牛站(駅)麻辣火鍋放題

營業中

休息中

牛駅真心CP值好高算係我見過嘅放題之中 食材選擇算十分多而且食材質素數一數二最最最誇張就係 可以食足4個鐘12點入場食至4點都得真心可以慢慢品嘗 套餐有4個級別 仲可以跟餐再升級加埋海鮮 見到自助區有小龍蝦🦞仼食 新鮮得黎又過癮而且仲有啤酒🍻仼飲 除咗罐裝 最開心就有得自由斟 有埋draught beer即刻心心眼😍特長牛小排餐勁多野食有A5和牛之餘 仲有勁多好野食上有鮑魚同生蠔🦪至帆立貝大頭蝦 🦐🍤及田鷄腿等仲有男人至愛 鮮雞子 而湯底方便我揀咗牛站秘製麻辣鍋佢比普通嘅麻辣鍋，更有麻香味對食得好辣嘅我嚟講真係超正 但如果食吾到辣就叫小辣好啦

原個椰子雞湯底 開鍋即聞椰青清香，倒入新鮮雞件滾煮，湯頭清甜，雞肉嫩滑帶椰香，單飲已經值回票價！ 多款食材任食任夾！ 小龍蝦任食，蝦殼薄脆、蝦肉彈牙！ 美國極黑和牛、澳洲A5和牛大大塊、特上牛小排、手工墨魚丸、響鈴卷、牛柏葉……全部任食任夾！ 飲品款式多，蜜桃汁好好飲，特別推薦。甜品環節超驚喜Haagen-Dazs曲奇味、Movenpick士多啤梨、焦糖杏仁… 全部獨立杯裝任拎！食完火鍋，來幾杯雪糕，冰火交加超解膩！

朋友果然冇介紹錯！呢間火鍋放題簡直係「抵食界天花板」～午市$168就有交易，我今次衝$308檔位，任食M5和牛、極上牛小排、大頭蝦爆、鮑魚牡蠣帆立貝！鴛鴦鍋+$48超值，蟹皇湯濃郁，椰子雞清甜～ 特別推介～燒乳鴿皇：皮脆肉爆汁，足足食咗6份！ M5和牛及極上牛小排：花紋靚過靚，入口軟嫩有牛肉香！ 海鮮聯盟：大頭蝦爆哂膏、牡蠣肥美，象拔蚌片帆立貝鮮甜甜！ 自助區亦勁癲！麻辣小龍蝦任夾，Haagen-Dazs、Movenpick 都食到～最過分係清酒🍶梅酒任斟，仲有榴槤布甸、泡芙、楊枝甘露等攻陷甜品胃！4個鐘飽到要解褲頭，朋友已約定下週再戰😈 P.S. 記得帶定第二個胃裝甜品！

諗起想食小龍蝦，知道尖沙咀呢間牛駅獨有任食麻辣小龍蝦，就特登安排午餐過嚟食。星期一至五2:00pm後入座仲有八八折，認真抵。小龍蝦可以自己出去拎，拎咗好多次都仲有refill👍🏻除咗麻辣鍋，我就鍾意呢個蟹皇海鮮鍋，大頭蝦同鮑魚都係任叫。食勻咁多款牛肉就牛小排最正。出面啲蔬菜都唔錯，款式都算幾多。飲品仲有港式奶茶、冷泡茶，連生啤都有添。雪糕仲有movenpick及häagen-dazs任食，真開心。

跟放題專家去牛駅$264/pp星期日12:00-16:00 食足四個鐘唔係大喜屋勁點魚生嗰隻鴛鴦湯底揀咗花膠雞湯+龍蝦湯龍蝦頭熬到尾更入味👍🏻Order最推薦：牛舌芯夠嫩，脆肉鯇爽脆，封門柳、羊肉片都掂👍🏻自取推薦：企鵝墨魚丸，呃小朋友系列🤣 一粒粉團但好cute呀煙霧離漫鮮菜櫃（張相冇加effect），紫背菜、花生苗、菠菜都好新鮮特色飲品：芭樂汁、小柑汁都偏甜，推小樽裝楊枝甘露，真材實料甜度啱啱好Hooengarden生啤任斟朋友仔話尖沙咀分店服務最好果然招呼勤快又有留意食客需要抵讚

大頭蝦任食之《牛站(駅)麻辣火鍋放題》抵食又多選擇放題之牛站(駅)麻辣火鍋放題，今次再次光臨，最近大頭蝦可以任食，中意飲啤酒既朋友可以啤酒放題，而且有Asahi飲，蔬菜類有水蓮菜好特別，美國極黑和牛片放題，多款牛肉同食物隨而選擇，湯底亦有多款選擇，揀左焉鴦鍋(清甜椰子雞鍋、秘製麻辣鍋)，椰子雞湯好清甜，秘製麻辣分小、中、大辣，$298 放題套餐，有美國極黑和牛(2款)、手切封門柳、美國安格斯牛版腱、美國牛肩胛片等等，最好食係牛版腱，其他肉類有梅肉片、豬柳片、澳洲羊肉片等，海鮮類有沙白、大頭蝦、水魷魚、日本帆立貝、青口、手打墨魚滑等，沙白非常好食，order左3次，自助區好多食物選擇，有麻辣小龍蝦、魚皮、小青瓜、螺肉、滷肉飯、前菜多款等等，火鍋區多款有丸類、蔬菜，茹類、響鈴、炸魚皮等等，任飲區有珍珠奶茶同台灣飲品，冷泡茶、汽水，仲有啤酒、梅源、清酒可以任飲，總之一定有款岩你食，岩你飲，甜品區有Häagen-Dazs同movenpick任食，甜區櫃有Tiramisu、椰子芒果布甸、3.6牛乳布甸、朱古力蛋糕等等，總括，呢個價錢絕對抵食，而且會食到好飽，晚上好多人，要食既朋友記得book位先

今日又黎食牛站啦！真係食過N次，不過尖沙咀站就好似第一次黎🧐 地點好方便，喺the one附近，地方好大，最緊要自助吧夠大夠多選擇！朋友係好辣人士，我地叫左鴛鴦鍋，麻辣小辣拼龍蝦頭湯😋 龍蝦頭湯一定唔會令你失望，鮮味十足，仲有原隻龍蝦頭👍🏻 麻辣我第一次食，叫左小辣但都好辣啦😂 鐘意刺激嘅你一定要試，辣中帶香，好惹味的🤭牛站出名性價比高，$2xx嘅價錢都有各款海鮮任食，今次有驚喜嘅係而家仲有大頭蝦任食！隻隻大頭蝦都爆膏，淥完勁香，蝦肉爽彈唔會霉，估唔到咁嘅價錢有咁好質素！令一回本item必定係雪糕！有movenpick hasgendaz同好幾款牌子選擇，全部都係任食，我諗牛站應該係全港性價比最高嘅火鍋店🤣 真係停不了嘅一訪再訪😁

牛站真係食肉獸嘅天堂！特上牛小排餐，每人只需$338，仼飲仼食！如果你係牛魔王，呢度真係唔可以錯過。 雙拼鍋$48，選咗花膠雞鍋同沙嗲鍋。花膠雞鍋嘅湯底好清甜，花膠滑滑嘅；沙嗲鍋就香辣，令人食得唔停。海鮮部分真係唔少得！有大大隻嘅牡蠣、鮑魚、帆立貝，特別係大頭蝦，蝦頭有好多膏，仲有象拔蚌同爽口蘭花蚌，唔會令你失望，每樣都好新鮮。SRF美國極黑和牛片、澳洲M5 和牛，必食牛小排，油花靚，牛味濃，安格斯牛板腱同巴西牛脷托都非常好味，真係好滿足！竹笙釀蝦滑同手包蝦肉雲吞都好推介，口感超級好。再加上麻辣小龍蝦，辣味適中，真係好開胃。唔好忘記佢哋有各式各樣嘅蔬菜，特別係冰菜，清脆可口。食完辣嘢，當然要有甜品！呢度有Häagen-Dazs 同 Moven Pick 嘅雪糕，perfect。最後，仲有大量茶飲、啤酒、汽水同清酒任飲，真係超級多選擇！總括來講，牛站真係一個食得開心、飲得痛快嘅地方，無論係朋友聚會定係家庭聚餐，絕對係個好選擇！

尖沙咀牛駅超高CP值！龍蝦頭湯底+美國和牛狂嗑，肉食獸&海鮮控必衝！ ### 🍲 **龍蝦頭湯底：鮮甜到犯規！** 一上桌就被金黃色湯頭驚艷！龍蝦頭熬煮的湯底超濃郁，涮肉前先喝一碗，海洋的鮮甜直衝腦門～煮海鮮更是一絕，完全不用蘸醬！ ### 🥩 **肉食控天堂：和牛+封門柳必點！** 🔸 **美國和牛片**：油花分布超美，涮3秒入口即化，牛香爆發！ 🔸 **封門柳**：肉質軟嫩帶嚼勁，牛味濃厚，個人覺得比安格斯更驚喜～ 🔸 **安格斯牛板腱**：厚度適中，瘦而不柴，健身人士首選！ 🔸 **牛脷托**：爽脆彈牙，涮辣湯底超惹味！ 🔸 **羊肉片**：羶香適中，配自家製沙茶醬超搭！ ### 🦞 **海鮮+手工滑：新鮮度爆表！** ▪️ **小龍蝦**：午市放題竟有這款！肉質飽滿，鮮甜無腥味～ ▪️ **海螺片**：脆嫩爽口，龍蝦湯煮完鮮上加鮮！ ▪️ **蝦滑/鯇魚片**：蝦滑彈牙滿滿蝦肉，鯇魚片無骨超嫩～ ▪️ **墨魚**：新鮮度OK，建議別煮太久！ ### 🍗 **特色單品：花雕雞翼必試！** ▪️ **花雕酒雞翼**：酒香入味，肉質滑嫩，直接吃兩份！ ▪️ **

😻✨我最喜愛之牛站火鍋個個問我有咩好西食！我都會推介牛站！因為一定啱食😎✨識食一定食3號餐😏連啲牛肉正架💗仲有勁Juice嘅生蠔🦪不過性價比高就可以揀1號餐或者2號餐～湯底呢一定要叫鴛鴦湯底💗麻辣一定走唔甩，另外一個最近一定要叫海皇湯底鮮味無比就咁食都勁好味嘅湯底🥰最正嘅係竟然食咩餐都有大頭蝦嘅放題🤟🏻撞正大頭蝦旺季仲有勁多膏㖭😋自助區有超多嘅飲品可以選擇，唔同花款嘅火鍋材料🤞🏻甜品區經常仲有唔同嘅甜品🍧häagen-dazs同movenpick 都係任食！連酒都係任飲😍！唔係講笑😋食過一定讚嘅火鍋店

牛站嘅火鍋放題最近🎊新增咗大頭蝦任食🦐，天氣仲係凍凍地🍲就梗係要來試吓喇！湯底今次揀咗🦞「龍蝦頭鍋」+「蟹皇海鮮鍋」🦀鴛鴦湯底，兩個都鮮味到震！🤩龍蝦頭鍋濃郁到好似飲緊龍蝦湯，蟹皇鍋就充滿😍蟹膏香，作為湯底夠晒味道。牛魔王🤤必嗌當然係佢哋主打嘅🥩「特上牛小排」雪花均勻，涮3秒入口即化，🥢牛脂香十足！🇦🇺澳洲M5和牛肉質嫩滑，🐂又有牛味，食多幾碟都回本啦😂！除咗牛之外，🌊海鮮一樣係咁高質，而且款式🥰多到嚇親人：蠔🦪肥美冇腥味、墨魚🦑又滑又彈牙、沙白鮮甜飽滿，鮑魚同🐟花膠厚身又入味，海參滑溜溜又有少少爽口，😋象拔蚌爽口鮮甜！大頭蝦🦐仲爆曬膏，肉質鮮甜，👍煮完個湯底更加昇華咗添呀！👏絕對係海鮮控嘅天堂啊！配料方便個人😍推介「手打蝦滑」同「竹笙蝦滑」，絕對係必點。尤其係🍄竹笙吸晒湯汁又保留蝦嘅爽彈，🦐勁過癮。鴨血滑溜唔腥，🪿鵝腸爽脆冇異味，處理得夠乾淨😚！自助區💪有大量不同款式嘅飲品🧃，亦有唔少酒精類飲品🍶，不過我就最鍾意佢哋嘅港式奶茶同埋🧋珍珠奶茶啦。甜品櫃入邊嘅🧁甜品款式亦都好多元化，🍮而且賣相又靚又好食。雪糕🍨最正嘅係除咗有 Häagen-Dazs 之外👍，仲有 Movepick 任你食

位於尖沙咀知名品牌火鍋放題，店舖整潔寬敞舒適，座位闊落足夠放滿一枱食物，湯底選擇多，自助區火鍋配料琳瑯滿目，睇見樣樣想食，仲有一排飲品櫃任選，熟食小食雪糕甜品應有盡有，有韓國雪條，🍦雪糕🍧有häagen-dazs及Mövenpick 🍨兩大高檔品牌雪糕任食，每款食一杯都回本。🍧🍨🍦2號餐有🐃🐃🐃美國極黑和牛，牛板腱，封門柳，帆立貝，田雞腿，花膠，海螺片，墨魚，脆鯇魚片等加上自助區幾十款配料的確豐富。🦐🦐🦐大頭蝦任食🦐🦐🦐，可能係全港最平大頭蝦任食火鍋放題，大頭蝦比一般海蝦更爽彈又多膏，任食真係爽。各樣食材方面都有質素，尤其是大頭蝦，大家都不停點不停食，另外自助區啲丸類都好好食，蔬菜亦好新鮮，最緊要大家都食得開心又滿足。🤤😋😋

香港人包括我 最中意就係打邊爐😃今次平日食 已經見到出面大排長龍牛站真係每次去都會有驚喜 永遠都有新item💫今次食特上牛小排套餐 每位HKD338加一任飲任食120分鐘 店員服務非常有禮貌❣️牛小排同澳洲M5和牛 好食就不在話下😋連大頭蝦都係任食 隻隻都勁多膏 蝦肉好彈牙🦐今次食叫左好多隻生蠔🦪鮑魚 沙白成個花膠雞湯煮到好鮮甜💫生蠔淥完仲係大大隻 完全唔腥好鮮甜🤭沙白都無食到有沙 又係好甜呢個價錢食到咁多海鮮 性價比超強👌完場仲有Haagen-Dazs同Mövenpick雪糕任食原來Mövenpick出左椰子味雪糕🥥味道都唔錯幾解膩\(≧▽≦)/

天氣涼涼地，又會想去打邊爐，人少少最啱就係去食火鍋放題。之前有幫襯過牛站觀塘分店，性價比不錯，今次到訪位於尖沙咀嘅分店。聽講餐廳最近推出大頭蝦任食，雪糕方面除咗有häagen-dazs之外，仲加埋movenpick任食，可謂高成本製作。晚市放題有三個餐，分別係美國精選牛、SRF美國極黑和牛片及特上牛小排。成人價錢由$258- $338（星期一至四）。我哋點咗SRF美國極黑和牛片 ( $298一位），120分鐘任點任食。牛肉保持一貫水準，個人特別喜好佢嘅極黑和牛，大大片，牛味濃郁。其他部位例如安格斯牛板腱及牛肩脊質素都相當唔錯。今次專登留肚試下佢嘅大頭蝦，入口鮮甜，肉質彈牙，非常高質。另外佢嘅沙白亦非常大隻，味道鮮甜，要推介比鍾意食海鮮嘅朋友呀。湯底選擇唔少，我哋點咗個海龍皇湯底鍋，勁多海鮮配料，非常足料，味道好正。其中任點任食仲包咗乳鴿，味道都相當有驚喜。另外自助食物區有各式菜類，餃類、丸類、小食、麵食。特別要推介響鈴及炸魚皮，入口非常鬆脆，餐廳特別放入專櫃，確保食物質素。飲品及甜品區選擇相當之多，雪糕方面有häagen-dazs及movenpick任食，真係非常邪惡，飲品有啤酒、冷泡

特上牛小排120分鐘放題套餐 $298-放假梗係去食好嘢啦！牛駅火鍋放題嘅「特上牛小排120分鐘放題套餐」$298，價錢實惠之餘，選擇又多。牛小排油花靚靚，煮完入口即化，簡直係療癒味蕾嘅一刻。仲有鮮甜沙白、脆鯇魚片、牡蠣、大頭蝦等海鮮新鮮到好似啱啱打撈返嚟，再配埋海鮮湯，特別啱鍾意海鮮嘅朋友！自助火鍋配料更加係選擇超多，由經典豆腐到手打丸，任你配搭得心應手。食到最後仲可以任食Movenpick雪糕，甜品控一定鐘意，令整個晚餐畫上完美句號。總括嚟講，牛駅火鍋真係性價比高嘅好去處，氣氛輕鬆又有質素。