牛陣 (德福廣場1期)

營業中

休息中

等了15分鐘就有得入座。湯底:叫鴛鴦湯底係牛陣湯底同豆乳湯底，即係清湯。第一次試用豆乳打邊爐,個湯底愈滾愈甜,甜得有點漏。兩個人都係食左一碟半牛肉,第一碟牛肉比較瘦,食到好濃既牛味,口感也不錯,全因切得夠薄。脂肪多既牛,口感更正,不過肉味較淡：。豬肉無也味,果然這裡不是吃豬肉的地方。不過,因為切得薄,唔洗淥好耐,又唔鞋口,唔靭。除左牛肉同豬肉要一碟碟叫之外,其他蔬菜,甜品,麵。自助吧供應既主要嚟講都係無咩特別,蟹柳是不錯的。蔬菜有很多選擇,不過我就麻麻。呢到都算多唔同既時菜,不過留要佢refill 不定時,第一次出去睇到既菜同第二次出去睇到既有dd唔同。麵有烏冬,幼麵同粉絲。仲有炒飯添,不過都食都好飽,而且都係普通雜豆牛肉粒炒飯,所以無試。甜品係dryers雪糕, 甜品當然係賣點啦,埋佢先值得。

On my colleague's last day, we had shabu-shabu buffet here. Even though we had to wait for 30 minutes to get our table of 2 on this Friday night, my ex-colleague was enthusiastic to try this place so we chatted our time away reading the menu and trying to figure out what we are going to have.There are four different types of beef set and 8 soup bases to choose from. We originally opted for the middle priced $278 but upon discovering that the Supreme Japanese Black Wagyu Buffet Course was just $4

是日去九龍灣的朋友家裡玩, 玩得餓就去德福廣場覓食, 飢腸轆轆的我們決定去吃火鍋放題, 於是去了牛陣。因為碰巧是晚飯時段, 食客剛剛開始食, 所以等了30幾分鐘才可以入座。我們選擇了穀飼牛, $188, 包飲品任飲。牛肉放題, 牛肉和豬肉可以任點, 另外有蔬菜、肉丸等可以自取。牛肉和豬肉很薄, 我個人喜歡點芝麻醬一齊食。湯底選了甜醬油。甜品是Häagen-Dazs雪糕, 有六款口味。下次會再來食。

午膳時間一粒鐘，打個邊爐鬆一鬆!見開左間放題又唔貴就去食一碟牛，運加一都係70蚊，價錢同食個set lunch一樣，里度有得任你食，一定飽…雪櫃set喺正門口，位置唔好，但食物都算多，丸菜麵食都fill得好快。湯底係清湯，焯菜一流，一啲都唔肥膩。拉麵同烏冬都好彈牙。食飽就梗係食雪糕啦，但雪糕雪到硬一硬，無論幾出力都無功而回……最後放棄！

是晚夜了收工但又勁餓，雖然夜但唔理得咁多，去食牛陣。已經晚上9點廿幾分， 已有一半“吉”檯，帶位果個人兄本來安排我到板間位，（板間位其實不論檯面和座位都好迫下，雖然梳化果邊d二人位檯面同樣迫但至少有多個梳化位放個人物品。）但眼見窗邊梳化仲有位，要求去果邊，果位人兄好像很不願意般……晚市放題由入座起限時90分鐘，因無得慢慢歎，所以只係揀最低消費套餐$148任食。有6款湯底可選，今次試豆乳湯。可以出去自己揀不同調味醬料及蔬菜雜丸之類。一開始，staff必定先自動波拎兩盤牛一盤豚嚟揀最平果款，無要求可言。。。隔離枱揀178果款包無酒精罐裝飲品， 眼見d肉係好少少，多少許花。如果肚子容量有限，那30蚊就建議“坑”番，因有熱水、茶包無限供應。先來一碗咖哩撈白飯， 雖然係任食，但咖哩絕不馬虎，醬汁香濃內裡有很多薯仔紅蘿蔔同牛肉㗎 ，全部夠晒入味，香噴噴熱辣辣，咖哩辣度又適中。另外，想重口味一點，可以淨攞咖哩汁來配火鍋食物呢 甜品就有6種口味嘅Haagen-Dazs雪糕任食  

星期日早點吃晚餐，走到九龍灣德福一期商場的日式食街捃食，論抵食唔高要求，牛陣shabushabu係不二之選 。入店時間 5：44， 暫時只有幾檯客 入座起計，享用時間個半小時除了揀咩級數嘅牛肉同豚肉餐，其餘自己可以出去揀…蔬菜區調味料仲有白飯、炒飯同日式咖哩任食Haagen-Dazs 雪糕區 今次揀了蕃茄湯底，再出去拎咗一碟鮮蕃茄同南瓜加埋落湯裡面 揀了最平價果個 ：$148 牛豚任點任食 （無汽水任飲）第一輪店員拎咗兩盆牛肉同一盆豚肉有兩款豚肉日式咖哩汁香濃，內裡有紅蘿蔔、薯仔同牛肉可以要求要其中款豚肉比利時朱古力雪糕士多啤梨雪糕離夠鐘時間尚餘25分鐘鬆d, 店員已經拎住張單嚟問仲有冇野order同要求先結帳， 同埋張檯last order,尚餘15分鐘… （明明仲有廿多分鐘喎）賣咗單，最後食到夠鐘先走人 。加埋一每位$163食到捧住個肚走人 …

朽杲今日有德福商場行了一圈,可能天氣冷的關係影響下,就連午餐都想來個打邊爐來暖下身.雖然是一小時,食物款項已有我想吃的龍蝦丸,生菜,魚丸,但已經夠足夠來滿足我想涮涮這動作.吃了熱辣辣,暖笠笠時,竟然有haagen-dazs來做甜品做句號.這午餐連加一都只是75元,星期日就給自己放任一下都開心的事~

德福開咗間牛陣，唔係咁多等位，等咗十分鐘有位，入到去，order咗三客HK$198嘅黑豚及嚴選牛肉套餐，然後攞配菜。配菜種類算係咁喇，有青菜、菇類、魚丸、肉丸、拉麵、烏冬等等，很新鮮，熟食有白飯和炒飯，值得一讚嘅咖哩牛肉汁，濃香但唔係好辣；飲品款式不算很多，OK啦，雪糕係Häagen-Dazs，有六種味道，仲可以加toping，正﹗上餐好快，第一round上嘅牛肉油花均勻（可惜沒有拍照），但第二round嘅牛肉已好明顯差咗，到第三round，牛肉質素….唉﹗今次真係接受唔到，唔多覺有油花，好明顯唔係嚴選牛啦﹗我問侍應是否上錯，侍應竟然答我：「你個餐係『上牛』嘛。」，我答佢係嚴選，佢貌似幚我跟進，轉頭返嚟竟然話：「牛有好多部位，師傅切到邊個部位就邊個部位。」吓﹗咁嘅說話都講得出，當我是傻的嗎﹗跟據該侍應嘅邏輯，無論order邊種級數嘅放題，都係視乎師傅切到邊個部位就畀邊個部位你。須知牛肉嘅價格除咗取決于品種外，其次就係部位；做生意唔係咁嘅，要公道，客人order邊款放題，無論客人order咗幾多round，都要跟據客人所order嘅放題奉客，不可以擅自更改充數。希望今次情況係個別事件啦﹗

九龍灣德福商場，食店不停轉位。今次發現牛陣出現於商場內，又剛巧開業不久，而且中午時段，不用等位，所以一於入內試一試。雖然主要是食火鍋為主，但亦有不同類型的套餐選擇。午市時段，亦有"放題"和"定食"兩種套餐。而且因應選擇牛肉的質素亦有不同的選擇，除了指定肉類外，其他火鍋配料和雪糕是任選任食。我地一行二人，點了個最基本的日式清湯套餐定食，一於試一試新店的質素。雖然午飯時間，店內人流亦算繁忙。但店內亦不覺得有很大的油煙味和"打邊爐"味道。相信對返公司出來食午飯的朋友來說，這點十分重要。店員的服務亦很有效率。點了單，不用一會，就有齊東西，可以進食。除了指肉類，其他配料可自行於自助餐BAR拿取。配料種類不算特別多，但亦有基本一般食火鍋的配料，丸類，菇類，芝士腸等。而且見店員不停補充食物，食物的供應亦很充足。本人喜歡食火鍋時，主力食蔬菜類，店內提供的蔬菜種類亦不算少，而且感覺亦很新鮮。另一方面，可能日本餐廳，一定會有"白飯任裝"和"炒飯"的選擇，而且可以配日式咖哩汁，自製式咖哩火鍋飯。呢個都算特別喎。點了一客牛肉和豚肉，份量亦不算少，味道亦不錯，而且看見有肉汁，不似剛從冰箱拿出來解凍的樣子。食落味

中午突然決定今晚試新開「牛陣」，致電立即訂座。一行四人，今晚點了澳洲超長期穀飼牛每位HKD188，鴛鴦湯底加HKD5. 肉，飲品任點，配菜、飯＆雪糕自助任添，比較自在，可自選份量，非常抵食。每次加單，肉類＆飲品上枱時間非常快，但服務員只會上菜，不會主動將枱上吃完的碟或飲品拿走。醬油有點酸酸，隨意問服務員是什麼醬，她說：唔知呀，我都唔食架 ！說畢又乖乖站在旁邊，沒有去查詢的意識，我們忍不住大笑！牛肉＆蔬菜非常新鮮，份量亦足夠，可以再光顧