牛舞日本燒肉‧涮涮鍋放題

營業中

休息中

新店就去試下啦！5點幾6點去拎飛，7點16分坐低咗，等個幾鐘都可以接受，當然喺商場行黎行去啦！因為佢有加每枱48蚊就可以打埋邊爐嘅關係，就算2人枱都會比較大，但好彩無加打邊爐，因為任食，燒肉食到幾飽飽地，打邊爐坐低一陣就要話比人地知加唔加，(姐姐講架)下次要試下先得。今次食係星期日假錢會貴幾十蚊，我地嗌美國SRF極黑和牛$338，食100分鐘。因為未試過，所以嗌中等價錢試試先，最貴5百幾食120分鐘嘅，當時食品都可以嗌好多款，我就連虾都無得燒，刺身無帶子燒肉有豬牛雞同內臟，熟食有串燒同飯麵。抵過自己出去買，7舊水一定無咁多野食，但唔好諗勁好食，如果唔食牛嘅人2百幾同加48蚊打埋邊爐就超抵食👍飲品唔多，另外可以加錢飲有酒精任飲。水都出面自己拎嘅，配菜有生菜同八爪魚同泡菜(細細碗同用保鮮紙包住，係好乾淨但唔環保 疫情快啲走啦！)、湯、雪條、生果都有嘅…落單都係用電話掃QR內單，每次嗌10件，2個電話就可以分開落單嘅，咁就唔洗真係10下10下咁等🤭其實未夠100分鐘都已經飽晒我有留意到佢地有個食品apps，下載咗有優惠券，我揀咗減50蚊，大家就記得比錢前下載呀！同埋可以儲埋分👍

一個人出街跑完步，身水身汗，諗住要慰勞下自己，就去大商場搵啲好嘢食。見到呢間好似唔錯，咁作為牛魔王，要食就梗係要食最好㗎啦，所以我嗌咗個最貴嘅薩摩牛餐，$588（未加一）任食2個鐘。試完之後覺得果然係一分錢、一分貨👍🏻1️⃣ 牛舞拼盤一入座就有，有7種肉，其中薩摩牛油脂香味最正，美國和牛嘅牛味幾濃，雞同豬味道都唔錯，無一款係伏😋 試完可以單點自己鐘意嘅～2️⃣ 燒肉、涮涮鍋單點就梗係要狂食最正嘅薩摩牛啦😆 我嗌咗薩摩牛牛肋肉、醬燒和牛肋條、牛赤肉、和牛粒、薩摩牛薄切（涮涮鍋）。薩摩牛油花靚，肉汁多，最重要係牛味十足，個人尤其鐘意牛肋肉、牛赤肉同埋薄切。涮涮鍋嘅湯底揀咗鰹魚昆布湯，飲落清甜、唔重口味，啲配菜索埋湯汁好正。有得同時燒肉+涮涮鍋呢點好好👍🏻3️⃣ 海鮮/刺身/炸物甲羅燒嘅蟹膏份量好多，味道濃郁香口，淋埋蛋汁食更滑，encore咗幾次❗️香蒜牛油帆立貝、日本甘蝦同炸日本甜薯都正常發揮。三文魚幾肥美，唔點豉油食都唔會腥，有得食刺身係幾驚喜嘅😊4️⃣ 飲品除咗可以自己攞罐裝飲品、斟咖啡、汽水之外，仲有得任飲酒精，而且唔係cheap嘢！我嗌咗梅酒，溝埋冰，又甜又涼爽🍺 一啖肉，一啖酒😁5️⃣ 蔬果、雪糕幾

今次約左同事食呢間係Yoho既燒肉店，但超級長龍，我地18:30拎飛，差唔多20:00先有得食。🔎美國SRF美國極黑和牛放題（$298+10%）我地一行4人揀左食C級美國SRF美國極黑和牛放題，只係食燒肉，無俾錢加涮涮鍋。刺身有6款可以揀，正常發揮。肉類可以揀既款式都唔少，我之前見人話落單後好耐先上肉，但我今次食，又唔覺黎得特別慢。自助區主要係有前菜、飯、熟食、飲品同雪條等可以任食。但我略嫌飲品種類太少，再多啲選擇就好啦。以任飲任食黎講，性價比都算高。

今晚同朋友去到元朗，由於條街太熱，所以好快就入了商場行街，晚餐自然會在商場入面食埋。我見到有一間叫做牛舞既餐廳，都多人等位，所以我都等埋一份。餐廳是任食火鍋加燒肉，有多種肉類及火鍋料可以選擇，算係非常抵食。我們等了一陣就可以入坐了。餐廳裝修好新淨，非常乾淨，重有機械貓幫手送餐，好有趣。坐位設計都好闊落，店員清潔得好乾淨，沒有油漬及油污。一人坐一邊，非常舒服。火鍋配料應有盡有，清潔又衛生。亦可以用手機點餐，刺身，燒肉及海鮮，任點任食👍🏻 而且質素都非常高。全部刺身都好新鮮，好食到停唔到口。我哋選擇了日本薩摩和牛套餐。 燒肉有多款選擇，澳洲和牛肩小排我覺得最好食，牛味夠晒濃。甲羅燒都係必食之選，鮮甜又滿足👍🏻👍🏻海鮮任食無得輸，元貝肉厚甜到漏，花甲鮮味，任你燒。火鍋湯底都做得不錯，味道濃郁，將火鍋料嘅味道大大提升。飲品方面，有大量飲品任飲，其中清酒都係任飲，起級抵飲。如果大家都想一餐可以食晒燒肉及火鍋，都可以去牛舞試下，真心抵食。

上次同朋友去元朗做嘢經過呢一間餐廳就已經好想試吓，今次就同朋友訂位試一試要食就緊係食好D，我地叫左日本薩摩和牛套餐，總共有122種食品呢度既好處就係可以一邊食燒肉一邊食涮涮鍋餐廳除咗用QR code落單之外，出面會有自助區，有前菜蔬菜、丸類、沙律、甜品全部都用蓋蓋住，好衛生首先就會黎個牛舞拼盤，有唔同部位既牛肉，仲有雞脾肉同埋黑豚腩片係呢幾款入面我就最鍾意美國和牛肩小排，因為佢既牛脂味最香除左肉類仲有好多海鮮呀，有元貝，大蜆，大蝦等等仲有我好鍾意既甲羅燒呀，勁香好好味呀除左燒肉同涮涮鍋，仲有刺身任食，仲有其他天婦羅同炸物，真係好多野食而涮涮鍋要試下佢地推介既牛骨湯底，味道好香好濃，用黎煮肉都好正我地仲升級埋酒精類飲品放題，有梅酒同清酒，2款都好易入口最後又點少得甜品，佢地都好多日本品牌既雪條，回本真係冇難度呀

住元朗嘅都知，呢間牛舞由開業到而家真係冇一日唔洗排隊，要食真係要天時地利人和缺一不可！今日放假，閒日嘅17：00就企定定排隊，終於有機會頭香入座喇！其他嘢慢慢先講，講左啲燒肉先。我哋今日咁難得嚟到，梗係食最矜貴嘅嗰個餐啦，呢個餐平日價位要$538一位，對我嚟講呢個價位真係要大時大節先捨得。貴唔係最緊要，最緊要嘅係食物質素對唔對得住呢個價，食完之後我覺得真係貴得有道理，佢哋啲牛（尤其是薩摩和牛）出面食唔到呀！任食喎！任燒喎！仲要加埋邊爐喎！今次真係食到歸本，唔係講笑。一開始佢哋會上一盤咩都有啲嘅肉，有埋個名牌，等你食完知道想返手叫邊隻肉，咁嘅安排真係好好呀～經過我慢慢品嚐過晒薩摩、澳州、美國安格斯，邊隻最好食我諗個答案都呼之欲出，冇錯喇，就係日本薩摩牛，極力推介原汁原味嗰一款（另外仲有辣汁同燒肉汁版）真係好食到跳舞，牛味濃郁，脂香十足，沾醬真係完全唔需要！食呢個餐必須無限輪迴叫呢隻牛！有幾樣嘢都必須要讚一讚，牛舞用QR code落單，落單後通常唔使10分鐘就到，冇漏過單！燒肉爐係明火，加網，所以特別燒得香，仲可以有網紋㗎！個爐上面有個超強力抽風系統，真心一滴油煙味都冇，我第一次食燒肉可以

母親節一位難求，唯有等到禮拜中先黎慶祝，揀左黎牛舞食，佢新開張已經想試㗎啦。點左A餐日本薩摩和牛放題，個餐包埋涮涮鍋，同店內提供嘅食品飲品任飲任食。呢度一過左五點半就要排隊等位，所以黎食早鳥時段，一黎平少少，二黎唔使等呀。平日晚早鳥時段$538/位，老實講都幾貴，但買塊和牛扒都唔平，而加任食喎，係咪算叫做物有所值先，仲要係燒肉，唔使搞到屋企一頭煙先啦。坐左最內邊的卡座，都幾濶落。枱面用具乾淨無黐立立，個燒爐同火鍋爐火力夠，好快就熟。另外店內用Qr code落單，方便又有相睇，介面仲好易用添。枱上已提供調味品，有燒肉汁，柚子醋同胡椒鹽，如果嫌唔夠，出面自助區仲有蒜蓉，辣椒，蔥，豉油等。飲品方面有汽水機，咖啡機，茶包茶，罐裝果汁等，另外和牛亦包左清酒，啤酒，紅白酒等任飲，燒肉配啤酒真係一流㗎。送的牛舞併盤，有幾款肉嚐嚐，全部都好新鮮。燒啦燒啦～已經聞到肉香，個爐好夠火勁快熟，仲無黐底添。最好食真係日本和牛，入口啖啖油脂勁甘香，完全無渣，個人覺得原味最好，勁正根本唔使點調味料。除左燒肉，仲有刺身，天婦羅，烏冬，窩飯等食物叫，刺身都幾新鮮，厚切。天婦羅同樣即叫即炸，入口熱辣辣㗎。送的涮涮鍋就要

牛控必選，緊係要食燒肉放題啦😛心諗。。。要食就要食好啲，今日就揀左日本薩摩牛放題，食靚啲，時間又長啲添😍元朗Yoho新開“牛舞”，呢間燒烤又得火鍋又得，正吖～頭盆緊係嚟碟剌身先啦~雖然呢度食牛為主，但剌身一啲都吾遜色，仲好新鮮添😍第一round食左牛舞拼盤，最正緊係薩摩牛肋肉啦，牛肉嘅嫩度、香氣都非常明顯。薩摩牛最享負盛名的就是其獨一無二的口感，一咬滿嘴油香滲出，肉質鬆化，幾近入口即溶呢😋😋😋第二個round,緊係專攻薩摩牛啦～食多兩個round 都翻本😛吾只肉類，仲有海鮮，蒜蓉燒元貝，清酒蜆，甲羅燒。。。林林總總，真係食到捧住個肚😅追加$48又可以啤酒，梅酒，清酒，紅白酒任飲，啱晒我們這班酒鬼啦👍食飽飽仲有雪糕,生果同甜品🤩我特別喜歡係和果子~雖然價錢吾平，但真心。。。值嘅👍仲有機器餐車，又先進又衛生👍

今日一家人去慶祝生日 諗住試下yoho新開燒肉la(次次都見好多人排隊)一入到去就見到d食物同環境幾整齊la 食左前菜都好正常 終於黎到今日個重點燒肉！真心慘不忍睹.....個爐同烤肉網貼太近 所以d肉好快燶 燶既速度就係根本食唔到野 ok唔緊要已經放好旁邊烤(根本都係烘住)都係燶咗 肉既質數真心差到一個極點！一d肉味都無+超級硬！我心諗算 我點醬la 結果燒肉醬倒出黎根本就係水.... 然後明明就食緊燒肉 有款肉薄到懷疑根本就係攞打邊爐d肉黎 根本不如惠康求其買盒肉😡個牛舌硬到咬緊香口膠！已經嬲嬲地 然後上左扇貝同蜆 差d無拍抬走人！個扇貝燒完食落去成口沙 個兜蜆苦到食緊苦瓜咁🤢叫左10樣野無一樣野得囉 唯有前菜、魚生、可樂好食好飲 其他真心覺得垃圾🤬叫左B set一個人300幾連加一 真心覺得係呃錢！！！千！其！唔！好！去！食！移一移玉步掉頭去食牛角好過🙏🏻嬲到要比差評第一次寫食評！

午餐食牛拼盤，全部平價貨，無件好食，唔會再去，二百幾食d咁嘅嘢，又要自己燒，體驗實在差唔怪之得午餐咁少人去食，原來係搵笨既商場食肆，下次去排隊食純壽司好過啦又限時間 又冇嘢好食 牛肉細塊到暈幫襯一次夠晒自己去買塊真正嘅和牛自己煮最抵食 去商場食好嘢咪妄想會平又靚

之前喺尖沙咀"Beefar's"食過薩摩牛，真係超正👍今日經過元朗Yoho ，見到"牛舞"by Beefar's ,仲係放題，咁就真係要試下😅 一爐兩食，可以涮涮鍋，又可以燒肉，真係好👍 要食就緊係食薩摩牛啦🤩 食呢個餐時間又長啲，可以慢慢嘆，吾使食咁急😛 先嚟個牛舞拼盤，薩摩牛可愛之處係肉質鮮紅、脂肪分佈均勻，最大特色是油花豐富，牛肉的嫩度、香氣都非常明顯。 我特別喜歡嘅係牛板腱同牛肋肉無論燒或者涮火鍋都絕佳美味，入口即溶，值多幾轉，值回票價😛吾只靚牛，仲有剌身添🥰 油甘魚腩，劍魚腩都好肥美，尤劍魚腩，肉質細滑豐腴，入口軟綿😋😋😋 我懶得出去攞豉油😅原來剌身醮柚子醋都好好味😅 除左牛肉，仲有海鮮，有蠔，蠔嘅size吾大，但粒粒脹卜卜，蠔味十足😋仲有我至愛嘅甲羅燒，如果你是「蟹癡」，就不能錯過，蟹蓋內放了蟹膏及蟹肉，中間再放上生蛋，燒5分鐘，濃濃既蟹膏在口裡久久不散，十分滋味！ 仲有自助吧，有新鮮蔬菜，還有生果，甜品。。。真係食到捧住個肚😅食燒肉就緊係要有梅酒同啤酒啦～美食佳餚，人生一大樂事🥰

成日見好多人排隊，今日即管都試一試排嘅餐廳，要等成20個號碼，不過都好多人敗走左，等左大約35分鐘便有位。我們選左澳洲和牛，平日每位三百幾，原來加涮涮鍋要加$48, 咁我都加左，因為我想食好多唔同嘅蔬菜，點知入到去點餐時先發現自己too sample somtimes naive,只有生菜，係只有生菜呀……好彩仲有D鍋底嘅菜先講飲品，想要烏龍茶，竟然無晒而成晚係無補過……失敗好喇，講番其他食物，其實凍櫃D食物係幾衛生嘅，全部用保鮮紙包好，前菜都幾多選擇佢送左雜綿牛拼盤上來先，最貴嘅薩麼和牛係好香但真係好油膩，我們成晚覺得最香牛味反而係美國牛。點野食又有幾樣已經無晒，封門柳無，雞心無，雞肝無....有漏單情況，大腸丶腎點幾次都無要追先來，部份就點兩次來一次。不過大腸超香虎蝦係霉嘅……蜆ok甜食晒先記得影相天婦羅就最好點來食，新鮮熱辣，餐檯自取果D凍到淋晒雪櫃，說好的脆皮雪條呢....無晒又係全晚無補點解會咁架....最後選嘅宇治金時雪條都幾好食好彩生菓夠甜

Yoho 新開既燒肉火煱放題, 當然要一試, 呢間系尖沙咀Beefar's 鹿兒島燒肉既分店, 平日跟週末週日不同意價錢, 由$178-$588, 有黑豚/安格斯牛肉/美國和牛/薩摩牛放題,有唔同價錢選擇, 時間100-120分鐘.當然要一試, 除了燒肉外, 仲有牛舌、雞翼、內臟、刺身、其他小食, 仲有甜品雪糕，相當豐富, 當日5點幾經過已經見到條人龍, 於是都排隊等5點半入座. 地方闊落唔會迫, 仲有機械人送餐, 好特別. 我地點左安格斯牛肉餐放題，坐低店員送黎嘅招牌肉組合而成牛舞拼盤，一次過有7種唔同種類既肉，薩摩牛肋肉, 澳洲和牛肩胛肉, 美國和牛板腱, 美國黑安格斯下肩胛翼板肉, 牛舌薄切,  美國雞腿肉, 呢碟牛既肉質地鮮嫩, 充滿牛味.  魚生好新鮮叫左兩次, 仲有推介既黎自日本既雪糕. 不過可以任叫的安格斯牛肉就有點韌. 但以兩三百蚊的放題質素算不錯.

元朗形點又有新食點，這次開了一間日本燒肉·涮涮鍋店。看到店名很特別，「牛舞」是會跳舞的牛嗎？餐廳門面亦頗有賣相，看起來間隔寬落，筆者又愛吃牛，便勇於一試。餐牌分別有A-E五項放題選擇，分別在於吃不吃牛，以及想吃哪一款牛肉來區分。不吃牛肉的朋友可點D項，那是豬和雞肉的放題。而吃牛肉的朋友則可選：A項：樂天澳洲和牛放題B項：美國SRF極黑和牛放題C項：特選美國黑安格斯牛肉放題E項：日本薩摩和牛放題 （可以說是珍品級別）客人更可以加$48追加涮涮鍋放題，以及另加$48追加酒精類放題，價錢豐儉由人，悉隨尊便。放題可在指定時間內任點任吃各式刺身、天婦羅和飯麵等主食。甜蝦和帶子刺身新鮮鮮甜，北寄貝及八瓜魚則比較乾身。雜錦天婦羅一客有兩隻天婦羅蝦，以及炸茄子、炸南瓜和炸番薯各一件，即叫即炸，香脆可口。筆者感覺吃燒肉是要配送啤酒的，所以點選了SAOPORO冰凍啤酒來解渴。餐廳內亦有任取區域，客人可自行取蔬菜、水果和甜品。建議各位可取一點唐生菜，包裹著燒肉來吃，減低肥膩感，也吃得比較健康。客人凡選擇牛肉套餐的，每桌均奉送「牛舞拼盤」一客，拍照打卡一流。而「牛舞拼盤」內包含的有美國安格斯牛肩胛、澳洲和牛、

元朗yoho mall既牛舞係來自日本鹿兒島既著名品牌，第一次係香港去可以同時炭火燒烤+打邊爐放題既店❣️一次過滿足2個願望😍 仲好貼心有埋口罩套，方便食野果陣可以放口罩。去唔到日本唯有係香港食薩摩牛肉放題餐。一坐低店員好快送上一盤不同種類牛肉拼盤，留意返裝牛肉既盤係用左有牛樣既盆🐂感覺上好高級同好適合打卡。餐廳既自助區有不同食物，每樣食物獨立包裝，非常衛生👍🏻值得一讚！而且好特別有用鋁盆裝既紅薯、粟米同金針菇，放係燒爐上燒超方便。而熟食以炸物為主，有蔗雞棒、豆腐、魷魚及炸雞，都幾香口😋醬料方面竟然有分刺身同涮涮鍋，真係好細心❤️ 另外仲有沙嗲醬同胡麻醬，都算多種類雪糕全部都係日本雪糕，好多都未見過😍 亦都有好多唔同口味選擇拎完野食記開始燒烤喇，炭火燒烤燒既肉特別好食😍 保留返d肉汁 好juicy而涮涮鍋個湯底係濃湯，d食物吸哂d湯底好好味 粟米好鮮甜🌽第一次係放題見到有咁多海鮮食，中意海鮮既唔好錯過元貝，勁大粒真係啖啖肉而蟹膏亦係必食單品，陪埋白飯真係一流😋 所有肉都好新鮮，脂肪分佈剛剛好，而且好夠肉味🐂甜品都係獨立包裝，而且份量細細粒，可以一次過食哂唔同口味❣️朱古力既好好食，超濃朱古力