牛舞日本燒肉‧涮涮鍋放題

營業中

休息中

星期日午餐時段，成個Yoho Mall間間店都要等位，只有牛舞全場座得一半，入座已經覺得領野，連加一承惠350元一位，限時100分鐘，已經是貴。原來食品30分鐘，已經唔想食，牛無牛味，雞翼雞肉只冰心的，打边炉蔬菜只有1、2樣，全場飲品都是多糖類，應該不會再光顧難怪越來越少客

4個人吃午餐放題，選了100分鐘澳洲和牛放題$378/位及加$58涮涮鍋放題，食物出得慢，半自助吧食物極小選擇，燒肉及涮涮鍋食品十分難食又不潔，用膳途中還發現一隻生的曱甴🪳在枱面爬行，嚇到立即叫服務員，但女的服務員都怕，我們其中一位女仕硬著頭皮用紙巾整走牠，中途都浪費了一點時間，之後一位個子不高廋削男服務員過來説差不多夠時間，我們唯有盡快燒埋餘下不多的食物，之後那位男服務員過來態度很差説你們時間夠嗱，我們説還有4塊牛及4隻蝦都是快煮的食物可否燒埋呢？當時店內只坐了1/3枱顧客，明白剛剛時間已到，但我們説不想浪費食物可否比多5分鐘時間呢？但那位男服務員用很厭煩的語氣説：同你哋講了夠鐘就不可以再放落去燒否則我再計你時間，之後就轉身走，我們4個都感到很委屈，可以有禮貌一點嗎？

同事FAREWELL 飯, 選擇了YOHO 的這間任食放題, 貪佢唔貴之餘野飲野食質素都唔太差牛肉口感非常不錯, 環境也非常舒適, 服務員非常有禮貌, 要求換鐵板也沒有黑面(好多時其他韓燒都會黑面)最值得推介係蠔, 諗住都係一般貨色, 但烤後味道非常鮮味值得推介

入到去環境寬敞，座位都好闊落坐得幾舒服不過拎野食既地方好細，多人到跟本難以進入可以選擇嘅種類都多嘅，應該有既佢都有：甜品，飲品，前菜，水果，蔬菜，熟食每樣都有幾款，個湯仲幾好飲，加上店員補充得好快^-^呢度仲有好多炸物，不過都等好耐🫣同明顯炸過龍刺身方面正常放題質素，解凍一流海鮮就不過不失，值得一試，除左果款醬油鮑魚，好韌講番主角，叫完野食有送嘅牛舞拼盤，最推介日本薩摩和牛，油脂分部得好平均夠厚，又冇筋，而且好有牛味，非常好食😋。不過果款澳洲牛頸肉就麻麻，好肥，食落口都即刻🤮，有待改善，而其他肉都高質，肉仲有解凍，好有驚喜牛舞雖然分店只有兩間，但好對得住個價錢，眼見門口仲好多人排隊，值得一試希望下次去，澳洲和牛有改善🤤

平日去到元朗唔知點解好多餐廳都冇開入到商場見到呢間餐廳好肚餓二話不說就入咗去，叫咗最中間嗰個價錢（c餐）已經包埋部份海鮮任食（食100分鐘）用QR code落單，坐低見到有迎新會員優惠，立即加入有得減$50/送一個火鍋，我就揀咗減$50啦自助吧大多數係火鍋配料/飲品/小食/甜品難得叫咗海鮮任食，當然一坐低就不停嗌海鮮海鮮仲未黎之前，店員即刻攞咗一個牛肉拼盤俾我，有比較高級牛肉每人一片冇諗到點餐要數量2，真係嚟兩盒蠔一盒入面有4隻，本身以為叫2剩係得2隻扇貝就真係嗌一隻嚟一隻份量俾得好足夠好似從來冇漏單但係略嫌海鮮唔夠味，要自己加醬汁/鹽調味清酒煮蜆真係唔推介，加咗鹽都唔係好夠味出去攞佢嘅蒜蓉炒蜆更加好食但係食到中間，接近最後，蠔突然之間少咗得返一盒兩隻，但雞翼就叫2但上4隻份量上比較難拿捏，唔知幾時多唔知幾時少🥹但係性價比比較高，嘢食選擇多，出餐速度都非常快但係如果對肉要求比較高建議叫級數高啲嘢飲選擇唔係好多，但係甜品選擇都幾多款唔同口味如果想平平哋唔食海鮮，其實自助吧都有提供牛油金茹，自己加埋蒜蓉，同埋任食燒肉相信都可以好滿足店舖職員每一個都好有禮貌👍🏻唔會放低就走，會同你講下嘢

套餐送燒肉拼盤❤️❤️食物款式多😍飲品大大枝，而且款式特別叫左$368套餐，但係唔太推薦明太子芝士薯落同芝士蒜蓉帶子，可能咁啱咧批唔靚，但係得啲邊邊而且味道麻麻多雪糕口味推薦芝士年糕💛💛

早兩日家人提出食燒肉放題，如果正常情況我地應該會選擇去VWalk食。不過因為上星期先食完，而且家人話Yoho有一間食燒肉都唔錯，咁就決定午餐去幫襯試下牛舞的放題。由於復活節假期怕好多人，我於大約1點做先頭部隊去攞位，家人大約30分鐘後到達，最後都要等到大約2點先有位。牛舞有5個放題選擇，按次序分別為日本和牛，澳洲和牛，美國Prime牛。由於未食過，安全起見揀咗美國Prime牛。揀美國Prime牛絕對係精明的決定，肉質亦絕對唔差，而且亦好夠肉味。餐廳每個客都有安排一份拼盤，俾我地感受下牛舞所供應日本薩摩和牛的質素，我個人認為肉質都幾好，似乎優勝過牛角極上和牛的grading。不過日本和牛食唔得多，感覺會好油膩。除牛肉外，套餐所包括的其他食材都幾好，包括有啲海鮮如帆立貝，韓國蠔，魚生，及一堆炸物 (味道都算OK，而且份量少，樣樣都可以試啲)。甜品有多種唔同的日本雪條，都幾新穎而味道亦OK。仲有一樣幾好的設計，就係每次用電話落食材時，系統都會顯示距離last order及要離座以作提醒。

同朋友慶祝生日，去元朗食牛舞🤩睇openrice依間唔錯，果然！值得一試！餐廳有幾款放題，提供唔同款既肉，豐儉由人～我地就揀左中位價每位＄378 既澳洲樂天和牛😎😎入到去環境寬敞，座位都好闊落坐得幾舒服👍🏼拎野食既地方比較細，但乾淨整潔，加分👍🏼👍🏼可以選擇嘅種類都多㗎，應該有既佢都有：好似甜品，飲品，前菜，水果，蔬菜，熟食每樣都有幾款，花多眼亂😆😆第一樣黎既係牛舞拼盤，可以一次過試晒唔同嘅部位，仲有雞，同埋豬。每款肉上都有個名牌，方便認住鍾意食既肉😋😋印象最深刻嘅，一定係依隻扇貝！超有誠意之作！除咗蒜蓉之外，仲有牛油，真係非常香！整體來講，成餐飯都食得好開心，因為食物質素都真係唔錯，下次可以再嚟！😎

元朗越來越多好嘢食！而我自己好鍾意周圍食放題～今次睇到元朗YOHO一期有一間高質放題～專食和牛～～即刻Book位過嚟試吓！呢度有五款燒肉放題可以選擇，有平有貴！今次冇食到最頂級，我哋揀選左澳洲樂天和牛！ 出邊嘅前菜已經好吸引！冷盤熟食已經有鹹火腿同埋冷盤燒汁牛肉～另外呢度係有點餐機械人送餐～感覺比較衛生！同埋亦都好得意！！嘢飲選擇亦有好多，我個人喜歡飲支裝烏龍茶，因為比較消脂🤣🤣🤣 （食咁多牛肉真係唔講得笑！）果然係專食和牛嘅放題店～～～～！每一個級別嘅和牛都好有質素！（絕對唔係旺角嗰D一般放題！）另外亦都有好多海鮮選擇，牛油扇貝或者係清酒煮蜆，呢啲成日喺居酒屋見到嘅菜式都有得食！當日食得真係大滿足！！出邊仲有好多日本雪糕同埋朱古力火鍋可以俾你做甜品～但係無奈我哋真係食得太飽，太多肉類啦～唯有下次再試啦！

同朋友行開yoho 見到有間食燒肉既鋪就決定入去試下佢，點知發現原來咁高質😍😍😍😍😍😍😍😍😍😍😍肉類睇相就知新鮮🥰🥰🥰🥰🥰🥰全部都好重肉味，燒完真係好好食🥳🥳🥳🥳🥳🥳出面有個先助專區有多款小食，絕對滿足到中意食放題類型既你😋😋😋😋😋😋😋😋😋😋😋😋刺身全部都好新鮮，亦唔會出現未解凍既情況，絕對安心又放心😍😍😍😍😍😍😍😍😍😍😍😍而且佢仲包埋海鮮，全部都係新鮮貨，燒完熱辣辣勁鮮甜🤪🤪🤪🤪🤪🤪🤪🤪🤪🤪

YOHO呢間高質燒肉係放題黎架！唔駛就住就住食！啱晒食肉獸～呢到有五款燒肉放題，由 $198起， 我哋今日食樂天澳洲和牛 $378/位，雖然價錢唔係最貴，但食到111款唔同類型食物，性價比超強！五款燒肉主題包括： 特上豚肉、安格斯牛肉、美國和牛、澳天澳洲和牛、日本薩摩和牛第一盤黎既係牛舞拼盤，唔駛落單都有，可能係想等你試齊出名既肉類先！薩摩和牛真係好正，食得出同美國安格斯有一定分別！牛味相當濃郁！其次係樂天澳洲和牛腹肉，食入口都十分滿意，油香味濃！另外我地都叫左D刺身做頭盤，刺身新鮮好食！刺身種類唔算太多，但用於回本前菜黎講就超晒班！不得不提強勁性價比，海鮮類一D都唔馬虎！大大隻扇貝、海蝦、魷魚，呢類都好少喺放題到見到！海鮮類有唔同既調味，Encore海鮮時可以試埋唔同既味道！雪糕🍦係全部都係日本雪糕！呢D款式我全部都想食😍😍😍食到尾先食雪糕就發現好想試齊咁多款，但無奈食太多肉真係好飽🤣就呢個價錢，食到咁高質既放題，絕對會再黎！

座位好闊落，自助吧都有好多嘢食，有沙律吧，蔬菜，熟食，甜品，生果，飲品，仲有明治雪條任食🤤。嗰一日係小編嘅生日🎂，就一於食豪啲，但點知原來係伏嘅☹️👎🏻樂天澳洲和牛放題 （🌟31.21/100）💲416（平日正價連加一）第一碟送嘅牛舞拼盤，最推介澳洲和牛牛腹肉，油脂分部得好平均，而且好有牛味👍🏻，就連雞腿肉🐥同豚腩肉🐷都十分之滑溜，亦都唔會有臭豬或者臭雞味🙂，最唔推介係安格斯一口牛，切得非常之細粒，好容易燒燶，亦都冇乜牛味。而呢度都有牛舌食，但係我覺得牛角好食好多，牛角嘅牛舌比較厚，而且有牛脂，入口即溶；相反呢度嘅牛舌，一夾已經散開左☹️亦都比較瘦，相對牛脂比較少😔最失望嘅係頭一兩次叫嘅牛比較靚少少之外，但未融雪已經拎咗出嚟，其餘叫嘅（圖四），完全吾似澳洲和牛，一啲雪花都冇，食落去仲要鞋口，又咬吾開😅忍唔住投訴先攞一盤先叫做正常少少嘅牛（圖三），但之後都重蹈覆轍🥲🥲，感受好差，食完呢次應該唔會再食🙅🏿‍♀️🙅🏿‍♀️🙅🏿‍♀️

如標題所講，真係試過就算坐底食第一轉可以👋🏻👋🏻虎蝦，黑囇🙅🏻‍♀️刺身豉油鹹到似生抽Wasabi無味扇貝未洗乾淨，腸內嘅污物，都仲一條條見到，好核突

店鋪係日式風格，以木質裝修為主。仲有一個機械人，負責送餐。員工服務態度也非常之好。店鋪提供有高質靚牛，包括澳洲樂天和牛、鹿兒島著名薩摩牛以及美國SRF極黑和牛；另外還有1855美國黑安格斯牛肉和北海道黑豚肉等肉款。油花分佈平均，入口油香四溢。其他放題食物超過125種，包括帶子、甘蝦、油甘魚等多款新鮮特選刺身，自助區更小食，沙律，飲品及雪糕。由於疫情關係，自助小息區嘅沙律全部都一裝成小碟包好用保鮮膜包住。呢個衛生程度抵讚。

不知所謂的一餐😡😡所有店員在放低食物來收碟的時候完全一啲反應都冇就成餐飯係咁插隻手埋黎，簡直令人心驚膽戰的一餐！！燒烤爐太細三個人食完全淨係得打對面嗰兩個人可以燒到😡😡我哋每位$300食物質素不在話下了😡😡全部冇味嘅肉😡😡各位不要再去幫襯了😡😡