牛車水餐廳 (美孚新邨)

營業中

休息中

之前慣性開心星期五 同住美孚知己飯聚之前睇完食評唔太好友人就帶左我離呢間服務感覺好似一般,當然係茶記d職員係會唔多理會你我叫左個越式金邊粉 有杯熱飲菜蜜味精唔重,d豬頸肉好食,香草足料,食落夠味同新鮮熱菜蜜 好飲友人叫左個咖喱,佢覺得好好食,食到一d剩汁都冇卡位闊總算坐得舒服埋單自己出去埋 基本上離呢間要自己去跟

牛車水餐廳 呢個名好懷舊。今晚飯局，幾個男人約左一齊食扒，實行男人既浪漫。美孚呢間地點方便，係 c 出口一出，唔駛1分鐘就見到萬事達廣場。星期五晚去其實都有位，地點闊落 ，不過清潔度就一般啦，背後玻璃位好多塵。揀左T骨牛扒餐 跟沙律$98 仲配野飲。算係咁喇~~T 骨扒大大件，有返咁上下厚度，有趙頭。港式牛扒 其實都無咩要求。鐵板上熱辣辣，阿姐仲好細心上碟前問你，汁淋唔淋上面。幫你淋埋先放係你面前，唔會彈到你。沙律一樣 罐頭沙律，不過甜左少少。

今日好難得同老公去美孚食嘢，因為我們想去尖沙咀的，但是太肚餓了，所以去美孚食。真的 很少機會會去美孚食野，在美孚的商場 得幾間餐廳，但發現這一間，我們就去食，因為我比它的板燒下午茶餐吸引，標價46元，我們坐低我們叫了兩個，一個係牛 牛眼扒板燒，原來加飯，飲品每款要6元，另一個菠蘿海鮮炒飯，本身我想食海鮮喇沙麵，但老公想食菠蘿海鮮炒飯 。牛眼扒板燒個黑椒汁好正，好濃，個牛眼扒好好味，雖然個牛眼扒厚度適中，不是很厚，都少少薄，但我真係覺得好好食，因為個扒好濃味 ，完全入曬落牛眼扒入面，所以覺得個牛眼扒好好味;至於個菠蘿海鮮炒飯，佢個飯炒得都幾香， 炒得都幾好食，但是餸就不是太多，如果不是有牛眼扒可以送飯，咁個菠蘿海鮮炒飯就會係比較失色，因為唔係太多餸 ，但係整體我都覺得好好食。埋單係80蚊，因為這裡要加一所以變咗88元，下午茶有機會我都想再試這間餐廳的喇沙麵

今日同同事試既係牛車水。 聽個名就覺得係得新加坡， 馬來西亞野食， 點知入去見原來其實唔止既，係好似茶餐廳咁 好多選擇。 不過因為想試d 特色野，睇左一輪最後都係揀左喇沙。單係喇沙都有好多款， 最後揀左海鮮喇沙😗😗。 味道普通唔會太濃 同太辣。 而且份量好夠，d 海鮮 蜆仔， 魷魚都幾足料。 😄

在深水埗食下午茶去了牛車水餐廳，如果去茶餐廳食飯，我便多數喜歡去佢度食飯。咖哩牛肉飯，牛肉食得出質地唔錯和燒得夠熱，洋蔥同青椒當是蔬菜食，配上咖喱汁夠哂味道令成個飯好味道。

今晚一個人去了美孚的牛車水餐廳食飯，叫了個牛肉會意粉，牛肉食落口好香滑令我忍不住食多幾口，好在牛肉份量足夠，加上有番茄，雜豆，番茄汁令人開胃，最令人期待是滑的意粉因是會意粉好味的首要條件。

美孚牛車水大熱天時中午食飯都搵間冷氣夠的，咖喱牛腩飯好多地方有得食，但牛車水咖哩一向出名，咖哩跟飯是分開上的，咖哩不稀亦不會太杰，濃味但又不辣，牛腩非常鬆軟，帶少少筋綿綿的，加埋餐湯，夏天一杯凍檸茶，醒精神爽利再返工。

咖喱牛肉無薯仔又無青椒D牛肉又韌，咖哩又 好似加了水，深水埗間牛車水有薯仔同青椒，海南雞D飯不似飯好難吃，做野個肥大嬸又無禮貌，雖然看了食平不好，也是親身嘗試，只此一次，在無下次。

牛車仔餐廳真係去一次便算，到美孚是但食早餐，贪其29元正而凍飲不需另外加價，是很經濟實惠。但是，要等好耐才有侍應下單，食物質數太普通，味道太鹹而奶茶味道太淡，沒有茶味

某日到美孚探親之後 , 個肚餓到打鼓, 又是時候覓食 , 真的不知道何處落腳 .... 察覺有一間外表老派而平實的 牛車水餐廳 於前方 ,  就入去幫襯 ~讀過 下午茶 menu , 炒粉、麵、焗飯 什麼都齊 , 感覺像茶記 , 而且是街坊價 ~牛車水 .... 理應是買 新加坡 菜式的 , 只不過有些不太有信心 , 還是點一個海南雞飯穩陣陣 , 反正 新加坡 就出名 海南雞飯 ~海南雞飯 $ 34 : 碟飯一上枱就知不對辦 , 海南雞飯有什麼可能配蔥油加辣雞醬 !? 先吃一羹油飯 , 飯粒分明且粒粒軟棉 , 而且略有椰香 ; 再吃件雞 , 味道明顯不是鮮味 , 但最起碼是熟透 , 亦算嫩滑 , 一口雞一口飯 , 味道還算過得去的 ~餐飲 , 點了凍檸檬茶 ; 這杯檸檬茶的味道就很對辦 , 檸檬有酸味而不苦澀 , 茶味亦夠濃 ~ 說句實在話 , $ 34 一個 海南雞飯 茶餐 , 還想怎樣 , 做人還是不要太挑剔了 ~ 本篇完 ~

試這家是因為見這裡有 $46 鐵板餐，好像幾划算。（坐下才發現要加一的，下午茶餐亦要）下午茶時間看似坐無虛席，但細看下原來只是多張枱都擺滿食客用餐後的餐具和食物而已，久久未有人清理，可見餐廳內人手不足，連餐桌也來不及收拾。鐵板餐遞上時尚算夠熱，熱氣一湧而上。但肉眼扒質素麻麻，肉薄兼有點韌。而且只有數條薯條，若要加意粉又要另加錢了。喇沙的湯很多，但只令我覺得似在飲喇沙湯而非食米線。配料挺多的，有豬頸肉、豆卜、芽菜、魚片、雞蛋，可惜每樣只有一兩塊。而喇沙汁充滿肉碎，但味道偏甜。在這裡用餐發現很多都要另外加錢特別是扒餐，如餐湯需加 $6 （無餐包），加飯或意粉和冷熱飲品也要加 $6，最後還收加一服務費。整餐飯只可說是一分錢一分貨，份量是足夠飽肚的，但食物就只是茶餐廳貨色而已。

食個中午飯諗住食好少少,坐底左諗住叫野食,叫左成十五分鐘都冇人有反應,睇住幾圍枱食客野都未叫就走,個老闆都好應該多謝佢請返嚟嘅侍應同佢倒米。真心希望間野日日旺場。

是但入一間，因美孚但無乜特別食店。晚市要加一，但幾豐富架。豬扒焗飯，豬扒切開就可以更方便食，又用無骨扒。飯有炒底加雞蛋，雖然雞蛋量不多的說。個汁都唔錯，撈埋飯一流。羅宋湯夠甜，蔬菜多又腍，但人家提醒是加了糖才喝出甜，間中喝好了。 加6蚊轉紅豆冰計鬆軟的小餐包，微熱抹上牛油即吸曬，食入口更香滑豆腐班腩飯，夠鹹好下飯。中飯有跟中湯，紅羅白豬骨湯。 要扣小小分就是汁比較油，女生唔慣但男人口味做出發就無問題，同衛生比較一般，可能是開了好多年，但成日滿都好受街坊歡迎

今年除夕約了好友倒數，一年最後一餐好友突然想去牛車水食，說起來我第二次在這兒堂食，數月前曾經光顧下午茶外賣（下午茶外賣價錢幾抵）其實美孚新村食肆眾多，呢間能夠有多年歷史，相信有d值得人喜歡的地方~~~舉起餐牌發現晚餐唔係特別平，但眼見鄰枱有兩位大叔食鐵板餐，喜歡鐵板餐落汁時噴出炸炸聲感覺的我就決定食九十幾蚊的西冷趴餐一開始上餐飽和白湯，白湯感覺ok，餐飽暖又軟，幾好食~~~沒想到個趴本身有薯菜，仲包埋意粉，我淨食趴就已經飽晒，有d後悔唔叫侍應唔駛加飯或意粉~~~件西冷趴夠軟熟，勁好食，薯條唔太熱氣，超鍾意呢個餐好友叫六十幾蚊的海南雞飯，我試咗一件雞肉，感覺冇乜味(￣∇￣)呢間餐廳的鐵板餐和下午茶真係值得幫襯，怪不得有咁多負評都能夠營運多年(^_^;)俾味道分高係因為個鐵板燒真的好食

今天的午餐解決在深受老街坊歡迎的港式新加坡餐廳（要加一的，所以不會是茶餐廳）下午茶價格範圍是三十多四十餘元，包飲品一杯。細看餐牌能察覺食物款式是有港有西，要選有東南亞風味的會有炒貴刁、喇沙及海南雞飯。焗芝士雞扒意粉已經預算會吃到港式茶記的肥意粉，但没想過這焗意粉的出場會打破我的想法。意粉竟然仍有彈度，吃落不腍;芝士白汁的質地不似漿糊，吃出有奶味而非馬虎的麵粉糊，雞扒被焗至皮脆帯香而雞肉不柴還有它們的『鮮醬油』調味。味道 3環境 3服務 2.5衛生 4抵食 3