牛魔王清湯腩咖喱專門店

營業中

休息中

中午食飯 行過灣仔穩嘢食牛魔王清湯腩人唔係特別多周圍望下三個人就先去埋位🍜 🍜招牌清湯腩河粉講實話粉質數麻麻地不過清湯都好鮮 肉質都夠味確實肉味都係煮入到湯到🍲 🍲招牌新鮮牛腩我夾其他碗食冇食幾多粉我係齋食牛腩同樣冇粉味嘅話用料更扎實夠入味 大啖食肉吞湯好惹味

叫咗麻辣牛脷牛肚米線唔係我心目中想要的麻辣。似水煮，好油，但唔辣。好多乾辣椒阻住哂，口口咬到花椒，好唔爽。牛脷好多件，好好食。牛肚中規中矩，得3件，而米線偏硬同有啲細碗，食完好似冇食嘢咁，要再過對面權食多碗麵。總括，唔會再去。

呢碗所謂招牌嘅崩沙腩，口感竟然韌過香口膠，咬都到咬唔開，最後幾舊我直接放棄！喺灣仔同金鐘區食過最唔掂嘅崩沙腩，味道、口感都唔合格啊！大跌眼鏡。重點佢唔平，70蚊仲要冇嘢飲，同區粉麵店夠錢加杯凍檸茶仲有找。唯一覺得可取係湯底飲得，清清地。叫咗多蔥又冇多蔥。

去到lunchtime時間，經過見到唔駛排隊的小店就入左去試下他的招牌菜，清湯牛腩飯，d位小小逼但勝在上菜上得好快，甘可以慢慢坐係度嘆。清湯牛腩飯入邊牛腩幾有份量😛😛，半肥瘦岩岩好，煮得夠冧多入味，羅白可以再多d，個湯底唔會太咸，清清地送飯幾開胃。😙😙

今晚約左睇TeamLab 咁諗住係灣仔食完可以慢慢行過去。初頭諗唔到食乜，所以就碰運氣睇下xx咖喱有無位，當然，去到又係排長龍，咁為有睇下附近有乜新發現。就係見到對面‘牛魔王’，又見到係咖喱，咁埋入去試吓啦。我叫左個巴基斯坦咖喱薯仔牛坑腩飯，上枱時大大碗咖喱，同平時啲咖喱不一樣，佢啲汁比較‘𠎀’身，可能將啲薯仔打溶，心諗唔通有好嘢😅唔知係咪就收工（當時約8:10），啲咖喱只係比室溫熱少少，你哋話啲咖喱邊會有味😰。啲牛肉坑腩仲利害，完全腍到老婆婆唔駛咬就可以吞😡 咁嘅質素，真係連大X樂、大X活都好過佢。同抬有個搭枱，叫左個爽腩，佢都話未食過咁腍嘅牛腩😡

好好味！同事帶我去食好食嘅嘢，佢話呢間店都幾九歷史，都幾出名！個牛腩真係好爛，好Juice！牛肉都好大塊嘎！食過一次！第二星期又想吃！午餐來講系有少少貴！不過一次兩次都可以接受

最近要上堂，所以要食外賣，今次女朋友買左依間既清湯腩飯俾我。74蚊，我聽到既時候覺得外賣黎講有啲貴，但佢標榜用新鮮牛腩🐮，而且打開既時候份量有啲嚇親我，真係好多，唔係出面堂食得4-5舊牛，食落都差唔多有10舊。牛腩偏肥帶筋，入口有油香，係我鐘意既部位。不過睇相可以見到D肉有啲散，分開左啲肉絲，會攝牙，有少少扣分。個湯頭都清，有牛味，不過因為外賣所以唔夠熱。我加少少佢地既辣椒油🥵，辣椒油夠香同惹味。令到牛既味道提升左一個層次。整體都滿意，雖然價錢少貴，但新鮮牛腩嘛，下次會想試下堂食。

香港地仲買新鮮🐮腩 有齊晒寶通牛腩 坑腩 爽腩 崩沙腩真係唔多既好耐冇過嚟 所以今次點左崩沙腩咖喱飯 先講佢嘅咖喱汁 係有得揀辣度🥵/🥵🥵/🥵🥵🥵 然後個汁係搞咗啲薯仔溶係入面 所以杰杰地 幾特別 跟住講牛腩 崩沙腩係半肥瘦 再黐住一啲白色膠喉部份（屬於爽腩，但又冇咁肥）所以肉質會好淋 好嫩 每一牛腩嘅肉質紋路分明 一絲一絲 分量都幾多 如果嘗試新鮮牛腩 呢一間係唔錯嘅選擇 當然就唔好睇價錢啦🤣飲品簡單叫咗杯凍奶茶走甜 中規中矩 正常發揮 牛腩先係重點

飯腳係牛腩愛好者，是日佢話好想食牛腩湯面，我地就去左呢間標榜用新鮮牛腩製作既牛腩專門店試下。午餐時間大約1245到達，等左5分鐘就入得。可能因為用新鮮食材， 食物價錢都比較普通粉面店貴，一碗清湯腩面76蚊, 加凍飲10蚊。我就點左牛腩蝦子撈面， 牛腩有6件，份量都可以，蝦子面幾香, 味道正常，但牛腩相對失色， 雖然話食到新鮮牛肉既味道, 但肉質太乾。下次試下咖哩會唔會好D, 用汁煮可能冇甘乾。總括而言，味道OK, 但價錢偏貴。

吃了很多餐厅，最后发现往往街边朴实无华的小店才是蕞令人惊喜的！店名牛魔王清汤咖喱专门店，一看就知道什么是招牌了🤣店面比较小，基本上都是本地人，说明确实不错👍🏻老板和老板娘服务态度都很好！还跟我讲普通话而且这类食材看起来简单，实则找到这么新鲜的牛肉食店是很不容易的！-📌招牌清汤牛腩💰75必点！牛腩是蕞佳比例肥瘦相间，肉质鲜嫩爽口，一点也不觉得油腻，底下的白萝卜清甜，喝一口清汤绝了！既有萝卜的清甜又有牛肉的香味📌咖喱薯仔牛腩饭💰78香的很！浓郁咖喱味十足，可以自选辣度，爱辣人士好评👍🏻牛腩炖煮后更软烂，土豆入味好吃😋📌炸云吞💰46香脆可口，满满的馅料，是虾肉和猪肉，难怪吃起来q弹爽口，蘸上酸甜酱美滋滋📌麻辣牛舌💰509块牛舌4块萝卜，淋上麻辣酱汁很不错，牛舌软嫩又有嚼头

呢間舖頭一向都係以快靚正出名簡直係響嗰頭返工嘅人嘅恩物以咖喱同埋牛腩出名一向到水準保持我耐唔耐都會嚟幫襯咁啱嗰日又經過開呢頭諗住衝入去番兜真係有啲失望成兜咖喱冇乜肉薯仔就大把同埋啲味都冇以前咁好希望佢哋作出改善

今日專登來朝拜，聽見咁多好評，咪走來試吓個咖喱牛腩飯…掂呀！好好味，我下次再來試崩沙腩，侍應好有禮貌，俾個讚佢、我係專登來灣仔試的，不過食唔晒要打包😅，俾我屋企人試吓👍

係灣仔工作，想食牛腩都會諗起 新景園對面既牛魔王不過有幾個月無幫襯，自從加咗價其實都唔使再諗我係外賣自取貪佢性價比高，如果一餐唔大食，叫份清湯腩飯，起碼有三分一可以帶番屋企做餸之前既外賣價係65元送汽水或豆漿，飯餸份量叫多。剛剛又去叫咗同一款飯， 牛腩由之前切到6-7件加兩舊大蘿蔔，到依家只係得番5件，搭兩片唔會食落肚既肥膏，下面三件大蘿蔔墊底，收75元唔送嘢飲，但有九折，折後都要68。咁既價錢咁既份量實再太貴眼見中午時段堂食係坐唔滿，同之前人流旺真係差好遠

黎到灣仔春園街，大家一定有經過見到既一間餐廳今次冇食到清湯腩，食左都多人叫既巴基斯坦咖喱飯（可以自選辣度，叫左小辣）非常濃郁嘅咖喱，香氣十足，食落開胃唔會太辣，送飯一流呀🍛環境同一般茶記差唔多，價錢方面喺灣仔來講亦都算係親民，仲可以多飯TＩＭ你睇下張相多飯到～好推介大家黎試吓🤤------------------------------牛魔王清湯腩咖喱專門店🚦灣仔春園街35號地下環境: 🔥🔥🔥🔥 (不錯)味道: 🔥🔥🔥🔥🔥 (好味)價錢: 🔥🔥🔥 🔥 (茶記)評分: 4/5------------------------------

今日係灣仔會展做完野，黎到灣仔就心思思想黎食curry，因為呢間啲咖喱真心好鬼正😂😂👏🏻。今次叫左個「咖哩薯仔豬排飯$61」另轉印度薄餅 +$10，有別於平時嘅港式咖哩或者日式咖哩， 椰汁唔多，不過就有好濃郁嘅洋蔥香味。 咖哩汁較為杰身，入面混有洋蔥，蒜頭，薯仔蓉粒。豬扒煎過好大份又好食，配薄餅真係好正。。另外呢度既牛又係好鬼正，「新鮮牛坑腩麵 $61」轉伊面 +$6，豐厚的牛腩肉與筋膜相連，腩肉新鮮軟腍，筋膜入口滿是甘香。。另外「蝦籽雲吞魚片頭撈麵 $66」蝦籽撈麵超惹味又大碟，必點之選。。