子。見到個拉麵湯底D色已知係正嘢，睇左店內介紹話選用自製清雞湯，加上大量原隻三星蟹蒸焗後秘製蟹湯，再配上鮮紅蟹油，確係出色嘅招牌菜2. 醬漬牡蠣一口飯($68/2件)，飯以蠔湯所煮成，配上爽口青瓜、醬漬廣島蠔，入口充滿蠔嘅鮮味。3. 牡蠣鹽味拉麵($118)，湯底有好香濃蠔味，配上大量蔬菜，湯底入口不油膩，最終飲晒所有湯。4. 木村梳打氣水(巨蜂)($32)、白桃焙茶($35)，兩款飲品配麵食確一流，一定要飲整體來講，餐廳環境佈置舒服、座位舒適。食物方面同樣性價比高，攞到米芝蓮一星確係實至名歸，值得一試再試。

放工唔想食飯咁飽肚，免得飯氣攻心影響欣賞舞台劇。於是嚟試吓依間出名嘅米之蓮餐廳😋主打菜式當然係牡蠣🦪不過依期都推廣緊蟹🦀所以當然要試試佢啦😌#煙燻黑椒豚骨拉麵麵爽彈牙有口感，唔會煮得太淋。配料香口，湯香濃得嚟唔會太鹹。唯一缺點係份量略嫌細碗左D，湯再多番少少就更好👍🏻#黃金蟹肉餃子期間限定菜式套餐，好難唔試😌啖啖蟹肉濃濃蟹味，好食😋#糖睡戈菇燒牡蠣串菇包住蠔嚟串燒，外脆內軟，畢竟日本豪質感比較削，燒一燒挺身少少口感好D ~

一向不是特別喜歡吃拉麵，唯獨湯底特別的拉麵店深得我心，其中銅鑼灣的牡蠣不如帰就是其一，因為它新出螃蟹湯拉麵，很吸引喜歡海鮮我的我試，牡蠣不如帰是東京米芝蓮一星拉麵店金色不如帰的分店，吃到日本的正宗風味。極旨螃蟹套餐$198套餐包括螃蟹湯拉麵和黃金蟹肉餃子，螃蟹湯拉麵湯底選用自制清雞湯，加上大量原只三星蟹蒸焗後秘制蟹湯，再配以新鮮活紅蟹煉製蟹油，橙紅色蟹湯，喝一口充滿鮮味，真是令人欲罷不能，加弓一片鮮檸和少許洋蔥粒蔥絲，添加清新感，叉燒以慢煮製作，非常嫩滑高質，肥瘦適中，拉麵以特選100%北海道產上乘小麥粉去製作，麵條較幼身和爽滑。黃金蟹肉餃子新鮮煎好，餃子皮薄薄，咬下去外脆內嫩，有淡淡蟹鮮香味。牡蠣野菜天婦羅$88最吸引我們的是兩只放在殼上的牡蠣天婦羅，它已曬上一點鹽調味，咬下去充滿蠔香又多汁，旁邊還有粟米、南瓜和青椒，日本品質，清甜可口。牡蠣鹽味拉麵$118湯底顏色較清透，以優質鮮蠔慢煮炮製，還添加了自家鮮制蠔醬和秘制鮮蠔油，喝起來有濃郁的有蠔香及有層次，配上少許蔬菜及慢煮叉燒，兩碗湯底我們都喝光，如果能多點湯就更好，另外，如果能加錢有原只蠔在面內，也更滿足。木村梳打氣水 蕃茄味$3

今日同朋友去銅鑼灣行街，簡簡單單食個拉麵，見評價幾好，難怪平日既晚上都滿座。首先點左個極旨螃蟹套餐，螃蟹湯拉麵同黃金蟹肉餃子。餃子裡面除左蟹肉仲有豚肉，餃子皮薄餡靚，咬落有口感，拉麵湯底由清雞湯同大量原隻三星蟹蒸焗秘製蟹湯，再配以活紅蟹煉製蟹油、慢煮叉燒、火箭菜、檸檬酸奶油同埋蟹肉醬，每樣味道分明有層次，無格格不入既感覺；另外牡蠣鹽味拉麵，雖然無原隻牡蠣，但係吃到蠔味鮮味十足，兩個湯底不一樣風味。拉麵係蕎麥麵質，煮得唔會過淋，整體來說係高質。另外仲叫左個小食，一口芝士豚脆，豚肉配流心芝士，擺盆精美，仲好好食，用左日本直送麵包糠煮炸，炸得好脆又唔會過火，推介！吃了濃味食物再飲清清甜甜有氣梳打最好不過，我和朋友分別點了信州巨峰梳打同完熟白桃梳打，兩款都不錯，有果味之餘不帶藥水味。

呢間拉麵店係一星米芝蓮餐廳嘅姊妹店，以牡蠣做主題，想食好耐適逢佢呢排除咗牡蠣食物，仲用咗螃蟹做主題，就過嚟試吓先螃蟹湯拉麵係期間限定，係由清湯，三星蟹同紅蟹煉製嘅油熬製而成，飲得出佢個湯底完全冇味精，湯底清得來螃蟹味亦濃郁，伴隨着唔同嘅配料配菜同肉，口感豐富，食落麵質厚而且好彈牙嚟到點都要試吓佢個signature牡蠣鹽味拉麵，果然係signature，湯底食落有唔同嘅變化，由最初嘅湯頭有啲蠔油嘅香味，後尾飲到蠔汁同豬骨嘅鮮味，配埋新鮮嘅火箭菜一齊食都幾特別醬漬牡蠣一口飯共有兩件，擺盤精緻，當中嘅牡蠣味道濃郁而且啖啖肉，牡蠣放埋喺飯上面再用紫菜夾住，咁樣一齊食好夾，堅好味😋黃金蟹肉餃子熱辣辣，外脆內軟，餡料係由蟹肉同豚肉混合而成，個人略為覺得蟹味唔夠濃郁整體來講個湯底好真材實料，比較鍾意蠔味湯底唯一係份量唔算多，就算女仔嘅話一碗麵都未必夠飽

.‼️❤️ 記得CLICK我PROFILE關注我呀 ❤️‼️.🍜 M͓̽i͓̽c͓̽h͓̽e͓̽l͓̽i͓̽n͓̽ ͓̽M͓̽a͓̽g͓̽i͓̽c͓̽:͓̽ ͓̽F͓̽r͓̽o͓̽m͓̽ ͓̽R͓̽a͓̽m͓̽e͓̽n͓̽ ͓̽t͓̽o͓̽ ͓̽T͓̽e͓̽m͓̽p͓̽u͓̽r͓̽a͓̽ @ 🌟 牡蠣不如帰《👽食神大媽食蟹拉麵》.⠀💁‍♀️ 圖片展示美食為：⠀極旨螃蟹套餐 HKD 198- 螃蟹湯拉麵 🍜- 黃金蟹肉餃子 🥟牡蠣鹽味拉麵 HKD 118牡蠣野菜天婦羅 HKD 88信州巨峰梳打汽水 HKD 32紫蘇雙檸洛神花茶 HKD 38.👽 大媽翻兜無數次嘅米芝蓮一星日式拉麵店，每一啖湯底都令人回味無窮。最近佢推出左新口味，大媽作為忠粉當然要去食啦 😋.🦀️ 最新出品就係「螃蟹湯拉麵」同「黃金蟹肉餃子」，分開叫貴啲，梗係叫佢個「極旨螃蟹套餐」抵好多啦 😝 店員介紹話「螃蟹湯拉麵」嘅湯底係用自製嘅清雞湯，再加埋大量三星蟹蒸焗後秘製嘅蟹湯，再加新鮮活紅蟹煉製嘅蟹油，所以每一啖湯底都充滿蟹味，超鮮味呀 🤤.🥟 另外「黃金蟹肉餃子」就以1比1嘅黃金配方結合蟹肉同豚肉，所以每一啖都會好鮮味，皮薄餡足料。.🍜 每次嚟都要翻兜無限次嘅就係佢最經典「牡蠣鹽味拉麵」，畢竟係佢最出名嘅三重湯底其他地方真係食唔到，有齊蠔湯、豬骨湯同魚湯，味道超豐富但係又唔覺得膩

之前試過金色不如帰覺得幾好食,今次試下呢間牡蠣不如帰睇下質素係咪一樣先🙈《黑松露涼拌海蜇 $68》呢個涼拌海蜇好爽口,黑松露味好香,不過醬汁較咸,食到落底覺得有啲重口味🫢《黃金牡蠣煎餃 $75》呢個牡蠣煎餃個牡蠣本身有調味,都係偏咸🫢《牡蠣鹽味拉麵 $118》呢個牡蠣拉麵反而唔錯,蠔味幾香,相對比較清,拉麵既質地幾彈牙,煮得啱啱好👍🏻《極旨螃蟹套餐 $198》呢個係期間限定既套餐,螃蟹湯拉麵每日限量50碗架喳🙈《螃蟹湯拉麵 $148》呢個拉麵既蟹湯好濃郁,蟹味好岀,值得一試👍🏻《黃金蟹肉餃子 $88》蟹肉餃子個蟹味好岀,好食過牡蠣煎餃😂《醬漬牡蠣一口飯(2件) $68》呢個醬漬牡蠣一口食就幾好食,呢個反而唔覺得咸,可能有舊飯中和左,推薦👍🏻《菇燒牡蠣串 $68》呢個牡蠣串個調味都係比較重,醬汁較濃😂整體牡蠣既調味比較重,食完覺得好咸好口乾🥹拉麵既質素係唔錯既,但主打牡蠣🦪既話主角反而做得麻麻,比想像中失色🥲不過店員服務態度唔錯,好有禮貌👍🏻牡蠣不如帰銅鑼灣百德新街57號Fashion Walk地下A號舖[⭐️5分為滿分]味道⭐️⭐️⭐️環境⭐️⭐️⭐️⭐️服務⭐️⭐️⭐️⭐️⭐️價錢⭐️⭐️⭐️推薦⭐️⭐️⭐️

作為蟹既fans，得知呢間拉麵店出左限定蟹既新品，梗係即刻黎食啦🤤🤤 🦀螃蟹湯拉麵 + 🦀🥟黃金蟹肉餃子：套餐價$198 以上兩樣如果分開叫，分別係$148＆$88。如叫套餐，價錢平幾十蚊，梗係叫哂兩樣扺食啲🤭 🦀螃蟹湯拉麵：原來係蒸焗左大量三星蟹整成蟹湯，同時又加入紅蟹既蟹油，唔怪得拉麵一上枱已經聞到一陣濃厚既蟹湯味啦🤩🤩 食食下仲發現仲有啲蟹肉醬，食到有一絲絲既蟹肉，蒸拉麵既軟硬度適中，唔會太淋，呢碗麵有多重層次，絕對值回票價同埋會Encore👍🏻👍🏻👍🏻 🦀🥟黃金蟹肉餃子：一碟有5隻，但由於忍唔住，所以食左2隻先記得影相😂，入面有1:1既蟹肉＆豚肉，餃子亦煎得好香脆，誠意十足。👍🏻👍🏻 🍜牡蠣鹽味拉麵$118：食拉麵湯底好重要，呢款有三重湯底，蠔+豬骨+魚，一食落口第一啖感覺到蠔味，隨之而來有豬骨同魚湯既鮮甜味，有多重層次。低温叉燒唔會太肥或煮得過老，又係一碗令人有驚喜既拉麵。 🍤牡蠣野菜天婦羅$88：全部都好有驚喜，2隻蠔都好新鮮，仲食到有啲新鮮既海水味，連平時唔食蠔既我都讚👍🏻，另一驚喜位係秋葵，秋葵入面竟然釀左啲明太子，味道出奇地夾，亦係第一次見。仲有另一炸物係粟米，天婦羅

哩間拉麵舖和平時喺香港食既好唔同，佢哋主打海鮮湯底拉麵，以蠔姐係牡蠣做主打，近排仲有蟹拉麵，今次可以一次過食兩款唔同嘅口味。鹽味牡蠣拉麵呢個拉麵最緊要將上面自家蠔醬和湯攪勻，湯底味道先會突出，湯底很鮮，蠔味非常濃。麵是幼幼的，煙靭帶咬勁，唔錯。螃蟹湯拉麵呢個餐牌有說明，係雞湯做底，再配以三星蟹去焗出嚟嘅湯。最特別係湯上面的蟹油，和麵湯一齊食，很香。湯入邊會有塊檸檬，作用是中和湯的油膩感，我就建議唔好好似凍檸茶咁篤吓個檸檬，唔係會酸得滯，影響食味。牡蠣野菜天婦羅這裏的小食非常出色，牡蠣天婦羅和蟹肉餃子是必食。天婦羅炸得非常之好，漿粉很薄。蠔新鮮嫩多汁，旁邊的蔬菜天婦羅也很美味。黃金蟹肉餃子蟹肉餃子非常有蟹嘅味道，如果不是餡料質地有豬肉，差點認為全隻餃子餡都是用蟹肉做的。另外來自日本既巨峰梳打汽水和白桃焙茶都是必叫飲品，唔會好甜，好好飲!

第二次去幫襯，因為喺附近剪頭髮。之前時常幫襯尖沙咀店。第一次去銅鑼灣呢間都OK嘅正常服務囉。今次再去，男服務員態度就認真麻麻。講咗食物先啦 - 叫咗螃蟹拉麵同埋豬骨湯拉麵例牌相當好味，餃子就麻麻哋豬肉好騷。佢有杯飲品 - 凍白桃味焙茶呢個就兩次都有飲都幾好飲值得推介。講返服務，第一次係正常不過都唔覺係米芝蓮服務。6月19號呢次去就直頭要摘星。男服務員亦都係其中唯一一位，冇態度冇服務冇笑容。其實真係唔係好明做服務性行業為何冇服務嘅態度？冇聽劉德華講嘢嗎?

上次行過，已經好想試，今日有機會去銅鑼灣，所以一定要嚟食！😋🥰之前食過尖沙咀金色不如帰，我估呢間可能係同一個集團……啩😅😅因為時間尚早，店內沒有太多人。六點前有兩款套餐可以點，因為真的很愛吃拉麵🍜所以就叫咗拉麵套餐。我要了牡蠣湯底，朋友要了黑胡椒湯底，包了兩個小吃同沙律。沙律很特別，不只是青菜，那些黃椒是用醋醃製過的，酸酸甜甜，十分清新！飲品要了紅菜頭薑茶，也很清潤，很好喝。這個麵真的可以連湯底一齊飲晒！🥰🥰

位於銅鑼灣的「牡蠣不如帰」，原來是米芝蓮一星「金色不如帰」的姊妹店。店內裝修充滿和風，我被那幅大頭少女牆身吸引着！原來下午六點前還可以叫午餐吃，午餐包前菜、拉麵、小食、飲品或甜品。價錢是$158加一，相比單點拉麵，當然抵食好多！我和朋友各自點了牡蠣鹽味拉麵及煙燻黑椒豚骨拉麵。牡蠣鹽味湯底，原來是招牌拉麵，湯頭鮮甜，配上叉燒兩片及火箭菜，麵質相當有彈性。至於煙燻黑椒豚骨，黑椒味濃，拉麵爽口彈牙！小食也很可口，餃子充滿着牡蠣味，值得一試。我之前買了恆隆商場的現金券，在這裏可以用兩張$50的現金券，今餐我只需補$74。