牛陣 (愉景新城)

營業中

休息中

第二次黎, 第一次是團購, 今次正價. 90分鐘是有點急, 如120分鍾會食得舒服點$219 是澳洲牛, 可以任飲及任食海鮮, 雖然海鮮只有日本蠔,尤魚同帶子, 都是冰的, 但包埋感覺又好似底食D湯底- 甜豉油湯, 用此湯食冬菇同烏冬係最夾, 幾飽都要食一些牛肉- 幾濃牛味, 切工不會太薄, 食落有咬口, 不錯自助吧- 有我喜歡的秋葵及雨衣甘藍, 好新鮮又爽脆最後有4款DRAYERS雪糕, 做完美的結束

首先 本來係想食牛陣既燒肉～ 點知去左愉景新城呢間 原來係得火鍋！！咁以為牛陣的燒肉本身唔錯 所以就試下佢既火鍋 點知。。。以咁貴既價錢真係 覺得好難食！！三個人叫左$298 套餐 ～1.5 hrs 任食～係其他地方食黑毛和牛 好好食 好有口感但呢間一d 口感都無！！仲衰過普通肥牛！湯底又無味！叫左豚肉+美人雞湯！ 完全無味道！成個場都無咩客 ！ 但服務人員 態度懶懶散散 ！ 加湯底真係只會加 清水 囉 埋單$970 以呢個價錢 出面食到更好囉～～從未試過咁難食既日式火鍋 唔會再黎

首先講個湯底吧個湯底入面有好多雞件係入面一上鍋店員就講話入面既雞件已經係熟我地就等到佢滾左先撈起佢的確係已經煮到岩岩好的估唔到原來湯底既雞都咁好味, 成個湯底係好香濃既雞湯味而且D雞件好嫩滑, 正接下來就係重點環節, 美人和牛美人和牛叫美人和牛的原因我諗應該係佢既油脂雪花分佈吧又的確係幾正只需要落落鍋10秒就可以食得味道好香牛肉味, 而且快速在口中已經溶化一直在口中回味著豚肉就需要煮耐一點, 畢竟都是豬肉來的, 要熟到透才敢吃也幾高質素!! 點少少醬油已經好夠味了!!!還有很多不同種類的食物可取, 甜品和雪糕也有

美人和牛相信大家都係因為呢隻和牛所以來吃的吧, 未上鍋已經一早係餐台上READY比我地, 非常高效率上面張紙好貼心咁話我地知唔洗碌咁耐架(會老)第一次食更係照足佢方法去食啦, 廢事哂野哇真係唔洗一陣就已經食得我覺得同普通肥牛既分別就係佢油脂分佈得夠平均, 唔會覺得自己係食緊一舊瘦肉或是肥肉, 而係有少少溶化係口中既感覺佢個醬料吧係出面, 原本我都整左醬比自己但係發現原來唔點任何野先係最好食!!係出面仲有好多唔同既食材可以拎最後會上一個叫水玄信餅既透明甜品係日本好出名估唔到香港都食到仲要係放題包埋味道完全可以自己配答我就鐘意多醬, 甜甜的超好味!!

食過嘅朋友都知呢種放題牛火鍋係有唔同價錢選擇，當然越貴質素越高。我去過唔同嘅牛鍋放題，呢間算係最冇水準。原因好簡單：1）order嘅數量永遠小過送到你枱面，於是你要不停落order。服務員係有禮貌咁再幫你落order，例如三或四，格三至五分鐘，佢又係只會拎一或二客出來。2）近日做promote，話有包海鮮果款做特價，叫你試，於是計過條數決定試下。結果都係一樣，我地一枱人五位，個半鐘時限落左四次order，送左三次來，佢每次只會拎一客出來，一客嘅意思係兩粒帶子、兩粒生蠔、兩條魷魚。3）選擇貴價牛款嘅朋友要留意，除左第一次佢放低嘅係正常貴價牛外，之後送來嘅會係混合牛，或者直接係平價牛。4）讚嘅地方係有Häagen-Dazs雪糕食，可過放左響個角落頭，係要排長隊挖冰硬雪糕嘅個半鐘嘅時間好快過，因為會放左響等佢拎order嘅野食出來，而拎出來嘅量、質都唔同，冇咩耐性嘅朋友要諗清楚先好。

天氣凍凍地最啱就係打邊爐, 唔想去港式邊爐, 所以揀左日式放題, 豬牛可以任點, 蔬菜可以自己拎, 諗到都流口水.放工即刻去商場既牛陣, 開左咁耐都未食過. 地方闊落, 環境舒服. 店員推介下有咩鍋底, 最後揀左新出既美人鍋, 係用濃厚雞白湯熬製, 飲左都潤D.呢個套餐仲包埋美人和牛, 黑毛和牛, 穀飼牛等, 黎到唔知邊款打邊款, 不過款款都肥瘦平均, 厚薄適中.牛唔洗淥太耐, 入口夠軼嫩, 肉味好濃郁, 唔洗點豉油已經好夠味, 咬落一D都唔起渣, 而且唔肥.另外仲有個蔬菜盤, 有雞滑, 油揚蔥卷等, 樣樣都新鮮乾淨.D雞滑淥完好彈牙, 手打一流, 而油揚蔥卷可能加左蔥, 食落唔會太肥膩.因為呢個套餐任食牛豬, 都encore左幾次, 好飽, 所以自己拎既配料都無拎太多, 祗係拎左D菇同響鈴.仲有甜品一定唔少得, 知道呢度係 haagen-dazs, 所以食左幾杯.套餐亦包左每人一客信玄餅, 其實唔知點解有呢個名, 不過口感似大菜糕, 加D黑糖甜甜地幾好味, 口感好滑.平日過左7點都幾多人, 差唔多坐滿, 但滿人都唔會太迫或太嘈.

點解係期待已久，因為每次去愉景新城行街經過牛陣時都有一股好香濃嘅湯底味飄出黎 ，都好想入去試，可惜因為要去荃灣廣場睇戲，時間唔夾所以都無機會試而家愉景新城有咗戲院終於都可以一探究竟入座後落單同事就向我們推薦呢個美鍋係他們最新推出嘅餐，湯底絶無味精，用雞骨煲足7個鐘，膠質非常，雖然味道較為清淡，但飲落真係有黏口嘅感覺，相信真材實料。餐包括美鍋湯底，無限添加美人和牛，黑毛豬，信玄餅，同出面自助嘅蔬菜，丸丸，響鈴，炒飯配咖哩汁，同我最愛嘅 haagendazs 雪糕蔬菜吧竟然有最近時興嘅羽衣金蘭美人和牛脂肪分布平均就似追加質素都好好，唔會有頭威無尾陣信玄餅同至前日本食過嘅，老實講係有段距離，有進步空間雪糕有四種味，最吸引係焦糖脆脆又再飽到抱住肚腩反屋企

牛陣係好耐之前食過，見佢有個新窩....仲要話係和牛，好啦臨近Christmas 比多個機會佢！服務嘅態度比舊時好左好多！講解清晰有禮。先上個湯，佢地再3講個湯係冇味精。叫我地係咩都未加之前一定要試下。個湯飲落一d都唔濃（可能因為冇味精）清清嘅雞味，完全唔油膩！唔錯唔錯自助位比舊時整齊乾淨，選擇仲多左好多！材料都睇得出幾新鮮，大部份嘅野食都有8成滿，唔會冇曬出面有日式咖哩任食，平時都唔會無啦啦食個飯，浪費個胃嘅Quota, 但佢真係好香！估佢唔到咁好味wor! 好surprise! 我老公仲要食左2大碗跟餐嘅野食，個美人和牛真係出乎意料之外地靚wor! 以為$3xx任食都唔會點靚。肥瘦分得好好！waiter 介紹話美人和牛係偏瘦，但重牛味。我覺得一d都唔瘦啦！牛味真係重。唔係入口即溶咁誇，但一定唔會有渣！叫左幾碟都係咁靚！碟碟都係好正！牛味真係好濃！喜出望外嘅好味！雞滑都係任加，幾滑！但冇乜特別，雞味唔太重。好鍾意有蟲草花任食。我嘅大愛最後送個水玄餅，黑糖好甜（好彩waiter 事先都提點左）水玄餅冇想像中咁amazing. 但有hagan Dazs 任食，唔理啦

愉景新城最近開左新戲院，趁假期去睇左<柏靈頓2>，第二集比第一集更好睇呢~睇完戲大家都好肚餓，即興去左食3樓既牛陣，今次食佢新出既美鍋~價錢$329一位任食個半鐘~蔬菜盒，和牛同黑毛豬都係無限添加，真係好吸引！首先上左湯底同蔬菜盒先，店員介紹呢個湯有雞骨長時間敖製，零味精，膠質非常豐富，所以等湯煲滾後一定要先飲一碗，試左原味先，再放料入去打~湯頭一開始飲味道清淡，真的無味精，相對健康，當放左料打到一半時，開始愈來愈有膠質，飲落口都黏黏的，難掛叫做"美鍋"，骨膠原對皮膚好好呢~其實我地就係比呢個美人和牛吸引住，所以揀呢個餐，薄切既和牛色澤紅潤，有好靚既雪花，卓幾秒就食得，有牛味之餘亦有油脂香，口感軟嫩，竟然可以任食，絕對回本~薄切和牛~卓幾秒就食得~黑毛豬都唔錯啊~出面有自助區，自己夾配料~比較特別既有貴價健康食材雨衣甘藍，呢個真係好少有~另外我地中意食既有芝士豆腐，響鈴，秋葵，龍利魚，蘿蔔~雨衣甘藍食落爽脆，健康又好味~窩荀都係平時少有既，爽甜多汁~跟餐仲有一人一個水信玄餅，清清地好岩打邊邊爐食~最後唔少得既就係哈根大師雪糕 ，都係任食架~有4款味道，大愛士多啤梨同海

老人家常說「牛肉毒」，所以，BeautySearch 自小也不敢吃太多，因為，從中醫的觀點來說，牛是有『熱毒』的，BeautySearch 本身易於生飛滋，, 體質熱，如其他熱氣食物一樣均的不宜多吃。 但每每天氣漸涼時，就是忍不住口，尤其是火鍋，以牛作主打才是最滋味！所以，入秋後總是經常惠顧以牛作賣點的店子，當中，BeautySearch 更是《牛陣》的常客。除了因為他們以牛作賣點外，最重要的，當然是《牛陣》的牛肉優質，而且鮮嫩無比。 最近 BeautySearch 發現，《牛陣》推出「美鍋：冬戀美鍋放題」，以濃厚的雞白湯作招來，聽說此湯底以嫩雞熬煮 10小時之久，膠原豐富，美肌又滋潤。 早前， BeautySearch 便來到位於荃灣愉景新城的《牛陣》來，一嚐「美鍋：冬戀美鍋放題」風味。這裡的裝潢予人日式感覺，以淺色木系作主調，令滿室充滿柔和感覺。在這裡享用火鍋，別有一份溫暖！ 點選了「美鍋：冬戀美鍋放題」，任食美人和牛，日本産特選黑毛和牛肉，澳州長期穀飼牛肉，豬柳肉，豬肋肉，同時，亦有一盆美肌蔬菜奉上，相當豐富。 乳白色的雞白湯，感覺猶如牛奶般白、滑，用勺一舀還會發現湯內藏有不

呢幾日真係凍到一個點 火邊爐是常識吧今晚同媽媽食個美肌滋潤嘅美鍋先店員推介到呢個套餐嘅湯底好滋潤咁貪靚嘅我地無理由唔叫架 又的確唔錯喎無味精嘅湯底 入口唔會好濃 比較creamy 跟餐有無限量添加嘅黑毛和牛後部肉油脂分佈好靚 淥一淥 5-10秒就食得入口牛味香濃 比較滑身 完全停唔到口重有牛舌 相對地比較有咬口 口感十足重有黑豚肉 同樣出色 淥耐左都唔會變”鞋”食完咁多肉 當然要食返啲蔬菜啦 一個咁靚嘅湯底 緊係要配返啲靚菜啦 有請皇帝菜 重有一啲菇類 好豐富最後重有水玄餅黎畫上一個完美句號 正

天氣凍，第一時間想到要吃火鍋來驅寒，想起牛陣推出火鍋放提，一定要試!看到餐牌，最吸引的莫過於「冬戀美鍋放提」，任食日本黑毛和牛肉、澳洲長期穀飼牛肉、豬肋肉、豬柳肉、油揚蔥卷、手作雞滑，全部都是上價食材，二人撐枱腳一於吃得豪一點!汽水飲料都是任飲的! 牛陣自家熬製的乳白色濃厚雞湯，充滿骨膠原，先喝一碗精華才開始打邊爐!採用日本鹿兒島黑毛和牛後部肉，含豐富蛋白質、鐵質等營養，一絲絲的雪花牛肉，色澤鮮紅，肥瘦均勻，上等新鮮薄切的豬肋肉和豬柳肉，新鮮吸引放入其他食菜如南瓜、番茄等，增添雞湯清甜味道雞滑是牛陣自家首創，打成膠質的雞肉，不說以為是魚蛋類呢~把和牛放入鍋內約5-10秒，炙熟後牛香撲鼻，感受傳說的入口即溶，牛質超嫩滑，超推介!!其他肉類新鮮嫩滑，美鍋放提真是尚盛之選除了指定肉類外，當然還有其他食材可以任取，其中的秋葵和雨衣金蘭都是貴價菜類；至於甜品是Hagendaz的雪糕呢!!放提還送上晶瑩剔透的水信玄餅，淋上黑蜜和黃豆粉，為一頓豐富美味的晚餐作完滿總結!

第一次來呢度打邊爐，成日都經過佢間鋪頭但就一次都冇食過，食完之後真係有少少失望，因為成日聽到呢個名好多人都好似話好好食，不過我就覺得普普通通，例如佢啲肉丸呀～配菜方面，其實啲嘢食同街市凍肉舖買嘅差唔多，即係平時屋企打邊爐落街買嘅，其實同牛陣食嘅嘢差唔多，唯一覺得好食嘅係佢嘅肥牛！咁因為好多野都太普通喇，所以價錢方面，變相黎講有啲貴！侍應方面態度喜歡愛理不理，值唔值得食嘅就見仁見智啦！不過我呢就唔會再有第二次過嚟啦！

好鍾意食牛既我地，一同7人去左食牛陣，分別叫左蕃茄湯底（偏咸）同壽喜燒湯底（無乜味完全唔係個回事😒），本應想叫最貴個隻牛，但由於有工人姐姐係度（勁細食）所以我地都係叫左179個隻牛.....點知鞋到爆....食左幾塊就加錢轉199個隻牛...點知都係不外如是.....係肥少少...但都係好韌！真心覺得牛涮鍋同牛一好食好多，牛一$158個隻牛都好食過牛陣$199個隻牛，牛一湯底又正！唔忯去䦒荃灣都唔會試呢間，呢間真係唔會再有下次！

愛吃牛肉的朋友當然對牛陣並不陌生，對於一些小吃或已戒吃牛肉的人可能不會考慮來到牛陣用餐，因為餐廳的名字及標誌已很清楚表明“這是吃牛的地方啊!“，因此往往令一衆不吃牛的朋友卻步。事實上，除了牛肉外，餐廳也有提供豚肉作考慮。在餐牌上，有牛加豚的配搭火鍋套餐，也有分肉類的產地來源及質素。如果你不吃牛的話，可選擇“剩豬“，餐廳會特別安排走牛啊。由於知道餐廳有非牛選擇，我同朋友來到品嚐了一頓很飽的90分鐘午餐放題。除了湯底，肉類及飲料要向侍應落單任點任飲任食外，其他肉丸，蔬菜瓜類，菇類，豆卜，麵條，炒飯、白飯，湯，醬汁，雪糕及甜品均可自由拿取。可是大家請惜食不要浪費食物。湯底方面也有數款選擇如：甜豉油、柚子鹽、蕃茄、豬骨及麻辣等。我們選了柚子鹽配蕃茄湯。柚子的味道清新突出，吃肉類不會容易感到吃膩。而蕃茄湯比較濃郁，味道有點像西式什菜蕃茄湯。在90分鐘的用餐時間裡，我們吃了共五盤的黑豚肉，很多自由拿取的食材，以及喝了一些街上少見的飲品如道地黑糖薑茶，黑糖冬瓜茶，及翡翠檸檬綠茶等。全部均為罐裝飲品夠衛生。特別介紹的為羽衣甘藍，這款菜在外國較為普遍，除了菜葉是深綠色外，其纖維極高，高維他命營養成份，也