牛魔王清湯腩咖喱專門店

營業中

休息中

番工前當然要食番個早餐先得啦，今日再次來到牛魔王專門店食早餐。一輪無來到，原來已經稍稍加價，全部醒晨早餐都轉為$32。今次當然都叫回平常來吃的鮮豬肝公仔麵，但是...店員一句無豬肝啦...我才醒起香港豬肉仲未正常恢復，所以唯有求其次了。沙嗲牛肉麵 - $32沙嗲牛肉味濃，汁比較竭，而麵質比較硬身，把沙嗲跟麵撈勻後，麵入口更加富味道。跟餐還有火腿奄列+牛油方包面包加入了牛油餡，而奄列亦不太老身，把奄列夾面包一同吃，是另一種享受。啡走 - 咖啡味較濃，加入煉奶，口感更滑，但還是有點苦澀味。

牛魔王清湯腩咖哩專門店唔止有牛肉，牛腩，咖哩，佢地仲有好多其他野食都好好味嫁今日就試下個早餐先,睇睇個早餐，醒晨早餐都係$30（灣仔區，坐定定仲有埋野飲都好小有啦）而且仲有三文治類（輕食又可以自選配料），再想健康一點可以點他們的鮮奶麥片，緊有款適合你E餐 - 鮮豬肝公仔麵 配火腿奄列牛油方包 - $30公仔麵較硬身，而豬肝食落尚算新鮮且有爽口的感覺而配搭的火腿奄列牛油方包，可以接受，面包不會太乾，而火腿奄列亦不太老身茶走 - 茶味十足，加入煉奶，口感更佳

今日晏晝經過春園街，就再諗住是旦搵間餐廳食lunch啦，之後就見呢間牛魔王都幾多人食，價錢係灣仔來講都唔算貴，人均消費都係40-60，所以就決定試一試啦🤤🤤🤤當日我就叫左set lunch, 牛腩牛肚河加左杯凍檸茶，呢度嘅牛腩炆得好淋而且好入味，而牛肚睇得出廚師刀工好好，而且都好入味，分量來講都算多，牛腩同埋牛肚各有五、六舊，而且裏面嘅湯底亦都好重牛肉味，飲得出應該落咗好多牛肉去煲成嘅🤤🤤🤤

春園街真係多小店😋😋 平時都會嚟到牛魔王食下晏，最平30幾蚊就有碗牛腩麵嘅！😜😜呢度仲有番茄湯都唔錯的！今日就嗌左番茄菱魚球米線啦😘😘🍅🍅 番茄湯嘅番茄已經淋哂，冇加茄膏所以冇咁濃味，但就更食到番茄清新嘅味道😛 而鯪魚球今日重手！成碗咁大件！魚肉似係手打再整，所以比較彈牙的！食落好滿足！😝😝😝#hk #hkig #hkfoodie #hkfoodbloggers #hkfoodieshare

今日晏就大約4點約經過，肚又好餓，午餐都未食☹️☹️就決定隨意入牛魔王食碗飯衣衣肚😂😂咁我就叫左下午茶餐既咖喱薯仔豬扒飯🍛🍛$42加凍奶茶$2一上枱，雖然賣相都唔係好吸引，配料都正係得薯仔，但估唔到薯仔🥔🥔比想像中入味，而且飯既量都好多。多到雖然我勁肚餓，但都食唔曬😂😂咖哩係偏辣，唔係太食得辣既我就叫左小小辣，辣度對我黎講岩岩好。呢到既咖啡味道好香，配飯真係一流😋😋塊豬扒雖然得一塊，但同樣都係好鬆軟好入味👍🏻👍🏻杯凍奶茶都唔錯，奶味茶味都好足😋😋

雖然餐廳主打清湯腩河粉🍜不過下午茶不想吃太飽，所以叫了一份咖喱薄餅🤩🤩🤩咖哩汁配印度薄餅（$28）咖喱配薄餅，極具印度風味的吃法薄餅總共有2塊，size不算大，很薄，但口感一般，不夠煙韌咖喱汁有一大碗，對不太能吃辣的我，這個有點辣（後來才知道辣度是可以選擇的）咖喱汁夾雜了薯仔蓉，所以比較濃稠，味道偏酸，由於咖喱汁比較濃味，薄餅也比較油膩，搭配一起吃略嫌有點鹹及肥膩下次還是吃清湯腩河好了🤪

又到午飯時間，本身好想食金鳳但係條龍長到可以排到地老天荒。咁就唯有係隔離左近搵下好西食。由於心情係好想食湯粉麵飲奶茶，來一碗腩米又幾岩feel. 行入清湯腩見到個個都食緊牛既唔同部位，我呢啲選擇困難症又要諗一排。比姐姐催促下我決定試最切腩米熱奶茶。一來到啲腩唔太肥，係真係切腩位，夠腍又有味，湯底又清甜，好食。仲有重點係配兩件大大嚿既白蘿蔔，清甜無渣，好驚喜。泥到奶茶，估唔到到茶香奶滑，好好飲。加哂分！

忙咗成朝，終於有時間放啲嘢落肚。雖然附近都有好多選擇，不過要食個long lunch我又唔想😕 行吓行吓見到 #牛魔王 喺我面前，見有位就入去試吓啦！我知 #牛魔王 應該最出名食 #咖哩牛 嘅，不過每次食完 #咖哩 #小秘書 都會有啲消化不良、胃酸倒流嘅感覺，所以都係要碗 #清湯腩河 就算😋明明見 #餐牌 上寫住配飲品要加$7，我仲諗住慳啲飲水就算😝 點知阿姐話「嘢飲免費」㗎喎... 咁我就免為其難要杯 #豆漿 清清喉嚨啦🤣 #清湯腩河 好快就嚟到，我習慣上都會食咗 #白蘿蔔 先，嘩 入口即化、好好味wow❤️ 再飲啖湯... 好甜呀🥰唔通真係傳說中嘅牛骨湯？至於啲 #牛腩 呢... 我只可以話正常口味囉，可能我無其他食客咁腌尖，要求啲 #牛腩 要 #半肥瘦 、#肥啲 啦，我嗰份 #牛腩 就比較瘦囉 👉🏻👈🏻 不過整體上都係好味嘅👍🏻👍🏻

返工放飯食晏，行到去見到呢啲專食牛腩嘢呢啲鋪頭，之前荃灣食過類似，諗住應該都OK，就走左入去食今日午餐就有個清湯腩飯，就叫咗個試吓啦，一睇到佢哋上個飯，見到啲牛腩係順紋切，已經心諗伏伏地，食落真係韌到PK，而且肥瘦好唔平均好老實肥瘦呢樣野，你無特別叫真係賭一舖等開估，但順紋切真係好難去食，而且又唔係極稔or爽口好食個湯有少少鹹咗啲嘅，帶佢去湯飯攞嚟送飯就都OK，蘿蔔係好食嘅，夠入味，但個牛腩就唔係好掂btw啲阿姐都幾唔掂，又唔想人調枱，又唔一早講，係度吟吟噚噚俾說話人聽😅😅sor for 無圖

年尾時段，日日做到冇停手，總有食飯既時候，剛好2:30，最好去食下午茶，因為想快食，搵近公司的餐廳好了，今次想試新野，上網見到有間牛魔王，據聞清湯腩不俗，一於試下。 下午茶時段，除了清湯腩，還有好多選擇，比較平呀。 熱鴛鴦，餐飲，個面好多泡⋯⋯好耐冇飲過呀。 招牌清湯腩河，$42，牛腩份量適中，牛腩口感軟腍，有牛味，味道不俗，湯底清，河粉分量適中。 又多一個下午茶之選了。 灣仔春園街35號地下

突然好想食🐷潤麵所以黎左最近我又有啲名氣既牛魔王叫左個🐷潤牛肉麵碗麵上枱第一眼睇落都幾吸引既但係食落完全係兩回事🤷🏻‍♂️🐷潤overcooked無左應有既口感食🐷潤最重要都係呢樣但水準都比好多地方食到既好㗎喇個湯幾好飲😂

鋪頭叫得做牛魔王清湯腩專門店，點都要試吓佢啲清湯腩嘅。其實佢嘅番茄濃湯麵都非常之好食，唔會有茄膏係入面，非常足料👍🏾👍🏾👍🏾👍🏾不過太耐冇食蝦子撈麵，所以叫左碗蝦籽新鮮牛腩撈麵🤤🤤，加多杯豆漿飲都係$7蚊，埋單都係$60蚊左右，係灣仔黎講，呢個價錢都真係非常之便宜✌🏾✌🏾✌🏾蝦籽新鮮牛腩撈麵——唔駛5分鐘就黎到喇，上咪速度非常之快。佢既湯清清淡淡，飲得出係無味精👍🏾👍🏾白蘿蔔好腍，而且沒有渣，清甜可口。牛腩嘅份量比我想像中多，舊舊都好軟腍，而且有牛味🤤🤤

呢間係第二次來食，今次試左個「清湯牛坑腩飯」。清湯腩飯是跟飯分開上的，先試湯入口係幾清無味精感覺。蘿蔔幾甜好味道夠林。主食牛坑腩林度ok牛有牛味，入口有陣牛油香味既感覺，可能係有牛脂肪既關係，所以都幾香口。第二舊牛坑腩感覺有點肥。不過唔太清楚係咪正常肥，感覺都ok好食既，如果你喜歡半肥瘦既話。同場我朋友選食崩沙腩，感覺是瘦一點，如果唔鐘意食咁肥膩既人仕可試吃崩沙腩。如果喜歡食牛腩既朋友可以一試，應該會有點驚喜。

咖哩!真係會令人又愛又恨...愛佢既辛香惹味 恨佢要多汁食多碗飯!!脂肪是這樣練成的！今日同朋友又嚟！！叫咗五分鐘就有得食！咖哩牛腩，好淋好入味。叫左少辣，唔算太辣！每一舊都好腍!!腍到我係到諗會吾會放咗鬆肉粉...成碗好多件牛腩，牛肋唔係嗰D薯仔多過牛腩，真係成碗都係牛。牛腩肥瘦適中份量足！就算少辣都越食越辣，好惹味，送飯一流！又額外我地仲叫左一個飯要兩碗飯先夠...白飯也有水準，次次都軟硬度適中！

在湾仔街市这一片的茶餐厅里算是排名前列的（虽然好友们都说不好吃），开了挺多年了。招牌的清汤腩和番茄牛腩分量很足，白萝卜很好吃，汤底也不错。米饭给的比较少，个人饭量问题也没要求加，河粉，面之类的口味也还成，番茄牛腩面值得尝试。总体而言口味挺好，不比那些有名的牛腩店差多少。算是价格实惠量又足。店里的客人还是蛮多的，大多数是本地人。服务员的态度还凑合吧，作为常餐的选择还是挺好的，饭点的时候需要排队。茶餐厅就别要求环境了。