牛陣 (愉景新城)

營業中

休息中

本來心情好好，一心諗住食餐好少少，揀左特選黑毛和牛，點知開始再之後等左十分鐘都冇黎，話未解好凍，追多次之後就有咁既樣出黎（如圖），幫襯左咁多次，每次都好評，依間荃灣店真係比佢打沉晒！一d牛肉味都冇，個賣相差到冇人有，如果冇好既，我會㨂黑豚肉就算！唔知果日係咪冇經理👎🏻👎🏻👎🏻👎🏻，人影都冇，全靠一個戴眼鏡的女trainee好努力先平息返我少少👍🏻好！我忍住食！ 成日人肉宣傳牛陣好，估唔到有咁既報應，真係好野！好肉酸！冇牛肉味！

仲有二十日就考畢業試，呢排日日困住喺屋企，就黎腦爆炸🤯🤯🤯 呢晚家姐專登約我出愉景新城食牛陣，等我鬆一鬆。原來牛陣而家有壽喜燒食，食前個staff仲過左黎教我地點整會好食啲同冇咁易燶，都幾細心👍🏻枱面亦有個牌教我地日本正宗壽喜燒製作方法，好簡單！啲人話壽喜燒係日本人喺喜慶節日先會食，好啦，咁呢餐當預祝我成功畢業啦！🤓日本和牛真係冇得輸，油脂分佈靚，亦冇切得太薄，燒完都保留到肉味同口感。我幾中意佢地隻「壽喜燒甘露」，帶丁點甜味，蘸肉食好正！！Encore兩碟和牛都係為左個汁😍另外牛舌切得薄身但口感超正，食落亦好香肉味，我地都encore多1次！另一重點係喺鍋度燒完啲肉，可以撈埋生雞蛋食！蛋漿沾滿成塊肉片，好好食🤤🤤個餐跟嘅蔬菜盤都幾大份，食唔哂亦可用黎吸油，或者留番加湯打邊爐嗰陣食！😂 好耐冇黎，佢地個邊爐湯底原來係用鰹魚湯，清清淡淡，唔覺有味精，幾驚喜👍🏻👍🏻黎得牛陣就梗係要食埋häggen dazs先走啦！呢晚有花生脆粒味，食落脆卜卜，超開心！😍😍😍

一向去滾都係食中式打邊爐， 日式打邊爐就淨係識去牛涮鍋， 今次經過荃新天地見到佢嘅價錢好吸引， 於是就第一次走入去食啦。兩舊水有找有豬有牛都算係咁啦。嗰啲牛都唔差㗎 好似牛涮鍋嘅自選火鍋， 菜嘅選擇都好多， 基本嘅粟米，蘿蔔，冬瓜都有。最特別嘅係有羽衣甘藍， 呢啲菜真係唔係熱門。 原來都有好多高質素嘅 貢丸，墨魚丸，白魚蛋， 同埋芝士魚蛋。 菇類都好誇張， 金菇，秀珍菇 ，雞髀菇， 冬菇仲有一啲我唔知咩名嘅都有。基本上真係好多嘢食，唔需要叫一啲貴嘅牛同豬。呢張相都話咗畀你聽有咩plan。

最近好多朋友去完日本旅行， 聽咗好多旅遊經， 原來日本嘅文化壽喜燒代表慶祝嘅活動， 差唔多到情人節， 壽喜燒下先fd介绍就一定係牛陣啦， 因為湯底冇味精用料又新鮮， 今次試過329 和牛任飲任食， 仲有h牌雪糕、任品飲品……睇到呢個牌埸已經好日本啦， 食壽喜燒都有次序， 首先要將雞蛋放喺碗入面先， 燒熱隻鑊炒下牛脂肪， 加入京蔥洋蔥， 之後再按自己喜好加入壽喜燒甘露， 再加埋蔬菜和牛同埋鏗魚汁， 咁就完成咗最好味嘅壽喜燒。和牛真係好靚呀， 肥瘦分明， 亦都好新鮮， 牛舌好爽口 ，海鮮不過不失， 全部任叫任食。符合自己食物自己煮原則， 有得玩有得食。有咗小朋友後都有工人幫手， 今次重拾初戀， 好有煮飯仔feel。除咗和牛海鮮外， 蔬菜類、菇類、丸類、 面麵都好多選擇…… 款式種類多不勝數。 身為邊爐達人， 佢嘅丸類都好高質， 我試咗墨魚丸、貢丸、魚蛋都好彈牙， 蔬菜類我好鍾意佢有冬瓜同窩筍， 索曬壽喜燒啲甜汁，十分入味。過年食得太多糕， 日日食到好悶 ，今餐食到好飽好飽。btw, 呢度嘅服務員都好有禮貌，每次落order都好細心， 每次落完柯打好快送到 ，食都唔使趕頭趕命 ，超讚……埋單

朋友生日請佢食牛陣，揀左$289黑毛和牛套餐，店員話哩排做緊壽喜燒推廣，而壽喜燒在日本喜慶節日會食。餐廳好大，可以容納大家庭一齊去食，裝修亦好多木製成品。壽喜燒教學，將鑊沾上肉既油脂煮熱，再放肉類煎熟，就可以食用，如果食到咁上下，就可以加湯變成打邊爐一樣。牛舌，切成簿片功架十足，食落好爽口。和牛，超重牛味，而且好腍。豚肉，一樣好軟腍。每位會送一隻生雞蛋，用黎當作醬汁，將肉類沾上蛋汁，更滑更好味。轉左打邊爐，將食物放晒落去煮熟。火鍋配料亦有好多選擇。有哈根大師任食，提供左4種口味，有我喜歡既焦糖脆餅，食左好多球雪糕，認真爽。

今晚和朋友慶祝生日，天氣凍最好吃火鍋，就朋友在荃灣，於是去了這家在愉景新城內的牛陣。發現餐廳正在推廣壽喜燒，正宗壽喜燒在日本是高價位的餐品，所以日本人一般只在特別日子才會吃，今天為朋友慶祝生日，於是決定選擇$289的日本產黑毛和牛套餐，可以免費升級至壽喜燒鍋底，同時又可以任食和牛。餐廳貼心的為第一次享用正宗壽喜燒的客人介紹壽喜燒的食用方法。日本產黑毛和牛日本產黑毛和牛果然不同凡響，雪花紋理清晰，分佈均勻，口感軟腍，入口帶著油脂香氣，牛肉味濃郁，吃完向侍者下單後就立即送上。壽喜燒配料有齊傳統壽喜燒的配料，例如京蒽、春菊、冬菇、燒豆腐等，料精而鮮。先以和牛脂肪加熱逼出油份，再將京蒽和洋蔥下鍋炒香。然後再放入和牛，輕輕煎烤到略帶粉紅色，加入少許壽喜燒醬汁，再夾起放到裝了日本產生蛋液的小碗中食用，一來可以微微冷卻剛烤好的燙口牛肉，二來是要緩和濃厚的壽喜燒醬汁，入口更嫩滑可口。吃夠以壽喜燒醬汁半煎烤的牛肉後，可以加入鰹魚清湯作火鍋，同時將蔬菜配料全數加入，可以減輕瘋狂吃肉的飽膩感。火鍋的和牛亦有另一番風味，醬汁味道淡了更能突出和牛自身的味道和香氣，同時亦更軟嫩，但切記不要過度加熱牛肉，如果煮太久

我們點選了日本產黑和牛，因當晚是除夕晚，所以價錢為$329/人。上枱時會先提供牛舌及豚肉各一份，按照個人喜好可以跟職員要求refill。-一坐低上枱的牛已經唔靚了，脂肪分佈差，而且有筋，硬著頭皮把頭兩碟吃完，Refill的兩碟更差，也許當日來貨的牛肉品質不太好。(吃Hotpot放題也要碰運氣)-----這樣的品質我們2人最後只吃了3碟半牛，寧願食魚蛋及蔬菜，也不想再吃牛了。埋單$329x2+10%Service Charge=$723.8-只能說一句不值得。

今日元旦，周圍都超多人。見到呢間牛陣不太多人。就來食下放題打邊爐叫左個雞湯底，估吾到真系有生雞件，幾好叫左澳州穀飼牛肉及豚肉，飲品任飲，雪糕🍦，仲有蔬菜類系外面，可以自己拎整體來講，都幾好重點系服務態度非常好員工好有禮貌，而且知道我地食夠800蚊，仲專登幫我地落去商場服務櫃臺拎商場入會申請表下次會再來食

過咗lunch hour，又唔想食下午茶餐，我同朋友選擇中午嘅牛陣放題， 我哋兩個都係牛魔王，我朋友又食得辣，所以叫了一個勁辣嘅麻辣火鍋湯底，估唔到呢個湯底，自係唔錯，而且中午放題價錢十分抵食！除咗出面自助吧有很多蔬菜可以選擇 ， 其中佢嘅咖哩牛腩，味道真係很香，不算太辣，日式咖哩甜甜地 ！仲可以飲食雪糕！我哋主要都係 食shabu shabu， 再揀一些自己歡嘅蔬菜，例如冬菇、豆卜 ……今日發覺有皇帝菜，不過可惜粗糙了一點！我要來來回回來了四至五轉牛， 真係不停咁食， 中午放題都係百零蚊抵食！

日式火鍋既好處，就係人少都可以進食，所以呢晚到荃灣睇電影前，到左愉景新城既牛陣食晚餐。當時店內人數唔太多，等左一陣就可以入去啦。店員介紹，套餐有唔同牛肉類型同來源選擇，當中就會有不同價錢。今期牛陣全新泰國主題，可以DIY冬蔭公鍋。所以就揀左$219澳洲上級長期穀飼牛套餐。店員問我地想自己DIY美人鍋定由佢幫手，我地當然自己DIY啦.。首先就將一小塊和牛脂肪放入鍋裡面，煎佢幾下，逼曬D油出黎，再均勻抹於係鍋底。然後放香茅、草菇、芫荽、指天椒、泰檸葉、蝦同魷魚入去炒。再倒冬蔭公湯入去煮滾。店員提我地滾起後擠上青檸汁就可以。用冬蔭公湯底來打邊爐我都係第一次。最令人驚喜係可以食到冬蔭公湯的味道而又不辣。非常合我們心意。湯底滾起了，首先當然食主角牛肉澳洲牛肉稍為在鍋底滾幾下就可以食。唔洗點豉油, 已經好夠味而又有牛味。索埋冬蔭公湯，非常好吃。套餐除左牛肉，豬肉、牛舌、海鮮同數十樣火鍋配料都係無限添加之外，野飲同啤酒都係任飲架，非常有質量，值得推介。佢仲有個沙律區等你可以自製青木瓜沙律，配料齊全，好過癮！甜品方便，佢有Haagen-Dazs雪糕任食，口味有4款，士多啤梨、芒果，朱古力同夏威夷果仁，

荃灣這一間牛陣已吃過好多次，但是我每次都沒有寫，是因為我懶?還是好吃得沒有時間影相?連我都矇痴痴傻豬豬。令我終於拿得起枝筆寫(應該話用飲奶的力來打字)的一個原因，那就是無限飲品放題，這個有點兒刺激我。因為我選擇的是$179放題套餐，牛陣最低要求也只是$159，雖然我對牛的質地沒有太大的要求，但是$179有飲品放題喎，所以，我也就慣性地選擇$179套餐，沒有一點兒腦汁滴到枱面，只是這一次，我就像一隻一直睡著的龍酥醒了，猛然發現，原來加了$20的飲品放題，我需要飲4枝才能回本，但是，如果我狂隊4枝的話，我基本已經是飲飽，而不是吃飽，那我如何能在牛牛身上回本，這就形成想不透矛盾的悖論。究竟我揀飲品定牛牛，This is a question.最後我決定叫多幾碟同飲多幾罐飲料。但當我叫飲品時，卻面對著眾多的斷背山，因為侍應們只是用背對著我，最後，我舉了太耐，也沒有人望到我，所以我決定不舉了，口裡吟吟唱著：“是但啦，算數啦，無野啦，你唔理我啦。”由此我就同女人說出一個驚天地泣鬼神的想法：我建議所有餐廳都應效法薩莉亞餐廳，配置一個中心鐘，女人問我有甚麼分別，我就說因為他們只須望一個方向就可以了，而

剛剛從泰國曼谷回來，食了很多精美的泰國菜，回到香港也非常回味，突然想吃泰式火鍋，冬陰公湯底令到肉質變得更加入味，想起也想吃，上網搜尋發現牛陣新出冬陰公湯底火鍋，即刻約上三五知己去食！首先佢會俾咗一堆配料，例如香茅、辣椒、蝦乾等等，讓你在鍋中炒，讓味道蔘出，再加入特製的湯底，整個泰式冬陰公湯底就出現了，好玩又好吃！食冬陰公，點可以冇菇菌類呢？除咗湯底有的草菇，我仲加入左好多菌類，同時加入大蝦，餐廳很好，推出任食海鮮，冬陰公會海鮮就最適合不過了！我哋叫咗澳洲上級穀飼牛套餐，牛肉半肥瘦，油脂比例一半一半，但冬陰公湯底又令到肉類的油膩減輕，配合得非常好！最令我驚喜當然係佢嘅啤酒都係任飲，除咗有泰國的啤酒，仲有日本的asahi！當然仲有雪糕飲食啦！佢哋仲新出一隻芒果糯米飯雪條，入面真係有糯米架！三五知己想食個簡單又好食嘅火鍋，同時又想感受泰國食物酸甜辣都包含嘅湯底，呢度一定係個好選擇！

愉景新城三樓有間牛陣，寬敞舒適，空間大搵位容易，招呼又好，特別係近期推出泰式冬陰公湯底，DIY 製作，料靚又好味，，真係值得推介一下👍泰式冬陰公湯底，所有配料排放整齊，店員會教你如何起鍋加料再加湯，夠曬氣fun 。牛肉、豚肉品質不錯呀，仲有生蠔，凡立貝、吊桶仔可無限追加，多種飲料選擇都係$218.-一個價錢，我就真係覺得好抵👍👍👍自助火鍋吧，配料排放整齊，芝士豆腐，魚蛋，雜菇蔬菜多的是，最特別嘅係有羽衣甘藍、秋葵、泰式毛茄仔、飛天通菜竟然都有提供。食飽肉肉，飲飽汽水，沒想到還有特色甜品，芒果糯米飯雪條，冰棒不太甜，又有芒果又有椰子香，冰了的糯米就像西米，好味又盞鬼😍😍😍以前都食過牛陣，今次這個冬陰公系列，泰式風味真係好味到震👍👍👍

星期日同友人去荃灣行街，去到愉景新城，見5點幾，就諗住不如食左野先。見宜家天氣開始涼涼地，就決定打個邊爐，食牛陣。本身諗住平食牛陣，食$159個套餐，但店員話比我地知$179以上嘅套餐先可以任飲飲品，咁我地最後揀左$179，限時食90分鐘。然後叫埋豚骨湯底。出去夾配菜，有好多選擇，基本上有嘅佢都有，菜方面最特別嘅係有雨衣金蘭同秋葵。肉方面有雞柳同魚柳。熟食方面有青咖哩牛肉飯，係我嘅最愛上菜嘅速度好快，喺我出去夾配菜嘅同時已姐上好湯底同埋一碟牛一碟豬。飲品係有一張餐牌任點，要叫侍應幫手點。啲牛同豬都好好食，好有香味，好食過以前所有任食牛火鍋嘅牛。但我地兩個人唔知係咪太細食，牛豬各兩碟就夠，值得一提嘅係所有配菜都好好食，同埋好新鮮。雪糕有 Haagandaz，有4個味，仲多選擇過去食自助餐。食埋雪糕就抵返哂，又捧住個肚走啦。整個用餐過程都好愉快，因為侍應都好細心同埋好有禮貌

今日去愉景新城探完B，去左牛陣醫肚。 一坐底，店員推介泰式火鍋-夏之美鍋，包任飲&有芒果雪榚，計一計都ok，又見店員姐姐咁落力介紹，就試下。火鍋湯底係DIY , 店員姐姐放好材料&湯底就會詳細講解點煲湯底，自己親手去整個湯底都幾有趣：落左肥豬肉入鍋熱溶佢，迫油出黎。之後放入泰國配料&配菜入鍋炒熟。炒熱之後就可以放湯底待煮熱。等湯底熟個時，就去左拎其他野食，一排冇黎食，部分蔬菜換左新款，有羽衣甘藍、蟲草花，仲有響玲！ 其餘都係蔬菜、丸，選擇多樣又新鮮。返埋位，豚肉、牛肉&牛舌已經在枱上，可以一次入哂鍋♨️ 。冬蔭公湯底好正，未落肉個時都飲左兩碗先落野食~為配合泰式火鍋主題，仲有個corner位卑客人DIY泰式沙律，仲有水牌教你點自製，好細心。食到飽，都已經食唔落Haagen-Daze雪榚，叫埋單時，店員送上糯米飯芒果雪條，好香芒果糯米飯味，仲要有粒粒糯米飯在雪條內。