牛陣 (德福廣場1期)

營業中

休息中

今日同女友玩足全日，行街睇戲樣樣做足，真係好攰丫，一於食餐好既為今日畫上完美既句號啦🤗邊爐放題我地好耐都無食過了，雖然如此，有好多野仍然無變，例如長長既等位時間啦，坐得迫迫地既位啦，依然好好味既肉肉啦etc 最後等左廿分鐘，一坐低已急不及待叫左個$179既特製白雞湯嚴選牛肉放題。飲左一啖，湯底唔係好夠雞味，但重點唔係呢樣（但見佢落左好多杞子，應該都幾補？）重點當然係肉啦😍😍就黎餓到前胸貼後背喇，我地最後叫左好多盤😂牛肉每塊都切得好薄，浸一浸已經可以放入口；脂肪比例唔算多，食落唔會成口油呢90分鐘過得相當快，好彩最後食得超飽，仲食埋雪糕先走（哈根大師黎架），正丫🤩

廢青無咩野多, 就係時間最多!!!!當其他辛勞既有為上班一族要怱忙咁食完個lunch番工既時候, 肥妹仔我決定一於打過日式邊爐,反正又唔趕時間!!肥妹仔同肥家姐揀咗甜豉油同蕃茄湯底啦!!!!!甜豉油同蕃茄湯底甜豉油湯底好好好甜, 甜到非常奇怪, 好難食呀!!!蕃茄湯底酸酸甜甜幾好食!!!鑑於個甜豉油個湯底真係太難食, 所以肥妹仔我全程都淨係食蕃茄湯呢邊就算了.....嚴選牛肉Er......個牛肉肉質好柴, 完全無肥膏, 食落無咩牛味, 雪藏貨色, 非常唔好食!!!肥妹仔同肥家姐食咗一round就無再encore了!嚴選豬肉唉!!!!!肥妹仔我又係唔係好知自己食緊D咩野!!!!豬肉片完全無豬肉味, 肉質又係好柴, 肥妹仔我食到好無引......至於D配料, 都係得D金茹, 冬茹, 蕃茄, 獅子狗, 三四款魚強, 菜, 公仔都, 拉麵同鳥冬........肥妹仔我覺得真係太小選擇, 非常失望!!!總括黎講, 又貴又唔好食, 一定唔會再黎...

因為隔離嘅元大哥太多人嘅關係，我同伴娘改黎附近昵間牛陣食lunch 😅😅午餐打邊盧真係一生人五隻手指數得哂，不過九龍灣呢邊就第一次我一提議牛陣，伴娘呢個火鍋怪點會say No🤣嘩，原來真係仲咁平，$69位最普通清湯底，可揀牛或豬，然後D丸菜類飯吖麵吖出面自己任攞，半自助形式，而且轉其他湯底都係加$10咋佢地D肉都好新鮮架，以為咁平D肉會普通，又晤係喎，雖然我記得以前紅磡區係有牛肉粒飯食，今日就變成白飯同五穀米飯，不過飯後甜品係 Hagen 雪糕😱😱值回票價唯一差係可能太多野做，D服務人員態度麻麻

冬天尾聲，仍然都好想打邊爐。所以去牛陣食牛牛室內環境尚算寬敞，每個位都同隔離隔開左 叫做唔使同隔離眼望望。拎食物既角落。菜類質素都幾好，新鮮叉翠綠。瓜類豆腐都有齊，如果有埋粟米就更好。醬汁有四款，有生蒜，炸蒜，葱，芫茜。丸類反而有好多款，有幾多不同選擇。咖喱飯 牛肉淋 而且好重 加上十穀米 配搭否錯。有多款選擇，響玲最不錯。配料其實算新鮮有質素。肉到了。牛肉好重牛肉味 而且好淋 肥瘦適中。唔會太油豬肉就普通，都係牛肉比較出色不過食牛牛真係牛陣抵食夾大件

今期用信用卡付款低至半價，真係超抵食呀！！ 6點後等位等咗45分鐘可以入喇。90分鐘叫做啱啱好夠時間啦。叫左甜豉油湯底，叫完個湯底啲牛都好快上，職員好有耐性咁解釋我哋叫嘅牛，服務唔錯呀！出面都有唔少嘅配料選擇，特別嘅係佢有羽衣甘藍，同埋鮮蟲草花，平時喺出面食打邊爐都好少食到！牛肉同豚肉都唔錯唔會好鞋，encore嘅時候都好快上啦! 最正係有六款haagen Dazs雪糕，食多幾球乜都回本啦，半價真係超值呀！！

每次經過唔同既分店都見到要排隊等枱，可能時間早，難得今次見到無咁多人而又想食火鍋，一行埋去就有位，正呀！雖然個人認為牛陣出名任食牛肉同雪糕，但由於友人想食美鍋，我都要陪佢一齊食，到最後食完覺得係值回票價。湯底係奶白色，餐牌都有提示係有豐富骨膠原既雞湯，大家放心，雖然係雞湯但絕對唔膩，而且都好細滑，絕對適合女士們美肌，大家記得飲多兩啖。配料方面，叫得美鍋當然會有唔同種類既蔬菜、油揚蔥卷 同手作雞滑，蔬菜盤食完都可根據個人口味係外面自取。另外，唔好忘記有好多配料係自取，例如三文治丸、墨魚丸、龍蝦丸、脆皮腸各式丸類，太多款啦，大家自己睇XD如果同行有唔食牛既朋友唔使驚，有豬柳肉同豬肋肉，肉質都好嫩滑。至於我咁鍾意食牛既一定係首推美人和牛！主角美人和牛(即鹿兒島黑毛和牛)出場啦，脂肪分佈紋理清晰，提示5至10秒即可以食用，肉質特別嫩滑，個人食法醬汁都唔點，已經可以食到真正牛肉味道。澳州穀飼牛、日本特選黑毛和牛肉，瘦肉同脂部位比較分明，肉質嫩滑！大家食到咁上下都開始去「不」雪糕，大家要俾的耐性，感覺呢度既雪糕比起外面放題既已經係無咁硬。最鍾意都係焦糖脆餅同芒果熱情果。跟餐最後記得提提大家仲有水信

冬天最啱食乜嘢？梗係要烚吓烚吓啦。行過德福廣場，六點零見到牛陣已經有啲人喺度排隊準備入場，相信遲啲會仲多人，所以喺仲有位嘅時候就二話不說入去試吓呢間火鍋啦！餐牌上有唔同種類嘅火鍋，主要係肉類嘅唔同，有啲係食極上既和牛，有啲係食澳洲嘅牛肉，有啲係食普通嘅牛肉、豬肉等。見到餐牌上仲有一個叫做美鍋既推廣，應該係新野嚟，聽個名都有啲吸引，係咪食完就會變美人呢？哈哈🤣🤣平時都係食開普通嘅火鍋，見到呢一個有啲特別，甜品仲有一個想試左好耐嘅水信玄餅，就決定試吓啦！呢一個火鍋嘅湯底係雞湯，黎到嘅時候真係好似餐牌上面咁講，好奶白，而且冇乜油。呢一個餐包含嘅有好多種嘅肉類，包括有美人和牛、日本產特選黑毛和牛、澳洲穀飼牛肉、豬柳肉、豬肋肉、海鮮拼盤、蔬菜拼盤等等，全部嘅食物都可以加追！😊😊呢一個係美人和牛佢係新鮮用機即時切出嚟，薄薄地一片，好新鮮，只係需要將佢擺落個湯度5至10秒就食得，好有牛肉嘅味道，而且一啲都唔鞋，好嫩滑！牛舌因為自己本身唔食牛舌，所以味道真係唔知道，但係隻色望落去好紅潤，好新鮮，應該唔差。豬柳肉佢有啲似係梅頭肉，肥瘦均勻，平時打邊爐食嘅豬肉都會係好鞋，較為難𡁻，但係呢一個有少少肥肉腳黐

預祝結婚周年，梗係要食一餐好的大肆慶祝一番。因為覺得有點凍，所以最啱一定係打邊爐。等了大約 5 分鐘，終於有位啦~入到裡面，食物選擇可真不少，而且每枱的爐都係滾著，感覺好温暖。職員為我們介紹全新的「冬戀美鍋」，這個套餐可真豐富。日本鹿兒島直送「美人和牛」，一片片切得超薄，牛肉色澤自然，而且油花是超均勻的。將和牛放入已滾的濃厚雞白湯裡面，說時遲那時快，和牛經已熟咗~看~ 熟咗的和牛係晶瑩剔透，食落不但鮮嫩，而且牛香十足，食完十分回味。食過「美人和牛」，就來個美肌蔬菜盤，蔬菜非常新鮮爽甜。另外仲有油揚蔥卷及手作雞滑，蔥卷的蔥味很出而且帶點爽口，而雞滑係滑得來帶點起膠。除了美鍋系列，店內還有多款無限添加的美食，我們點了牛、豬、海鮮... 同埋飲品，真係一次又一次 encore。食得飽飽的，當然唔可以錯過店內的甜品，其實套餐是包個 水信玄餅。把黑蜜和黃豆粉淋上餅上，令本身無味的水信玄餅多添一點甜。另外唔少得，就係老公大愛的 Haagen Dazs 雪糕呀~佢好貼心的拿了一球我最愛的雙重朱古力，Yummy Yummy~

牛陣最近推出了冬戀美鍋，就約埋友人來試新野。打邊爐當然要先混醬，有蔥花，芫茜，生蒜，炸蒜，豉油，麻醬等等，很齊全。火鍋配料有好多，如下。丸都好多種選擇，蔬菜亦新鮮。登登登！冬戀美鍋上來了，湯底潔白，很多雞件，雞件嫩滑。似有豐富的骨膠原。這餐的主角上場就是美人和牛。美人和牛色澤鮮明，脂肪紋理分佈均勻。一嚐很嫩滑，我們encore 了幾碟。這個美人和牛美肌必吃，是日本鹿兒島黑毛和牛後部肉，含豐富蛋白質，令肌膚更紅潤亮澤。這個鹿耳島和牛也很好吃。Haggen dazs雪糕任食這個餐最後送上每人水信玄餅一個。

又到年尾，老細吹住交功課。晚晚都要加班，日以繼夜係咁做。聖誕節放假都約唔切人去玩。不過牛魔王朋友好有心，知道我有幾苦，專登約我去食放題。近近哋又方便，德福牛陣食放題。放工都七點幾好肚餓，一去到先食個日式咖哩飯。清清淡淡嘅咖哩配上牛腩，加一碗熱辣辣嘅 珍珠米飯，真係好溫暖呀。再嚟一個美鍋放題，真係暖到入心。先呢一個濃厚雞白湯，仲有幾款和牛同肉類都係任叫任食。今次想講依個美人和牛，真係幾靚㗎。肥瘦適中，又嫩又滑，夠曬新鮮。如果食到兩碟 ，相信可以都已經回本。 而且仲有其他嘢食，啲蔬菜仲好新鮮。最緊要留肚食雪糕。雪糕有多款式，只要你個肚裝得落，任你食到飽。臨走前記得食埋個水晶甜品，好清新好特別。這裏位置夠方便，約一班朋友到來聚會都非常好，食飽飽又可以行街街。

這天一家人想吃火鍋，媽媽特別指明要求要吃牛，所以我決定去牛陣放題。食物選擇又多，又經濟實惠。我們點的是$329冬戀美鍋。最吸引我的當然是美人和牛。餐牌寫著這是美肌必吃的，而且能令肌膚更紅潤亮澤。有沒有效果，我並不清楚，但論肉質。這個美人和牛肯定相當不錯。跟澳洲長期穀飼牛肉比較，美人和牛肥肉少一大截，脂肪分布平均，而味道方面，美人和牛肉質比較嫩滑，而最重要的是脂肪比較少，所以可以多吃幾塊。套餐包括美肌蔬菜盤，裡面的蔬菜跟自取的那些不一樣，當中最特別的是油揚蔥卷，以腐皮包著大蔥，蔥清新的味道能中和火鍋的油膩感。這個$329的套餐是－食物、飲品及Haagen-Dazs雪糕全部任食的。吃火鍋這樣盡興地吃最高興。雖然我通常是點限肉分量及只有一罐汽水的，但像這天般盡興地吃，果然是最最最最滿足的。

呢晚係boxing day，靚女朋友前兩日陪完男朋友之後終於記得我呢位小薯仔，仲話要黎接我放工一齊去聖誕大餐原來呢位美人睇中左呢度新出既“冬戀美鍋”想我同佢一齊去試睇落都真係幾正咁啵，既有滋潤白雞湯、又有得無限encore和牛同其他配料，仲有朝日啤酒/汽水飲，哈記雪糕都係任食添重點係boxing day都無額外收費，同平時一樣：成人每位$329+10%既然係咁就暫時忘記脂肪，呢晚捨命陪美人吃個夠啦D首先黎到既係呈奶白色既“濃厚雞白湯”，飲落去帶黏口，係滿滿骨膠原既感覺呀當中仲有滑滑既雞件食添之後我呢個小小牛魔皇就緊係急不及待要試下啲牛既質素先啦呢盤“美人和牛”就係今晚既主打，雖然係任食，但質素都唔差啵色澤粉嫩、雪花分佈平均，而且食落去都好有牛味除此以外,其他既牛肉同豚肉同樣可以無任encore，質素同樣唔差當中仲會送上一盤“美肌蔬菜盤”，入面除左不同既蔬菜，仲有手打雞滑，全部都同樣可以refill架而出面仲有自助吧，當中有飯麵類、丸類同各款蔬菜等等，真係大胃王都唔怕唔飽個花枝丸同拉麵都值得一試呀！！！跟住就要食返幾球哈記雪糕降下溫先而呢個餐仲會每人有一球晶瑩剔透既“水信玄餅”，加上黃豆

平安夜唔駛煩惱之選一定係打邊爐，話哂唔駛準備又可以唔駛揀食咩夠方便，仲要打得叻食得靚既，要食番個牛陣冬戀美鍋。七點去到已經坐滿哂人，勁多人係度恰下恰下，又變得凍凍地真係岩哂打邊爐，坐低就拎番隻碟，出去夾野準備自己都十下十下喇。首先緊係要混醬先，都有好多配料同醬料揀，一碟要豉油加勁多蒜，一碟再整多個芝麻醬就正到爆喇。配料都有好多款，丸都有幾隻，菜都好多款仲幾新鮮，仲有好有益既羽衣金藍可以揀架。望住啲牛一片一片咁整出黎，夠哂透明度俾你望到。咁Romantic既鍋一個人$329，用左雞白湯，成個湯都煲到勁白，入面好多雞件，好多骨膠原係入面好補架。最好味一定狂叫美人和牛，用上左鹿兒島既黑毛和牛，肉質好靚嫩紅色，仲有見到啲油花都係分佈得好均勻，見到已經好想食。一放落去之後，輕輕涮5至10秒就食得，肉質好嫩呀真係，牛肉有蛋白質同維他命，食完變靚又得，得左。除左日本和牛之外，仲有澳洲長期穀飼牛肉，豬柳肉同豬肋肉，肉質就比較結實一啲，質數黎講都唔差架。另外仲會有一個海鮮拼盤，有一大條魷魚仲有幾件魚塊，魚塊都好嫩滑。好大份既美肌蔬菜拼盤，有南瓜洋蔥等等，最特別係魚滑大家就食得多喇，呢度做左雞滑幾得意。仲

臨近聖誕禮節，連續幾日假期，當然要出街食大餐睇燈飾感受聖誕氣氛喇！天氣凍冰冰，當然不期然想打邊爐...哈哈😄同honey去左牛陣食限定推出既冬戀美鍋。成個套餐有日本鹿兒島直送「美人和牛」 、澳洲長期穀飼牛肉、豬柳肉等等非常豐富！重點係高質既美人和牛係可以無限添食唷！美人和牛放入雞湯鍋涮涮10秒就食得，快靚正！唔洗等到頸都長就食得，岩哂我宜個為食貓呀！除左套餐既份量之外，仲有其他火鍋配料可以任食。當中秋葵、羽衣甘藍及蟲草花就係我最愛...好少打邊爐有這些高檔既火鍋配料唷！好味又健康，食完由內靚到外呀！同場加映仲有haagen daz 雪糕任食！！！打邊爐食到熱辣辣，就最岩食番球雪糕了！除左雪糕，套餐仲有日式甜品水信玄餅...加上黑糖漿及黃豆粉，甜而不膩，非常好吃呢！

天氣愈來愈凍，在我的堅持下和男人來到牛陣打邊邊，要知道他喜歡食清淡食菜，我喜歡食肉，來半自助任食才適合我們，可以各自各精彩，不用擔心點太多吃不完。剛好見到做冬戀美鍋感覺很吸引，就選了它。鍋是滿滿骨膠原的雞湯，呈奶白色日本鹿兒島直送美人和牛入口即化但又不會很油，依然有牛味澳洲長期穀飼牛肉這個超軟，入口即化豬肉也很爽不會韌牛舌！沒想到有牛舌吧，不會很淋手作雞滑，油揚蔥卷，美肌蔬菜盤 雞肉加入了軟骨，能夠吃到脆脆的口感還有少許海鮮，花膠也有，所以說是美人鍋是沒錯的。不用擔心吃不飽（雖然吃完這些我已經覺得差不多了）因為自助的選擇超多居然有羽衣甘藍！沙律吃得多，沒想到打邊爐吸了湯底後更好吃，蔬菜款式也很多丸類不是普通的款，還有三文字丸，還有秋葵！Haagen-Dazs和汽水都是任食任飲，雪糕當日就有6個口味提供的食物款式和質素也不低，要回本相當簡單，用料也新鮮，味道不錯！