牛車水餐廳 (美孚新邨)

營業中

休息中

今日食個下午茶,好難食,服務態度都好差, 叫左個肉眼牛,肉質好老,食到牙都攰埋,薯條好少,得7條,同服務員講,叫都唔過黎,最後俾返幾條我,仲要加多句,,都有好多丫, ,,早知去隔離間大快活.....

是日回歸日屬公眾假期, 沒有下午茶供應兼要付加一服務費...是否碰巧大雨滂沱, 兼什麼跑馬的回歸盃, 兼國民從昂船洲的軍營乘巴士回到美孚落腳, 此刻的牛車水就嘈雜到仿如聲音環迴, 從耳孔直闖上腦袋。三十多元的午餐, 有餐湯、餐包兼熱餐飲, 現在還會有這麼著數的餐廳嗎?先送來的羅宋湯, 雜菜煲到腍而不散, 大件又多汁, 湯的味道集合酸‧辣‧甜於一身, 飲落是還可以；叮過的餐包鬆軟又帶甜味, 選用Anchor牛油實屬明智之舉。香煎龍脷柳飯要蒜蓉汁, 汁底有運用金銀蒜, 兩種蒜味口感都齊, 而龍脷柳有兩片, 拼合在一起那就是完整的一條。  魚有魚味而不腥, 很好~  論到魚柳的肉質, 我相信煎魚前有沾上粟粉, 所以煎熟後魚身就增加了一種煙韌、彈彈的口感。餐茶轉凍飲加$2, 選了凍檸茶, 而杯裏有五片檸檬, 茶味就一般, 未算達到一喝透心涼的境界。

店舖頗大, 卡位又長又寬, 客人也不多...牆上開著兩部電視機, 聲音又不會校到很大噪音, 慢慢地邊吃邊看也不會被趕走所謂午餐就由中午做到黃昏六時, 不過還是想試試下午茶餐牌所供應的食物樣樣都好吸引, 唯有用「點指兵兵」選出一款經過多個回合, 勝出者就是: 芝士焗雞扒飯 $27在毫無心理準備下在發覺:「咦~ 是白汁」顏色白裏透明, 有如漿糊一樣, 味道帶淡淡的奶及鹽味, 芝士亦只得少許在面頭, 毫無引申的作用；雞扒切成數件, 味道一般, 肉質更加是茶記本色。焗飯靈魂... 飯只是微微炒過, 口感頗硬也黏牙縫

一行五人想食鐵板，想起好耐無去既牛車水，8:00入內坐位任選，睇下價錢就一D都唔平，牛柳餐八十幾蚊個，都無所謂啦，照叫，鐵板一上枱，職員叫攞起紙巾，要淋汁，點知係完全無聲，個心即刻一涼，連個職員都自己講，個鐵板唔夠熱，但原來一食之下，連塊牛柳都係勁生，亦係凍既，老公ORDER既牛脷燴意粉，亦都只得個汁微暖，意粉係又碎又凍，真係好唔明白，點解連整熱食物都辦唔到，立刻決定BAD LIST呢間牛車水，永無下次 !

對上一次幫襯已經喺年幾前嘅事，當時同老婆、舅仔一齊嚟食夜晚飯，印象喺OK嘅，唔太好又唔太差。上到萬事達廣場二樓，原本喺去大家樂，經過牛車水，老婆話好耐無食過，不如試吓，就喺咁入咗去喇。又等小弟晌「我的美孚下午茶餐」系列加埋佢嘅食評啦！美孚好幾間快餐店、茶記晌下午茶時段都幾多人，但牛車水嘅入座率算喺例外，有相為證，我估都喺得三乘客。好唔好食喺一個原因，其實佢啲粉麵餐跟同區嘅茶記差唔多價，都喺大概$30左右，不過人人都唔收加一之時，而佢就收加一，雖則佢自稱為一間西餐廳，但著實跟茶餐廳無異，所謂加一服務，都只不過送菜上餐飲，所以對客嚟講，心裡就會覺得好唔抵，亦可能喺少人幫襯原因之一。下午茶餐一樣有好多嘢揀，平平哋可以食三文治或飛碟茶餐（$22-$24），貴啲嘅有大把選擇，炒粉飯麵、金邊粉、米線……等等（$26-$29），再貴啲可以食個鐵板扒餐（$36-$40），下午茶佢都供應鐵板餐，有啲誇張呀！沙嗲五串（豬、牛、雞） $29牛車水喺新加坡一個地方名，名字由來就唔多講，上網查就大把資料。所以，就要咗一份新加坡馳名地道美食「沙嗲串燒」，舊年去過一次新加坡，都幾懷念當地嘅串燒，借機賣賣廣告，可以瀏

下午3點先食lunch，一時無為意，仲諗住廿零蚊咁平…叫左豉椒牛肉炒河加0茶，個炒河非一般的咸，怪怪的，0茶過甜~埋單計好$27+2蚊凍飲啦，點知比錢時收我$32！？原來有成$3加一…未試過食茶餐廳收加一架！一個下午茶賣成$32，又難食真係唔會再有下次！

黎到呢間牛車水, 食左個早餐仔~發現比想像之中好味 等位都頗耐, 見啲員工同啲客仔有傾有講, 大多都係住呢到嘅人...坐落叫左個雞扒肉丁麵呢到啲野食好肯比料, 塊雞扒好大塊下, 啲肉丁又香但係有樣野唔好, 就係冷氣太大...好凍...或者我坐正風口位掛但係呢間野啲野食真係好肯比料! 如果下次黎呢頭, 我諗我會再食呢間~

初次黎食,都無抱咩希望入到去，餐廳環境一般。價錢好貴,但因為男友想食而且又肚餓,所以試下。男友叫左雞扒司華力腸配意粉，我就叫左海南雞飯—羅上來,已經吾多想食海南雞又老又難食,點雞仲有少少味，而且雞噶調味料同雞根本吾夾，酸辣汁無酸辣味，蒜蓉汁無蒜蓉味,唉。同聚寶果點眞系無得比。雞扒本來昵間出名應該系扒類,但無念過距用蹀上,要鐵板要另叫。呢樣都算,重點系野食味道,真系難食,點雞扒硬噶凍噶。我男友只飲左湯同食左面包仲有意粉就無食了。湯就凢好飲噶,但野食就..距環境—般,野食差,態度一般,同茶餐廳—樣,但要收加—,價錢貴,以後都吾會再去。

是晚一家人來這裡晚餐, 六時許來到, 怎知道下午茶時間是去到六點半, 當然就吃下午茶餐吧.鹹魚雞粒炒飯 $26: 6分, 偏油, 不過就幾香口的, 也炒得飯粒分明, 加上大大份, 填肚之選.海南雞飯 $28: 6分, 雞飯不夠香, 雞肉還算可以吧, 起碼不會太實. $28一客, 其實也不能有太高要求.馬來貴刁 $26: 6分, 也是偏油, 這裡的炒粉麵飯實在不太健康. 貴刁不算辣, 是去到我也不怕的程度.沙爹五串 $28: 7分, 燒得不俗, 肉質還可以, 也不太有化學過的痕跡, 沙爹醬幾惹味.跟飲品一杯, 我要了凍檸茶, 不太有茶味.這個價位, 在早輪晚餐時段, 實在是相當經濟.

本來都沒打算給負評，不過打開這店的紀錄，嘩，原來有成41個負評，原來都唔止我一個覺得唔好，之不過，我覺得未叫好差，都食得落口，不至於完全不能再幫襯。好，先講講店面先，店面都算大，星期六中午時份都坐滿人，要等大約五分鐘先有位，而且沒有人會招呼你，自己搵張枱等位就是。坐位都坐得舒服，可能我坐左係角度頭，舉左一陣手都無人應，結果要大叫一聲唔該，先有人過來落單。我點了咖哩雞飯套餐，有湯有飽有飯有飲品，三十多元尚可接受。湯有羅宋湯和忌廉湯，我選了忌廉湯，濃度適宜，不會太稀，飲落都尚似一碗湯，而唔係粉開水。飽就無整熱。咖哩方面都叫合格，香濃，雞肉都有小小入味，份量都OK，只係想加多小小咖哩汁竟然要加五蚊。奶茶就無什麼好講，就咁一杯奶茶。其實這店都仲有一些午餐，都係三十五蚊左右，唔想食快餐店的，都可以考慮一下。總評語：沒什特色，但不至於很差。

下午茶時候在這區, 隨便走進這餐廰, 不夠冷氣, 不夠服務...若這店是標榜星馬食品的, 這便不是最好最正宗的味道了, 雖然材料十足, 但有點令人失望真不明白這裡憑什麼收加一服務費, 無論裝修還是服務, 都只是一般茶記水準, 食物又不是特別出色, 街坊們卻讓這店生存多年, 真有本事呢

簡直係不知所謂, 真係想比多次機會佢,不過仍然冇改善.早餐時間真係叫極阿姐都唔會理你,只係掛住睇TV,就算好彩比你叫到.佢地唔會同你跟單, 真係話知你坐係到等. 咁攪法真係趕客姐. 唔會再去, 算吧, BLACK LIST!!!!!!!

夜晚上完堂去呢度宵夜，叫左個焗豬扒飯餐，先來一碗羅宋湯及餐飽，碗湯入面有十粒八粒檸檬核係度，我唔知正宗既羅宋湯係唔係有檸檬的，不過我覺得真係唔好飲，個餐包用微波爐叮得太過火，又乾又硬兼且味道怪怪的，吃兩啖丟低左。到個焗飯，D汁係淡紅色，無味道的，好在D豬扒都還可以。最後叫左杯熱檸茶，杯茶好深茶色架，不過厲害之處係杯茶味道似一杯水一樣，無茶味既。

通常星期日我哋倆公婆都盡量晌屋企煮飯食，因為有多啲時間準備，唔似平日要返工比較趕。但今次就因為晏晝都各有各忙，咁就費事煮啦，搵埋舅仔一行三人出街食！本來諗住去食點心專門店，但好似唔太就腳，最後費事煩走返美孚搞掂算。揀咗牛車水，都係因為依間嘢係舅仔嘅飯堂，美孚查實都有好多茶餐廳，但佢就稍為情有獨鍾依間。美孚幾實都有唔少選擇，不過星期日嘅話就好多好食嘅都人滿之患，唔爆嘅有可能唔好食，又或者係一般，牛車水就屬後者，對我嚟講，佢唔係太差，亦講唔上好食。依晚，星期日，黃金時間，都係7乘幾滿，除咗味道，普羅大眾當然好考慮個價錢，反觀隔幾個鋪位嘅大家樂就爆晒，始終人哋都係平啲。牛車水食晚飯個價位就$50位左右，不過，老婆唔算大食之人，我就多有多食，少有少食，舅仔牛高馬大都只係稍為叫食多少少，所以，叫兩個小菜搞掂。佢依度有幾款晚市套餐，其中一款叫「自選小菜二人套餐」，任揀兩款精選小菜或煲仔菜，配例湯或湯羮（粟米雞茸湯、海鮮豆腐羮、牛肉羮），加白飯兩碗同熱飲兩杯，賣$102（另加一）。本來打算就依個二人餐扑鎚，不過幾款湯羮佢哋都唔太啱，如果飲例湯，不如散叫小菜，因為每款精選小菜或煲仔菜，都送例湯、白飯同

同朋友夜晚去食晚飯！叫左兩個扒餐，一個肉眼扒餐，一個西冷扒餐~羅宋湯好咸！不過可以接受，(因為其他餐廳都係好咸)忌念湯唔係湯！係忌念水！好稀！肉眼扒>>>唔係扒！得幾片好薄既牛肉！又多根，又難食！跟餐d意粉碎晒！每條得3寸長！仲要好難食！失望。