牛站(駅)麻辣火鍋放題

營業中

休息中

一間相當出色既任食火鍋店唔系第一次食了食過絕對會番食位置便利，地方大，坐得又舒服性價比重好高添依家重做緊大頭蝦任食可能系全港最平既任食大頭蝦！而且重有haagen-dazs同Movenpick任食聽到都夠哂吸引啦今次黎都系食2號餐-美國極黑和牛牛肉質素都十分好當然唔系淋滑個只有口感得黎都好有牛味以依到個麻辣鍋底都要一讚又麻又香，但又唔會太辣拼左個花膠雞湯中和下添海鮮除咗大頭蝦，啲鯇片都好正啤酒又任飲，雪糕甜品勁多款其他配料，菜類都好多啲野多到數唔哂

呢間都好多人放工去食，兩粒鐘任飲任食都幾抵玩首先揀咗湯底先，金湯花膠雞鍋色水好似好足料，打邊爐前先飲返兩碗湯補一補，裡面都有花膠同雞肉熬湯，煲到好腍好嫩之後當然要食牛啦，QR code落單送肉純熟迅速送出，好快就有唔同嘅靚牛上檯，當中SRF美國極黑和牛片必食，血色鮮潤牛味香濃牛脷、牛肩胛片、牛板腱、封門柳等等都好嫩，仲有豬梅肉、羊肉、雞肉等等選擇海鮮亦係呢度主打，冰鎮上檯誠意滿分，有海蔘、沙白、帆立貝、魚片等等之外仲有必點嘅大頭蝦，唔係度度有嘅爆汁蝦一搣開蝦膏就流心咁，肉質又爽，喺香港嚟講真係好抵玩有啲熟食都可以落單，呢度連乳鴿都有得嗌，燒得幾靚，滴晒肉汁咁。仲有紅糖糍粑等小食嗌，真係夠晒令人興奮出面都有自助區，可以自己配醬料，配料非常繁多。仲有丸類、生果、炸物、小食，同其他配料，當中雙色墨魚丸（企鵝look）超彈牙，好有墨魚香。另外蟹柳勁大條，一條抵幾條唔係好肯食菜，呢度竟然有齊唔太令大胃抗拒嘅蔬菜，有羽衣甘藍、水蓮、萵筍、冰菜等等，搞到大胃乖乖地食多啲蔬菜飲品真係勁多選擇，有唔同紙包、罐裝飲品，亦有樽裝冷泡茶，一啲都唔淡仲甘甘地另外更有唔同酒精飲品，有啤酒、清酒、梅酒、白酒等等，係

Hotpot ingredients 火鍋配料 🍲午市放題火鍋配料嘅選擇已經好多，包括有SRF美國黑和牛片🐮、美國特級肩胛肉眼😍、美國安格斯牛板腱🇺🇸、口感彈牙嘅手打蝦滑🦐、爽口嘅墨魚🦑等，自助區就有唔同嘅菇類🍄‍🟫、特色嘅丸類、麵類🍜同埋蔬菜🥬可以自己選擇，而自家製湯底有大概10款選擇，今次揀左滋潤嘅天然花膠雞湯🐔，夠晒健康養生！Cooked food 熟食冷盤嘅熟食有大概五至六款涼菜，普遍味道酸辣🌶️，係開胃嘅appetiser，另外有充滿台灣風味嘅滷肉飯、多款炸物，包括有酥脆炸魚皮🐟、煉奶炸饅頭🥛🥯、煎午餐肉片、香脆可口嘅炸薯餅🥔，各款小食味道都唔錯Beverages & desserts 飲品、甜品 🍰餐廳飲品嘅選擇真係好多，好似有natural 椰青水、日式清酒🍶、多款homemade 樽裝茶、唔會太甜嘅果汁🍹、汽水🥤，而甜品有自家製楊枝甘露🥭、macarons 、creamy 嘅濃郁芝士蛋糕🧀🍰、乳酪、tiramisu 、兩款Movenpick 同兩款Häagen-Dazs意大利雪糕🤤🍨，真係好高質👍🏻

位置勁方便，今次叫左鴛鴦鍋，椰子雞同海皇，一個濃湯一個清甜SRF美國極黑和牛+海鮮套餐，每位$288SRF美國極黑和牛油花均衡入口即化 ,美國牛肩胛肉同安格斯牛板腱,牛味濃肉質鮮嫩，海鮮有海蝦、青口、日本帆立貝、沙白、水魷魚、荷包魷魚仔，食材都很新鮮自助區有幾十款小食和配菜，包括各式冷盤前菜、熱盤、時令蔬菜。特別推薦水蓮，並不是所有火鍋店都有😚🤩。蟲草花也可以無限添加，超值🥰。飲品選擇豐富，如冷泡茶、汽水、清酒、啤酒、果汁、樽裝茶。🍮有唔同杯🧁蛋糕🍰蕨餅、大福、豆腐花、泡芙、雪糕🍨軟雪糕🍦雪條等飲品🥤有汽水、涼茶、果汁🧃清酒🍶啤酒🍺梅酒🥃茶類飲品🍵荳奶、同咖啡等☕️平時好少見有嘅冰菜、鵪鶉蛋、紫心蘿蔔、超長蟹棒，企鵝丸好食又得意！

牛站的打邊爐以多樣化的美食而聞名，最近餐廳全新推出的大頭蝦任食，吸引了我再次光顧。這次我選擇了蟹黃海鮮鍋，湯底加入金黃色的蟹黃，顏色靚麗，裡面還有豐富的蜆和大頭蝦，每一隻都新鮮得令人垂涎，特別是那豐厚的蝦膏，極其鮮甜。作為牛魔王的我當然不會錯過SRF美國極黑毛和牛及美國安格斯牛板腱和肩胛肉，肉質鮮嫩，口感絕佳。除此之外，牛站的蔬菜選擇亦非常豐富，特別是我最愛的冰菜和紫色羽衣甘藍，這些在其他地方少有的選擇，讓我非常滿足。餐後，當然要享受一杯雪糕，牛站提供的häagen-dazs和movenpick任食，讓我在美味的餐點後再添一份甜蜜，真是大滿足！

牛站呢個食4小時的午市火鍋放題真係好抵食，食完呢一餐全日唔使再食嘢，亦好啱一班人一路食一路吹水，嘢飲亦有好多選擇，仲有啤酒、清酒同果汁酒👍🏻👍🏻不過之前試過尖沙咀分店後，都係覺得旺角呢間分店座位比較舒適，食物亦比較新鮮。今次七個人去食，可以揀兩個鍋底，我哋分別揀咗麻辣鍋同埋椰子雞鍋，有一個自助區放咗一樽樽米白色嘅湯底俾你自己拎自己加。麻辣鍋叫咗小辣，似食緊米線的五小辣，而椰子雞鍋的湯底就不過不失啦我哋揀咗最貴的level, 當然就食返其他Level冇得叫嘅澳洲M5和牛同埋特上牛小排，澳洲M5和牛似牛肩胛部位，比較有咬口，而我哋較喜歡牛小排，肥瘦適中，比較腍滑除咗牛肉，仲有海鮮叫，好欣賞佢會將你叫嘅海鮮合併一個拼盤咁上菜，賣相好好，仲有冰墊底保持新鮮，分別有蠔，鮑魚，脆肉鯇同大頭蝦，食食吓唔記得影埋大頭蝦，一剝開個蝦頭啲蝦膏爆曬出嚟😋😋飲品有好多選擇，有自家製嘅奶茶，白桃烏龍茶，洛神花茶……連紙盒裝嘅朱古力奶都有👍🏻啤酒就有順滑嘉士伯，朝日，budweiser…男人們飲得好高興好欣賞佢哋將響鈴，炸腐皮，炸魚皮都放喺暖喺櫃入面，十分窩心

一個價錢食盡靚牛靚海鮮，真係呢度先至有！而家聽講仲全新推出大頭蝦任食，最後仲可以嘆埋高級甜品häagen-dazs仲有埋movenpick 任食，咁多樣嘢$300唔使就食到，可能係全香港最平有大頭蝦任食嘅餐廳，回頭率極高！呢度牛肉款式都好多，例如有美國牛肩胛片、美國安格斯牛板腱、SRF美國極黑和牛，作為牛迷嘅我，呢幾款自然係必食啦，我就最鍾意食肉味爆燈嘅牛板腱，呢度質素高，所以可以兼顧埋嫩滑口感，真心正㗎！海鮮選擇亦10分豐富，例如有爽甜海蝦、沙白、花膠、田雞、脆鯇魚片等等。大頭蝦份量亦都非常大隻，而且肉質爽實鮮甜，估唔到可以食到咁高質咁上等！老公都大贊伊茲班！自助區選擇亦有好多，打邊爐唔少得嘅炸魚皮同埋炸午餐肉，等食前嘅各款前菜，丸類和菜類的款式都多不勝數，例如牛丸、花枝丸、芝心丸、海膽丸，羽衣甘藍、唐生菜、萵筍等等。呢度仲有各款啤酒、清酒任飲、想吃飽喝醉話咁易！最後唔少得食甜品啦，任食哈根大師就是爽！

冬日來襲，當然要食火鍋！旺角牛站長期爆滿，今次去旺角買完衫，想食只能walk in，等足個半鐘，成8點幾先入座！食佢真係要訂位！訂位！訂位！自助區的食物種類和選擇都多，我地點完鍋底和第一輪野食，就去自助區博殺！轉頭鍋底同肉已經上枱，食指大動。龍蝦頭鍋真係大大隻龍蝦，另一邊配麻辣鍋，剛好！其實仲有冬日限定的枝竹羊腩鍋，但心大心細，都係選了龍蝦頭鍋。自助區拎左唔少丸類，米血糕、爆漿海苔丸、珍寶蟹棒、珍寶魚蛋、芋泥包心貢丸等，仲有可愛的福袋。當然唔少得我最愛的海苔響鈴和魚皮，呢兩樣真係牛站必食，好新鮮好香脆！我們揀了$298的SRF美國極黑牛套餐，任食SRF和牛、安格斯牛板腱、美國牛肩胛、巴西牛脷托等！每款肉都好有質素。色水好靚，食落肥美有肉味！SRF和牛板腱最肥美，脂肪紋好靚。牛脷托，爽口彈牙。海鮮則點了魷魚、帆立貝、海參、脆鯇片、墨魚、海蝦。今次的蝦超級大隻，每隻肥美厚肉，有啲仲帶蝦籽，食蝦食得好滿足。麻辣火鍋，當然要配一杯我最愛的珍珠奶茶解辣。雖然仲有好多其他飲品，例如罐裝的啤酒、茶飲、涼茶、自家茶和清酒等，但是珍奶解辣還是我的最愛！食左好多肉之後，最後當然食蔬菜。大大條芥蘭，食得好滿

女店員態度惡劣，貼錢買難受☹️琴日5:15pm左右嚟到walk in,排咗一陣5:33pm嘅時候有禮貌地問一聲幾時會有得入walk in女店員起晒鋼咁鬧客，開頭都唔肯答我，話總之唔知會唔會入到你，照排啦！！？我都係想問聲點安排入walk in,都要被人鬧😓提大家無book位就唔好嚟，佢地唔歡迎walk in客的😓野食就食過好多次，一般放題質素囉自助區就勁遠，拎完野食次次都要經過個扶手電梯大堂行返去坐位區😅不過店員態度咁差真係以後唔會幫襯，邊爐呢個價錢大把其他選擇😤難怪啲人唔留港消費，7:30pm前離座$308加一，4個人食其實都千幾蚊，換嚟咁嘅對待。

明白初一好忙，有好多客人等緊枱。但係幾分鐘嘅走盞時間都唔俾客人，實在有啲不近人情。我哋7:00坐低，8:15已經叫埋單，其實都已經有啲急。因為唔係單單食嘢，大家仲會傾兩句，所以食嘅速度可能比較慢。8:45提醒就快要還枱，我哋已經咋咋臨快食。8:50又過嚟催要還枱，但係明明未夠九點，咁都算。8:58 ，就直接推住架車過嚟，企喺我哋張枱隔離望住我哋話得返2分鐘，叫我哋快啲執嘢走。但係嗰時我哋個嘴都仲咬緊嘢食，筷子仲夾住嚿肉。職員係咁望住我哋叫我哋走啦，快啲走啦，後面仲有好多客人等緊㗎。咁我哋都明嘅，但係係咪可以移開架執污糟嘢嘅車，比大約5分鐘我哋收拾好然後離開？係咪真係緊張到一定要放架車喺我哋張枱隔離，然之後企喺度望住我哋執嘢？同一枱兩個年紀大啲嘅長輩，見到佢咁嘅樣，嚇到即刻將口入邊嘅肉吐返出嚟然之後就執袋走，呢種感覺真係好差。其實個走廊唔係好闊，你放架污糟車喺我哋張枱隔離，我哋想出去又要叫你移開架車先我哋先出到去。來來回回浪費仲多時間。新年流流，之前黎食過飯，都係覺得呢間幾好食，所以先會選擇帶家中長輩再次光臨。結果體驗感咁差，真係好難叫人哋下次再嚟。

上次經過見到創興廣場2樓的「牛站(駅)麻辣火鍋放題」超多人排隊，心郁郁想食，今日終於去食到啦。餐廳環境超大，環境寬敞，2樓成層都係「牛站(駅)麻辣火鍋放題」，最正就係自助餐區位置好大，多人都唔會覺得擠逼。放題有3款放題選擇，第一次食我地食中間價位的level 2 美國極黑和牛片$298（另加一服務費）。湯底有多款選擇，有辣有唔辣，有3款期間限定，今次我地點了金湯花膠雞鍋，味道鮮美，香氣四溢，花膠的口感滑嫩，吸收了湯底的精華，吃起來特別有彈性。肉類款式都幾多選擇，SRF美國極黑和牛片、美國牛肩胛片、美國安格斯牛板鍵、封門柳、豚肉、羊肉，連平時好少放題餐廳都唔會有既田雞腿，其中SRF美國極黑和牛大大片，脂肪相對較少帶有嚼勁；美國牛肩胛片肉質軟嫩適中。海鮮拼盤用上冰陣，可以保持海鮮的新鮮度，有大頭蝦、鮮甜沙白、帆立貝、爽脆墨魚、海螺片等等，各具特色，讓人垂涎欲滴，其中大頭蝦好大隻，蝦肉鮮甜多汁，肉質結實，另外我至愛海螺片好少放題餐廳會有，輕輕烚一烚就食得，口感爽脆。小食有醬爆糍粑、波波腸、芝麻雞翼、竟然連燒乳鴿皇係任食，小食即點即炸，新鮮熱辣辣。餐廳採用QR落單，方便快捷，另外自助區超大，花

之前朋友一直推介牛站，好彩一早上網book 定位，見到超多人等位，人氣非常高企。放題有3款套餐可以選擇，我地簡左中間價位$298既套餐美國極黑和牛片任飲任食放題。火鍋湯底有十多款選擇、我地簡了新推出的金湯花膠雞湯，湯底味道好濃，而且入面仲有大大舊雞和花膠。肉類方面有SRF美國極黑和牛片、美國安格斯牛板鍵、美國牛肩胛片、封門柳、田雞腿、羊肉、豚肉等等，其中美國牛肩胛片口感最軟諗，而SRF美國極黑和牛片大大片，牛味最濃郁帶有嚼勁。海鮮方面有爽脆墨魚、鮮甜沙白、帆立貝、海螺片、大頭蝦，海鮮質素都相當不錯，其中大頭蝦大大隻，而且入面好多膏，爽口彈牙。除了打邊爐之外，以到仲有幾款小食都必食，有波波腸、芝麻雞翼、醬爆糍粑，連燒乳鴿皇都有，小食都好出色。餐廳除了採用QR落單之外，另外自助區有超多火鍋配料、醬料、飲品、甜品、雪糕，最正以到飲品有熱有凍，岩晒唔飲凍飲既朋友仔，以到連酒都係任飲。

天氣轉涼 約朋友去打邊爐就最適合不過🥘揀左SRF美國極黒和牛 2小時任飲任食🥩鴛鴦鍋揀左湯底秘製麻辣同埋金湯花膠雞麻辣湯底惹味過癮 陣陣花椒香🌶️
至於花膠雞湯 比較清甜 雞件同花膠非常足料🐓自助區有多款 冷盤 炸物小食 丸類蔬菜 同埋水果🍢而飲品款式豐富 除左冷炮茶 連自家製珍珠奶茶都有 🧋酒類亦比其他放題餐廳多 有白酒 燒酌等鍾意飲酒嘅朋友絕對唔可以錯過🍻甜品有自家製奶凍蛋糕 仲有雪條 movenpick同haagen dazs🍨 有多款肉類 海鮮 及火鍋配料😆主打嘅SRF美國極黑和牛片 大大塊 牛味濃郁 油花分佈均勻 美國牛肩胛片 油脂豐富 肉質軟嫩美國安格斯牛板腱 脂肪較少 肉質相對有咬口燒乳鴿王 上枱熱辣辣 外皮燒得脆香 嫩滑多汁仲有羊肉 帆立貝 沙白 大頭蝦 魷魚 田雞腿 鴨血等等👍🏻整體評價相當滿足 大有驚喜 性價比高😇

早排同朋友聚會，去左旺角既牛站（駅）打邊爐，真係好開心。呢間火鍋店環境好舒適，啱晒朋友聚會。佢哋嘅湯底選擇多，今次我哋試咗金湯花膠雞鍋，湯底濃郁，一滾起就忍唔住要試下個湯🤭🤭佢啲配料小食野飲有勁多可以任拎，佢個紫菜響鈴好好食，野飲我首推自家製奶茶，好好飲！佢啲肉真係正，肉質嫩滑，入口即化，真係無得彈。仲有好多新鮮嘅海鮮，蝦、貝類、魚全部都好好食。除了肉同海鮮，仲有好多蔬菜同配菜可以搭配，絕對夠晒豐富。牛站（駅）係一間好值得一試嘅火鍋店，無論你係同朋友聚會定家人聚餐，都係一個好選擇。

又去咗打邊爐喇 🤣 之前食過牛站嘅lunch今次就收工嚟食dinner揀咗SRF美國極黑和牛片set1930前離座最平 258再加一但趕唔切 🤓 都係貴少少 298加一未夠6點都已經坐咗8成有沙嗲湯底揀 正正子大大嚿牛骨喺湯底熬煮除咗牛 仲有海鮮食 蝦 帆立貝 海參 沙白 仲有花膠添和牛同牛板腱不停encore和牛油脂分佈平均 牛味最香濃牛板腱都夠嫩滑最特別係有田雞食 唔係度度有 呢個加分清酒梅酒 連生啤都可以自己斟啤酒都好多牌子揀 一定有種啱你口味好勤力不停收碟 👍🏻驚整污糟可以拎一次性圍裙用 🫶 貼心