牛車水餐廳 (美孚新邨)

營業中

休息中

今天的午餐解決在深受老街坊歡迎的港式新加坡餐廳（要加一的，所以不會是茶餐廳）下午茶價格範圍是三十多四十餘元，包飲品一杯。細看餐牌能察覺食物款式是有港有西，要選有東南亞風味的會有炒貴刁、喇沙及海南雞飯。焗芝士雞扒意粉已經預算會吃到港式茶記的肥意粉，但没想過這焗意粉的出場會打破我的想法。意粉竟然仍有彈度，吃落不腍;芝士白汁的質地不似漿糊，吃出有奶味而非馬虎的麵粉糊，雞扒被焗至皮脆帯香而雞肉不柴還有它們的『鮮醬油』調味。味道 3環境 3服務 2.5衛生 4抵食 3

d侍應生唔想做就返屋企啦！行動緩慢，行都唔願行，扮睇你唔到，5分鐘先攞到餐牌，10分鐘都叫唔到人落單，企曬响水吧扮攞餐，唔順路唔洗指意佢見到你，唔洗講啦！即走。唔只1次係咁樣，檢討下啦！

如题，总之是又贵又难吃，不会再去第二次了…点了个扬州炒饭，以为不会差到哪儿去吧，但却发现饭不香，没什么配料，又干又硬，也不够味道。还有小炒皇，几乎全是芹菜，腰果，肉只有可怜的几粒，也一样没什么味道…哎…太失望了

呢度既叻沙正宗就一定唔係最正宗，勝在夠快有得食，但茶餐廳黎講算咁60蚊碗勁多餸，有蝦，魷魚，雞蛋，豆卜，肉碎，芽菜，蜆肉，不過豆卜真係好鹹，可能煮之前有調味過? 食完都幾飽😂味道都有6分~

美孚其實都有好多好野食, 今日就試下一間茶餐廳啦！點了一客海南雞套餐, 有油飯同菜同湯,再配飲品, 以份量來說絕對足夠的但味道就真係差左少少啦首先d雞就有少少硬, 無乜滑既感覺, 好似有少少擺太耐好乾咁其次個飯真心好油, 食食下都覺得有少少濟, 同埋無乜飯香咁, 菜就好正常, 不過得3條就避免有點縮水吧

下午茶種類繁多，我獨愛沙爹5串（可選雞、牛或豬）。試過一次下午茶鐵板餐但就唔係太好食，肉質唔得，又或者係熟過頭了侍應成日好似好忙，叫極都無人理。下午茶時間到1830是一大吸引力。

今天趕時間，見呢間茶餐廳午事有位，二話不說就入去了。選擇基本上係茶餐廳正常選擇，本來就無乜期望，諗住穩陣起見叫個印尼炒飯。賣相已經係好麻麻，飯既份量係多，但配料就少得可憐。本來就無乜要求，算啦食左再講啦。出事啦，味精味極濃，而且飯夠晒油利呀，咩事呀！以我食炒飯年資係二十年以上，成個味道根本係揚州炒飯味道，除左色澤係黃色外，仲有何特色說明係印尼炒飯！加上佢碟飯既配料係又少又細粒，蝦肉蜆肉仲細過塊指甲呀，食左都唔覺落肚啦。賣相，材料，味道無一可取，加上職員視而不見，落單都要等五分鐘先有人肯走埋黎，失望。咁樣既質素加埋一仲要成50蚊，唔值囉。

一直都聽過🐂🚗💦既大名剛起床想食個下午茶 雞脾心想雞脾唔會難食得去邊勇闖牛車水對唔住 我錯啦係牛車水點左個 炸雞腿配薯條 $33碟野一黎到 隻雞腿已經被炸到不似腿型食落去 又乾 又冇乜肉薯條 勁油 好大陣油益味（好彩唔多）真係寫個「服」字牛車水 係勁！仲要收加一早知去隔離食大家樂

呢間牛車水真心是垃圾，垃圾食物，服務態度極差，坐係度完全吾會理你。個飯又凍又難食。叫左杯朱古力。淡到好似水咁，同佢地講完。佢地回應係：送既係咁架啦，一定無你屋企自己冲既咁好飲，我回應：呢杯係水。唔係朱古力，之後佢就黑面轉身走開，當你透明。呢間牛車水真心垃圾。從未試過食飯食到咁。永世不幫襯😡😡😡

上次DINNER食過鐡板牛, JUST OK, 想比多次機會再試下佢馳名既海南鷄, 唉.........今日同媽媽食個LUNCH, 諗住同佢一齊懷緬一下昔日既海南鷄飯, 我地叫左個海南鷄二人餐.首先黎個超大碗合掌瓜湯, 幾甜, 預左個湯落左師傅, 我飲左少少再黎主菜, D菜心OK, 不過勁油....海南鶏CLOSE UP , 份量小, 半隻都無, 個賣相又唔得, 點知食落仲要係好一般, 肉唔新鮮, D肉質仲好靭! 唉, 好失望... 唯一做得最好係個油飯, 幾好食, 但因為太少鷄, 無得餸飯, 都食唔哂.....我諗我都唔會再幫襯住了 .... 再見

好耐都冇食過牛車水啦, 我記得當年我第一次來係阿爸帶我來的, 轉眼間原來呢間牛車水都開左咁多年, 都唔到都仲係到 我六點零鐘來到, 估唔到仲有下午茶食, 我諗唔到食乜野, 於是就叫左個鐵板肉眼扒食, 我加左6蚊要左個羅宋湯, 我覺得個湯幾甜同埋幾好味有好多菜, 我飲曬個湯 跟住在上個肉眼扒, 其實我食扒最鍾意的煮法就係用港式鐵板燒, 夠曬鑊氣, 待應哥哥上菜時都唔敢擺得太近我, 因為火氣太勁驚彈到我, 我覺得佢都幾considerate 丫, 不過呢塊扒用梳打粉那得好勁, 我有d肉都覺得太勁梳打粉味無食到, 但係佢個汁同埋個肉質都幾OK架, 份量夠多 今日係平日, 我入到去冇耐都已經满哂人啦, 都算幾好生意, 我諗我下次黎唔會再食牛扒, 因為我相信海南雞飯先至係牛車水的強項

經過上次來美孚走來走去，都只能找到茶餐廳去食男A的生日飯的特別體驗(美孚果然無野食)，今日再來到美孚練習，揀餐廳就決斷得多，一出地鐵站，男A抬頭一看一間像樣的餐廳，便毫不猶豫地跑進去。這家新加坡果然裝修還可以，價錢便宜，而且很有份量，早知有這麼好的餐廳，上次就該來。女A點了一個喇沙麵，男A本來怕辣，不敢多嚐。但原來一點也不辣，而且落了不少花生醬，ok 好味，而且份量好大，食極都唔完咁。今天，我們還飲了有英文字母的維他奶。走的時候，男A問了女A一句: "左撇子喜歡人拖她的左手定右手?""左手。"女A回答前突然笑了一聲。我們便拖着手在雨中離開。

牛車水嘅「名氣」應該好多美孚街坊都知，中伏率無100，都喺中簽率高 ，所以，都甚少幫襯。睇番啲食評，對上一次幫襯已經喺2012年嘅事，嗰次喺難得一次唔錯嘅食下午茶經驗，此外，亦晌度食過晚飯，個人嚟講，都OK啦。趁著星期六唔使返工，又可以偷懶唔煮，出街同老婆落街食 。牛車水雖然標榜話賣馬來食品，但同港式茶記無分別，睇睇佢個早餐餐牌，根本就喺茶記，故此，相信嚟食早餐嘅中伏機會應該相對細 。環境唔多講，只喺對照番以前嘅相，裝修無點變，但就換過晒啲櫈，感覺光鮮咗，此外，又估唔到原來都有幾多街坊幫襯，目測都應該有八乘幾滿，同埋，人嘅流轉好快。 牛奶麥皮配生菜吞拿魚三文治 $28 先送上牛奶麥皮，皆因一早煲定晒，麥皮份量都幾多，真喺一大兜，對比番隻水杯就知有幾大碗，老婆話淨喺食個麥皮都夠佢飽呀，結果，麥皮佢食咗3/4碗，三文治亦只食半份，剩低嘅又喺由小弟包底。估唔到啲麥皮幾滑，味道有少少偏甜。除生菜吞拿魚三文治之外，依個餐仲有另一個選擇，可選配火腿蛋三文治。份三文治吞拿魚落得好足，不過有啲偏濕 ，落得太多沙律醬去撈吞拿魚；此外，三文治正中間有一大撻牛油，一般整三文治喺為咗防止啲濕嘅食材

以為好彩唔洗等位，想据扒又見下午茶餐有鐵板牛扒。點知中伏！呀姐惡過我呀媽，冇禮貌就梗嘞！態度可與七警相比，只欠拳打腳踢！想問我做錯咩呢？食到半發現下午茶餐仲貴過午餐?? 理單原本$42嘅TSet，因為要意粉，餐湯和餐包各樣加$6，結果$66埋單！！午餐包哂仲有飲品都係$44！點解服務員不提客人午餐到6PM？算！可能牛扒質素不同。問收銀員下午茶貴過午餐原因(對！客人要自行到櫃位埋單)，答案:"經理話鐵板啲油彈到衫污糟哂，所以貴啲。"但，我想講我份餐要碟上。。。P's. 食物都差。湯太咸，牛扒無牛扒味。唯獨麵包夠熱，因為翻叮。以後情願食大家樂

是咁的話說個日去美孚行下一出閘想食野一眼望到牛車水點知就種下奶野的禍根入到去無人理你自己搵位坐低看見餐牌上幅圖好正想問下侍應係乜亞嬋侍應 A 回覆:我吾知再問亞嬋侍應 B 得到神回覆:張圖係放上去裝飾的,沒有這味餸正式點餐叫咗喇沙,咖喱牛腩飯,熱檸茶,凍奶茶先上了咖喱牛腩飯,熱檸茶熱檸茶一般,無茶味,無檸味,落糖都唔甜,吾好飲個隻咖喱牛腩飯賣相樣衰,一食就知係罐頭個種咖喱味再上了喇沙,算是比較正常,入到口的等了很久未見凍奶茶出現係隔兩個位張無人的枱上見到一杯凍奶茶心知九成係我地杯凍奶茶叫亞嬋侍應 C 追下我杯凍奶茶亞嬋侍應 C 扮傻婆咁落單要杯凍奶茶好快就上凍奶茶完全係一杯無茶味無奶味的糖水睇下餐牌,這種茶餐廳夠疆收加一,佩服,陰徑幸好埋單沒有計我兩杯凍奶茶,否則實同佢開火總體評分如下(100分為滿分)品質:5分服務:-1000分清潔:0分價格:-500分