牛魔王清湯腩咖喱專門店

營業中

休息中

現在於香港能食到正宗清湯腩的地方買少見 少，牛魔王是我由灣仔捧場到元朗的最愛小店陳設簡單，但坐無虛席，午膳時間需在店外排隊入座主打招牌清湯腩及巴基斯坦咖喱，也有麻辣米線、蝦籽撈麵及中西飯類等供應最近還多了秘製潮汕沙嗲醬肥牛，真正家鄉的味道招牌清湯新鮮牛腩湯底以大量牛骨、豬骨、雞殼及十多種秘製香料熬上十小時每天鮮製而成，過程中沒有添加任何調味料，湯頭清甜鮮香牛腩則用超過十種材料調配的秘方燜煮兩小時，不同部位再進行兩小時的慢火煨煮，每件牛腩腍身又入味上湯粉麵可選河粉、米粉、麵、米線或粉絲！伊麵麵條充分吸收上湯，吃起來有口感巴基斯坦咖喱薯仔牛坑腩飯辣度剛剛好，牛坑腩鬆軟好吃巴基斯坦咖喱特別之處是加了洋蔥而不是椰汁，特別惹味可口可樂凍檸樂系列跟餐加配只須$15，還有無糖選擇加$10可有凍飲，香滑奶茶口感絲滑，減低飽腹感卻不失茶味

晚上的灣仔最出名莫過於囍帖街，但係囍帖街隔離有條街叫春園街，想食地道正宗的香港美食，一定非呢條街莫屬。牛魔王清湯腩咖哩專門店幾乎每個月都會去光顧，除了美食遠近馳名之外，仲有濃厚的人情味。牛坑腩係必食，要嚐真牛坑腩的嫩滑和香味，首選一定是清湯！熱心的店員提醒我，一定要揀「加料」清湯腩麵，因為牛坑腩的份量會多好多，上檯果下我呆左，大大滿足了我要吃好多好多牛腩的心！咬上口香軟糯，香濃的牛肉味，我幾乎連湯都要飲埋！ 麵底彈牙爽口，不過牛坑腩最吸引！食埋咖喱，今次就揀左 牛筋，咁大個女都未試過食咁多牛筋，香濃滲透濃濃的咖哩味，咬上口滑嫩有咬口，餸飯一流！咖哩魷魚的咖喱會比較淡一些，魷魚的爽口配上小小清辣的咖哩，簡直是小食中之首選。

嚟灣仔電腦城買零件，搞掂過咗去利東街附近行下，順便食埋晏先返屋企。路經春園街，見到呢間「牛魔王」有清湯腩又有咖喱食，幾吸引，一於試下。餐牌有很多選擇，除了主打嘅招牌清湯腩同巴基斯坦咖喱外，連麻辣米線、蝦籽撈麵同中西飯類等也有供應。點咗客招牌清湯新鮮牛腩 ($142/中)，原來呢度嘅牛腩可選肥啲、瘦啲、淋啲、走蔥或多蔥等等，取中庸之道，揀咗半肥瘦。湯底味道好清甜，濃淡合宜，香料味鮮明悠長。牛腩炆得非常入味，口感爽中帶腍滑，肉質有彈性，加上以新鮮牛腩炮製，食落牛味好香濃。蘿蔔吸收晒牛腩嘅精華，清甜多汁又無渣，腍度亦啱啱好，唔會一夾就爛。餐廳除咗主打清湯腩外，仲有另一名物：巴基斯坦咖喱，一場嚟到，當然要試下。點咗個咖喱薯仔牛坑腩飯 ($77)。咖喱可因個人喜好挑選辣度，有小、中、大，同狂辣可供選擇。咖喱汁略為杰身，但質感完全不油膩，入口香辣有層次，用嚟撈飯食，挺開胃。坑腩肥瘦適中，肉和相連嘅筋膜有咬口又唔韌，食得到牛腩嘅纖維，加上油脂融晒入咖喱內，與粉腍微辣嘅薯仔同吃，極為惹味！跟飯配熱飲+$9、凍飲+$10，而特飲就+$15。另外仲點咗個淨雲吞同蠔油芥蘭，雲吞用料新鮮，外皮又薄又滑，入面嘅

本人好笑少寫食評，但為所其他人中伏，所以都寫一寫。今晚想去新景園食咖哩豬扒，但要排隊，金鳳又關咗門。便係附近食咗呢間垃圾食店。清湯牛腩麵，牛腩完全唔淋仲有渣，鹹檸蜜甜過糖漿，員工態度極差！奉勸各位千祈唔好嚟！

📍#牛魔王清湯腩咖喱專門店 #牛魔王#MFJ灣仔 #MFJ中菜 #MFJ港式人均消費: HKD63春園街有間幾顯眼嘅清湯腩咖喱專門店，訓醒突然好想食麵又走去試下！餐廳比較迫，但食物選擇都選多，價位係灣仔算平！🆗 金牌咖哩牛腩麵 $56望落好濃郁嘅咖喱，食落去又唔算好濃，但都幾香口！ 牛腩好淋，味道幾唔錯，但唔係必食嘅level！ 湯麵可以，我就揀咗咖喱撈麵咁食，反而仲正喎！牛魔王，定清湯腩，定咖喱，我覺得3樣都唔算好特別😂 不過以依個價錢係灣仔，算係唔太差，但唔到叫專門店嘅水準#mfoodjournal #instagfood #foodstagram #hkfoodstagram #foodie #hkfoodie #foodblogger #hkfoodblogger #foodblog #hkfoodblog #chinesecuisine #chinesefood #hkfood #noodles #beefbrisket #curry #相機食先 #灣仔美食 #中菜 #牛腩麵 #咖喱

老闆同客人講想要自己坐就返屋企食為了遷就一行五個客人強迫食客搬去另一張枱還要跟客人說如果不滿意就走這種服務態度, 就算食物有多美味也只是徒然垃圾!!!!!!!!!!!!!!!!!!!!!!!!!!!!!!

午餐路過 好似好耐冇食過清湯牛腩~再加上羊群心理 見到佢好似一直都有人出出入入咁 都應該唔錯啦！夥計好熟手 咁安排座位，配合好好咁 收銀姐姐又幫我點單！ 我叫左爽腩 但係 真係肥左d~ 不過 又件數都好多咁！河粉都幾滑！

尋晚餓餓地，又唔想返屋企煮，咪係公司附近買個外賣，叫左個清湯腩飯，原來牛腩可以要求爽D淋D或瘦D，我選擇左淋D，返到屋企打開黎食，牛腩好多，又夾住幾舊好入味羅白，味道清得黎又香，下次一定再幫襯

未到午飯時間，見到唔洗排隊，就衝入去食個早餐先。地方不算淺窄，不過如果坐滿人應該比較逼夾。衛生環境都OK。然後叫個沙嗲牛肉麵餐，點知賣哂，落單哥哥問我轉唔轉鮮牛肉麵餐，我答好，離遠的老闆娘聽到，話收我沙嗲牛肉麵的價錢（$35），轉鮮牛肉麵餐（$39）比我，不用加錢。👍🏽鮮牛肉肉質剛好，唔會太冧，亦唔韌。湯底反而比較略為咸咗一點。火腿奄列，正常非常多種類及湯麵的選擇。亦有小食及飯類不止牛腩，還有口水雞。

琴晚🐻又嚟搵也米食晚餐，突然想食港式地道嘢，於是我哋去咗依間專賣清湯腩同咖哩嘅餐廳😙。一入到去，店員都好好咁同我哋講邊度好坐啲同埋想叫嘢食就叫佢，點餐嘅時候，店員講嘢都好風趣幽默，超貼地💛。-🍴香滑牛坑腩河粉🍜($55) - 超有驚喜🤩！湯底唔係味精湯，有少少牛味之餘，仲有蘿蔔嘅鮮甜🥕，味道唔會太淡或者太濃。河粉偏向幼身，就算只係湯同埋河粉都覺得幾好食😋。牛坑腩有啲半肥瘦嘅概念🧐，爽身但唔會好硬，每舊都一樣高水準👍🏻！蘿蔔煮到好淋，有一舊大大舊，識落冇太多嘅調味，仲食到蘿蔔原本嘅味道。-🍴咖哩薯仔牛坑腩飯($72) - 咖哩係餐牌寫明係巴基斯坦咖喱，都幾濃味，不過唔係好食得辣🌶嘅🐻仔都食到，咁應該唔係好辣🤣，入面仲有啲薯仔，炆得唔算好淋😗，牛肉就同也米一樣係牛坑腩。整體嚟講，都係牛坑腩河粉好食啲😋！-🍴熱阿華田、凍檸檬茶(凍飲+$2)

最近新搬office，這間就在樓下初嚐是揀蕃茄牛肉豬潤米線，蕃茄好足料，應該有足足一隻，牛肉同豬潤都煮到剛剛好，滑嫩後來就經常點外賣啦，5分鐘已經可以取餐！試過牛腩河，口水雞飯，樣樣都好好食，用料都新鮮不過堂食就沒試過喇，外賣推薦

坊間有好多牛腩專門店，灣仔嚟間是我心水之一。牛腩好掂之餘，原來咖喱都吸引我成為粉絲。聽講係老板娘經驗累積十幾年出來的味道。新鮮牛坑腩河粉牛坑腩肉質非常軟熟，肥位不多，就算有少許肥位，沒有膩感，反而甘香無比。好喜歡配菜白蘿蔔，腩汁精華盡入其中。咖喱牛腩咖喱汁濃度適中，惹味十足。薯仔，牛腩都溶入其中，正👍。伴飯一流。炸雲吞即叫即炸，脆卜卜，餡料飽滿，口感豐富。羗汁薏米水最啱濕濕粒粒嘅天氣，飲後好舒服。

諗住去個月名叫牛魔王好好食， 試下外賣一盒咖哩牛腩飯， 點知一返到去見到 啲牛腩碎濕濕， 好似全部唔要嘅牛肉 頭頭尾尾整成， 同期望中嘅咖哩牛坑腩飯差好遠， 仲要$73， 又貴又唔好食， 好失望！

灣仔午飯時間，而家少咗堂食，買外賣超級多人。今日冇目標咁向春園街揾下食乜，見到呢間清湯牛腩，就叫咗碗佢哋嘅招牌雙寶河，就係牛腩拼雲吞，返到公司啲湯仲好熱，牛腩都好林，而且唔唔會好多肥膏，食落唔會韌同起渣，鮮蝦雲吞啲蝦真係爽嘅，仲有舊幾大舊嘅蘿蔔添，蘿蔔都好好食，感覺啲嘢係新鮮。佢嘅牛腩有牛味但係唔會好鹹，係少少偏淡，但肉味好食，我仲可以自己點少少粗鹽非常好食，很怕吃到一些又鹹又韌。感覺總體來講啲肉係好新鮮而且啲河粉都好滑，唔會斷開一截截，啲湯都幾清，所以如果下次想食清湯牛腩我都會再去幫襯。題外話，因為叫外賣時可能跳咗幾張單都未到我，問左一次單，之後即刻同我跟返，好快比外賣我，仲送咗杯豆漿過我飲，但冇影響我給食評架，真係食到佢D料好新鮮，味道偏清，不是濃味牛腩。

光頭地中海叔叔可以換左佢，唔該！叫外賣啫，呢位叔叔完全冇耐性，仲要係咁催趕客人，明明間鋪頭完全冇人！叔叔自己落錯單，仲要惡人先告狀，話俾返錢你未得囉。疫情底下，個個都想食得開開心心，但咁做生意真係唔得！