牛站(駅)麻辣火鍋放題

營業中

休息中

人均$300起｜旺角｜火鍋放題｜牛站火鍋界的戰國時代來了！麻辣火鍋放題已經三足鼎立、百家爭鳴！來到牛站的時候真的崩潰了有誰明白可以任吃海參的快樂呀麻辣鍋湯底是真的讚把這裡新鮮的海鮮輕輕一燙這滋味誰懂呀？脆肉鯇魚片、海蔘、沙白、海蝦和帆立貝沒想到人均298竟然可以吃的到這麼多海鮮牛站的性價比真的不容置疑的！這裡的自助區可真是讓人眼花撩亂呢除了時令水果、人氣小龍蝦、就連像是紫白菜的蔬菜都有欸！當然標配的哈根達斯冰淇淋也是不可缺少的！牛站的肉肉當然不錯吃美國牛肩胛片、封門柳、美國安格斯牛板腱、SRF美國極黑和牛全部都可以吃到爽！最特別的是竟然連牛舌都是任吃的牛站你是要把我養肥吧？🥹趕快把牛站bookmark起來吧！——————為食分界線——————📍 牛站(駅)麻辣火鍋放題 (旺角)旺角彌敦道601號創興廣場2樓人均消費： $300#mariofatfat #foodie #hkfoodie #hkrestaurant #topcitybiteshk #topcitybites #hongkongfood #hk #hongkong #hkfood #hkfoodie #hkblogger

牛站火鍋最近幾出名，所以平日都好多人食。觀塘分店位於亞太中心6樓全層，面積很大。我地選擇2號餐：美國極黑和牛片晚市放題。火鍋湯底有很多種，我地選擇雙拼：椰子雞湯和胡椒豬肚湯。豬肚湯胡椒味好濃郁，椰子雞湯有香濃椰子味，真材實料好滋補。肉類方面，有美國極黑和牛SRF、美國安格斯牛板腱、美國肩胛肉，還有田雞、羊肉等等。牛肉薄切，色澤鮮紅，有牛味。羊都吾錯，田雞肉質好嫩滑。海鮮方面，有墨魚、海蝦、沙白、海參、花膠、魚片、帆立貝等等。海鮮質素都不錯，特別是海蝦，爽口彈牙。蔬菜類我最喜歡羽衣甘藍和荳苗。羽衣甘藍是很 漂亮的紫色，菜葉翠嫩；豆苗亦青嫩。丸類也有很多款，我選擇咗花之丸、牛筋丸、珍寶魚蛋和雲吞，我覺得雲吞比較好味。餐廳還有其他熟食小食，芝麻雞翼很香脆可口。雪糕有杯裝雪糕，還有軟雪糕機呢！飲品方面，除左有一般茶飲汽水，還有日本酒，而且有珍珠奶茶！還有當歸湯供客人飲用，味道濃郁，很滋補。

上次食過呢間火鍋放題店喺觀塘嘅分店，原來旺角都有佢嘅分店，約朋友嚟食飯就更加方便啦😍 我哋今次叫咗2號餐，SRF美國極黑和牛套餐 。天氣開始轉涼，所以叫咗兩款冬日暖身嘅湯底，枝竹羊腩鍋同胡椒豬肚鍋 。胡椒湯真係足料，羊腩鍋又真係有幾嚿羊腩，食完個人更加暖笠笠🐑作為食肉獸，就梗係要狂叫唔同嘅肉啦，呢度每碟有大約2-3片肉類，方便大家預份量😙呢個級別嘅餐先有嘅SRF美國極黑和牛片、美國安格斯牛板腱同封門柳當然係我嘅主打啦 。除咗肉都有海鮮嘅選擇，例如帆立貝、鮮甜海蝦同爽脆墨魚 🦑 而其他火鍋配料就可以落單或者喺出面自助吧攞。特別要提吓小食嘅部分，火鍋放題都有得食乳鴿王同芝麻雞翼，兩款都炸得外皮好脆，但係都會有好多肉汁，每次嚟都會叫返幾隻嚟食 。最鍾意呢度唔使加錢都有啤酒任飲，有我最鍾意嘅日本品牌🍻而甜品嘅雪糕雪條任食之餘，甜品櫃仲有好多款一杯杯嘅甜品仔🤩 真係夠晒多選擇，唔似得出面坊間某啲火鍋放題限一杯雪糕咁孤寒 。呢間火鍋放題真係值得一試再試，不過大家記得book檯，上次7點嚟到等walk in，要去到9點半先有位啊 。

之前同朋友慶祝生日，我就推介佢去旺角呢間牛站度打邊爐，今次我哋就揀咗椰子雞湯底，椰子味道非常突出，喺烚牛肉嘅時候，椰子嘅甜味都會滲入去牛肉入面牛肉最鍾意係美國極黑和牛，唔會太過肥膩，但係又有油脂，食多多都唔會滯蔬菜方面都有好多選擇，但我哋都覺得最高質嘅係羽衣甘藍，比較甜今次試咗黑糖糍粑，覺得都幾好味煙煙韌韌，入面有流心嘅黑糖醬去到牛站就記得一定要試佢哋嘅珍珠奶茶，茶味係夠晒香，而朋友試港式奶茶都覺得唔錯雪糕都係有Häagen-Dazs ､coco berry等，前者有馬卡龍兩款口味，味道都算新奇

天氣開始轉涼，真係會好想打邊爐😎 呢日同朋友約咗嚟旺角烚吓烚吓，朋友揀咗呢間人氣高企嘅火鍋店😙 我哋嗌咗SRF美國極黑和牛套餐 。鍋底湯底都有10款以上可以選擇，我哋揀咗期間限定嘅枝竹羊腩鍋同埋胡椒豬肚鍋🥰 兩款都勁足料，入面真係有羊腩同埋豬肚㗎。肉類呢個套餐都有好多肉類選擇，豬牛羊雞全部都有，特別鍾意佢嘅SRF美國極黑和牛片同埋羊肉片😍 兩款都好高質，我哋都返叫咗好多次。海鮮我鍾意食嘅海鮮其實唔多，呢度有嘅款式都滿足到我，有爽脆墨魚、帆立貝同埋鮮甜海蝦🦐 海蝦肉質彈牙。火鍋配料可以用QR code落單，或者去自助區嗰度自己揀😗 QR code落單方面我推介大家嗌手包蝦肉雲吞，入面嘅餡好足料🥟 仲有台北鴨血同埋鮮雞子嗌㗎。整體嚟講呢度嘅火鍋配料都好新鮮，仲有多款丸類及蔬菜可以選擇😆小食呢度嘅小食超級正，乳鴿王同芝麻雞翼都炸得金黃香脆，仲有波波腸同醬爆糍粑都幾好，啲食物未淥熟嘅時候就可以食呢啲 😂自助吧有冷盤區、飲品、甜品同各配火鍋配料，例如菜同丸類 ，全部都放得幾整潔㗎😎呢間旺角店真係好多食客幫襯，但係上菜速度都快，冇漏單，店員都好快就收碟，服務唔錯😌

近排天氣凍咗好多，梗係去打邊爐啦，個friend話打邊爐想去食放題，因為佢係牛魔王，咁我諗一諗咁就一於book位去牛站食啦，真係好彩有book位，平日中午座無虛席，門口仲有大把人等緊Walk in入去 ～我哋一坐低就選擇咗沙嗲湯底，牛站嘅火鍋配料，真係多到數都數唔晒，飲品又多選擇、甜品又多選擇，我個friend牛魔王一見到可以任食；巴西牛脷托、美國牛肩胛片、美國特級肩胛肉、封門柳、美國安格斯牛板腱，佢勁開心囉，仲叫咗好多，食足四個鐘頭，爽到爆！

天氣開始轉凉，緊係去打邊爐啦，為咗可以食得盡興，飲得痛快，我地揀咗任飲任食既牛站(駅)，正啊，哈哈哈哈餐廳好大，環境簡潔舒服，仲有林林總總的食物陳列出黎，如丸類，菇類，菜類，甜品，雪糕，飲品等任君選擇，總有一款會啱你口味！肉類推薦：美國安格斯牛皮腱，牛味重又軟腍。美國極黑和牛尸SRF，牛味濃且肉質鮮嫩。西班牙豬五花片肥瘦均勻，爽而不膩！海鮮類：海蝦，帆立貝 (因為各人不太好海鮮，所以無試晒咁多款)熟食類：乳鴿，值得一試，外脆內嫩。麻辣小龍蝦，呢個麻辣醬汁真心超正，再配上小龍蝦，配上啤酒無得彈！總括黎講，120分鐘任飲任食，300蚊左右，真心值！如果係戰鬥力强既朋友，真心唔好錯過，哈哈哈

🐮 晚市120分鐘放題大滿足舞朋友的聚會總是離不開火鍋放題！牛站不少食材由台灣直送，小龍蝦、糍粑、蔬菜、丸類、甜品、清酒和梅酒等都可任飲任食2小時，餐廳更提供圍裙，非常貼心。晚市「特上牛小排」套餐成人每位$308起，性價比極高。🥘 湯底多款湯底任選，推薦必試招牌「牛駅秘製麻辣鍋」，湯底材料由四川直送，湯底濃郁，麻辣鮮香，辣度十足，嗜辣必點。鴛鴦湯底拼了滋補豬筒骨鍋，湯底奶白，味道滋潤濃郁。📱 QR code 下單類別：肉類牛、豬、雞、羊及海鮮樣樣齊。每款材料都新鮮，個人心水推介 :🐮 特上牛小排、🐮 美國牛肩胛片、🐷西班牙五花片、🐏澳洲羊肉片✨ 美顏花膠、鮑魚、海參、海蝦、沙白、燒乳鴿皇、鴨血…✨ 紅糖糍粑- 外層酥脆，內裡軟糯，內有紅糖醬，驚喜之作🥗 自助區 (熟食、醬料、蔬菜、丸類、飲品及甜品)醬料：店中有十多款醬料供自家混醬，可混出個人最獨特口味。蔬菜豆制品類 : 有生菜、冰菜、粟米、蓮藕、淮山、花生苗等。🍡 丸類及主食類：多款丸類及炸響鈴/魚皮及麵食選擇，必定能讓你飽著離開。🦞 熟食/前菜/水果：麻辣小龍蝦、魯肉飯、枝豆、螺肉應有盡有，水果更有時令的柿子，誠意十足。🍶 飲品：除

最近凍凍地❄，又係打邊爐嘅季節!!同朋友聚餐，不約而同選擇了旺角的【牛站(駅)麻辣火鍋放題】🤣~⁡⁡⁡⁡餐廳位於創興廣場，交通方便易達👍🏻~ ⁡⁡⁡⁡🏠⁡環境以木系色調為主，燈光柔和，氣氛輕鬆，寬敞舒適。⁡⁡⁡揀左鴛鴦鍋⁡⁡🤩⁡🍅香濃蕃茄豬骨鍋色澤鮮紅，帶有蕃茄的濃郁香氣😍~🐔清甜椰子雞鍋⁡⁡⁡⁡清澈湯底帶有滿滿椰子香氣🥥，清甜滋潤繼續選擇2️⃣號餐⁡【SRF美國極黑和牛套餐⁡⁡】⁡🥓SRF美國極黑和牛片⁡⁡⁡厚薄均勻，有細緻油花🤩，肉色鮮紅，入口軟嫩，濃香牛味有脂香😋~⁡⁡⁡一定要Encore🤩💯🥓美國牛肩胛片質素不錯，脂肪分佈平均，入口濃郁香氣!!🦐海鮮配料亦有不少選擇最愛沙白及鯇魚片🐟🐚沙白大粒無沙鮮甜~鯇魚片薄切柔軟彈牙👍🏻，有鮮味!!🐦乳鴿皇⁡金黃脆皮，肉質細嫩多汁入味🤤~⁡⁡🥬🥦🥒自助火鍋配料區⁡大推superfood羽衣甘藍、冰菜及豆苗😍每款蔬菜都乾淨新鮮，正~🐧企鵝丸及心形鱈魚豆腐超可愛樣貌🥰，打卡首選!!!⁡🍊小食生果區⁡⁡⁡⁡多款涼拌小食中，涼拌魚皮及林柿好好味呢😋!!!🍻飲料區⁡⁡⁡最愛都係白桃烏龍茶⁡⁡🍵⁡茶味🍑桃味均有，互相輝映。⁡⁡⁡⁡🧋港式奶茶⁡🆕️新品茶香濃厚

牛肉質素差，已經食最高lv餐，牛肉只有牛小排尚可，其他好鞋，小食選擇多，但打邊爐主角牛肉唔得，令人失望，唔會再有下次。另外，旺角店大部分都係講普通話的店員，期間又成日用手推車撞過嚟，員工訓練不合格。

朋友話想打邊爐，第一時間就唸起牛站，因為肉類品種夠多，而且質素高。旺角呢間仲要新裝修，地方光猛乾淨又闊落。湯底揀左牛駅秘製 麻辣鍋，bb辣越煮越入味，辣得好過癮，而且麻香味夠重。美國特級肩胛肉眼，安格斯牛板腱，極黑和牛片等，全部油花都好靚，食落牛肉味夠濃郁。而且連封門柳都有，呢個部位比較罕有，仲唔到放題都有得食到。出面仲有好多開胃前菜，魚皮好香花椒味，大推。丸類如貢丸，牛筋丸同大魚蛋都值得推介，彈牙得黎又食到食材本身的鮮味。另外仲有好多雪糕，雪條，甜品等選擇，連酒精飲品種類都好多，所以朋友同我都食得勁滿足。

我哋喺網上已經預約咗當日夜晚嘅放題，並要求安排BB坐嘅位置。去到後，門口職員安排咗一個位置，然後入座。入座後，發現根本放唔到BB凳。然後同個門口職員講返，佢話冇位調（但係現場睇有好多張空枱，佢根本就係唔想調嫌麻煩），叫我哋拎walk in 飛。再等吓一批已經訂咗嘅客人入晒座之後先再等叫飛。咁樣嘅話唔使book位啦，仲要好唔耐煩又黑晒面，係門口個counter 位發我哋脾氣。食過咁多次，今次真係接受唔到個staff自己做漏，仲要發個客脾氣。

牛站回頭率極高！見天氣涼涼地又係時候打邊爐！湯底好多款，今次揀咗沙嗲湯，花生咪濃，打邊爐之餘仲可以整沙嗲牛麵😂揀咗美國極黑和牛套餐，食美國安格斯牛板鍵、美國極黑和牛、羊肉等！黑和牛肉質柔嫩又juicy, 而油花分佈均勻，唔會過肥或瘦，口感極好！牛板鍵口感滑順帶嚼勁，而牛味香濃。海鮮有海蝦、蜆的，蜆大粒又飽滿！值得encore! 除咗肉外，講到必食係乳鴿，仲要係任食口感鮮嫩帶油香😂出面自助區有好多款丸、炸響玲的，另外仲有滷肉飯😂真係好豐富~飲品同雪櫃款式都超多 ,真係食足120 分鐘勁飽咁走！

❣︎牛站❣︎麻辣火鍋放題真係港人至愛😍今次來到旺角分店，呢到地方超大😲仲好貼心為人客安排左個等候區域仲有得座，設計得好靚🤗打卡一流👍🏻今日來食佢嘅SRF美國極黑和牛片餐$298一位咋😍真係超抵👍🏻食物種類超多，多到唔知由邊到開始食好😂自助區域有熱食，冷盤，雪糕，甜品，冷熱飲品等等⋯⋯應有盡有😋而肉類，海鮮，鍋底等等就係QR Code落單，今日平日都不停有人等位，成個場full晒😀🫶🏻超厲害👍🏻💁🏻‍♀️❣︎怡怡推介以下必食之選❣︎❣︎清甜椰子雞鍋❣︎湯底超清甜濃郁😋湯底配料十足👍🏻火鍋配料唔使沾醬汁都相當夠味。❣︎美國安格斯牛板腱❣︎濃郁帶有牛香😋👍🏻放題有呢種質素算相當好。❣︎海參❣︎海參唔係度度放題有架😀szie適中，爽口軟滑👍🏻❣︎田雞❣︎竟然有田雞😍入口超柔軟👍🏻❣︎醬爆糍粑❣︎口感酥脆軟糯，煙煙韌韌😋👍🏻❣︎Mega雪條❣︎🧏🏻‍♀️每次食放題，我都一定留返個肚來食一支雪條，因為呢個都係回本之選😛

而家天氣涼左，我呢個邊爐怪真係可以日日火鍋都唔會厭😂同老公去咗呢間長期人氣高企的火鍋放題，平日午市都一樣好多人，環境好大，座位都坐得舒服。平日午市放題 $168起 至$308/ 位， 4 小時任飲任食，套餐價錢豐儉由人，我哋就揀咗$218/ 位「美國極黑和牛片餐」。自助區乾淨企理，可以自取：🔹多款醬料供應🔹小食前菜、水果🔹蔬菜、丸類、餃子、麵等火鍋配料🔹多款飲品、啤酒、淸酒梅酒🔹各式甜品🔹雪糕雪條而肉類/海鮮就用QR code落單 ， 落單後上菜好快亦冇漏單，食物種類選擇超多。湯底都有好多選擇，揀咗⭐️清甜椰子雞鍋⭐️，有好多鮮椰子肉、雞件、杞子等，飲落好清甜滋潤。牛肉、豬肉質素都好好，特別鍾意牛肩胛肉眼，灼幾秒就食得，肉質嫩滑牛味濃，前菜小食特別鍾意涼拌魚皮同麻辣雞軟骨，整體食物質素水準高，種類選擇亦好多。記得記得留肚食甜品、雪糕，Häagen-Dazs 雪糕都係任食，真係食到好飽好滿足！