牛陣 (形點 II)

之前去過荃灣店食得好開心，今次即興來元朗店食晚飯。在入座前先在門口前台看餐牌及選放題，這個安排也不錯，可以在入座後立即開動!今次食澳洲特上長期穀飼牛、北海道四元豚放題套餐，成人每位$ 289一位朋友點蕃茄湯，醬汁配搭昆布醬油、辣椒、辣油、蔥及蒜(左邊)， 另一位選鏗魚湯(右邊) 。我選了雞白湯，湯內有杞子、蔥及兩件雞肉。侍應同時也帶來數盤食品，右起牛舌、中間四盤是澳洲特上長期穀飼牛、左面一盤粉紅是豚肉，另一盤是蝦滑、仿皇帝蟹棒及原隻魷魚仔。牛舌薄，川盪後爽，好食。穀飼牛超薄，焯大約20秒就可以，油花適中，嫩滑，容易入口。蟹籽蝦滑調味足，只要時間煮得恰當便能迎來很滑的口感，很好味，所以蟹籽蝦滑是加單之選。羊肉點咗一盤，切得非常薄，肉片呈透明狀。羊肉邊有脂肪，在湯內川盪一會後羶味很濃，加芝麻醬一齊食會較好。芝麻醬較淡，可以稍為減淡羶味，在川盪後羊肉縮小，與脂肪相比好像脂肪多過肉。凍櫃的配料喜歡粟米、冬菇、麵筋球、唐生菜及娃娃菜，尤其粟米可以吸滿湯汁，熱騰騰好好味!有一款芝心丸外觀不錯，肉丸是滑的但內裏芝士味道一般。我們一致認為套餐的穀飼牛脂肪適中，最滑最好味，蟹籽蝦滑也是必食，第三位追單是牛舌澳洲特上長期穀飼牛放題套餐包含牛肉、牛舌、豚肉、羊肉、蟹籽蝦滑等都已經夠食，令到熟食的炸雞及天婦羅等少了吸引力，最後當要預留時間食雪糕。雪糕味道有咖啡、曲奇呍呢拿、焦糖脆餅和士多啤梨，我最愛咖啡味。雪糕配料細粒棉花糖已變硬，幸好朱古力脆米幾脆，再加喜愛的飲品又可以望到黃昏景色，1.5小時足夠開懷大食!…查看更多

夏日必食牛陣蕃茄壽喜燒！牛陣嘅蕃茄壽喜燒返嚟喇！仲全面升級回歸！ 🔥今次我就試咗「澳洲特長期穀飼牛四元豚放題」$289食材好高質！日本黑毛和牛+北海道夢之大地豚，用疏菜墊底，在鐵鍋上配上全新改良秘製壽喜燒汁，加埋原粒蕃茄同洋蔥一齊慢火熬煮，真係酸甜鹹香！嫩滑和牛脂香四溢，蘸上日本產雞蛋，滑嘟嘟嘅口感入口即溶！豚肉同樣嫰滑，口感一流！食完再加番茄壽喜燒湯變成shabushabu，酸酸甜甜好開胃，夏天食啱晒! 用QR code用可以下單牛肉、豚肉、雞肉、海鮮等等！而自助區食物種類多！香脆炸雞、外脆內 juicy嘅蕃茄天婦羅、即食關東煮、火辣惹味嘅辣味咖喱、新鮮多汁嘅當季水果，仲有多種蔬菜肉丸、雪糕同冷熱飲品，選擇超多！仲有一個專為小朋友設計嘅「小童自助Bar」!有即製棉花糖、麥樂雞、薯條、雪米糍，全都係小朋友最愛！夏日熱辣辣，快啲約齊班Friend，嚟牛陣嘆返餐蕃茄壽喜燒放題套餐啦！🎉…查看更多

平時都有幫襯開,都知d牛對比起以前係冇咁靚機切到碎紙咁樣都算個日同朋友食午市叫佢加湯耐一耐都冇人應機,個人黎到d肉夠膽死擺喺電池爐押住d制而且係冇黎收過碟!!!!!!!!一次都冇!!!!!!!!但係又夠鐘個陣我食緊雪糕就識瘋在催我地埋單第一次應佢食埋個雪糕就會埋第二次答佢我仲食緊第三次直頭係有語氣俾我聽今時今日咁既服務態度,仲會怪港人北上消費嗎?…查看更多

今日係平日晚飯時間，第一次試下呢間任食放題，牛既質素真係好一般，肉質鞋，炸物樣樣都鞋口，真係唔好食。飲品選擇方面唔多，飲品我已經攞d放得到好入既飲品，但都唔係夠凍。放近雪櫃門既飲品直程係唔凍😕服務方面更加令我感到無語。由於當日係星期二平日，唔算好爆場，收碟唔算頻密。我行出去拎野食都睇到兩個職員係度吹緊水。中途，我叫左兩件三文魚壽司，我張台已經唔算多野，個職員手上淨係拎住我碟壽司（佢當時冇其他野拎），佢就咁將碟壽司疊係我d生牛肉既碟上面…頭也不回就走左。生既牛肉上面疊上三文魚壽司…感覺真係好差，我1d都唔感到佢公司既信念「給客人幸福」囉，係咪公司咁教？！如果眼見張台冇位放的話，係咪應該執一執位先放好，我已經唔係好想食碟壽司，但我唔想浪費，都食左😑😑😑最後走個時見到有扭波波玩，職員冇主動同我哋講嘅，係我地臨走自己留意到部機，我哋再問職員「係咪有得玩架？」 個職員黑口黑面，冇答我地，直接拎個幣俾我地就走左。😡😡😡我地而家貪你個彈彈波咩？我唔洗你笑容滿面，你都唔洗同d牛一樣，鞋口鞋面呀嘛？留意：以上我講既體驗都係唔同staff，唔係針對一個職員。值得一提：收銀個叔叔的服務態度同笑容都唔錯。總括而言，雖然係任食，但係唔值呢個價，性價比好低。真心唔推介，亦唔會再光顧第二次。…查看更多

📍高質和牛火鍋放題✨✨今日想食好啲所以嗌左個和牛套餐放題🌸冇諗過啲肉係咁好食！完全對得住個價錢！我地total嗌左4round 每round啲肉都好靚🫶🏼🫶🏼食飽之後去左食雪糕🍧 又係非常驚喜😋😋雖然得4隻味 選擇唔多 但全部都好好味！（個人推介士多啤梨味🍓）旁邊仲有得整棉花糖～又有得食又有得玩真係幾開心🥳另外仲有涼茶供應☕️🍵食到濟濟地飲杯涼茶都唔錯！總括黎講好好食！非常推介🚨😍…查看更多

上星期日預約了這間牛陣打邊爐，環境乾淨寬敞，坐得又舒服，帶埋屋企人一齊過來打邊爐😋瘋狂點牛肉，牛肉肉質鮮嫩，入口即化，牛味很重，超級好吃！湯底選擇很多，本人最愛壽喜燒湯底。壽喜燒鮮甜開胃，涮一涮牛肉，完全可以襯托牛肉嘅鮮味，食到舉起大拇指！服務員態度也很好，適時幫忙加湯👍🏻其他配料也相當豐富新鮮，丸，蔬菜應有盡有，我哋都食得好滿足呀！食飽食杯雪糕作結，超開心！價錢合理，真心值得一試！下次會再來！…查看更多

元朗牛陣（形點I）是日式涮涮鍋放題的天堂，食物質素頂級，環境舒適。放題主打日本A5和牛，稀有部位如牛肩胛和牛柳油花均勻，入口即化，配秘製壽喜燒湯底，甜香濃郁，令人回味。海鮮拼盤的北海道帶子和赤蝦鮮甜彈牙，蔬菜新鮮爽脆。特色Häagen-Dazs雪糕自助區增添趣味，甜品控必試！餐廳以日式木系裝潢為主，氣氛溫馨，QR code點餐快捷方便。店員會指導最佳涮煮時間，住客更享折扣優惠 整體體驗不過不失, 如果再抵食啲就更加好！ …查看更多

元朗形點牛陣牛肉放題火鍋真係牛肉控嘅必到之地！佢哋嘅牛肉質素超高，選用新鮮優質牛肉，牛肩、牛小排同和牛片等部位，肉質嫩滑Juicy，油花分佈啱啱好，入口即化，牛味濃香，涮火鍋或點醬都一流！湯底選擇多，鴛鴦鍋最掂，麻辣湯香辣惹味，清湯鮮甜開胃，完美襯托牛肉嘅鮮味。配料豐富新鮮，海鮮、丸類同蔬菜應有盡有，食到好滿足！服務態度真心讚，服務員親切有禮，隨時幫手加湯、拎料，仲會主動關心你嘅需要，貼心到爆。環境乾淨寬敞，坐得舒服，適合同朋友或家人一齊打邊爐。價錢公道，CP值高，牛肉質素同服務完全值回票價！想喺元朗食高質牛肉火鍋放題，牛陣絕對係首選，食完真想即刻再book位！…查看更多

今次分享呢個係我都幾經常食嘅牛陣，通常都係會揀$219 90分鐘嘅澳洲產特上長期穀飼牛放題套餐，除咗澳洲產特上長期穀飼牛仲包歐洲產豚肉、牛舌同嚴選牛肉，個人比較鍾意食嘅有壽喜燒鍋同埋藥膳香辣鍋，店內提供開放式食材區，自己可以任夾食材，有好多蔬菜，例如比較少有嘅羽衣甘藍，菌類，公仔麵，各種丸類另外仲有啲熟食區，有炸薯條、麥樂雞、關東煮同埋牛肉咖喱汁同白飯等等最重點嘅就係有得任食Häagen-Dazs雪糕，通常都有四隻口味，每次食都有少少唔同，旁邊仲有啲朱古力醬同埋可可脆米可以自由任加同埋有幾隻味嘅雪米糍都好正，另外仲有棉花糖機飲品種類都算多有汽水、無糖茶、即沖茶包同埋涼茶等等整體體驗都幾好，打邊爐嘅肉質都唔錯，牛肉薄切食落好嫩滑，即使唔係叫最高級數食落都已經幾好，食落唔柴另外豚肉都幾好味，豬味夠濃，仲帶少少肥肉另外上菜速度都好快，基本上一掃QR code點完好快就上幾盤肉整體性價比高，幾推薦嚟食吓…查看更多

牛肉超鞋…烚完個樣已經唔想食好似中左輻射咁越食越差唔怪之得呢人要返上大陸食小朋友見到都完全唔開胃佢問我做咩件牛肉好似呢羊毛粒咁俾咗咁嘅價錢喺度任飲👍🏻唯有食返幾杯雪糕希望雪糕陣間唔會係雪到硬晒….出面啲丸，都有浸雪藏味….坐喺度食嘢㗎，係浪費生命值差差差…查看更多

lunch 90分鐘放題🥘嚴選牛肉 放題套餐🥘💰$169(需要+1服務費）💰牛肉🐮：比較瘦～比較嚡口～不過肉味還OK~豬肉🐷：肉味都幾香～湯底🥘：不過不失～醬汁：非常多選擇～值得一讚火鍋配料：選擇都唔少～一家大細過嚟都應該啱食～蔬菜類火鍋配料：睇相都見到算新鮮啦，而且選擇都多~熟食：選擇唔算多～熱嘅紙包飲品都有～雖然唔係咩特別嘢～多個選擇都幾好～凍飲選擇唔算少~水果同甜品嘅選擇就好少～竟然有中式涼茶～加分~雪糕有4隻味（朱古力/士多啤梨/曲奇/夏威夷果仁）～都算係啲比較受歡迎嘅味～仲有啲配料可以自己加～值得一讚~有自製棉花糖機玩~💰性價比：😋味道：值得一試…查看更多

牛陣 (形點 II)位於元朗朗日路8號形點 II L2樓A218號舖，今日有事去咗元朗，月底又想食火鍋🍲放題，同事就推介咗呢間！ 環境都几舒服，位置闊落，自助拎嘢食都几方便！自助區選擇都几多，有多種嘅肉丸類，蔬菜提供，熟食區還有關東煮，炸物，飲料區嘅飲品質素都几OK下！還有飯後甜品可提供！ 今日同同事平平哋就選咗個澳洲產豚肉放題，90分鐘，湯底選咗新鮮番茄湯、藥膳香辣湯！ 新鮮番茄湯配搭夏日野菜，豚肉，每口豚肉都沾有清新嘅番茄，酸甜、鮮美又清新！藥膳香辣湯，够麻够辣，香味十足，辣度适中，同，每塊肉片都好夾熟食的炸魚蛋同章魚小丸子，配上個沙律醬，外脆内软，真係好好食！ 关东煮，汤清甜，萝卜够软烂，还有福袋，都唔差！ 呢個价钱，食埋个甜品，有准备工作了！ …查看更多

雖然最後得個八折，但係做返我哋都冇點食過嘢，完全都冇食飽⋯⋯⋯⋯經理只係講咗句對唔住同埋唔好意思，跟住諗住叫我哋換過位，但係嗰陣時已經冇晒胃口食都唔想食，最後只係食埋杯雪糕就直接走…查看更多

囝囝一直嚷著要吃放題，今日就來實現他的願望啦！今次選了90分鐘「嚴選牛肉放題套餐」，嚴選牛肉和歐洲產豚肉任食，出面自助餐枱有調味料吧，亦有好多配料選擇如季節蔬菜、豆腐、腐皮、山根、海帶、南瓜、芋頭、蓮藕等，仲有各款丸類、芝士腸，最喜歡就是牛筋丸😃，另外還有熟食、炸物、咖喱牛腩、白飯，自助飲品吧（熱茶包和雪櫃凍飲）、哈根達斯雪糕，雪米糍，最有特色嘅就係有涼茶如竹蔗茅根、夏枯草或酸梅湯，仲有棉花糖機可以自己試吓整，頭先見小朋友們都大顯身手，整咗好可愛既波波造型呢！服務員會主動前來問需唔需要加湯，點任食牛肉和豚肉係自助掃QR CODE,十分方便。…查看更多

話說其實我係(牛陣)嘅常客，見琴晚返完通宵更，一瞓醒肚餓，就諗起佢。嘉欣佢有個套餐10分抵食，係由中午12點至下午4:45先有得食。基本上我每次嚟都係食呢個餐，呢個餐就係（嚴選牛肉定量套餐）我用咗唔同嘅角度去分析一下今次嘅餐飲體驗。份量：牛肉是定量，大約有六至八片，如果係侮辱不歡嘅人，我會建議唔好食呢個餐，而係食任食嘅套餐，但係如果你只係食少少肉都OK，另外好鍾意食菜同埋其他小食，咁呢一個餐就相當啱你啦。味道：牛肉嘅質地嚟講，我覺得係中上嘅，有牛味，但唔係話頂級，不過絕對對得住呢個價錢。新鮮度：其實食得呢個餐，主要都係食佢嘅蔬菜菇丸同埋其他小食，而啲蔬菜嘅新鮮程度係有保證嘅，另外款式亦很多，例如有羽衣甘藍，秋葵，娃娃菜，生菜，金菇，蕃茄，粟米等等….另外啊，通常我都會叫鰹魚湯底，唔會太鹹亦叫有啲味道。另外啊，佢仲有自家製咖喱牛腩提供，仲有Häagen-Dazs雪糕仲有罐裝飲品冷泡茶等等。上餐速度：相當迅速店員態度：正常有禮店內環境：衛生可接受交通地理：位於YOHO MALL，相當方便付款方法：信用卡，現金，亦可以做會員儲積分人均消費：呢個套餐係$99 +1服務費等於$109埋單Wifi：沒有…查看更多