牛站(駅)麻辣火鍋放題

營業中

休息中

之前食過晚餐（觀塘分店）覺得幾好，所以就試吓旺角店的午市放題。 叫左最貴的，諗住坐到3:30，但2點幾左右就被提醒埋單😕牛小排不錯，種類豐富，海鮮新鮮，但今次海蝦比較細隻，飲品多選擇，但冇珍珠奶茶有少少失望。乳鴿好食。都keep 到水準。Overall good, went there for dinner before and now lunch.Beef quality is great (ordered the most expensive one as there’s more selection regarding seafood and meat). Seafood is fresh! Disappointed as they didn’t have bubble tea at lunch time.

📍牛站（駅）麻辣火鍋放題味道：⭐️⭐️⭐️⭐️⭐️－晚市放題 SRF美國極黑和牛片－成人每位$298 另收加一服務費🤑呢到嘅配料、飲品、肉食、海鮮、丸類同甜品都超多選擇😈而飲品呢 就真係要大讚！！⚠️⚠️無諗過連放題店都會有齊珍珠奶茶、啤酒、清酒、椰子水、冷泡茶等等等等🍹至於甜品仲可以無限任食Häagen-Dazs～～仲要唔洗額外收費！淨係飲嘢加雪糕都可回本 haha🥂🍲湯底今次就揀左胡椒豬肚湯😎湯底加入大量嘅鮮黑胡椒🖤黑胡椒嘅辛辣同豬肚既鮮味超夾🫶🏻聞落辛香撲鼻 飲落層次豐富🌟肉食、海鮮、小食今次食左：❶SRF美國極黑和牛片牛肉表面既紋理細膩 食落柔軟 牛味滿溢 食落肉質軟嫰🐄❷美國安格斯牛板腱牛板腱肉質與油花分佈均匀細密 牛味濃郁🐮❸西班牙豬五花片脂肪同肉比例平均 脂肪味道濃郁🐷❹帆立貝帆立貝質地厚實 彈牙鮮甜🐚
❺田雞腿完全無任何腥味 肉須幾彈滑🦉❻鮮甜海蝦估唔到海蝦好新鮮 肉質光滑細嫩 口感彈性🦐❼鮮甜沙白total叫左20粒 真係好肥美好厚肉 味道好鮮甜🐚❽脆鯇魚片肉質爽口又脆身 係個人幾like既火鍋配料之🐟❾水魷魚完全無任何腥味 口感彈牙🪸❶⓪牛栢葉
牛百葉一瓣一瓣 口感豐富🤭❶❶台

牛站一直都係同朋友或者屋企人打邊爐的選擇之一。今次係第一次黎旺角分店，估唔到係咁大，而且好舒適非常闊落。我地今次係食lunch time, 原來由中午12點鐘開始，可以一路食到4點，成4個鐘，最岩就係約埋d朋友黎聚會吹水。今次點返念念不忘麻辣湯底，湯底越煮越香，同牛肉味好夾。呢度牛肉肉質幾高，極黑和牛必推，肉的花紋好靚，入口嫩滑，肉味又濃。另外手打蝦滑或者竹笙釀蝦滑都夠新鮮爽脆，我地都encore左幾次。爽脆墨魚其他地方都少見，煮完唔會太老，仲超級爽彈。台灣特色食品如鴨血，特大魚蛋，多汁牛丸，都係個人心水。熱食鹽酥雞，新鮮即炸，好有風味。麻辣魚皮加埋山椒，食落去超香麻香味。除咗嘢食好多款可以任夾之外，嘢飲種類都超級多，有自完制茶類同埋罐裝飲品之外，竟然仲有唔同種類嘅酒精類飲品。而且甜品有haagen dazs雪糕，榴槤雪條等，當然仲有必食的奶凍，糍粑同仙草芋圓。總結黎講，牛站真係一個好適合同朋友或者屋企人聚會嘅地方，食物質素高，選擇多，環境舒適，真係值得推薦。

人生未試過食麻辣火鍋係有羊味今次係牛站試到了 麻辣湯底已經一般般 唔香得辣完全無叫過/落過任何羊肉但放落去麻辣湯底個邊既任何食物聞同食都有羊味…覺得應該改名做羊站 instead of 牛站食到懷疑人生…個煲係咪無洗乾淨已經唔敢唸🤮🤮🤮即刻唔敢再食麻辣個邊係咪食緊上一手d羊肉味🤮食緊二手鍋越唸越想嘔真係以後都唔會再去🤮😵‍💫太差了奉勸考慮去既…覺得個湯底唔對路一定要即刻通知staff🫠咪做傻仔

這家打邊爐餐廳無疑是首選好去處!從菜單到自助區,每一處都讓人讚嘆不已。首先,自選的台式酸辣鍋開啟了用餐體驗的序幕。酸酸辣辣的醬汁,不僅清新開胃,還勾起了無窮食慾。而且,醬料自助區更是供應應有盡有,每個人都能依個人口味調製獨一無二的口味。接下來,肉類和海鮮選擇更是讓人目不暇接。美國牛肩胛片、極黑和牛片、海參、沙白等,每一樣都令人垂涎。不過,我最推薦的絕對是招牌的紅燒乳鴿。皮脆肉嫩,入口即化,簡直是這頓大餐的絕配。最後,飲品和甜品更是令人嘆為觀止。從暖慰身心的飲品,到冰凍的雪糕雪條,無一不讓人大呼過癮。

同屋企人食飯，最緊要食得舒服又坐得耐😉所以揀左去食火鍋放題 🤩午市火鍋4小時任食👍🏻真係十分之抵牛肉片全部係美國靚牛肉，肉質又鮮又滑，仲要任食🤩除咗肉片，外面自助區都相當之大，過百種食物同飲品任食任飲。 而且十分乾淨企理🫶🏻飲品櫃 滿滿的一牆，十分吸引。仲有熟食區，水果冷盤區，甜品區，糖果區，食物種類多到小朋友至老人家都滿足到。最吸引我嘅係😂 大牌子雪糕同雪條都係任食🤩滿足曬女仔第二個甜品胃😉今次平日午市黎食，真係好抵，十分滿意👍🏻

#牛站駅麻辣火鍋放題 相信喜歡吃牛既寶寶們都應該會試過旺角這間火鍋放題，真心性價比極高，飲品食物種類多元化，位置仲要超級方便🤗🤗🤗選了2號放題set $298一位，任食120分鐘😁湯底十分正宗,濃郁的牛骨湯頭與麻辣湯底相結合,營造出獨特的口感。除了牛湯，還有不同火鍋湯底：清甜椰子雞鍋、胡椒豬肚鍋、香濃蕃茄豬骨鍋、冬瓜瑤柱豬骨鍋、香辣牛骨沙嗲鍋等、款款都想試😅菜品種類豐富,從新鮮的蔬菜、肉類到海鮮應有盡有,牛肉種類都係和牛級數，可以滿足各種口味。服務人員態度也非常親切周到,適時為客人添加湯料和補充餐具。飲品種類超級無敵大方任飲，清酒，asahi等日本啤酒都任飲🥃，唔飲酒既，就有不同味道既新鮮冷泡茶、珍珠奶茶等手沖飲品，當然仲有無數其他飲料，大顛😄😄甜品Häagen-Dazs雪糕都係任食，完全無得輸❤️你總的來說,牛站火鍋是一家值得推薦的放題餐廳。無論是火鍋本身的味道還是整體的用餐體驗,都給人以非常愉悅的感受。牛站(駅)麻辣火鍋放題 (旺角)旺角彌敦道601號創興廣場2樓@beefstationmk

一直都聽好多人講牛站嘅任食邊爐又正又多嘢食揀. 只係可惜呢間餐廳受歡迎嘅程度遠超我想像🥲一直都book唔到位今次終於book到晚市嘅位置😍嚟到門口已經人山人海. 好多人嚟walk in等呢度拎嘢食同埋座位係分開兩邊. 拎嘢食嘅位置. 好大好多嘢食揀例如有我最鍾意嘅台灣蛋餃同埋燕餃. 亦都有香港人好鍾意嘅萵筍同埋台灣丸類熟食竟然有麻辣小龍蝦添！除咗嘢食好多款可以任夾之外. 嘢飲種類都超級多. 有珍珠奶茶、台灣嘅茶類同埋罐裝飲品之外. 😍竟然仲有唔同種類嘅酒精類飲品真係啱晒我拎嘢食之前就已經叫咗個湯底. 揀咗個好少見嘅龍蝦頭鍋. 🦞大大隻龍蝦頭係湯底入面. 湯底鮮甜濃郁即刻掃QR code落單叫牛肉. 我哋揀咗SRF美國極黑和牛片套餐🐮. 有美國安格斯牛板腱、美國肩胛肉、牛舌等等嘅牛肉選擇我自己真係幾鍾意食佢嘅牛舌. 好少打邊爐嘅地方有得食除咗肉類之外重可以叫海鮮類. 例如帆立貝、蝦、墨魚等等即食類別竟然有乳鴿😱真係好特別呢度嘅嘢食款式真係好多. 每樣食一次都已經夠飽跟住梗係出去食佢嘅甜品區同埋雪條區. 選擇一樣咁多好開心竟然有我細細個最鍾意食嘅藍鐵神😂今餐真係食得好滿足

Hotpot ingredients 火鍋配料 🍲呢度嘅湯底有大概七至八款選擇，好似係惹味嘅麻辣沙嗲鍋🌶️、滋補養顏嘅花膠雞鍋🍗，今次揀咗清甜嘅椰子枸杞雞湯🥥，椰子天然，味道夠晒香濃，而signature 嘅牛肉都有多款選擇，包括封門柳🐮、薄切嘅A5和牛片、牛頸脊、豚肉🍖同埋羊肉，真係相當高質Cooked food 熟食餐廳嘅熟食都相當有特色，好似有香脆可口嘅炸雞翼🐓、經典嘅焗乳鴿、口感煙靭又好食嘅熱辣辣炸黑糖麻糬🍡、台灣滷肉飯🍚，另外仲有homemade 嘅前菜冷盤可以自己夾，確實唔錯！Beverages & desserts 飲品、甜品 🍰飲品由酒類🍹、汽水🥤、珍珠奶茶🧋去到茶類都應有盡有，啱晒唔同朋友口味，而甜品方面除咗有八至九款自家製迷你裝甜品之外🍮，仲有可以自己落手落腳整嘅軟雪糕🍦同埋多款來自唔同國家嘅雪糕，食完之後好滿😋

依度一向都是我平靚正之選👍🏼配料選擇豐富，落單上菜速度超快，用餐區也坐得夠舒服，價格又親民，令人大滿足！午市火鍋放題由中午12點開始入座，可以吃到至4pm 完結，最後落單為3:30pm ~最啱同朋友敘舊慢慢傾偈，又或者大胃王們來一場持久戰。選了3號套餐，平日$218週末$228，抵食💛湯底選了胡椒豬肚鍋，胡椒味好出，鮮香十足，味道層次豐富。靚肉包括美國極黑和牛片丶安格斯牛板腱丶封門柳丶澳洲羊肉片丶花雕雞翼等等。肉的質素也挺不錯👍🏼特別是極黑和牛片，夠滑嫩牛味十足，牛控可以大吃一頓！自助區食材夠多夠新鮮，如：鬆脆響鈴丶炸芋頭丶金沙魚餅丶企鵝墨魚丸丶台式蛋餃丶炸魚皮丶鴨血丶鵪鶉蛋丶海鮮棒棒大大條蟹棒等等特別喜歡有好多選擇的台式配料🤩還有即叫即點醬爆糍粑，半溶內餡外脆內軟，巧讚～酒水方面，午市沒有台式珍奶，但也有海量飲品選擇，包括啤酒丶清酒丶柚子汽酒任飲😋留肚任吃Häagen-Dazs雪糕是必須的，甜品還有台式芋圓每次必吃，超滿足。

又黎旺角牛站食火鍋放題啦😂食過呢間真係返唔到轉頭🤩好鍾意呢間個自助區，真係好大！食物同飲品選擇都好豐富！今次黎，仲加多咗好多酒類任飲，除咗啤酒，仲有日本果味氣泡酒，連日本清酒都有，岩晒酒鬼們😂自助區多左好多台灣火鍋料，台灣蛋餃，肉丸⋯⋯ 餐單仲有點鴨血🤩都係任食架 當然仲有大量靚牛肉片任食👍🏻切得好薄，又唔肥膩😂我一口可以食一碟🫶🏻起碼食佢十幾碟，值回票價😂誠意推薦個手打蝦滑❤️真係超正！爽滑彈牙！我食左好多😂4小時任食真係絕對可以回本😂強烈推介❤️無限回頭

肉類選擇包括美國豬梅肉片、澳洲羊肉片、美國牛肩胛片、美國安格斯牛板以及SRF美國極黑牛,每一種都非常肥美多汁,搭配他們家獨家的麻辣湯底,真的是人間美味!除了肉類,他們的乳鴿王也非常推薦,肉質鮮嫩,吃起來口感滑順,配上濃郁的牛骨高湯,簡直是絕配。清甜椰子雞鍋,湯頭清爽可口,十分解膩,是很好的清胃選擇。最後,我要大推他們的小點心!除了必點的麻辣小魚乾、涼拌木耳等,最讓我驚喜的是他們有提供免費的現做炸物,包括蒜泥炸雞、椒鹽排骨等,香酥可口,簡直是意外的驚喜

好耐之前邊爐閨蜜已經不停同我講話牛站嘅火鍋好多嘢食好好食，今次繼續趁住生日叫佢帶我過去食返餐 😍 一去到已經見到好多人等緊位，好彩閨蜜醒目book咗位，入到去就嗱嗱聲揀個湯底開餐啦 😋 今次我哋揀咗龍蝦頭火鍋湯底，一上枱已經見到好大個龍蝦頭 😍 個湯超鮮甜龍蝦味超濃厚，未開始打邊爐之前已經飲咗一大碗 🤤 正式打邊爐之前當然要出去拎醬料先啦，佢個醬料自助架簡直係花多眼亂，除咗一般嘅豉油、蒜蓉、辣椒醬同蔥芫荽嗰啲之外，仲有好多款例如蠔油同埋烤脆蒜蓉醬等等嘅醬，仲好貼心咁樣教你整唔同嘅配搭去配唔同嘅食物 🫶🏻 至於肉類方面，我地不停 encore SRF 美國極黑和牛片、美國安格斯牛板腱同埋封門柳，啲牛肉好新鮮好好味，仲有西班牙豬五花片同埋花雕醉雞翼都好正，個雞翼淥熟咗之後中間仲有淡淡嘅花雕香味 👍🏻 海鮮方面都好吸引，有蝦同帶子，仲有300同埋花膠，而且居然仲有田雞 🤩 全部都好新鮮甜味，食海鮮都食到好滿足呀 🤤另外仲有手工餃同埋鴨血，更加可以叫到熟食例如乳鴿、鹽酥雞同埋紅糖糍粑（呢個必食，我哋食咗好多舊！拍得住出邊餐廳嘅水準 😍）去到自助區仲驚喜！兩大櫃嘅新鮮蔬菜，仲有我最鍾意食嘅萵筍同

【油尖旺區】【牛站】同隔離 team 同事籮聞哥講約食飯都講到天荒地老，上次已經係 1am1119 嘅事，真係大件事。次次見親佢都好多嘢吹，我仲導咗佢成為「新加坡控」，一般香港人應該比較難理解我嘅思路，佢又明喎，好嘢。今次佢話要介紹佢太太我識，一齊食飯啦仲講。佢哋揀咗呢間「牛站麻辣火鍋放題」，食「晚市放題大滿足」，即係 120 分鐘無限任飲任食，幾好。套餐方面我哋揀咗 $298 嘅「SRF美國極黑和牛片」套餐，我乜都食嘅，放心。佢哋疑似叫咗「冬瓜瑤柱豬骨鍋」做湯底，我行開咗唔知，清清哋可以吖。嘢食都幾多選擇，幾好，嘢飲方面除咗自家製冷泡茶之外，仲有「波霸珍珠奶茶」同「Nippon Chu-Hi」揀，幾好。美中不足嘅係，有啲食物點叫都唔嚟，例如「燒乳鴿皇」，我真係叫咗四五次先嚟一次，大大影響嗰幾個鐘頭嘅進食計劃。埋單 $983，三位嘅價錢。。。（地址：旺角彌敦道601號創興廣場2樓）

今日去咗旺角呢一間好出名嘅任飲任食打邊爐，位置喺旺角E出口創興中心，地鐵站行過去大概我諗5分鐘，上到去我哋平日都要排隊，我哋就本身8:30上到去，最後就派9:00，叫咗套餐C, 任飲任食包括有海鮮肉類同埋各種美食！✔️海鮮，有好多唔同種類嘅海鮮，我覺得最好食嘅有帶子鮑魚新鮮嘅沙蝦同埋沙白，好少有火鍋店係會有鮑魚任食，我哋叫咗起碼六七隻，味道都非常好食，而且都新鮮。沙白清潔得好乾淨，完全冇沙，每一隻都非常鮮甜，而且全部都開，冇唔新鮮嘅情況出現。沙蝦亦都爽甜，食得出本身鮮蝦嘅新鮮，整體發揮都唔錯。亦都可以食墨魚，魚，花膠海參，呢啲高級食材都全部有，不過記得量力而為，整體上淨係食海鮮都會回本！✔️肉類，我哋主要叫咗美國和牛，油花分布都正常，每一碟大概兩至三件，我哋都起碼食咗10碟，肉類質素唔錯，不過冇乜太大驚喜！✔️熟食區有小龍蝦，隔離仲會有手套俾你食，非常方便鍾意食麻辣小龍蝦嘅朋友真係絕對唔可以錯過，見到隔籬枱攞咗勁多，我自己都忍唔住攞咗兩隻試吓，味道正常嘅，不過有少少辣✔️另一個賣點係呢一間餐廳有無限供應嘅即叫即燒乳鴿，喺出邊食一隻乳鴿都唔平，呢一度竟然可以有無限任食，真係非常之抵食，我同朋友都