牛陣 (愉景新城)

營業中

休息中

2日1夜大陸遊結束. 直通巴士直達愉景新城, 又到食飯時間, 就緊系食埋飯先回家啦. 7點到達愉景新城, 食飯時間, 好多食市都要等.......其實之前一直都想試牛陣既. 但每次都系2個人又好似冇乜引, 今次一行5人. 而佢又唔洗等位. 所以就佢啦, 再加上見到佢凡惠顧$219或以上的晚市放題, 就有得無限享用 ~ 廣島蠔, 帆立貝同埋原隻魷魚仔因為系放題關係,同枱所有人都要叫同一款肉類套餐. 我唔食牛既, 所以同枱朋友都因為我的關係.選了一個不太貴的套餐而又系 $219以上的. 咁就有海鮮食啦 我地叫的套餐系 $219一位. 咁就有牛啦, 豬啦 (不是黑毛豬)  同埋海鮮了, 好似系澳洲的肉. (偏偏唔記得影自己食果個餐的餐牌)成個餐不過不失啦. 唔叫得出色.飲品任飲唔系新奇的事. 連ASAHI 啤酒都系任飲就真系驚喜喎. (去過其他火鍋放題系要每人加幾十蚊的)不過佢就唔同其他地方, 任你自己系雪柜慢慢選啦. 系要睇餐牌再叫佢拎.最後甜品時間. 竟然系 Haagen-Dazs 雪糕任食, 不過佢就唔系杯裝的, 而家筒裝. 因為受歡迎而且又太難"筆"啦. 女仔大人都攪佢唔掂, 搵個男

算是cp不錯的連鎖任食火鍋店 而且服務,環境衛生都好不錯👍其實最吸引的絕對係任食Haagandaz 仲要係特別嘅味道 唔係hea你😎.🐮壽喜燒套餐$289 需加一🐮主打先吃日本黑毛和牛壽喜燒🍖之後加鰹魚湯成火鍋🍲🍲和牛質素不錯 4個人食咗15碟有多😍😍柔軟不乾柴 牛味頗重🐮店員建議用帶甜嘅壽喜燒汁燒/沾蛋汁🍳但我地4個都鐘意單吃燒牛肉 更香口呢😌套餐還包任食海鮮盤(蠔 帆立貝 魷魚🐚🐙) 意想不到咁高質 蠔好甘甜👍👍飽滿juicy添了5盤😎.甜品有任食Haagandaz😍😍仲要有花生醬味 超級正 食咗10球以上 感到回本😂😂.自助配菜亦多選擇💃特別的有羽衣甘藍, 咖哩牛腩 炸雞薯條 質素不錯👍.雖然呢個套餐貴少少 但有保證 頗推薦給家庭小聚餐 又乾淨又舒服🙆

第一次去愉景新城搵嘢食 行過牛陣門口聞到好香 就入左去食我地叫左嚴選套餐 食頭幾轉都覺得唔錯 牛肉好嫩 好易入口 之後第三定第四轉開始啲牛肉嘅口感完全唔同哂 係un左好多 我懷疑係俾左上選套餐啲牛我 (即係最平嘅套餐) 之後我問佢 佢話都係一開始食果款牛 話可以換過碟 換左之後味道其實都冇咩分別最令我驚訝嘅係佢地嘅服務態度 我入座果陣大約3點幾 客人唔算多 但店員唔會主動果黎加湯 其實呢樣都唔緊要 因為我可以主動叫佢地 但我每次舉手嘅時候 所有店員 冇錯 係所有店員都可以扮見唔到 其中有位女士仲可以望到之後另咩面 然後另另頭 扮睇唔到 每次想叫人黎都要等成個世紀總結 食物一般 仲有比大排檔更差嘅服務 可以唔洗黎

香港有好多地方有壽喜燒，但質量和價格都好難有保證，之前上網見到牛陣介紹用日本和牛壽喜燒放題都只係$289，終於要的起心肝去排一大輪隊啦😂！荃灣愉景新城店位於3樓，地方不算好大，但坐得都舒服😌！一坐低店員好快上咗幾盤日本和牛、壽喜燒配菜，日本雞蛋🥚先用餐廳提供既牛脂起獲，再放大蔥洋蔥等爆香，放上和牛炒幾下，加上壽喜燒醬油，沾上少許雞蛋汁，咁就食得😋！和牛每次來到的份量和質素都一致，牛肉紋靚，質素好高！燒左幾盆牛之後，可以加鰹魚湯再shabu shabu ！吧枱有十多款蔬菜和丸類任食！仲有重本嘅哈根達斯雪糕🍦食多幾杯都值回票價！$300左右可以食到咁高質嘅日本和放題，難怪餐廳經常都大排長龍！

牛陣既日式shabu shabu 出名就大家都知，上網見到最新推出壽喜燒set ，日本國產牛都係$289,當然要試下啦！地方好大座位好闊落。壽喜燒，店員好快上咗四大盤國產和牛，用預先準備好既牛油脂開鑊，先爆香牛脂、大蒜等，日本國產牛，配上壽喜燒醬汁，很香口惹味！每次order嘅牛肉質量一致，牛肉油脂花紋好靚！吃到一半，加上鰹魚湯shabu shabu ,加上吧枱上多款火鍋配料，推介芝士魚蛋包，流心芝士好正！亦有好多蔬菜菇類，麵烏東任食！啱晒大胃王！飲品亦有好多選擇，哈根達斯亦是任食😋一盤呢啲質素嘅牛肉出面都要二三百蚊盤，其實每人食到兩已經返本！

太久沒有吃放題了，碰巧有同事生日，最好就是食一餐肚滿腸肥。雖然不是第一次來牛陣，不過已經忘了上一次是甚麼時候。這間面積不算大，不過火鍋配料仍是多樣化的，識食的話就一定會留意到蔬菜選擇方面是十分高質素的，居然有羽衣甘藍和冰菜等在自助吧枱上，要知道這些都是貴價菜我們點了壽喜燒湯底，雖然是放題，但是服務方面亦不馬虎，侍應會先擺放兩粒牛肥膏在鍋中，之後會教你怎樣食，待牛肥膏出油後下洋蔥，再放牛肉作燒烤用，吃膩了燒牛肉便可加入壽喜燒汁變為一個壽喜燒鍋，這樣食才是日本正宗的食法，建議先出去拿少量白飯和青蔥，和牛熟了之後加蛋汁，和白飯青蔥一起吃，滋味無窮其實什麼肉類海鮮放進去壽喜鍋裏都會變得好美味，吃了大概四十五分鐘已經很飽了！除左食物飲品，仲有甜品Haagen Dazs 雪榚都可以任食有四款口味選擇。另外餐廳亦會送芒果糯米飯雪條，椰子汁味頗重無論任何人來這裏也會吃得好開心，因為食材絕對不馬虎，一大班人來便是了。

今晚係專程去 D Park, 因為聽聞呢間日式火鍋店有日本正宗嘅壽喜燒食, 識食嘅我緊係要去試下啦 !!職員好快就送上各款食材: 日本鮮雞蛋 、蔬菜盛合 (洋蔥、京蔥、冬菇、豆腐、芋絲 & 4 款蔬菜)日本產豚肉日本黑毛和牛: 牛肉同油脂分佈平均, 色澤鮮紅, 而且唔會切到好薄身同時遞上兩壺醬汁: 壽喜燒甘露 & 鰹魚清湯冇錯, 今晚就係為左佢而黎枱上仲放左個溫馨提示, 教食壽喜燒最正宗嘅步驟首先將雞蛋打落去隻碗度打勻將鍋中嘅牛脂肪燒熱, 迫出油脂再加入洋蔥 & 京蔥爆香然後豪邁地放晒成板日本黑毛和牛快炒最後加入些少壽喜燒甘露輕炒, 食嘅時候蘸上蛋汁和牛味道微甜 (因為用壽喜燒煮嘅關係), 口感軟嫩多汁, 加上蛋汁更加令味道進一步昇華, 和牛配蛋汁食絕對係冇得輸 !! 喺無限 Refill 牛豬肉嘅情況下, 不知不覺就 KO 左5大盤和牛食完壽喜燒, 仲可以加入鰹魚清湯打邊爐, 繼續食和牛 & 豚肉和牛同豚肉以外嘅食材都可以去自助區拎, 有 8 款醬汁配料新鮮蔬菜 & 雞肉魚肉值得一提嘅係, 餐廳有提供罕見嘅冰菜、羽衣甘藍 & 春菊, 非常特別 !!菇菌類丸類雪糕

Happy Friday. 梗係打邊爐啦$89 有牛肉又有任食嘅菜抵到爛啦佢仲要係可以任食haagen dazs雪糕本來無士多啤梨味，但我要求職員提供士多啤梨味雪糕，職員都有担供，抵讚Hhgjkjgghkkfegjj

今日一行八人lunchtime唔想又圍埋飲茶，就諗到去淥一淥打個邊爐啦！清湯淥肉雖然無乜味道可言，不過勝在價錢夠平，每人叫左個89蚊餐巳包一盤牛肉，配料就系出面自助吧添加，任食六十分鐘，都算唔少選擇，特別係蔬菜類別，幾適合多菜少肉既朋友！先講主菜牛肉圖中可見每盤肥瘦不一，不過哩個價錢其實都尚算合格。一盤大約八塊午餐黎講份量其實足夠，因為自助吧除左蔬菜外，仲有唔少麵類選擇。有誠意在甜品都係任食，四款哈根大師雪糕保證你攬住個肚走。總結哩度係一個想午餐過下口癮打邊爐既好地方！

今日朋友生日,當然就要請佢食一餐飯啦, 佢話未試過日本既sukiyaki ,我就即刻諗到依間牛陣, 佢有好幾間分店, 今日就簡左愉景新城貪佢近地鐵站, 又有天橋駁住, 位置方便！由於book左枱一去到就有枱了, 店員都好快準備壽喜燒既材料, 而且佢地非常體貼, 教我地點整正宗既壽喜燒, 先將牛脂肪煎到出牛油, 再加和牛淋上醬汁, 再溝埋日本生蛋, 和牛本身冇得頂！再加埋蛋汁非常滑！我地四個人食左五板和牛！超級推介！食完和牛之後就可以加湯變成日式火煱, 蔬果既種類好多, 連羽衣甘藍都有, 吃埋個haggen Dazs 雪糕, 好愉快既一餐！

朋友提議食sukiyaki話未試過, 我就二話不說book定依一間位於愉景新城既牛陣, 我地一坐底店員已經好快準備定和牛同埋海鮮, 仲親自幫我地燒第一轉既和牛, 首先煎香牛脂肪, 再加上䓤炒到香香地既時候加上和牛, 撈埋新鮮蛋汁非常滋味而且和牛食得出非常高質, 我地淨係食和牛都食到好飽, 但眼見出面buffet bar咁多選擇, 幾大都要再食落去, 蔬菜既選擇都好豐富, 估唔到連虫草花同羽衣甘藍都有添! 燒完和牛既煱底再加日式清湯, 湯底已經非常香同濃郁, 之前烚既野食已經好夠味道, 我自己連豉油都冇點過, 餐廳仲有哈根大師既雪糕！不過今次太飽, 下次要再唻食過！

為了慶祝朋友搵到新工，所以約埋一齊去食壽喜燒，聽說根據日本習俗，有喜慶事慶祝係會食壽喜燒嘅。我地今次嚟愉景新城嘅牛陣食壽喜燒火鍋放題，朋友喺呢度食過，佢話呢度嘅壽喜燒好正宗，同埋冇味精健康啲。開始食之前，侍應好細心教我哋正宗壽喜燒嘅食法：首先要將隻雞蛋打落碗度攪勻，然後將和牛脂肪塗勻鐵鍋，再放入京蔥香蔥炒香，跟住放入2,3片和牛煎數秒，同時淋上少少壽喜燒湯汁，便可夾起肉片沾蛋液吃了。我哋跟足方法，啲肉片果然又香又滑， 非常好味；最後我哋才隨個人喜好將肉片同雜菜加上壽喜燒汁，全部放入鍋中打邊爐。呢度有好多配菜，擺放得新鮮整齊，飲品係同侍應落order, 唔使自己攞； 雪糕係haagen Dazs, 4款味道，我全部都食齊；雖然限時食90分鐘，我哋用咗70分鐘已食得好飽。值得一讚：呢度嘅壽喜燒真係冇用味精又正宗，一定會encore 。

上星期朋友生日 我請客 佢又好中意食牛我就suggest不如食牛陣 有正宗壽喜燒食好正之前已經聽朋友介紹過一直心思思想去試.終於試到啦！首先用和牛脂肪入鍋塗勻 再加入洋蔥 京蔥 炒香呢個時候可以將蛋打勻在碗備用將和牛入鍋 加入壽喜燒汁煎香後就可以加入蛋汁一齊食成個牛既香味提升左 仲變得無咁油膩非常好食店員都會幫手 仲會好仔細介紹.食到滿足 就示意可以轉做打邊爐配菜 麵類 醬汁 海鮮 都係任食好豐富 最愛南瓜 娃娃菜我地點既係和牛任食套餐仲有豬肉食架 而雞肉係自助拎的加個烏冬 好正！.和牛既肉質非常平均 朋友都不停話好正最後 仲有haagendazs任食甜品都可以係度食埋大滿足

[ 壽喜燒和牛任食 | 飽到嘔呀🤤✌🏻]••話說我食呢餐壽喜燒，我地兩個一開波食左6板和牛🐮之後再食其他野，已經頂唔順勁飽🤰🏻再搭車返屋企期間勁想嘔，成日都食到過哂火唔知飽👹然後幾日都食少少野，個胃就唔舒服，睇黎真係要控制下自己🙈⋆ ⋆ ⋆ ⋆ ⋆🔹日本產黑毛和牛餐($289)⭐️7.5/10↬ $159 / $179 / $289 /$329. . . 我地揀左$289個和牛餐，另外貴啲既係特級黑毛和牛🐮首先用京葱洋蔥炒香先，再落牛再倒壽喜燒醬汁，牛肉大約幾秒就OK😍雖然牛肉細細塊，但質素都唔錯，又唔會太多油脂好膩👍🏻佢跟左個配料盤，有菜、冬菇、豆腐、芋絲🥬啲配料索哂啲汁，好好味😚食厭壽喜燒之後，可以自己加清湯落去💦咁就變左壽喜燒湯底既火鍋🍲我最後都係食菜多，因為太飽啦🤣-▫️牛舌+海鮮+飲品+雪糕都係任食🍨-🔺仲有ISEEISEE雪條送😍好耐無食過啦，係椰汁芒果糯米飯味🥥第一次食呢個味，又幾好食喎~

很久沒食過牛陣，見有得食壽喜燒加火鍋，趁著生日的好時機便和老公去食！我覺得牛陣進步了不少，有現在很流行的super food~~羽衣甘藍！！一開始的壽喜燒主要燒牛肉，牛肉肉質鮮嫩加上壽喜甘露(職員真係咁叫😂)再點上日本蛋旦，真係令人食唔口！我地好快便掃了一盒牛肉！燒到差不多便可以放高湯火鍋套餐除了有牛肉，豬肉還有海鮮。海鮮類是有生蠔，魷魚和帶子，是冰鮮的，不怕變壞了。如果想食新鮮海鮮，配菜有鱈魚魚柳，看起來平平無奇，不過食起來都好鮮美！！當然，牛肉和豬肉更是大主角，不算太肥，而且是鮮紅色的新鮮！我和老公大概也食上3-4碟食得再飽，都要留起食甜點的空位！因為要食Häagen-Dazs雪糕，仲有四個口味，千萬不要錯過啊！