牛站(駅)麻辣火鍋放題

營業中

休息中

👉🏻SRF 成人$228我地揀左餐3 係第2位高級既餐牌 餐4就係第1位會有埋海鮮痴線 超級抵食 午市放題可以任飲任食4個鐘！好彩一早預約左 我見walkin都無咩邊個入到 記得預約定先！一黎就見到個場勁大 前菜頭盤 火鍋配料 飲品 雪糕 甜品 都超級多選擇🔍睇到我地雙眼發光！仲有清酒梅酒任飲😍佢好多火鍋配料都係好少見但高級 好似墨魚丸但係企鵝形 仲有福袋大福係咸蛋黃料 仲有咸蛋黃丸等等🤓湯底有羊腩煲揀 但我地就揀左個係出面見唔到既龍蝦頭鍋湯底🍲仲有好多料係QR code order我地就叫左呢d必食個爆漿糍粑！出面既紅糖糍粑係紅糖係出面 佢呢到係岩岩好相反 紅糖係入面 一咬就爆汁 超juicy又煙韌 我最後飽都叫多左件反食😂雖然肉類唔多選擇 但係佢既牛好靚！片片都好鮮嫩 仲有寫住2-5秒就燙好食得😆🫰🏻好細心甜品種類都好多 仲有椰汁雪燕 牛奶布甸 芒果布甸 puff yogurt 芋圓 豆腐花等等雪糕都係哈根大師任食😍🫰🏻仲有老虎堂黑糖珍珠雪條 nestle雪糕 mega雪條 coco berry 雪糕 同埋多種韓國雪條 超讚🤰🏻最後我地戰鬥左3個鐘就戰敗 但都飽到食唔到dinner

上次食過沙嗲湯底，夠杰身又夠香濃，今次決定返同一分店叫返同一湯底再食，今次食物款式熱盤多左蛇羹 & 臘味糯米飯，襯返冬天的日子，蛇羹視覺&口感上跟碗仔翅冇乜分別，只係雞肉變做蛇肉，而且肉都唔多，所以食兩啖當應節就算。牛站放題唔算貴，最高級只係三百幾蚊，今次繼續食最高級嘅牛小排餐，都包埋牛頸脊、SRF極黑和牛、澳洲M5和牛等，海鮮種類亦相當豐富，有鮑魚、象拔蚌、急凍生蠔、鮮蝦、蜆等，出面仲有個自助吧，有各類型蔬菜、飲品、清酒、梅酒、甜品，特別種類包括有紫色羽衣甘藍、水蓮菜、紫蘿蔔，而響鈴、炸魚皮(推介)、油炸鬼、午餐肉均在保溫機內，能保持脆口度，細節位相當細心。2小時用餐係足夠，服務質素繼續保持水準，禮貌親切。會員制度相當容易升級，讚讚讚!!!

旺角的牛站開左咁耐，終於有機會黎試下！呢間新店真係都開左一段時間，但又大又新，佔左全層！幸好我地有預約，因為星期日下午去，竟然全滿要等位。今次我地揀了SRF美國極黒和牛4小時午市任飲任食火鍋放題，由12點食到4點，可以慢慢食，價錢只係$228加一。先講自助區，飲品十分豐富，無論凍飲、熱飲、鮮搾飲品、清酒、啤酒、梅酒任飲。蔬菜、菇類好新鮮，仲有各種麵食和餐前小食等，好齊全！仲有各式甜品雪糕和熱食，每樣整齊排列，睇到都好開心。手機落單主要係點肉類，當去自助區拎完野食，一盤盤肉都已經送到。美國極黑和牛SRF、美國安格斯牛板腱、美國肩胛肉、美國特級肩胛肉眼，都係重點推介，每款肉花均勻，而且大大塊，入口肥美又不失肉味！牛舌亦不可錯過，大大塊彈牙爽口，值得一讚係無漏過單，難得。湯底有9款，每款都好吸引，麻辣是必食，仲有冬日新推的枝竹羊腩煲！羊肉愛好者都唔可以錯過。趁肉仲未熟，食碗蛇羮或糯米飯暖胃剛好！！魚皮、響鈴、炸芋頭、魚片，醉雞翼、墨魚滑、鯪魚滑、滷水大腸都係打邊爐佳品，牛站都係無限量供應。食到飽休息下再食又得，食個甜品再翻轉頭打邊爐又得，4小時任食真係大胃王福音，對於細食的人，4小時就俾足時

終於有冬天的感覺！懶得在家備料洗碗，不如在外吃火鍋放題。一如預料，火鍋店都大排長龍，幸好鍋底選擇多，邊爐材料的質素也不錯，暖烘烘，滿足！晚市120MINS晚市放題 | SRT美國極黑和牛片套餐 $288火鍋放題的自選湯底竟然有龍蝦頭湯，大大個龍蝦頭沒有取巧，而且龍蝦味也頗突出，甚有驚喜。可能是冬天的關係，看見不少客人都Order枝竹羊腩鍋和麻辣鍋，看來應該是皇牌湯底。中間價位套餐也可以吃到質素不錯的極黑和牛片和牛肩胛，薄切下可以一次過燙一碟的份量， Encore很多輪下質素也保持到。海鮮雖然種類不多，但沙白和大蝦都是高質可以Encore。自助區在人流不絕之下依然保持乾淨整齊，熟食選擇也比預期中還要多。冬天的代表有熱辣辣的糯米飯和蛇羹，一開蓋就聞到香氣，小龍蝦也有人很多人Encore，Refill也來得及時。前菜除了有一般的沙律、冷盤外，竟然見到很久不見的傳統小食蕎頭，很有驚喜。甜品區有超過20款蛋糕、布甸、軟雪糕等，小件切件、多吃幾款都無負擔。還有無限啤酒、梅酒任飲，痛快。

如果約人食飯唔知食乜好，食放題就乜都唔使腍，因為放題乜都有得食，最近原來旺角開咗間新店，約咗朋友在旺角食飯，正好在創興廣場門口等，上電視全層好搶眼，仲有靚靚位打卡，我咁鍾意影相，一定打卡先😝———————環境靚、食物正、價錢仲好平🥳😍午市任食4個鐘😉😉😉😉😉🍲冬瓜瑤柱豬骨湯底：足料瑤柱靚湯，啖啖清甜———-美國特級肩胛肉眼片：手切封門柳：美國安格斯牛板腱：SRF美國極黑和牛片：巴西牛脷托：美國牛肩胛：多款靚🐮牛任食，肉嫰軟熟，每一啖都咁有鮮味😋——————西班牙豬五花：又係我最愛嘅豬腩肉、吃落好滑溜😂😂——————-美國豬梅肉：又是鮮嫩滑滑的🥩———————-手打墨魚滑：爽口彈牙———————秘制滷大腸：滷得夠香又夠味————————竹苼釀蝦滑：外面竹苼又爽又甜，內裏蝦滑爽口彈牙😋——————-爆漿糍粑：必吃甜品🍮⋯⋯正👍👍———————-任食Hagen-Dazs雪糕🍦😍😍😍😍😍————————-仲有好多款式⋯⋯包羅萬有好好食其實開心簡單就在你身邊❤️⋯⋯食….拍…寫.. 已經成為我生活中的一部份鍾意食..鍾意拍…鍾意寫..留下美好回憶————————-

🎈牛站 光線明亮，坐得舒適，任食邊爐分為幾個套餐，食到唔同級數嘅牛肉🥩入座後以QR Code 落單，仲有自助區放滿新鮮蔬菜、甜品等，每樣食啲都夠回本🎈鍋底湯底有椰子雞窩、沙爹湯底等，驚喜嘅係有羊腩窩👍🏽🎈美國特級肩胛肉眼肩胛肉眼肉質嫩滑，顏色嫩紅帶有油花，牛味濃厚，質素唔錯🎈SRF美國極黑和牛片極黑和牛雪花❄️分怖非常平均，淥10秒左右就食得 口感又滑又軟腍，必食🥢🎈美國豬梅肉片豬肉片豬肥瘦均勻而且厚薄適中😚 肉質嫩滑點豉油或麻醬都好正🎈花雕酒雞翼雞全翼好香花雕酒味，肉質嫩滑，必點🎈火鍋配料選擇好多，有各款包心丸、豬血糕、炸魚皮、油條、響鈴，樣樣都想食🎈蔬菜類自助區有超多款新鮮蔬菜🥬其中羽衣甘藍、紫椰菜、蟲草花幾特別🤗新鮮爽脆，食多啲疏茶完全無罪惡感🎈甜品除咗蛋糕、雪糕、雪條🍨仲有芋圓仙草 每杯都有仙草 芋圓 紅豆 同椰果，味道都唔錯🥄🎈飲品自家製冷泡茶、咖啡、汽水、清酒、梅酒、啤酒🍺解辣一流

去完台灣旅行返嚟 心心念念都係呢間打邊爐始終都係港式嘅湯底比較啱我口味～天氣開始凍 椰子雞湯潤一潤就啱晒～湯底一啲都唔馬虎 仲有杞子同紅棗㗎呢度最吸引嘅地方係午市可以食四個鐘其實平時食量唔多 不過可以慢慢食飲下嘢同朋友無壓力吹水真係一流好開心今日有我最愛嘅大魚丸企鵝墨魚丸嘅造型好可愛 啱晒小朋友如果鍾意健康嘅朋友都絕對冇問題有淮山、蟲草花、萵筍、粟米、鮮冬菇等等另外仲有一啲麻辣小食、新鮮生果🍊咁啱今次你有我最鍾意嘅菠蘿同埋哈蜜瓜冷泡茶平時喺街買都要20幾蚊一支～呢度飲返幾支已經回本～有我最鍾意嘅蜜桃烏龍、洛神花茶唔夠飽仲有好多粉面類可以選擇😛

近期大熱的【牛站麻辣火鍋放題】，讓我在週未優哉悠哉地慢慢享受了的四小時任飲任食的火鍋放題。🥰 我們選擇了SRF美國極黑和牛片套餐，這不僅價格實惠，而且提供了多種湯底、精選高質牛肉、各種火鍋肉類配料、小吃、飲品、甜品……，讓我哋可以慢慢享受美食而無需急趕時間。👍牛站麻辣火鍋放題提供了10款湯底供選擇，我們這次點了冬瓜瑤柱豬骨鍋。這款湯底清爽而甜美，如果天氣再冷一些，下次會點支竹羊腩煲湯底加添暖意。🥰在 QR code 點完湯底之後，我們立刻再點了多款精選高質牛肉，包括SRF美國極黑和牛片、美國安格斯牛板腱、美國特級肩胛肉眼片和美國牛肩胛片。這些牛肉都鮮嫩多汁，質量上乘，給火鍋增添了豐富的口感和美味。😋這豐富的自助吧選擇非常多，包括各種飲品（冷熱飲品、清酒、梅酒、啤酒、汽水、果汁、冷泡茶），小吃（蛇羹、糯米飯）和火鍋配料（丸類、蔬菜、麵類）。此外，他們還提供了各種甜品選擇，如雪糕雪條、Häagen-Dazs、蛋糕、奶凍、豆腐花和乳酪……，各式其式帶來無盡的享受。😍牛站麻辣火鍋放題絕對是品嚐火鍋美食和聚會的好地方。👍

朋友話旺角開咗一間好正嘅火鍋放題，叫我一定要試！一去到發現好多人排緊隊，雖然要等一陣，但係絕對係值回票價！除咗超多款式，食物質素仲好高！🫶🏻🫶🏻🫶🏻今次我就試咗呢個$288 SRF美國極黑和牛套餐，有色澤鮮明嘅封門柳，爽口嘅安格斯牛板腱、牛舌、仲有肩胛肉同SRF和牛！全部都好新鮮，好有牛味！😍😍😍湯底方面最特別就係羊腩煲鍋底！小食方面，我最鍾意就係炸榴槤、糯米飯同埋乳鴿王。除咗有唔同飲品選擇（包括珍珠奶茶、啤酒同梅酒），仲有超多唔同品牌嘅雪糕，包括Häagen-Dazs任你食！呢個價錢包咁多嘢真係超抵！🫶🏻👍🏻👍🏻👍🏻👍🏻

上次食完牛站，FD真係對佢念念不忘，這幾日凍凍地，話要encore返。旺角牛站真係好full，唔想排隊，要book定位。今次揀咗SRF美國極黑和牛套餐，新湯底支竹羊腩煲睇落唔錯，不過FD上次對藥膳牛骨湯好有興趣，今次試咗佢先。一落單，即刻order咗FD最鐘意嘅乳鴿，之後慢慢等嘢食。珍珠奶茶，奶味好濃，唔錯。今次可以飲酒，特登選咗梅酒，可以任飲啤酒梅酒啲餐廳真係唔多見，飲多幾杯都抵啦。藥膳牛骨湯，飲落藥膳味好重，回味好清甜，好飲。叫咗數款牛肉和海鮮，質素一如既往keep得好好。最鐘意無骨魚片，魚片薄身冇骨，卷起即刻可以食，簡直入口即化。今次試咗手打墨魚滑，滑勁彈牙，墨魚味好清甜，唔錯。出面嘢食同上次差唔多，都係有前菜，主食，蔬菜，生果同甜品，今日仲見到有糯米飯同蛇羹TIM。其中麻辣小龍蝦必食，麻辣鮮香，肉質彈牙。小龍蝦旁提供一次性手套，好貼心。食完火鍋一定要食生果同甜品，西瓜好鮮甜，哈根達斯揀咗最鐘意嘅夏日雜莓口味。每次食牛站都係勁飽，好抵食！

地方又大又通爽，食品種類超多嘅任飲任食！有我至愛的ASAHI啤酒！視乎揀邊隻牛肉啦，午市假日只係$178起！仲可以食到下晝４點！抵到喊🤣星期日嘅下午，朋友約埋去呢間性價比超高嘅任食邊爐！好在早啲去到，遲少少都要等位呀！湯底、肉類就用手機QR CODE 落單，而其他配料就自己出去拎～好多無諗過嘅配料都有呀！淨係前菜都咁多款～包飲品就係抵！本人超鐘意佢超廣飲品選擇！有酒無酒，甜唔甜，凍定熱、咩口味都有齊哂！更加重本包埋ASAHI 喜力日本酒清酒，啱哂酒鬼！勁多種類嘅丸！打邊爐一定要有丸呀！個雪櫃夠哂凍唔怕食物變壞～平時去打邊爐邊有咁多種類的菜食呀！連貴價雨衣甘藍、香港好少見嘅水蓮都有～😂😂😂😂😂正題係啲肉呀！打邊爐食肉靚唔靚，一食就知。啲牛肉有肉味，夠淋，有油香～落水拖一拖就食得～豬肉絕對比得上牛肉，肉味超香，又淋又滑，食到停唔到口，ALL IN！🤣墨魚滑都好推薦！ 食得出係啖啖墨魚肉~🤣食到飽到傻咗，不過甜品點都要食下！又係樣樣都想食，好煩惱呀！種類好多，樣樣細細件，樣樣都有得食～🤣🤣牛站打邊爐真心好抵食，200蚊有找，地方乾淨舒服，食物質素仲超級高超多種類。一定會再來多次！

今次去咗近期好Hit嘅牛站，星期五5:15pm嚟到，聽到話7:30pm入座已經full咗，所以即刻入咗去食，同埋7:30pm前離座有優惠，大家記得佢之前要預先book位喔！\湯底/有10款湯底選擇，冬天梗係要揀胡椒豬肚鍋暖胃！另外椰子雞湯同藥膳牛骨湯都好吸引✨\自助區/火鍋配菜、醬料、小食、飲品、甜品種類非常多。冬天來臨，仲有蛇羹同糯米飯食🙌，飲品方面仲有珍珠奶茶飲，最驚喜係白酒、梅酒、燒酒都係任飲嘅，而甜品除咗有大量唔同種類嘅雪糕，Häagen-Dazs都係任食，另外仲有布甸、芋圓、泡芙等等\2號餐: SRF美國極黑和牛片/$258/位 (星期五19:30前離座 另收加一)有3️⃣個餐可以選擇，我個人認為最抵食係2️⃣號餐，除咗多咗SRF美國極黑和牛、美國安格斯牛板腱、手切封門柳🥩，仲有乳鴿🪿同海鮮🦐。SRF美國極黑和牛同美國安格斯牛板腱相比，安格斯牛味重啲，而極黑和牛脂肪比較多而均勻，我個人比較鍾意安格斯。另外仲有炸物同小食可以點，最推介係黑糖糍粑！缺點就係沙白勁多沙🥲，同埋每次點餐每款只可以點四件，而每次落單都要等1分鐘先可以落下一次，呢個我係比較唔滿意嘅🥹

牛站呢間火鍋店相信大家都唔會陌生，無論平日假日都座無虛席，一定有佢嘅原因。今日我再訪旺角店，一去到已經有大條人龍排隊，好彩有book位就唔洗等😁 同以前一樣，都係叫中價嘅2號套餐。湯底揀左鴛鴦鍋，椰子雞湯拼龍蝦頭湯，2款各有特色，鮮味十足。適逢冬天餐廳仲有羊腩煲做湯底，不過同行朋友唔好羊所以無揀，見隔離枱食都足料，拍得住出面食架！叫完湯底就梗係衝出去自助吧拎野食，估唔到今次有驚喜😮 自助吧嘅選擇同上次唔同哂，有期間限定嘅糯米飯同蛇羹，冬天食就最啱，忍唔住每樣都食左2碗😋😋 野飲方便都有一般嘅汽水果汁茶飲，今次仲有啤酒梅酒任飲添，鐘意啤啤佢嘅朋友真係唔可以錯過！其他食物都保持一貫水準，上菜快無漏單，2粒鐘食到捧住個肚走，暫時係我最喜愛嘅任食火鍋店❤️

屋企人最愛打邊爐，牛駅麻辣火鍋是最好選擇，提供了多種各式各樣的美食選擇，以自助形式為主，從餐前小食到主菜，每樣菜品都令人垂涎欲滴。在餐前小食熟食，提供了炸雞翼、任食乳鴿，麻辣龍蝦仔，糯米飯和蛇羹，味道絕對超讚，不輸外面餐廳的質素。餐廳讓顧客可以盡情享用各種美味的小吃，餐廳內的設計讓很多菜品都可以以自助形式取用，真的是非常方便。飲料也有不少選擇，無論是想要冷飲還是熱飲，都能在這裡找到心儀的選擇。更不能錯過他們供應的Häagen-Dazs雪糕，任人盡情品嚐。至於火鍋的湯底選擇，餐廳可選擇鴛鴦湯底，藥膳牛鍋骨和牛站秘製麻辣鍋等多種選擇。牛骨鍋湯底超濃郁，麻辣鍋香味四溢，辣得過癮。在食材方面，提供了丸類、蟹柳、豆品類、蔬菜類、麵類、炸魚皮等多種選擇，而且這些食材都可以自由取用。此外，餐廳也提供了多種火鍋醬料供應，可以根據個人喜好調配出獨特的口味。肉品選擇也不少，美國極黑和牛片、手切封門柳、安格斯牛板腱、牛肩胛片等多種選擇，享受各種牛肉的美味。除了牛肉還有海鮮類，海蝦和沙白鮮美可口，沙白肉脹卜卜沒有沙，海蝦夠彈牙。此外，還有手打的墨魚滑和鴨血等特色食材，各類型的食材都能品嚐到。每次食完都非常滿足

我點了他們的招牌菜牛白柏葉、象拔蚌片和美國安格斯牛。每一種食材都展現出鮮美的口感和新鮮的質地。牛肉片嫩滑多汁，完美地融入了麻辣鍋湯底的香辣味道中。除了牛肉，他們還提供了各種其他食材選擇，如藤椒魚皮、秘製豬肚和台北鴨血。藤椒魚皮薄脆，搭配麻辣鍋湯底後更加美味。秘製豬肚則口感爽脆，嚼勁十足。而來自台北的鴨血則為整鍋增添了獨特的風味。最近，牛站還新增了一些令人驚喜的食材。他們現在提供糯米飯和蛇羹等食材供顧客任食，這讓人更加滿足。此外，他們還加入了羊腩煲鍋底，為愛好者提供了另一種口味選擇。除了美味的食材，牛站還提供無限暢飲的餐廳啤酒和梅酒。這讓用餐體驗更加豐富，讓顧客可以品嚐到各種不同的口味。他們提供豐富多樣的食材選擇，新加入的糯米飯、蛇羹和羊腩煲鍋底更增添了驚喜。此外，無限暢飲的餐廳啤酒和梅酒也使用餐過程更加愉悅。