牛陣 (形點 II)

營業中

休息中

日式火鍋一向係我最愛 最近秋風起梗係要去打個邊爐啦 閒日夜晚嚟到元朗yoho嘅呢間牛陣 都要等位等咗接近半個鐘先有得入座 果然係人氣店最近推出咗冬陰功湯底 主打可以diy自製湯底 首先喺空嘅熱窩入面加入和牛油 跟住可以加入辣椒青檸香茅等嘅材料去炒香 之後加入湯底 湯底酸酸辣辣非常開胃 其次仲有將啤任飲 同埋青木瓜沙律 仲有椰汁芒果糯米飯雪條 非常抵食 鍾意試新口味嘅朋友們不妨一試牛肉雖然唔係食最貴嗰餐 但係質素都唔錯 肥瘦適中牛肉味濃郁 完全唔係cheap嘢 其他材料例如蔬菜同丸類都係自助形式任食 元朗店嘅特色係仲有雞肉可以食 雞肉經過湯底嘅洗禮後 有彈性得嚟多肉汁 推荐食完大量嘅肉之後就可以食任食嘅hargandize雪糕 有焦糖脆脆 士多啤梨等嘅味道 個人最喜歡焦糖脆脆 甜得黎又有咬口

依加只要晚市惠顧$219以上， 就可以試下佢哋期間限定嘅冬蔭美鍋🌶我就揀咗219蚊嘅澳洲上級長期穀飼牛套餐🐮☝🏻diy自製泰式冬蔭功湯底☝🏻海鮮任食☝🏻泰國象啤啤酒任飲☝🏻芒果糯米飯味雪條一支#牛陣冬蔭美鍋😋好味指數：(7.5/10)有好多唔同配料，店員就叫我哋自己試下炒🤣炒好咗就可以加冬陰功湯😎冬陰公湯酸酸地，打邊爐就好開胃😆 $219 呢個套餐有得買澳洲穀飼牛、牛舌同豬😚質素都唔錯😌海鮮就有廣島蠔、帆立貝及原隻魷魚仔😝出面有好多唔同嘅火鍋配料，都係菜、丸同芝士腸嗰啲😎最特別係有木瓜沙律青咖哩牛肉飯，青咖哩味道香濃有啲辣🙊出面都有好多飲品同啤酒可以自己拎，而🐘啤就係要問店員拎🍻仲有H記4款口味雪糕😍最後一支芒果糯米飯味雪條😂好香嘅椰奶同芒果味，食食下真係有幾粒糯米喺入面🌝

呢段期間食左咁多唔同嘅火鍋，最鐘意都係牛陣嘅肉類，夠薄。每碟嘅份量唔多，對女仔來講相對比較容易控制份量。我同朋友今次6點45分左右入座，唔洗等位。不過走嘅時候就唔少人等位。我地今次豪食，叫左個200幾嘅set，原因無他，就係為左呢個DIY嘅冬陰公湯。材料上左之後，會有店員教你點整。如果拍片up上去fb同ig，仲可以參加佢嘅攝影比賽。呢度嘅肉類海鮮就根據你嘅set去比，所有食物同飲品都係任叫，不過飲品就要加錢啦。先講講個湯底，湯底唔會太重口味，如果煮肉唔會太入味，但係煮菇同蔬菜一流，酸酸地嘅口味完全滲左入d菜到，正。睇圖就知道，d肉全部勁薄。圓形嘅係牛舌，牛舌薄切就一定唔會死，唔好睇佢薄，但煮完非常有韌性。白色個碟係黑豚肉，煮後入口非常滑。牛肉水準反而較正常。蠔完全無腥味。墨魚就非常鮮甜，反而貝就一般般。-最重要最重要，莫過於佢嘅任食Haagen-Dazs雪糕。四款口味包括比利時朱古力、紅桑子、四季水果同曲奇口味。-另外想講，牛陣嘅墨魚丸非常香同彈牙，非常值得推薦。值得一讚嘅係，佢地加湯都係加反d冬陰公湯底俾我哋。最後，店員上左份芒果糯米飯味嘅美肌手工雪條，呢個我都就拿左反屋企。朋友食左

牛陣既火鍋真係無得彈🤤食材好新鮮🥗尤其係牛湯底香濃又唔會太咸🍲好多配料選擇，仲有哈根大師雪糕任對🍨嗚啊間唔中都要同朋友仔去對返餐勁既！🔥咁岩有Thai Fest 😍冬蔭公湯🔥🔥正呀喂睇字都聞到香味🔥🔥D材料好新鮮🤤一放入個鍋zazasound令人留哂口水🤤湯底好香濃，係冬蔭公既香味加上海鮮既甜味🤤🤤倒入湯後店員即刻放海鮮同牛肉🤹🏻‍♂️非常敏捷 成個過程食得好care free 真正任食🔥D牛好堅料呀🔥🔥入口即化🐂滿口牛香配料超多種😆😆😆😆😆真係好正！樣樣都好企理好新鮮，唔係間間任食火鍋都做到哦野菜+牛肉+冬蔭公湯真係令晚上大滿足💯最後仲有手造雪條😍芒果糯米飯味真係好有心思好切題食到好開心又飽一飽先兩舊幾水 🥇我愛牛陣

今日得我同媽食晚飯，我地就打算出街食，上網查左查$219任食牛，見到牛陣有冬陰功幾吸引，仲可以DIY，就決定去食。價錢都算實惠，食物質素不錯，主打日式和牛放題。 冬蔭功之配料好足，有辣椒、香茅、蒜和泰色香料， 上到枱聞到好香，濃郁冬蔭功味。 呢個Set係澳洲穀飼上級牛肉，牛肉雪花分怖均勻，肉質唔錯，牛味濃。牛肉肥花分明，肉質顏色鮮豔，放落湯底十秒左右已經熟，嫩滑多汁。黑豚肉咬落嫩滑。牛舌大大塊。睇得出用料好好。海鮮有蠔、帶子和墨魚仔等等，都很新鮮 。任食自助吧有好多蔬菜，娃娃菜，金針菇，蘑菇，芋絲，芋頭，南瓜，公仔麵，烏冬，生菜，香菜，通菜，丸類等統統齊備，各式飲品和啤酒Asah，象啤，Haagen Daza雪糕仲有泰式特有食品，泰式圓茄，仲有得自制泰式沙律，好特別。而野飲可以自制香茅茶包，成條香茅加落去。這個餐包每人一支手工雪條，芒果椰米飯味，經典既泰式甜品，芒果肉鮮甜，糯米飯粒粒，好有口感。Haagen Daza雪糕有我最愛焦糖脆脆，士多啤梨 味，焦糖脆脆好有咬口，食多D都回曬價，抵食醬料也是自助式，可自由配搭。

今日嚟到牛陣打邊爐，新岀左個冬陰公湯底鍋，好新穎！仲有埋步驟教點DIY 炒香d料，之後再加湯，已經聞到好香。飲左一啖湯底，真係好夠味，真係好似去左食泰國菜，飲冬陰公湯一樣。火鍋配料同飲品都可以任食任飲。澳洲上級長期穀飼牛，好新鮮，好有牛味。牛舌，唔係好多地方有得食，正！牛肉，豚肉都可以任點，當然要食得晒先好，唔可以浪費啊！甜品都好正呀，有Haagen Dazs 雪糕，有4種味可以揀。呢個$218套餐仲送一支芒果糯米飯雪條，呢條雪條好得意，岀面有椰汁味，裡面真係食到一粒飯，今餐好有驚喜。

近年大熱嘅日式火鍋終於殺到入元朗 雖然都開咗一段時間 但一直都冇時間嚟食呢間牛陣係出名嘅連鎖店質素有保證 閒日嘅九點嚟到 門口都排滿人喺度等位 可想而知香港人有幾愛日式火鍋裝修用上好多木 同埋偏黃嘅燈光 俾人感覺溫暖叫咗個新出嘅泰式diy冬陰功火鍋 店員會拎上計十種湯底材料 有和牛油 薑 辣椒 香矛 魷魚 月桂葉 青檸 等嘅材料即場喺你個鍋上面熱炒 等香料出曬味 就可以加入冬陰功湯底 酸酸甜甜辣辣 好惹味其他飲品都已經係任飲 有氣水 果汁等等 選擇都唔少其次係雞肉 放落湯底入面可以吸收湯底嘅味道 而且雞肉仲好嫩滑 係高質嘅食材食飽飽仲可以去囉哈根大師雪糕 用上呢個牌子勁高級 最愛焦糖脆脆同埋士多啤梨 焦糖脆脆creamy得黎有咬口 而且唔會太甜 士多啤梨酸酸甜甜好開胃

星期日同媽咪去元朗yoho mall行街行到6點幾見肚餓就睇下有咩好食見到牛陣出左個泰國主題嘅冬蔭公美鍋幾特別就冇諗咁多食左牛陣一入坐就揀左冬蔭美鍋先嚟侍應會用牛嘅脂肪起鍋再將啲海鮮同泰式香料倒落去爆香 一陣之後就落預先準備好嘅冬蔭公湯成個冬蔭公鍋就完成自己有份調較香料嘅份量真係點飲都覺得好味！套餐包左海鮮、豚肉、牛舌同牛肉可以任食海鮮有蠔、元貝、墨魚全部都好新鮮最鐘意就係食蠔Encore左幾轉豚肉好juicy 薄薄一片好快就熟牛肉係澳洲穀飼牛牛肉脂肪比例幾好分布係牛肉上面令到牛肉入口好嫩滑打邊爐又點少得火鍋配料同蔬菜冬蔭公湯同蔬菜勁夾啲菜滾完超級入味呢個套餐仲可以任飲象啤象啤麥味幾重酒精濃度都係5%左右真係飲左幾枝都唔怕醉除左haagen dazs雪糕任食仲有一條芒果糯米飯雪條條雪條真係有粒粒嘅糯米飯口感好特別仲幾有芒果味真係第一次食呢款雪條今餐嘅牛陣令我同媽咪都好驚喜真係食到超級滿足！

聽聞牛陣新推出泰式火鍋，於是約定老婆一起去晚餐。1730 已經來到餐廳，已經坐滿食客，稍遲一點可能要等位。湯底是diy 的，先把配料放入鍋中，稍為炒一炒，再添加冬蔭功湯，一陣香氣撲鼻的冬蔭功味道散發出來。牛肉選了上級澳洲穀飼牛，牛味濃郁，輕灼幾下已經熟透。除了牛肉，牛舌味道也不錯，肉嫩滑口。豬肉肥瘦均勻，肉味香濃。海鮮有生蠔，帶子及魷魚，每款都很鮮味。自助區域有多款配料，蔬菜丸類一應俱全。醬料也是自助式，可自由配搭。雪糕是Haagen dazs，有四款口味肉類海鮮都可以追加的，加多幾碟牛肉，美味大滿足。芒果糯米飯雪條芒果味突出，還有粒粒糯米，煙韌得有咬口。

好耐冇同媽咪行街食飯..今日去行左陣yoho mall順便再喺商場附近搵地方醫肚..最終去左牛陣因為見到佢最新出嘅冬陰公湯底好吸引先有個冬陰公材料逐樣炒香..之後再加埋個湯底跟住就可以開始食啦..當然一定要品嚐一下個湯底啦..果然係泰好味👍🏻本身個套餐就會跟啲海鮮..另外牛脷，牛肉，豚肉..食完可以同店員講追加！ 切得好薄，吸收晒個湯底所以好入味🤤啲蔬菜類，菇類粉都類就係自己行出去攞嘅...款式都非常之多..飲品都係任飲..而且仲有泰啤！最後當然唔少得嘆番個雪糕啦！呢支雪條係芒果糯米飯雪條係點呢個泰式套餐會有嘅..正！

今日嚟到元朗探朋友，打咗幾圈麻雀，我哋就梗係去搵野醫下肚啦，幾年冇入嚟元朗，元朗果然完全唔同晒，啲商場有新又好行，經過見到牛陣出咗國特色嘅冬陰公湯底，好似好新穎咁就入去試吓啦。啲湯料上枱喇，10分之多，首先要將佢放落個獲到炒兩炒，令到啲湯料爆香左，之後再放啲海鮮落去，跟住服務員就準備咗啲冬陰公湯俾你放落去個獲到，咁就成為咗一碗正宗嘅冬陰公湯啦，為食嘅我就梗係要飲返碗嚟試吓先啦。鍾意酸味嘅可以放多啲青檸。，辣唔辣任君選擇，鍾意辣嘅可以放多啲辣椒，唔鍾意辣嘅就可以唔放㗎。醬料都十分之多，而且乾淨整齊。牛肉，豬肉，牛脷，都係任叫任食架，肉質好爽，而且牛味又重，切到好薄，放落湯度滖一滖就食得，配上冬陰公湯底果然一流。其他嘅菜都好新鮮好豐富，菜類應有盡有，而且乾淨新鮮又整齊，令人眼前一亮。食完之後，仲可以享受返個甜品添，啲甜品都唔差架，有雪糕可以揀，最特別嘅係每人仲會送一支芒果糯米飯味嘅雪條，真係好有特色啊。

今日同屋企人出咗嚟食飯，經過牛陣見到佢個泰式火鍋，竟然用冬陰公湯感覺好特別，阿媽話特別想食所以就入咗去啦。我地點左個澳洲上等牛餐。呢個台式火鍋好特別架，完全比你自己DIY，又有得玩又有得食。首先你要將啲油膏放落個獲到炒兩炒，跟住再放埋啲配菜，將佢爆香，跟住再放埋啲海鮮落去爆香佢，咁就可以到啲冬陰公湯落去㗎啦，等個湯滾左之後我就梗係唔好浪費飲咗一碗即製嘅冬陰公湯先啦，充滿泰式風味嘅冬陰公湯，酸酸地，最貼心嘅係佢俾咗啲辣椒仔你，辣唔辣任君選擇。之後嘅牛肉豬肉都係任食架，今次難得仲多咗有牛舌，肉類切得好薄，六滾兩滾就食得，牛肉好重牛嘅香味，而且脂肪均勻，牛舌就爽口彈牙，豬肉都好嫩滑嫁。志在區嘅配菜都好多選擇，而且好新鮮，配上個冬陰公湯底去打邊爐，真係好友泰式風味㗎。仲要連雪糕都係haagen dazs嫁到咗最後仲有甜品送，竟然係芒果糯米飯嘅雪條啊，嘩呢個泰國餐真係好有泰式風味喎，連甜品都做得咁特別。

成日都同朋友和家人黎食牛陣，因為大家都喜愛牛陣的日式壽喜燒湯底，係其他火鍋店少有的湯底。我們今次選擇了$198的嚴選牛肉，這個價錢剛好可以包含飲品放題。牛是要向店員order的，而其他配料如丸類、蔬菜則是自己出去夾。打完邊爐仲有甜品環節☺️可以任食Haagen-Dazs雪糕。

看完早場，懶得回家煮午飯，索性快快找又平又抵食的午餐，吃完回家小睡。這種情況下，難得找到任食火鍋放題，不容錯過。午市放題有三個選擇:1. 60分鐘放題，只可選一盤肉類，其他配料及雪糕任食，沒有酒水提供；2. 60分鐘放題，任食肉類、配料及雪糕，包一罐飲品；3. 90分鐘放題，任食任飲。(當然價錢有貴有平，視乎肉類品質自行選擇。)今天的肉類有牛及豬； 配料有不同丸類、芝士腸、芝士豆腐丸、不同的菜類及菇類。湯底為日式清湯(其他的要加5-10元不等)午餐來說，這些價錢、限時及數量，放題來說: What do you expect. 只可說飽足滿腹。其他的都是次要了。

放假總是過得比較瘋狂，久未回港的阿爸前晚跟親戚門竹戰到天明，回家後又遇上狂風暴雨，沒啥好做就先睡了。下午才起床，天氣還是很不穩定，決定到商場解決午餐（已經是四點啦，該說是下午餐）。商場爆多人，所有食市都等位中，見牛陣不用等就來打個邊爐吧。原來午市有60分鐘的放題，選了肉只有一份的那款餐（$69），午餐不用吃太多啦。坐低後就開始計時，60分鐘是有點趕，但足夠吃個飽了。湯底只可選清湯，亦不包飲品。哈哈，還沒拍照就已經把豆卜掉進去了。牛肉是普通美國牛，是肥了點，但呢個價錢無挑剔了。豚肉片更靚，不肥且嫩滑。自助bar裡的東東全部任食，正好食多一點蔬菜，呢個芽菜苗好新鮮。蟲草花，蓮藕片點少得。雜丸腸仔等，粒芝士魚腐好味喎。趕時間就梗係一次過淥哂佢地啦，仲有秋葵，羽衣廿藍等，超抵食呀，自己買都唔平，仲要洗喎。最後食埋哈根大師，是日有咖啡，焦糖，朱古力味，完滿。加埋一都唔使一百蚊個人，食到飽到上心口，正呀。