牛站(駅)麻辣火鍋放題

營業中

休息中

牛站的放題火鍋主打高性價比，最吸引的是大頭蝦、燒乳鴿皇和Häagen-Dazs雪糕任食，絕對是海鮮和肉食愛好者的天堂。 香濃蕃茄豬骨鍋湯底酸甜開胃，蕃茄味濃郁自然，搭配豬骨熬製的醇厚感，涮海鮮和肉類都能提鮮，尤其適合搭配海鮮類食材肉類方面，SRF美國極黑和牛片油脂分布均勻，入口即化～澳洲M5和牛肉質細嫩，牛小排則嚼勁十足，肉味濃郁。海鮮是亮點，大頭蝦大隻，新鮮彈牙，蝦膏豐腴，每次加單都迅速補上。鮑魚新鮮彈牙,可以任點任食！帆立貝都好大粒，生蠔飽滿多汁，好鮮甜。 鮮甜沙白無沙且鮮味突出！火鍋配料，手打蝦滑真材實料，蝦肉顆粒明顯；台北鴨血也值得一試，吸飽湯汁後口感更佳。最正係呢度連燒乳鴿皇都有，想點幾多都得！外皮酥脆，肉質緊實～甜品、飲品、熟食任揀任食！熟食區麻辣小龍蝦夠晒惹味，蝦肉鮮甜吸滿醬汁。脆皮燒豬外皮香脆。當然不能錯過Häagen-Dazs雪糕任食，仲有我哋最愛嘅冧酒提子味道！甜品區有芝士蛋糕，榴槤糯米糍，仲有各式慕斯同布甸。飲品方面除咗基本汽水，仲有啤酒同珍珠奶茶飲，珍珠Q彈奶茶香滑！🍱牛站(駅)麻辣火鍋放題 (尖沙咀)📍尖沙咀加連威老道2-6號愛賓商業大廈1樓102號舖

今晚心思思好想食火鍋，之前食牛站都覺得質素非常之好，好食而且CP值高，今晚又嚟咗再encore🫶🏻湯底方面叫咗麻辣鍋同埋椰子雞鍋，椰子雞鍋清香，麻辣鍋惹味香口，啲牛肉落去朔晒啲精華非常之好食，美國極黑黃牛雪花分明，牛小排牛味都幾突出☺️食咗好多碟另外有特色嘅大頭蝦、乳鴿、Häagen-Dazs雪糕任食，令我呢啲愛蝦之人食到舔舔脷🤪乳鴿方面個皮好香脆，啲肉又夠多汁😝嘢飲方面種類都非常多，但係食得火鍋我就鍾意啲純茶，佢嘅烏龍茶同埋爆打檸檬茶都好好飲😆除咗Häagen-Dazs雪糕之外都有好多甜品同雪糕食🥰餐廳環境非常之闊落，好啱一大班人去聚會，一齊食好西😙

有朋友係大胃王一定擇任食火鍋🥘 限時120分鐘 ！一早打電話訂定位，因為長期爆場 ！！呢度吸引之處就係有平時放題出面勁多嘢拎嘅自助區👏 ✨️冷盤小食✨️ 炸物小食 ✨️熟食有肉燥飯🫢 ✨️生果 ✨️甜品雪糕 ✨️大量飲品 包括清酒啤酒🍻 ✨️火鍋配料 我地擇咗鴛鴦鍋（ 牛站秘製麻辣鍋-中辣 + 清甜椰子雞鍋）× 特上牛小排set，呢個set多啲野食，食咗好多牛同海鮮🤭 仲有乳鴿😆😋甜品有黑糖糍粑，不過覺得偏甜，因為平時出面食嘅糍粑係面頭加黑糖醬，但呢度係流心黑糖醬，太甜～最後當然唔少得食埋王子麵🤭🤭 真心飽😋上菜速度同收碟速度都好快 無計～得120分鐘的確咩都要快！埋單會員有9折添👍

尖沙咀牛駅真係一間好有水準嘅火鍋店，佢哋提供任飲任食嘅服務，實在係食火鍋嘅好去處！我已經多次回訪，無論幾時去都係好驚喜🔥首先，佢哋嘅牛小排肉質超級靚，切得薄薄地，唔油膩，咬落去口感滑溜，牛味香濃🥩仲有唔少海鮮選擇，鮑魚、脆肉鯇、大頭蝦都可以無限添，食到飽真係好滿足！而且，乳鴿都係任食，咁嘅選擇真係唔多見🐦自助區更有小龍蝦，食到咁多款海鮮，真係一個大滿足🦞至於湯底，我選咗蟹黃皇海鮮鍋，味道濃郁，海鮮味十足，令我每一口都好享受🍲飲品方面都唔落人後，有各種選擇，最特別係竟然有珍珠奶茶，真係令我驚訝，火鍋同珍珠奶茶搭埋一齊，真係好有創意🧋總括來講，尖沙咀牛駅真係一個食火鍋嘅好地方，無論係肉質、海鮮定係飲品，選擇多又好味，絕對值得一試！下次食火鍋，記得嚟呢度！✨

想體驗一場麻辣火鍋的極致盛宴？位於尖沙咀的牛駅是你絕對不能錯過的美食聖地！這家餐廳以無限量火鍋聞名，匯聚各式頂級食材與創意菜式，讓你的味蕾在辛香與鮮美中舞動。快來探索這片火鍋樂園的精彩亮點吧！首推的必試菜色是巴西牛舌薄片與美國牛肩胛肉。牛舌切得薄如蟬翼，入口軟嫩，浸在麻辣湯底後香氣四溢；牛肩胛肉則肥美多汁，口感絲滑，讓肉食控愛不釋手。追求奢華享受的你，絕對要試試美國頂級牛眼肉片和SRF特選美國和牛。這兩款高質牛肉選材嚴謹，肉質細膩多汁，每一口都散發濃郁的牛香，令人陶醉。除了牛肉，餐廳還提供多款驚喜菜餚。例如魚皮鮮蝦餃和韭菜豬肉餃，外皮晶瑩剔透，內餡鮮香飽滿；還有鮮魷魚片和台式鴨血，入口嫩滑，令人讚嘆。海鮮迷一定會為手工墨魚漿和鮮蝦漿傾心，這兩道菜用新鮮原料打製，口感順滑細膩。而竹筍釀蝦漿更是創意十足，竹筍的清脆與蝦漿的鮮甜完美碰撞。愛吃豬肉的朋友，別錯過西班牙五花腩片和美國豬頸肉片。這些豬肉肥瘦相間，涮煮後鮮嫩多汁，滿足你對美味的所有期待。湯底更是亮點！試試鴛鴦火鍋的辣與不辣雙重享受，藥膳牛骨湯的溫補養生風味，或是龍蝦頭湯底的濃郁海鮮香氣，每款都為火鍋增添獨特層次。總之，尖沙咀的牛駅是

同老公去牛站食火鍋放題，同其他分店一樣平日午市都一樣多人，座位坐得幾舒服。平日午市放題可以任食4 小時，揀咗$308/位「特上牛小排餐」，尖沙咀分店午市仲有小龍蝦食，幾惹味。湯底選了⭐️冬瓜瑤柱豬骨煲⭐️，冬瓜湯啱曬夏天清熱解暑，湯底清甜，無論淥肉類、海鮮等火鍋配料都好夾。海鮮類有生蠔、沙白、鮑魚、海蝦、帆立貝等，海鮮新鮮，生蠔肥美鮮甜，海蝦爽彈，肉類質素亦好高，特別鍾意🔶特上牛小排🔶澳洲M5和牛，肉質嫩滑牛味濃，但係任食海鮮同靚牛肉都抵。🔶燒乳鴿🔶芝麻雞翼 都是必點的。自助區有多款前菜小食，超愛涼拌魚皮、醉豬手😚 仲有好多火鍋配料、飲品、甜品可以自取。最後要食埋雪糕，有häagen-dazs任食，楊枝甘露也不錯。整體食物質素水準高，食到好飽好滿足！

估唔到台式有任食大頭蝦、乳鴿、movenpick同Haagen Dazs雪糕！性價比超級高！我地兩個女仔食2號餐都好夠。🍲之前食過呢度椰子同蟹黃湯底好正，今次食清淡D既冬瓜湯都不錯👍套餐肉類可以揀美國極黑和牛SRF、美國安格斯牛板腱、美國肩胛肉，羊肉。🐂牛肉薄切打邊爐好爽有牛味，而且超大塊。美國極黑和牛片超推薦。牛舌爽脆都推薦。🦐海鮮有好多款，推薦海蝦同沙白，好大隻又鮮甜🤤黑糖糍粑好食。自助區有熟食及醬料，好多丸類蔬菜、水果。飲品櫃包蘿萬有！推薦珍珠奶茶同青檸。

今次叫咗$348最頂級嘅套餐，可以任食多款美國、澳洲靚牛＋鴛鴦鍋雙湯底＋自助Bar，真係牛魔王天堂！🥘 鴛鴦鍋靈魂湯底：椰子雞＋龍蝦頭湯* 椰子雞湯：飲落好清甜，有椰香之餘唔膩口，涮牛肉超啱。* 龍蝦頭湯：濃郁鮮香，真材實料煲出嚟，蝦控一定鍾意。🥩 重點牛肉* 美國牛肩胛片：油花分佈靚，食落有嚼勁但唔韌。* 美國安格斯牛板腱：肉味香濃，輕輕一涮就好嫩滑。* SRF美國極黑和牛片：入口即溶，脂香滿口* 澳洲M5和牛：性價比之選，肉香濃郁，油脂適中。* 特上牛小排：厚切少少，啖啖肉汁🍢 自助Bar3自助區夠齊全，火鍋配料有齊手工丸、餃類、蔬菜、菇菌類；仲有熟食小炒、炸物、涼菜，滿足晒唔同口味。甜品區有新鮮水果、雪糕，連飲品都係任飲，有汽水、茶、甚至果汁。⏱️ 服務 & 環境：店舖乾淨企理，枱與枱之間唔會太逼，服務員態度都幾好，補肉快手。坐得舒服，食足兩個鐘無壓力。

我好少比劣評，成日聽人講呢間好好食，比得上牛x人，一心歡喜嚟試啦，方便大家就揀咗尖沙咀，好彩有得提前訂位唔使等位。嘩，好失望，食物一般！服務更一般，直程係差！我哋食6pm-8pm，店員7:45pm就嚟收枱！係連個煲都收走埋？真係第一次喺香港食任食火鍋咁樣被人趕走，你7:30截單，係俾人食到八點架喎！真心嬲！仲要食完我病咋，無論係食物款式定服務質素，我食過咁多間，呢一間真係。。。。。。

尖沙咀呢度有間放題都好抵食，牛肉款類都多，仲可能係全香港最平有齊大頭蝦，乳鴿，häagen-dazs，movenpick任食嘅火鍋放題！一坐低就叫咗胡椒豬肚湯底，最鍾意胡椒用嚟淥牛肉同埋海鮮，即是提升咗肉類嘅味道層次架！嗱嗱聲order返牛肉先，牛小排、牛肩胛片、美國安格斯牛板腱、SRF美國極黑和牛，呢幾款自然係必食item啦，追求肥美嘅就食和牛，想要肉味爆燈嘅就牛板腱和牛肩胛片，追求口感嫩滑嘅就食牛小排，享受在嘴裏便如雪糕般溶化的美妙口感，！海鮮選擇亦10分豐富，例如有爽甜海蝦、沙白、花膠、田雞、脆鯇魚片等等。當然重點係大頭蝦，食落去肉質爽實鮮甜，隻隻爆膏，真係大滿足呀！自助區選擇有好多，午餐肉同埋炸魚皮自然係打邊爐伴侶，打邊爐前又可以先享受一下前菜，例如醉雞翼尖、螺肉、中華沙律、雲耳，連麻辣小龍蝦都有，仲唔係flex！丸類例如牛丸、貢丸、花枝丸、墨魚丸、芝心丸、海膽丸，仲見到有特大皇帝蟹棒，即時心心眼！呢度仲有清酒任飲、夾糖、咖啡機、軟雪糕機，無論大人同小朋友都可以搵到滿足！

講到時下最高性價比嘅火鍋放題，真係不得不提牛站！佢哋而家嘅火鍋放題，連大頭蝦、乳鴿、häagen-dazs、movenpick全部都係任食，認真誇張！今日我哋揀咗一個比較貴嘅套餐，價錢都只係$348一位，就可以食到油脂分布平均，非常重肉味嘅靚牛肉，同行朋友起碼食咗10碟，輕鬆回本！湯底方面，我哋就揀咗冬瓜瑤柱豬骨鍋🍲，呢個湯底清熱得黎又清甜，都幾唔錯！重點係用呢個湯底嚟淥牛肉，更加可以帶出肉味，正！👍🏻👍🏻雖然我都知道佢哋有唔同嘅肉類海鮮，同埋自助區勁多嘢揀，大家都花多眼亂，但係記住千祈唔好食得太飽！因為佢哋嘅甜品款式都好多樣化，全部都好吸引，包括Häagen-Dazs雪糕任食、多款知名品牌雪條🍦、巴斯克蛋糕🍰、木糠布甸🍮、馬卡龍、楊枝甘露🥭等等，大家記住留返個甜品胃，試多幾款啊～

尖沙咀The ONE對面一到晚餐時間就是一堆人龍在等候入座這間火鍋放題。環境乾淨整齊，出菜有效率、無漏單，服務細心，重點是食物種類多，高質有誠意。無論是牛肉控還是海鮮控，都可以大吃一頓，盡興而歸！晚市120mins火鍋放題 | 特上牛小排套餐 $348一如以往，火鍋放題當然要主攻牛肉！澳洲M5和牛及特上牛小排Re-order多次，每一碟都很靚仔，大大片和牛的肉質十足之餘也很滑嫩，牛小排則帶有更豐富的油香，牛魔王也非常滿足！此外，海鮮也是重點之一，火鍋放題任食大頭蝦，佛心程度完全是意料之外！而且質素絕對見得人，蝦頭下的蝦膏邪惡又誘人。鮑魚、生蠔大隻又新鮮，甚至比坊間單點的火鍋店還高質，多吃幾隻已回本！自助區也很精彩，友人點名大讚這裡的炸魚皮是在火鍋放題店中吃過最脆口的一間，大件又暖烘烘。另外，較特別的還有小龍蝦、台式麻辣魚皮和在香港不常吃得到的台灣水蓮。甜品除了有häagen-dazs雪糕、軟雪糕、cheesecake等，還有正中口味、甜度適中又多料的楊枝甘露，小小一支，炎炎夏日下可以Encore幾回！

作為火鍋愛好者，近期多次光顧牛站後，認為這確實是同價位中性價比最佳的選擇。 **湯底真材實料** 這次選擇了花膠雞湯底，湯中確實可見完整花膠和數顆紅棗。以任食火鍋店標準而言，用料算是相當足。湯頭濃郁，適合在涮肉前先品嘗原味。 **肉類表現突出** SRF和牛是這里的亮點，油脂分布均勻，切得薄透，涮6-8秒即可食用，入口即化。牛舌同樣令人驚喜，厚切但保持爽脆口感，牛味濃郁。相較之下，牛板腱和牛肩胛肉等較瘦部位雖也嫩滑，但不及和牛驚艷。 **海鮮與其他配料** 海鮮選擇包括大頭蝦和海蝦，前者膏香突出，後者肉質彈牙。自助區提供多種蔬菜，特別的是有冰菜、花生苗等較罕見的品種。 **甜品飲料齊全** 甜品區維持一貫水準，提供布甸、大福等約十款選擇。飲料除了常規款式，還有小青檸汁等特色選項。 以人均約300元的價格，能在兩小時內享用如此品質的和牛與海鮮，加上豐富的自助選擇，確實物有所值。對於追求肉質的火鍋愛好者而言，是值得回訪的選擇。

🔥【牛站駅麻辣火鍋 性價比高放題】🌟 必食推薦 🌟✅ **尖沙咀午市獨家**——麻辣小龍蝦、乳鴿任食！其他分店冇㗎～ ✅ Haagen-Dazs + Mövenpick 無限吃，仲有巴斯克蛋糕、木糠布甸！ ✅ 美國極黑和牛SRF油脂香濃，牛魔王朋友狂掃10碟，輕鬆回本！ ✅招牌麻辣湯底 真係值得好爽，仲可以揀辣度，淥烏冬超正！ ✅ 自助區超多料：醉雞翼都有！牛柏葉、丸類、多款蔬菜！ ✅ 熟食區有蟲草雞湯、滷肉飯，仲有珍珠奶茶、生啤任飲記得留肚食甜品！QR Code落單超方便，快約朋友一齊去食

今日又出動去食我嘅火鍋放題 ‘牛駅台式火鍋’，位於尖沙咀加連威老道，非常就腳，啱晒放工去飯敍。有三款套餐加十款種湯底可以選擇，今日揀左特上牛小排套餐($348)，見呢個餐有牡蠣，比隔離枱嘅肥美牡蠣吸引左，另外點左龍蝦頭湯底 (期間限定)，鐘意佢個湯底有海鮮鮮味更加帶起其他食物嘅味道。呢個餐有4款牛肉可以選擇，個人喜好M5和牛及牛板腱，油脂分佈均勻，好有口感。另外就一定系牡蠣啦，新鮮肥美，絕無腥味，重點系無渣，叫幾round已經值回票價海鮮有海蝦，大頭蝦，鮑魚，象拔蚌片，帆立貝等等。。熱食就一定要食即炸乳鴿啦。甜品種類都吾少，楊枝甘露，榴槤布甸都系my favour